Ingrid Jonker Versamelde Werke
4.5/5
()
About this ebook
Ingrid Jonker se nalatenskap is klein maar betekenisvol, en het ’n groot invloed op die Afrikaanse digkuns en kultuur gehad. In die dekades sedert haar dood het sy ’n kultusfiguur geword, nie net in Suid-Afrika nie, maar ook in Nederland. Van haar gedigte is reeds in meer as twaalf tale vertaal. ’n Versameling gedigte in Engels vertaal deur Jack Cope en William Plomer met die hulp van Laurens van der Post is in Brittanje en Suid-Afrika gepubliseer. In 2007 het ’n nuwe en meer volledige versameling gedigte in Engels verskyn, vertaal deur Antjie Krog en André Brink: Black Butterflies: Selected Poems. Daar is ook reeds verskeie films oor Ingrid Jonker se lewe vrygestel.
Ingrid Jonker
Ingrid Jonker se debuutbundel, Ontvlugting, verskyn in 1956, en die veel bekroonde digbundel Rook en oker in 1963. Ingrid word gegroepeer onder die “Sestigers” waarvan André P. Brink ook deel was. Sy pleeg selfmoord deur op 19 Julie 1965 die see in te loop. Jonker was slegs een en dertig.
Related to Ingrid Jonker Versamelde Werke
Related ebooks
Ingrid Jonker: Versamelde gedigte Rating: 0 out of 5 stars0 ratingsEerste gedigte Rating: 4 out of 5 stars4/5Plunder Rating: 0 out of 5 stars0 ratingsDie Gewildste Afrikaanse gedigte Rating: 0 out of 5 stars0 ratingsHierdie mens Rating: 0 out of 5 stars0 ratingsKaar Rating: 5 out of 5 stars5/5Die boek van toeval en toeverlaat Rating: 3 out of 5 stars3/5Die dao van Daan van der Walt Rating: 4 out of 5 stars4/5Bientang Rating: 3 out of 5 stars3/5Woud van nege en negentig vlerke Rating: 2 out of 5 stars2/5Noudat slapende honde Rating: 5 out of 5 stars5/5Mede-wete Rating: 0 out of 5 stars0 ratings'n Fontein voor ons deur Rating: 3 out of 5 stars3/5Om die gedagte van geel Rating: 0 out of 5 stars0 ratingsVers & vrou: 258 gedigte Rating: 0 out of 5 stars0 ratingsKomas uit 'n bamboesstok Rating: 0 out of 5 stars0 ratings’n Hart is so groot soos ’n vuis Rating: 4 out of 5 stars4/5Die rugkant van die bruid Rating: 0 out of 5 stars0 ratingsVyf-en-veertig skemeraandsange: uit die eenbeendanser se werkruimte Rating: 0 out of 5 stars0 ratingsEk stamel ek sterwe Rating: 0 out of 5 stars0 ratingsLot se vrou Rating: 0 out of 5 stars0 ratingsDie blou van onthou Rating: 3 out of 5 stars3/5Kennis van die aand Rating: 3 out of 5 stars3/5Kelder Rating: 0 out of 5 stars0 ratingsDis koue kos, skat Rating: 5 out of 5 stars5/5Die dinge van ’n kind Rating: 5 out of 5 stars5/5Die ballade van Robbie de Wee en ander verhale Rating: 4 out of 5 stars4/5Die Profeet Rating: 0 out of 5 stars0 ratingsDie binneland in: Nog stories en reise Rating: 0 out of 5 stars0 ratingsdie na-dood: die singende hand se oggendboek-hierinneringe Rating: 0 out of 5 stars0 ratings
Related categories
Reviews for Ingrid Jonker Versamelde Werke
5 ratings0 reviews
Book preview
Ingrid Jonker Versamelde Werke - Ingrid Jonker
INGRID JONKER
Versamelde Werke
DERDE, HERSIENE UITGAWE
HUMAN & ROUSSEAU
ingridDie uitleg van gedigte en afbeeldings in hierdie digitale uitgawe verskil moontlik van dié van die gedrukte uitgawe, afhangende van die instellings op u leestoestel. Die uitleg vertoon optimaal indien die standaardinstelling op u leestoestel gebruik word. Lesers kan egter eksperimenteer met die instellings op hul leestoestel vir verskillende perspektiewe op die gedigte.
