Humoristiese Bosveldstories met 'n kinkel.
()
Currently unavailable
Currently unavailable
About this ebook
Daar is baie mense wat met my verskil oor waar dit die lekkerste is om te bly in hierdie mooi en goeie land van ons. Ekself is ’n Bosveldmens, daar gebore, grootgeword en toe verloop omdat die stede ongelukkig baie meer bied as die Suid-Afrikaanse platteland, maar ek dring aan, my as moet in of oor die Bosveld gestrooi word na my dood.
Ja ja, ek hoor julle seemense praat, by die see is dit seker ook lekker, as ’n mens soos ek die ewige geraas van die branders kan vermy. Enne..., waarom weet ek nie, maar vir my is die see ’n plek is wat ongeveer nooit lekker ruik nie. Daar is altyd die ondertone van vis wat sleg geword het of guano wat iewers lê vanweë die miljuisende seevoëls se gemis oor die hele gebied. Ek meen, waar anders doen hulle dan hulle werk? En asof dit nie al is nie, of genoeg is nie, is alles altyd taai en daar is orals daar sand, selfs op jou braaivleis. Dan is daar ook die vervlakste wind wat áltyd-en-ewig waai. Gits, ek het dan al bome gesien wat permanent skeef staan, al waai die wind nie! Dan loop staan en roes jou motorkar ook sommer so binne ’n paar kort jare sommer so voor jou oë weg tot niks.
Nee wat, die sand van die Bosveld, wanneer daar droogte heers, is nie naastenby so klewerig soos seesand nie en wanneer dit nat is, stink dit nie en sit aan alles vas nie. En ja, die Bosveld is wel rof en wild, dit word warm daar, baie warm, veertig grade en meer is merendeels aan die orde van die dag, maar sy nagte is koel en daar is darem altyd ’n koelteboom. En vir wat gaan staan en lol julle mense in elk geval in die koelte as die weervoorspelling sê dit gaan veertig grade raak in die koelte? Nee, ek sê bly weg uit die koelte op sulke dae en geniet die Bosveld vir wat hy is. Daar is in elk geval baie meer te sien, asook om te geniet in die Bosveld as wat die meeste mense dink.
Ander mense glo weer die Kalahari is net die plek. Wel, na my mening is die Kalahari beter as die see want eerstens is hy nie so ver van my af nie en kan jy jou vuur met ordentlike hout maak en daar is ook nie haaie nie, maar ai, hy is darem baie plat hoor. Plat soos in so plat, mens kan met ’n goeie verkyker, op ’n helder dag, teen jou eie agterkop vaskyk. Dan praat ek ook nou nie van die sandduine nie, want sandberge tel nie en die see het ook sand.
Die Bosveld het egter meer bome en koppies en randjies en hier-en-daar is daar is daar jong berge ook en dit breek die platheid. Mens weet gewoonlik ook waar jy met die Bosveld staan. G’n nikse ge-hoogwater en laagwater nie. Nee, in die Bosveld het jy water of jy ry water aan, finish-en-klaar. In die Bosveld is jou water ook brak of dit is vars en as jy langer as ’n week daar bly en sweet, raak jy gewoond aan die brakkigheid van die water.
Hierdie brakkigheid van die water is in elk geval die natuur se manier om die soute wat jy as gevolg van dit wat jy verloor deur te sweet, te vervang. Juis daarom dat die water na ’n tydjie nie meer vir jou brak smaak nie. Maar luister hier julle seemanne wat nou so lekker kry, ek drink liewer brakwater as daai water wat die haaie, walvisse en alle ander visse en seelewe en mense ook, hulle toiletdinge in doen. Dan weet ek vir ’n feit daar is nog ander dinge wat hulle ook in daai water doen. Bowendien sal jy nooit hoor dat een-of-ander laks munisipaliteit hulle rou riool in die Bosveld se brakwater loop staan en mors nie. Nee, hulle laat dit veel eerder in skoon riviere in loop of in strate af. Strue.
