Azhagiya Vizhigaliley!

http://www.pustaka.co.in

அழகிய விழிகளிலே!

Azhagiya Vizhigaliley!

Author :

ஸ்ரீஜோ

Shrijo

For more books

http://www.pustaka.co.in/home/author/shrijo

Digital/Electronic Copyright © by Pustaka Digital Media Pvt. Ltd.

All other copyright © by Author.

All rights reserved. This book or any portion thereof may not be reproduced or used in any manner whatsoever without the express written permission of the publisher except for the use of brief quotations in a book review.

பொருளடக்கம்

அத்தியாயம் 1

அத்தியாயம் 2

அத்தியாயம் 3

அத்தியாயம் 4

அத்தியாயம் 5

அத்தியாயம் 6

அத்தியாயம் 7

அத்தியாயம் 8

அத்தியாயம் 9

அத்தியாயம் 10

அத்தியாயம் 11

அழகிய விழிகளிலே!

1

வண்ணங்கள்

ஆயிரம் இருந்தாலும்

என் வாழ்வை

வண்ணமாக்க வந்தவள் நீ!

கருவிழிகள் தான்!

அதில் நான் கண்ட

வண்ணங்கள்

ஆயிரமாயிரம்!

நின் ஒற்றைப் பார்வையில்

என்னை வீழ்த்திவிட்டாய்!

நின் ஒற்றை கண்சிமிட்டலில்

என்னை விலங்கிட்டுவிட்டாய்!

நின் அழகிய விழிகளிலே!

என் இதயத்தை கொள்ளையடித்தாய்!

என் உயிரில் குடி புகுந்தாய்!

மாலை நேரமாயினும், பரபரப்பாக இயங்கிக்கொண்டு இருந்த, கோவை மாநகரின் ஒரு உயர்தர ஹோட்டலின் முன், போர்க்களத்தில் ஓடும் ஒரு புரவியைப் போல, ஒரு வெள்ளை இன்னோவா வந்து நின்றது. அதில் இருந்து ஜோஸ்வா என்றழைக்கப்படும், ஜஸ்வந்த் நாயர், கேரள மண்ணின் மிகப்பெரிய நிழல் உலக தாதா, சிறந்த ஆண் மகனுக்கே உரிய ஒரு கம்பீரத்தோடு இறங்கினான்.

மடித்துவிட்ட வெள்ளை முழுக்கைச் சட்டையும், கருநீல நிற டெனின் ஜீன்ஸும் அணிந்து, ஒரு ராஜா தோரணையில் இருந்தவன், கண்களில் இருந்த கூலரைக் கழட்டிக்கொண்டே ஹோட்டலின் உட்புறம் நோக்கி நடக்க ஆரம்பித்தான், அவனுக்கு பின்னும், முன்னும் அவனுடைய ஆட்கள் பாதுகாப்பு வளையம் அமைத்துச் சென்றனர்.

அவனை அறிந்தவர்கள் அவனுக்கு வழிவிட்டு விலக, அவனை அறியாதவர்கள், அவனை யாரென்று ஒரு முறை திரும்பிப் பார்த்துக்கொண்டு சென்றனர்.

ஹோட்டலின் ரிசெப்ஷன் பகுதியில் வந்து நின்றவன், அவனது வலக்கரமாகத் திகழும் ஜகன் என்பவனைப் பார்த்து,

ஜகன்

எஸ் பாஸ்.

ரூம் நம்பர்?

தெரியும் பாஸ். ஒரு தடவை கன்பார்ம் பண்ணிக்கறேன் என்றவன் அங்கிருந்து ரிசெப்சனை நோக்கி நகர்ந்தான்.

அதே நேரம் முக்கிய அழைப்பு ஒன்று வர, அவனது செல்லை அட்டென்ட் செய்து கொண்டே ஒரு ஓரமாக பேசுவதற்கு நகர்ந்தான். அவன் நகரவும், அவன் மீது ஒரு பெண் இடித்து கீழே விழப்போகவும், சரியாக இருந்தது.

கீழே விழப்போனவளை சட்டென்று தாங்கிப் பிடித்தான் ஜோஸ்வா. அவன் மீது மோதி கீழே விழப்போனவள் அடிபடுவது உறுதி என்ற எண்ணத்தில் கண்களை இறுக மூடி இருந்தாள்.

கீழே விழாமல் இருப்பதை உணர்ந்து மெல்லக் கண்கள் திறந்தவள் ஜோஸ்வாவின் கண்களில் பார்வையைப் பதித்தாள். அவளுடைய மீன் போன்றக் கண்களை ரசித்தவாறே, அவளைத் தன்னிடம் இருந்து பிரித்து நிற்க வைத்தான்.

ஒரு நொடி திகைத்தவள்,