Kokkedoor: Resepte uit jou gunsteling-TV-reeks
()
About this ebook
Hierdie boek bevat die beste uit die gewilde Kokkedoor-televisiereeks, en gaan oor die kos wat ons lief het: erfeniskos, oumakos, huiskos, hunkerkos, kookkos, verlangkos, lekkervoel-kos.
- Die beste resepte van elke episode, getoets vir die huiskombuis
- Familieresepte vir vleisgeregte, fyngebak, brood, konfyt, piekels, groente, slaai, soetgoed en poedings
- Nuwe idees vir Sondagkos, basaarkos, piekniek, padkos, partytjiekos en braai
- 'n Kykie na die geskiedenis van geregte en waar gebruike vandaan kom
- Goue gunstelinge kry 'n moderne baadjie, sonder om die herinneringe te verloor
In dié versamelaarsboek deel Tannie Poppie haar broodpoeding-resep, Marinda en Mathilda hulle heerlike brandrissie-fudge, Theresa haar skuinskoek en ouma Drieka se onfeilbare skilferkorsdeeg. Die reekswenners Mynhardt en Tiaan deel hulle langtafel-geregte, asook nuwe weergawes van erfenisgeregte soos sagopoeding met suikerglasklokke.
Hier is vandag se kos, gegeur met gister. Om te kokkedoor is om kosmaak te geniet, vriende en familie na die lang tafel te nooi en ure lank te gesels oor gister se dinge en môre se drome.
Errieda du Toit
Errieda du Toit is 'n bekende in koskringe en een van die meesterbreine agter Kokkedoor. Errieda was van die begin af deel van die program, en het die verfilming van die reeks in Prins Albert meegemaak. Saam met die drie gewilde beoordelaars en onder leiding van Human & Rousseau, het Errieda die resepte gekies en aangepas vir die tuiskombuis. Sy het die fyn oog en geoefende oordeel van 'n koskenner en weet wat vereis word van 'n groot kokkedoor! Errieda is 'n gesoute kosmens met 'n passie vir onthoukos. Sy het kooktegnieke – van die basiese tot die gevorderde – bemeester en meng tradisie met hope kreatiwiteit om nostalgiese resepte vir die toekoms te herskep. Haar vorige boeke sluit in die gewilde Huiskok glanskok en MasterChef South Africa: The Cookbook.
Related to Kokkedoor
Related ebooks
Koeke en terte: Aanvaar mekaar se uniekheid Rating: 0 out of 5 stars0 ratingsSuid-Afrikaanse Resepte uit my Ouma se Kombuis Rating: 1 out of 5 stars1/5Isabella Rating: 0 out of 5 stars0 ratingsVader se Sondes Rating: 0 out of 5 stars0 ratings'n Engel in die hoenderhok Rating: 3 out of 5 stars3/5Onthou my Rating: 0 out of 5 stars0 ratingsSaartjie Omnibus 2 Rating: 0 out of 5 stars0 ratingsKyk na my: Herinneringe aan 'n kindertyd Rating: 0 out of 5 stars0 ratingsDie Ding tussen man en vrou Rating: 0 out of 5 stars0 ratingsPapierblomme Rating: 5 out of 5 stars5/5’n Soort van bevryde vrou Rating: 5 out of 5 stars5/5Kosblik Rating: 0 out of 5 stars0 ratingsDie dinge van ’n kind Rating: 5 out of 5 stars5/5'n Klein lewe Rating: 0 out of 5 stars0 ratingsDie ompad terug Rating: 0 out of 5 stars0 ratingsRassie: Stories oor rugby en die lewe Rating: 0 out of 5 stars0 ratingsKaalkop 3 Rating: 0 out of 5 stars0 ratingsTrousseaukis Rating: 0 out of 5 stars0 ratingsOnder die radar: Stories uit ons land Rating: 5 out of 5 stars5/5Ys Rating: 4 out of 5 stars4/5Die besoeker Rating: 0 out of 5 stars0 ratingsToe-Val-Lig: Die beste stories van toeval uit Tjailatyd Rating: 0 out of 5 stars0 ratingsStukkies van die hemel op aarde: Om God in die alledaagse te sien Rating: 0 out of 5 stars0 ratingsBlou Maandag Rating: 0 out of 5 stars0 ratingsNooit is 'n lang, lang tyd Rating: 4 out of 5 stars4/5Anderkant uit: Stories oor trauma en hoop: Stories oor trauma en hoop Rating: 0 out of 5 stars0 ratingsBlinde mol of wyse uil?: Hoe om met integriteit te leef Rating: 0 out of 5 stars0 ratingsDie Neus: 'n Raaiselroman Rating: 0 out of 5 stars0 ratingsStralerjakkers Rating: 5 out of 5 stars5/5Bloedgrond Rating: 0 out of 5 stars0 ratings
Reviews for Kokkedoor
0 ratings0 reviews
Book preview
Kokkedoor - Errieda du Toit
Resepte uit jou gunsteling-TV-reeks
Human & Rousseau
Voorwoord
Karen onthou:
Karen%20Meiring.tifEk en my sussie, Sanet, moes vir skoolredes ses maande lank by Oupa en Ouma op Pennington in Kwazulu-Natal gaan bly. Ouma Hannie was ’n bobaasbakster. Ons moes douvoordag opstaan om of die beskuit te knie, die koeksisters te vleg en te doop in die stroop, piesangbrode of vetkoekies te bak. Of die melktertpappot skoon te eet.