Dan is daar nou die klomp wat sweer dat die Kaap net die plek is. Jy weet, daar waar Tafelberg wortel geskiet het en die mense wat daar bly die Ingelse woord “town” met “stad” vertaal het? Dis die wyn wat hulle soontoe trek seg die mense, maar nou het ek al baie gewonder, dis oor daar niks anders is nie dat hulle wyn kweek daar man. Natuurlik moet hulle dit doen om die baie mense daar besig te hou. Met ander woorde, as daar nie so baie mense was nie, was daar ook nie so baie wyn nie.
Desmond Landsberg
Gebore op 'n jong ouderdom toe my ma baie siek was in die hospitaal op Witbank en grootgeword in Lydenburg. Grootgeslaan op 'n plaas in die Bosveld en op 'n keer is daar sewe spantoue binne 'n kort tydjie fyn en vodde-flenters op my geslaan. Dit maar net 'n klein ontploffingjie wat 'n bakoond van byna honderd-en-twintig jaar oud, poer des merdes geskiet het. Sluit by die Suid-Afrikaanse Lugmag aan na skool maar het toe in bemarking gaan spesialiseer. Belangstellings is lees, sport, lees, skryf, lees, reis en lees. Was getroud met Ann en ons het drie pragtige dogters op wie ek baie trots is. Jammer manne, maar hulle is al drie getroud en gelukkig. Eers kort gelede bekeer na 'n Christen na jare van ateïsme. Tans in 'n verhouding met Yvone wat 'n pragmens is.
Related to Humoristiese Bosveldstories met 'n kinkel.
Related ebooks
Regsdraaie: Allegaartjies van my reis in Suider Afrika Rating: 0 out of 5 stars0 ratingsgrond/Santekraam Rating: 0 out of 5 stars0 ratingsBeelde wat nooit vervaag nie Rating: 0 out of 5 stars0 ratingsVerstevlei Rating: 0 out of 5 stars0 ratingsSamba: Reise met reënboë en ritmes Rating: 0 out of 5 stars0 ratingsJOP - Lê nie heeldag net in die bed nie. Rating: 0 out of 5 stars0 ratingsGrondpad Rating: 0 out of 5 stars0 ratingsDit is Verby Rating: 0 out of 5 stars0 ratingsOorleef Skisofrenie Rating: 0 out of 5 stars0 ratingsSwemlesse vir 'n meermin Rating: 0 out of 5 stars0 ratingsHonger reisiger Rating: 0 out of 5 stars0 ratingsDie Volk Rating: 0 out of 5 stars0 ratingsDie Sigeuner Rating: 0 out of 5 stars0 ratingsDie Kalahari: Avontuur tussen woestyn en vloedvlakte Rating: 0 out of 5 stars0 ratingsGrootgeluk Rating: 0 out of 5 stars0 ratingsKleur kom nooit alleen nie Rating: 0 out of 5 stars0 ratingsHuilboek Rating: 0 out of 5 stars0 ratingsDis koue kos, skat Rating: 5 out of 5 stars5/5Groen soos die hemel daarbo Rating: 0 out of 5 stars0 ratingsDuiwelskloof Rating: 4 out of 5 stars4/5In die blou kamp: Facebook-stories Rating: 0 out of 5 stars0 ratingsGenade Onbeskryflik Groot Rating: 0 out of 5 stars0 ratingsRidders van die grondpad: 'n Gids vir avontuur-motorfietse Rating: 0 out of 5 stars0 ratingsDis Net Vel, My Pel! Rating: 0 out of 5 stars0 ratingsWanneer water wyn word Rating: 0 out of 5 stars0 ratingsDie kinders eet viennas, maar 'n man kan nie relax nie Rating: 0 out of 5 stars0 ratingsAgter die Magalies, Deel 1: Oorsig Rating: 0 out of 5 stars0 ratingsKat in die Hoenderhok Rating: 0 out of 5 stars0 ratingsOnder die radar: Stories uit ons land Rating: 5 out of 5 stars5/5Afvoer Rating: 0 out of 5 stars0 ratings
Reviews for Humoristiese Bosveldstories met 'n kinkel.
0 ratings0 reviews