Wees jy die pad waarlangs ek weer
kaalvoet oor die dubbeldorings loop
na waar die varing en die varkblom groei
– die gousblom kranse oor die velde knoop
Poësie
ONTVLUGTING
1956
Vir Abr. H. Jonker
Ontvlugting
Uit hierdie Valkenburg het ek ontvlug
en dink my nou in Gordonsbaai terug:
Ek speel met paddavisse in ’n stroom
en kerf swastikas in ’n rooikransboom
Ek is die hond wat op die strande draf
en dom-allenig teen die aandwind blaf
Ek is die seevoël wat verhongerd daal
en dooie nagte opdis as ’n maal
Die god wat jou geskep het uit die wind
sodat my smart in jou volmaaktheid vind:
My lyk lê uitgespoel in wier en gras
op al die plekke waar ons eenmaal was.
Vyf lewens
Met die eerste wit John Collins
is ek ’n kunstenaar uit die renaissance
Jy is die mona lisa van my hart
en ek bekend met ’n da vinci-smart
Ek sien in spieëls ’n karmeliete vader
wat draai en draai en my gedurig nader
Teerheid en tering speel in sy oë saam
dis ek, dis ek, wat in die spieël staan!
Toe loop ek op my tone op ’n draad
’n sierlik, pagel-sirkus akrobaat
Ek spoed die lug in om te voel
die dood hang aan my slingerstoel!
Die voetval wat deur ster-nat strate klink
die maer gelaat wat in bierglase blink
Die man wat hurk in Roelandstraat
wat sterf van honger is my skadu-maat!
Die vyfde Collins maak my nugter
Die papie roer en ek word digter . . .
Graf
Aan Berta
In die aand by Gordonsbaai
het sy kinderlik geraai
waar die lelieblom kan wees
wat haar hart van pyn genees.
In haar soektog raak haar hande
aan die onkruid op die strande
word haar oë sag en blind
waai haar drome in die wind
hurk sy roerloos vasgerank
toegemaak deur wier en sand.
Puberteit
Die kind in my het stil gesterf
verwaarloos, blind en onbederf
in ’n klein poel stadig weggesink
en iewers in die duisternis verdrink
toe jy onwetend soos ’n dier
nog laggend jou fiesta vier.
Jy het nie met die ru gebaar
die dood voorspel of die gevaar
maar in my slaap sien ek klein hande
en snags die wit vuur van jou tande:
Wonder ek sidderend oor en oor
Het jy die kind in my vermoor . . .?
Die skildery
Die lig brand helder in my ateljee
en helderder is ek vanaand geklee:
Hier waar ek nou begin om jou te haat
verf ek ’n spotprent van jou mooi gelaat
Verf ek jou as sirkus-harlekyn
maar sou jou oë dromerig verskyn
As hierdie masker netnou met die dans
verroer en jou nie heeltemal verskans
Sou ek jou uitwerp in die straat
maar in die nanag hierdie ateljee verlaat
Om jou te soek teen duistere rante
verflenter en verwaai na alle kante
Om jou te vind en fluist’rend te bely:
Daar kan geen haat wees tussen jou en my.
Offerande
Die kamer sal verander in ’n woud
waarin ek ronddwaal, stom en koud
Ek sal ’n plekkie uitkies as ’n stand
waarop ek jou as offer sal verbrand
Uit hierdie muwwe duisternis en pyn
sal nie vanaand ’n ander lam verskyn.
Ek sal die altaar bou, die vuur aansteek
Hoe lank gelede het my God gespreek?
Jou woorde en jou liefde sal verstyf
en om my sal jou rookvloek stikkend dryf
En tog, my lam, sal Gods lig eendag skyn
oor hierdie stand en teken van ons pyn.
