Kaialavu Boogambam!

http://www.pustaka.co.in

கையளவு பூகம்பம்!

Kaialavu Boogambam!

Author:

ஆர்னிகா நாசர்

Arnika Nasser

For more books

http://www.pustaka.co.in/home/author/arnika-nasser

Digital/Electronic Copyright © by Pustaka Digital Media Pvt. Ltd.

All other copyright © by Author.

All rights reserved. This book or any portion thereof may not be reproduced or used in any manner whatsoever without the express written permission of the publisher except for the use of brief quotations in a book review.

பொருளடக்கம்

அத்தியாயம் 1

அத்தியாயம் 2

அத்தியாயம் 3

அத்தியாயம் 4

அத்தியாயம் 5

அத்தியாயம் 6

அத்தியாயம் 7

அத்தியாயம் 8

அத்தியாயம் 9

அத்தியாயம் 10

கையளவு பூகம்பம்!

ஆர்னிகா நாசர்

முன்னுரை

‘கையளவு பூகம்பம்’ எனும் இத்தொகுப்பில் ‘கையளவு பூகம்பம்’ எனும் நாவலும் ‘நீ கொலைகாரனா?’ எனும் நாவலும் இடம் பெற்றுள்ளன. இரு நாவல்களுமே ஸைக்கோ கொலையாளிகள் பற்றியவை.

‘கையளவு பூகம்பத்தில்’ பணக்கார பெற்றோர்களால் புறக்கணிக்கப்படும் விடலைச் சிறுவர்கள் கொலையாளிகள் ஆவதை விவரித்திருக்கிறேன்.

அன்புடன்

13-7-97. ஆர்னிகா நாசர்.

கையளவு பூகம்பம்!

1

அந்த படுக்கையறையில் சொற்பவெளிச்சம் அனுமதிக்கப்பட்டிருந்தது. வெளிர்ந்த சிவப்பு வெளிச்சம். அகலத்திரை டி.வி.யில் கூடைப்பந்தாட்டம் நடந்து கொண்டிருந்தது. உபயம் ஸ்டார் பிளஸ். மைக்கேல் ஜோர்டான் அதிவேக கொக்கு நடையில் போய் பந்தை கூடைக்குள் திணித்தான். அவன் எழுந்தான். வாயில் பபிள்கம் அரைபட்டது. அறை சுவர் முழுக்க ப்ளோ அப்கள். மடோனா, மைக்கேல் ஜாக்ஸன், ஜாக்கிசான், ப்ரூஸ் வில்லிஸ், அர்னால்டு ஸ்வாஸ்நெக்கர், டாம் க்ரூயிஸ், ஸ்டீவன் ஸெகல், பாபா ஸ்ெகல், கவிதா கிருஷ்ணமூர்த்தி அணிவகுத்திருந்தனர். குளிர்பதனப் பெட்டியிலிருந்து கோக் எடுத்தான். விரலால் துவாரம் ஏற்படுத்தி குடித்தான்.

காலி டின்னை தரையில் போட்டு மிதித்தான். போரடிக்கிறது! என்ன செய்யலாம்?

ரிமோட் எடுத்து சானல்களை மாற்றி பார்த்து அதிருப்தி அடைந்தான்.

மேஜையில் அமர்ந்தான். இரு ஊன்றிய கைகளில் முகவாயை கவிழ்த்தான். என்ன செய்யலாம்?

முன்னமே தீர்மானித்தபடி கொலை விளையாட்டு ஆடிப் பார்ப்போமா?

மாட்டிக் கொள்வோமா?

சினிமாவிலும் சரி, நிஜத்திலும் சரி, கொலை செய்றவன் சிக்கித்தானே தீருகிறான்? எல்லாரையும் போலவா நான்? நான் ஜீனியஸ், உலகில் எனக்குத் தெரியாத விஷயங்களே இல்லை. அனைத்தையும் ரசிக்கத் தெரிந்தவன். பொழுது போக்குகளைக்கூட வினோதமாய் அமைத்துக் கொள்பவன் நான்.

மற்றவர்கள் எப்படியோ நான் கொலை செய்தால் மாட்டிக் கொள்ளமாட்டேன்.

யாரைக் கொல்லலாம்?

லிஸ்ட் போட்டுப் பார்த்தால்.

பொது இடங்களில் நின்று மூக்கைச் சுத்தம் செய்பவர்களைக் கொல்லலாம்.

சாலைகளில் போகும் பெண்களை அநாகரிகமாய் வெறிப்பவர்களைக் கொல்லலாம்.

ஊழல் செல்யும் அரசியல்வாதிகளை கொல்லலாம். ஆனால் அத்தனை ஆயிரம் அரசியல்வாதிகளைக் கொல்ல எனக்கு லட்சம் வருட ஆயுளும் போதாது.

மோசமான தமிழ் சினிமா எடுக்கும் டைரக்டர்களை?

புரியாமல் கதை எழுதி இதுதான் இலக்கியம் என பிதற்றும் சில எழுத்தாளர்களை?

கதை படிக்கும் உங்களை?

இப்படி எத்தனையோ பேர்களைக் கொல்லலாம்.

இதில் யாரைத் தேர்ந்தெடுத்துக் கொல்வது?

யோசித்தான் அவன்.

சூரியனித்தான்.

சென்னையில் பலலட்சம் தொலைபேசி இணைப்புகள் உள்ளன. அதில் ஒரு இணைப்பைத் தேர்ந்தெடுத்து...

தேர்ந்தெடுப்பில் எதிர்பாராமல் மெஹா பாதுகாப்பு உள்ள விவிஐபி சிக்கி விட்டால்?

அதே ஆளைத்தான் கொல்ல வேண்டும்.

மேஜை