Sy was ’n uitsonderlike mens en het met voëls geboer, van makoue en hoenders tot poue. Die smake van haar ingelegde kerriebone met poupastei, boeregroente en geelrys het so góéd gepas.
Elke Desember het die hele familie bymekaargekom, en veertig siele moes elke dag drie etes kry. Ouma het in Julie al begin voorberei aan die kospotte van Egipte, soos sy dit genoem het. Oupa moes drie weke lank sy motorhuis opoffer vir ’n lang tafel.
Vandag nog is onthoukos vir my verlangkos, vol geure van familie, liefde en samesyn. Warm, veilig en geborge.
Karen Meiring
kykNET-kanaalhoof
Mariëtta onthou:
IMG_568.tifGeure, net soos musiek, bring herinneringe vir my terug. Die reuk van varsgesnyde komkommer is genoeg om my aan my hoërskooldae te laat terugdink. Die nare wiskundeklas was onmiddellik vergete as ek moeg en gaar van die skool af kom en die hele huis na varsgerasperde komkommer ruik.
As ek ouma Kinnear se groenboontjiebredie kook, dink ek aan haar ou groen-en-wit Dover. Ruik ek kwepers, is ek terug in ouma Kruger se koel, donker spens met ingelegde vrugte wat dofweg in die skemerte blink. My pa ruik ek in die soet reuk van sekelboshout in die braaivleisplek.
Mariëtta Kruger
Kokkedoor-aanbieder, radio- en televisie-ikoon
Gesoek en gevind
Kokkedoor:
’n Groot kokkedoor (’n belangrike persoon). Kokkedoor is die verafrikaansing van die Franse coq d’or, die haan van goud
. Goue hane was destyds baie gewild, maar skaars en duur. Net iemand wat baie ryk en gesien was kon dit bekostig. En as jy ’n goue haan kon bekostig, het dit van jou ’n groot kokkedoor gemaak. ’n Beroemde Franse fynproewersrestaurant is ook vernoem na die haan van goud.
Kokkedoorkos:
Vandag se kos, gegeur met gister. Dis ’n werkwoord, ’n versamelnaam, ’n troetelnaam en ’n manier van dink. Om te kokkedoor is om kosmaak te geniet, vriende en familie na die lang tafel te nooi en ure lank te gesels oor gister se dinge en môre se drome.
Om te kokkedoor is om kosmaak te geniet en ure lank te gesels oor gister se dinge en môre se drome.
ONTMOET
Hetta van Deventer-Terblanche
Kokkedoor-beoordelaar, sjef en kosgeskiedeniskenner
IMG_0945grey.tifTannie Myrtle, my peetma, glo tee moet uit ’n mooi koppie gedrink word. Dink ek aan outydse soetkoekies, dan dink ek aan fyn porseleinteekoppies, seevakansies en ’n lekker seergebrande lyf.
Outydse soetkoekies
met Delft-porseleinversiering
Lewer 24 koekies
Koekies
480 g (4 k) koekmeel
2,5 ml (1/2 t) sout
5 ml (1 t) fyn kaneel
5 ml (1 t) fyn kruienaeltjies
5 ml (1 t) fyn gemmer
375 ml (11/2 k) suiker
230 g botter
60 ml (1/4 k) vet
5 ml (1 t) koeksoda
15 ml (1 e) louwarm water
30 ml (2 e) muskadel of soetwyn
1 eier, geklits
Sif die meel, sout en speserye saam en voeg die suiker by. Vryf die botter en vet met die vingerpunte in die meelmengsel.
Los die koeksoda in die louwarm water op en roer die muskadel of soetwyn by. Voeg die koeksodamengsel by die geklitste eier.