Man en vrou
By vriende is ons goeie kritici
oor Boesmankuns, Picasso en Medici
maar ons is stil wanneer ons saam
oor skottelgoed en opwaswater staan
Ek word nog van ’n jonger man bewus
wanneer ons smiddags op besoek uit is
Ek wil sy hande en sy mond aanraak
die somer in sy oë sien ontwaak . . .
Maar by die huis gooi ek my lyfband neer
en gaan die kinders in die straat aankeer
En eindelik ontwar ek Sondagnag
die antwoord waarop ek al huiwerend wag
toe ek gelate in jou arms rus –
dat ek noodwendig altyd onbewus
van jou deur alle jare sal moet wees
want ons is een, een liggaam en een gees.
By die Goodwood-tentoonstelling
Hul het my uitgekies en ingetroon
tot hierdie tronk waarin ek woon
waarom hul daagliks, vry nog, gaan
en nie my stom kreet kan verstaan
’n Eerste Prys hang om my nek
maar saans verlang ek halfpad gek
terug na die kudde, weg van hul lof
na die Karoo-veld en die stof
waar ek nog trots teen die aandwind staan
een van die duisende sonder naam,
Sonder die juk van die roem of die dors
en die Eerste Prys op my bors.
Gabriël
Jy daal deur dakke, skoorstene en krotte
en skrik my skielik op uit teruggetrokke
drome, uit die vergeefse en geheime klug
Jy ruk my tot jou dooie liggaam terug.
Ek kon in die vertedering versink
eerdat jy my berekenend vermink
want vroom sing jy vir my ’n sagte lied
maar in jou hande hou jy my verdriet.
Jy is die skaduwee, die nag wat dros
Jy is die spook, jy is die tokkelos!
Jy het vir my gesterf . . .
Jy het vir my gesterf sonder my wete
sodat ek jare met gevoude hande en gebede
en preutse oë op ’n herontmoeting hoop
(nog smiddags angeliere vir die woonstel koop)
en my verbeel ek sien in neon-lig
die wit en blou patroon van jou gesig.
Nou weet ek jy is dood en alle bande
geknip met ’n stomp skêr in sagte hande –
die flenters van ons liefde lê verspot
onbruikbaar, vormloos en sonder God
Nou weet ek jy is dood en al my lof
verminder daagliks oor die gruis en stof.
Die onverkrygbare
Met erkenning aan M.R.
Ek koop ’n rok van crêpe-de-chine
met vingers op die tikmasjien
Met goeie kos en ligte dop
sal iemand gou as vriend ontpop
Met verse oor die graf en stof
koop ek vir my ’n rantsoen lof
Jou liefde kan ek myne noem
met mooimaakgoed en warm soen
Kon ek verkry met geld en spel
die wyster wat die ure tel!
Fragment
Om nege-dertig het ek jou ontmoet
en volgens voorbepaling met die hand gegroet
Wit was die buislig-stilte op die gruis
Geslote in verdriet reeds elke huis.
Die yl gekantel van ’n rafelende wolk
het jou gedagtes soos ’n stem vertolk:
By ons ontmoeting het jy reeds geweet –
Diep in jou oë het jou hart gebreek.
Die waarsegster
"Hier stort ’n bos swart hare uit
die klein kristal waarom jou lewe sluit."
Haar kamer is ’n rooi en swart papawer
Haar vingers dobbel met die boer van klawer.
Haar oë is ’n diep poel wat verys
waarin my lewe strak en klaar verrys:
Sy ken my as die afgetrokke kind
van Gordonsbaai se see en branderwind
Sy ken my in Die Strand en Riversdal
Soos skilderye is my dae uitgestal.
"Ek sal jou sê wat jy moet doen
wanneer die swartkop hom met jou versoen!"
Die vlerkslag van haar bode op sy vlug
keer uit die nagstad na haar terug
Uit hande witgepoeier val
die blink vuur van die klein kristal,
Haar oë het ’n wilde