నీకొక నిజం చెప్పాలని.. Neekoka Nijam Cheppalani

అన్నీ నీవే!

29-12-04

అంబరం, అర్ణవం,

అగాథం, అమేయం,

అనుభూతి, ఆనందం,

అనుభవం, అభిమానం,

పులకించే పూరేకుల

బహుమానం పరిమళం,

ఆకాశాపు సాగరాన

విరిసే బహుతారాపుష్పం,

ఉరికే ప్రతి జలపాతం,

కురిసే స్వాతి ముత్యాల వర్షం,

పసిపాపల చిరుదరహాసం,

వేణువులో గాలూచే ధ్వని,

అలలై ఎగసే కోరికలు,

రెక్కలొచ్చి ఎగిరే చూపులు,

పలికే ప్రతి వేదాంతం,

వ్రాసే నా ప్రతి వాక్యం,

రోగం, భోగం,

దప్పిక, దాహం,

మెదిలే ఊసులు,

చేసిన బాసలు,

నా వాక్కు, నా చలనం,

నా మనస్సు, నా కవనం,

భేదాలు, బాధలు,

శోకాలు, లోకాలు,

ఆపేక్ష, ఆరాటం,

తేజస్సు, అంధకారం,

వ్యసనం, హసనం,

నడత, మమత,

ప్రేమ, పాశం,

స్నేహం, మోహం,

ఓటమి, దైన్యం,

గెలుపు, మోక్షం,

తెలిసినది, తెలియనిది,

ఆలోచన, ఆవేశం,

దైవత్వం, వ్యక్తిత్వం,

భావం, జీవం,

మరణం, జీవితం,

అన్నిటా నీ ప్రమేయం,

అన్నిటా నీ ప్రభావం,

అన్నిటా నీ దివ్యరూప సాక్షాత్కారం.

నీవు లేని సృష్టి లేదు.

సృష్టి లేనిది నీవు లేవు.

నీవు లేక, సృష్టి లేక

నేను లేను, కవిత లేదు.

ఆహ్వానం

13-06-05

ఒంటరితనం ఊడలమఱ్ఱి

దాపున తలదాల్చుకు

కార్చిన నా కన్నీటి కాటుక చీకట్లు

కరిగి, పొంగి, పారిపాడిన

వ్యథానివేశం, వ్యర్థవిలాపం.

నిదురలోనూ నిముషమైనా

నీకు నీడై బ్రతుకుదామని

కలలనన్నీ కనులమీద

పోగుచేసుకు ఆదమరిస్తే

ఊహనైననూ నీ రూపం

సముద్రానికి ఆవలి తీరం.

మెలకువలో..

గుప్పిట నా ప్రాణాన్నీ,

గుండెల్లో నీ రూపాన్నీ పెట్టుకుని

పూజించి, ప్రేమించి, రోదించి