Ընկ. Բ. Փանջունի տարագրության մեջ
()
About this ebook
Related to Ընկ. Բ. Փանջունի տարագրության մեջ
Related ebooks
Գթության քույրեր Rating: 0 out of 5 stars0 ratingsՊատմվածքներ Rating: 0 out of 5 stars0 ratingsԱնբախտ Հռիփսիմե Rating: 0 out of 5 stars0 ratingsԴուբլինցիներ Rating: 0 out of 5 stars0 ratingsԿյանքը հին հռովմեական ճանապարհի վրա Rating: 0 out of 5 stars0 ratingsՄԵԾԱՊԱՏԻՎ ՄՈՒՐԱՑԿԱՆՆԵՐԸ, The Honorable Beggars Rating: 5 out of 5 stars5/5Երկեր և վիպակներ Rating: 0 out of 5 stars0 ratingsՆոյի ագռավ Rating: 5 out of 5 stars5/5Վերք Հայաստանի Rating: 0 out of 5 stars0 ratingsԵրկրորդ կիրակին ներառյալ Rating: 0 out of 5 stars0 ratingsՍիրո ստրուկները Rating: 0 out of 5 stars0 ratingsՊոեմներ, առակներ, հեքիաթներ Rating: 0 out of 5 stars0 ratingsԹուրքի աղջիկը Rating: 0 out of 5 stars0 ratingsԱնմեղ զրույցներ Rating: 0 out of 5 stars0 ratingsՄեծապատիվ Մուրացկաններ Rating: 5 out of 5 stars5/5Պարապ վախտի խաղալիք Rating: 5 out of 5 stars5/5Նոր մարդ Rating: 0 out of 5 stars0 ratingsՏասը գլխավոր սխալները, որ թույլ են տալիս պաստորները Rating: 0 out of 5 stars0 ratingsՎարդան Ահրումյան Rating: 0 out of 5 stars0 ratingsՈւայնսբուրգ, Օհայո Rating: 0 out of 5 stars0 ratingsԹէոդորոս Ռշտունի Rating: 0 out of 5 stars0 ratingsԼՈՒՅՍԻ ՃԱՆԱՊԱՐՀԻՆ Rating: 0 out of 5 stars0 ratingsչկա՝ չկա Rating: 0 out of 5 stars0 ratingsՎերջին տերեւը Rating: 0 out of 5 stars0 ratingsԱնտառի գանձը Rating: 5 out of 5 stars5/5Արմինեի սիրո համար [For the Love of Armine] Rating: 0 out of 5 stars0 ratingsԱզգային ջոջեր Rating: 5 out of 5 stars5/5Թենդի Rating: 5 out of 5 stars5/5Aksel Bakunts/ Ակսել Բակունց: Classical spelling/ Դասական ուղղագրութեամբ Rating: 0 out of 5 stars0 ratingsՊաղտասար աղբար Rating: 0 out of 5 stars0 ratings
Reviews for Ընկ. Բ. Փանջունի տարագրության մեջ
0 ratings0 reviews
Book preview
Ընկ. Բ. Փանջունի տարագրության մեջ - Օտյան, Երվանդ
ԵՐՎԱՆԴ ՕՏՅԱՆ. ՆԵՐԱԾՈՒԹՅԱՆ ՏԵՂ
Զինադադարեն[1] հետո երբ Պոլիս վերադարձա՝ շատեր ինձ կը հարցնեին.
— Տարագրության մեջ հանդիպեցա՞ր ընկեր Փանջունիին որ ապրիլ 11-ի աքսորյալներու մեջ կը գտնվեր։
— Այո՛,— կը պատասխանեի,— հրաշքով ջարդվելե ազատած էր և գրեթե երկու տարի միասին անցուցինք Թարսուսեն[2] մինչև էլ Պուսերա[3]։
— Բայց մինչև հիմա իր մասին բան մը չգրեցիր։
— Որովհետև «չև է հասյալ ժամանակ», կը պատասխանեի խորհրդավոր կերպով։
Երբ «ժամանակ» օրաթերթին մեջ սկսա գրել աքսորականի հիշատակներս, ընթերցողները սրտատրոփ կը սպասեին որ ընկեր Փանջունիի մասին երկարորեն պիտի խոսեի։
Եվ ո՛չ իսկ անունը տվի։ Հուսախաբությունը մեծ եղավ, սակայն ուրիշ կերպ չէի կրնար վարվիլ;
Ծանոթ հերոսին հազարավոր համակիրները և նույնիսկ հիացողները անոր Վասպուրականի գործունեութենեն հետո բան մը չէին գիտեր իր մասին ու ասիկա հոգեկան տանջանք մը եղած էր ամենուն։
Անցած տարի երբ Պոլիսեն մեկնելով եկա Պուքրեշ[4], հոս ալ ամենքը զիս կը հալածեին ըսելով.
— Ընկեր Փանջունիին մասին գրե՛ մեզի։
— Չեմ կարող,— կը պատասխանեի։
Ինչո՞ւ Փանջունիի մասին լուռ մնալու այս համառությունս։
Բացատրեմ։
Այո՛, իրա՛վ է որ, տարագրությանս մեջ, մեր ծանոթ հերոսին առաջին անգամ հանդիպած էի Թարսուսի վրաններուն տակ, իրա՛վ է որ միասին գացած էինք Օսմանիե, Հալեպ, Համա. իրա՛վ է որ միասին իսլամացած էինք, իրա՛վ է որ Համայեն կրկին աքսորված էինք Հալեպ, Տեր Զոր և Էլ Պուսերա, իրա՛վ է որ իր մասին պատմելիք հետաքրքրական դրվագներ շատ կային, բայց չէի կրնար բերանս բանալ կամ գրիչս շարժել...
Հազիվ թե ամիսե մը ի վեր Էլ Պուսերա կը գտնվեինք, իրիկուն մը ընկեր Փանջունի եկավ զիս գտավ և ըսավ.
— Գնանք պտույտ մը ընել, կամուրջեն անդին, դեպի դաշտերը։
— Գնանք,— պատասխանեցի,— բայց ի՞նչ կը նշանակե այդ կերպարանափոխությունը։
Արդարև ընկեր Փանջունի կատարյալ շավի[5] արաբի մը մորթին մեջ մտած էր։ Գլուխը աղտոտ լաթ մը կապած, վրան ուղտի մորթե անթև վերարկու մը առած, ոտքերը բոբիկ, ձեոքը կարճ ճոկան մը որուն մեկ ծայրը խնձորի մեծությամբ գնդակ մը կար կուպրով կարծրացած... Շավիներու սովորական զենքը։
— Գնա՛նք և ճամբան կը բացատրեմ ամեն բան, ըսավ մեր հերոսը։
Մռայլ և խորհրդավոր դեմք մը ուներ և չուզեցի իմ հարցումներովս զինք սրտնեղել։
Ճամբա ելանք լուռ ու մունջ, անցանք Խապուրի վրա ձգված քարաշեն փոքր կամուրջեն, դաշտին մեջ քալեցինք կես ժամու