Die vampiere van Londen
()
About this ebook
François Bloemhof
François Bloemhof is die skrywer van meer as 40 boeke vir die volwasse, tiener- en jeugmarkte. Hy is meermalig in elke kategorie bekroon. Hy is ’n vryskut-taalpraktisyn asook -kopieskrywer, -resensent en -joernalis. François was ook al verhaleredakteur vir Sarie en boekeredakteur by Die Burger. Hy woon in Durbanville.
Read more from François Bloemhof
Die Speletjie Rating: 5 out of 5 stars5/5Die Waterding: Rillers Rating: 0 out of 5 stars0 ratings
Related to Die vampiere van Londen
Related ebooks
Donkerwoud Rating: 0 out of 5 stars0 ratingsMoord in die beloofde land Rating: 0 out of 5 stars0 ratingsPiekniek by Hangklip Rating: 0 out of 5 stars0 ratingsDie Jongste Meisie in Maasdorpskool Rating: 4 out of 5 stars4/5Krake Rating: 0 out of 5 stars0 ratingsByna liefde Rating: 0 out of 5 stars0 ratingsSaartjie se vakansie (#2) Rating: 0 out of 5 stars0 ratingsSaartjie Omnibus 4 Rating: 5 out of 5 stars5/5Emma en die creepy komplot Rating: 0 out of 5 stars0 ratingsEen nag en 'n bietjie Rating: 0 out of 5 stars0 ratingsErfgenaam vir Groenvlei Rating: 1 out of 5 stars1/5Branderjaer Rating: 0 out of 5 stars0 ratings'n Baie lang brief aan my dogter Rating: 5 out of 5 stars5/5Tamatiestraat Rating: 4 out of 5 stars4/5Sirkus Rating: 0 out of 5 stars0 ratingsDie Meisies van Maasdorp Rating: 4 out of 5 stars4/5Raaiselster Rating: 0 out of 5 stars0 ratings'n Klein lewe Rating: 0 out of 5 stars0 ratingsDie van der Merwes van Diepkloof Rating: 0 out of 5 stars0 ratingsPolvyntjie se Ridder Rating: 0 out of 5 stars0 ratingsSkarlaken Rating: 4 out of 5 stars4/5Tussen heinings Rating: 0 out of 5 stars0 ratingsElf dae in Parys Rating: 0 out of 5 stars0 ratingsMet ander woorde Rating: 4 out of 5 stars4/5Hospitaaltyd: Rillers 7 Rating: 1 out of 5 stars1/5Rillers 4: Ou Langklou Rating: 1 out of 5 stars1/5Die vierde stem Rating: 0 out of 5 stars0 ratingsSnak Rating: 0 out of 5 stars0 ratingsRillers 6: Kamer 13 Rating: 0 out of 5 stars0 ratingsDie Poort 3: Helers Rating: 5 out of 5 stars5/5
Reviews for Die vampiere van Londen
0 ratings0 reviews
Book preview
Die vampiere van Londen - François Bloemhof
Die vampiere van
Londen
François Bloemhof
H%26R%20Logo%20EA.tiffHuman & Rousseau
Ek is mal oor Londen.
Minder mal oor vampiere
F. B.
1
Op pad na Londen
Komaan, ons gaan laat wees!
roep Ken.
Sy pa en ma staan voor die groot elektroniese bord wat wys by watter toonbank hulle moet aanmeld. Die tweeling, Rohan en Eljo, staan met groot oë weerskante van Ken en vergaap hulle aan alles wat rondom hulle aangaan. Hulle was nog nooit op so ’n groot lughawe nie.
Hulle pa kry die nommer van die toonbank op die bord en hulle gaan soontoe om hulle bagasie in te weeg.
Ken voel half bekommerd toe hy sy tas op die band sien weggly. Dit sal die eerste keer wees dat hy op ’n vliegtuig is.
Sy hart klop vinniger. Hy wou nog altyd Londen toe gaan, hoekom weet hy nie. En om boonop sy verjaarsdag daar te kan hê! Is dit nie cool nie?
Die laaste paar dae het Ken vir die soveelste keer na foto’s op die internet gekyk. Hy’t al ’n goeie idee hoe die stad lyk. Ou geboue. Mis in die nag tot laat in die oggend. Baie verkeer. Tog, toe hy na die foto’s gekyk het, het dit half bekend gevoel …
Met hulle handbagasie en instapkaarte moet hulle nog eers deur sekuriteit en dan deur paspoortbeheer gaan.
Toe hulle uiteindelik aan die ander kant is, sê hulle ma: Daar is nog genoeg tyd, ek is darem nou al so lus vir iets om te drink. Hierdie lang toue en die gemaal van mense het my skoon dors gemaak.
Toe hulle einde ten laaste deur die malende mense by ’n tafeltjie uitkom, vra hulle ma: Wat gaan julle drink?