Voeg die eiermengsel by die meelmengsel en meng tot ’n stywe deeg vorm. Knie om goed te meng. Laat rus die deeg oornag in die yskas.
Voorverhit die oond tot 200 °C. Smeer bakplate goed.
Rol die deeg tussen 2 lae plastiek tot ’n dikte van 3–5 mm uit. Sny die deeg in 8 cm-vierkante of druk vorms met ’n koekiedrukker uit. Plaas dit op die bakplate en bak 10–15 minute.
Harde versiersel
2 groot eierwitte (60 g)
10 ml (2 t) vars suurlemoensap
750 ml (3 k) versiersuiker, gesif
voedselkleursel
Klits die eierwitte en suurlemoensap saam. Voeg die versiersuiker by en klits tot glad. (Voeg nog versiersuiker by as die mengsel te slap is of bietjie water as dit te styf is.) Plaas dadelik in ’n lugdigte houer want die versiersel word hard as dit aan lug blootgestel word.
Gebruik ’n spuitsak met ’n klein punt en spuit ’n versiersel-raam om die buiterande van die koekies. (Die versiersel moet minder loperig hiervoor wees.) Laat 1 uur lank staan om droog te word.
Voeg ’n bietjie water by die res van die versiersel om dit loperig te maak. Vul die oop dele van die koekies met die versiersel tot teenaan die gespuite raampies. Laat die koekies op ’n gelyke oppervlak staan om droog te word.
Gebruik ’n verfkwas en kleursel om die koekies te verf. Poeierkleursel werk baie goed. (Meng rooi met geel en ’n titseltjie swart vir ’n Delft-blou kleur.)
Nic van Wyk
Kinkelkok-beoordelaar, sjef en meesterbakker
IMG_5698grey.tifOuma Liena se lewer in suursous is bo-aan my onthoukosgunstelinge. Ek maak dit altyd as ek gaan jag, en vir die restaurant maak ek ’n ietwat verfynde weergawe.
Ouma Liena se
lewer in suursous
Lewer 4–6 porsies
Om my ouma se lewer in suursous te maak, het jy sowat 100 g skaap- of beeslewer per eter nodig. Vir dié sousresep gebruik ek 500 g lewer.
Sny dit in dun repies, geur met sout en peper na smaak en braai dan in ’n warm pan tot bruin aan alle kante.
Haal uit die pan en laat eenkant rus tot die sous klaar is. Probeer die versoeking weerstaan om aan die lewer te pik.
Die sous is baie eenvoudig, soos Ouma se kos was. Ek sny 3 groot uie in dun skywe en braai dit stadig in botter en olie tot lekker sag en bruin. Dan voeg ek 125 ml (1/2 k) suiker en 100 ml (2/5 k) asyn by. Ek hou van sjerrieasyn, maar as jy net gewone bruin druiweasyn het, werk dit net so goed. Nou trek ek die sout en peper nader en gooi ook ’n skeutjie Worcestersous by.
Nou gaan die lewer terug in die sous tot deurwarm. Ouma het my geleer die lewer moet gaar wees. Niemand hou van pienk lewer nie.
Nic onthou:
Kleintyd-kuiers by my ma se ouers, oupa Boet en ouma Liena, het ’n diep indruk op my gemaak. Die kos het gesmaak na die seisoen: groot wit mielies met mieliebaarde en waatlemoen in die somer; nartjies en lemoene in die winter.
OUDISIEGEREG
Tiaan Langenegger
Kokkedoor-Kinkelkok-wenner
_D6B4939.tifKokkedoor-D%20106075.tifMosbolletjiepizza
met kerrievis
Lewer 1 groot pizza
Kook en Geniet-Kerrievis
koekmeel
sout en peper
2 kg vismootjies
olie vir vlakbraai
4 uie, in skywe gesny
125 ml (1/2 k) suiker
45 ml (3 e) kerriepoeier
15 ml (1 e) borrie
750 ml (3 k) asyn
125 ml (1/2 k) water
6 suurlemoenblare, gekneus
Geur die meel met sout en peper na smaak en rol die vis in die meel om dit te bedek. Braai die vis in die olie in ’n pan tot gaar en bruin aan albei kante. Plaas dit in ’n glas-, erde- of emaljebak en hou eenkant. (Moenie die vis in ’n metaalbak pak nie want die metaal kan met die asyn reageer en die smaak beïnvloed.)
Meng sout en peper (na smaak) met die uie, suiker, kerriepoeier, borrie, asyn, water en suurlemoenblare in ’n kastrol. Verhit tot kookpunt, verlaag die