Koffie vir my, dankie,
sê hulle pa.
Ken en die tweeling bestel Coke en hulle pa twee koffies vir hom en hulle ma.
Voor hulle bestelling kom, knap hulle ma gou haar grimering op terwyl sy in ’n handspieëltjie kyk.
Ken sit langs haar en vir ’n breukdeel van ’n sekonde vang sy oog, in die kant van die spieëltjie, ’n man agter hulle. Hy lyk vreemd – is baie bleek en baie maer.
Die volgende oomblik sit sy ma die spieëltjie terug in haar handsak.
Ken swaai om. Sy mond gaan oop.
Die man is nie meer daar nie. Het hy hom dit dalk verbeel? Nee, hy het die man tog duidelik gesien, en dit het gelyk asof hy na húlle kyk.
Wat is fout?
vra sy pa toe hy sien hoe Ken na die pilaar agter hulle bly staar. Dit is presies dáár waar die man moes gestaan het.
Ek … Niks.
Dit lyk of jy ’n spook gesien het.
Sy ma glimlag.
So iets …
Die man hét nogal na ’n spook gelyk.
Sy pa grinnik. Drink jou Coke, ons moet nou-nou gaan.
Dan sien jy dalk nie meer spoke nie,
fluister Rohan.
Dan lýk jy ook nie meer soos een nie!
voeg Eljo by.
Die tweeling is die meeste van die tyd verteerbaar, maar daar is tye wanneer hulle Ken se lewe ernstig versuur. Boonop staan hulle die meeste van die tyd saam teen hom. Dis nie aldag maklik om ’n broer en suster te hê wat só eenders is nie!
Soms laat dit hom alleen voel, asof hy in almal se pad is.
Ken sluk vinnig die laaste bietjie Coke.
Hy is aangeneem toe hy baie jonk was – sy ouers het hom vroeg reeds vertel. Dit het al hoe meer gelyk asof hulle nooit eendag self kinders sou kon hê nie. Maar omtrent ’n jaar later was die tweeling daar.
In sy hart weet Ken sy ouers is net so lief vir hom soos vir Rohan en Eljo. Maar soms – al wil hy dit nie erken nie – raak hy jaloers. In almal van hulle se are vloei dieselfde bloed, maar nie in syne nie.
Hulle is ook deur hulle name in ’n hegte eenheid verbind. Sy pa en ma se name is Johannes en Ronel. Toe die tweeling gebore is, het sy ouers met die ro
van Ronel en die han
van Johannes die naam Rohan gemaak – en met die el
van sy ma se naam en die jo
van sy pa s’n die naam Eljo.
Ons moet nou na die uitgang gaan waarvandaan die vliegtuig gaan vertrek,
sê hulle pa, en toe hulle opstaan, loer Ken vinnig oor sy skouer of hy die vreemde man nie dalk gewaar nie. Maar hy’s weg.
Toe hulle by die vliegtuig instap, probeer Ken kyk of die man dalk op die vliegtuig is. Daar is so baie sitplekke en as die man wel daar is, is die kans maar skraal dat hy hom sal sien.
Nee, hy sien niks.
Vir ’n oomblik vergeet Ken van die vreemde man en geniet hy net die lekker bang gevoel om die eerste keer in ’n vliegtuig te wees.
Hulle kry hulle sitplekke en pak die handbagasie bo in die bagasierakke weg. Die tweeling steur hulle min aan wat hulle kaartjies sê en mik albei vir die venster. Eljo is die ratsste en Rohan moet maar tevrede wees met tweede van die venster af.
Dit is in elk geval donker en julle sal nie veel meer as die liggies kan sien nie,
sê hulle pa en begin vroetel met hulle sitplekgordels om vir hulle te wys wat hulle moet doen.
Nie lank nie of die deure word toegemaak. Ken is opgewonde, maar ook bekommerd, want hy kan nie die voorgevoel oor die vreemde man afskud nie. Sy pa het gesê hulle gaan omtrent elf uur lank in die lug wees. Hoe gaan hy al daardie tyd op een plek kan stilsit? Miskien kan hy so ’n bietjie rondloop sodra die vliegtuig op koers is – soos passasiers in flieks doen. Dalk sien hy nog die man.
Ladies and gentlemen, welcome on Global Airways flight 6407 to London,
sê ’n vrouestem oor die interkom.
Sy verduidelik wat gebeur in ’n noodgeval en daar voor demonstreer ’n lugwaardin hoe hulle dan moet optree, maar Ken luister nie juis nie.
Sy pa het in Londen gewoon. Sy ma was van Suid-Afrika en het sy pa in Londen ontmoet. Dit is al wat hy weet van sy regte ouers. Die mense by die plek waar hy aangeneem is, wou niks meer sê