Neengaldhan Jodi Number 1
By N. Rajeshwar
()
About this ebook
Related to Neengaldhan Jodi Number 1
Related ebooks
Nivetha Nee Engey Rating: 5 out of 5 stars5/5Sakunthala Rating: 0 out of 5 stars0 ratingsKannathu Muthamondru Rating: 5 out of 5 stars5/5Ini Idhu Porkalam Rating: 0 out of 5 stars0 ratingsIdhayathil Poothathu Rating: 0 out of 5 stars0 ratingsVetrikku Vilai! Rating: 0 out of 5 stars0 ratingsJeippathu Neeya? Naana? Rating: 5 out of 5 stars5/5Yahoo Kalam Rating: 0 out of 5 stars0 ratingsNetru Varai Thozhi Rating: 5 out of 5 stars5/5Neeye.. Neeye.. Kadhal Theeye.. Rating: 4 out of 5 stars4/5Miss India Missing Rating: 5 out of 5 stars5/5Roja Malarum Neram Rating: 4 out of 5 stars4/5Mutru Pulliyil Arambam Rating: 5 out of 5 stars5/5Bharath Speaking Rating: 0 out of 5 stars0 ratingsVellaikodi Rating: 5 out of 5 stars5/5Seetha Rating: 0 out of 5 stars0 ratingsAnbaal Vellalaam! Rating: 0 out of 5 stars0 ratingsNizhal Mugam Rating: 0 out of 5 stars0 ratingsIdhayaraagam Rating: 5 out of 5 stars5/5Patharathey Bharath Rating: 5 out of 5 stars5/5Nilaa... Kuthirai... Aval Rating: 4 out of 5 stars4/5Acham Thavir Ucham Thodu Rating: 0 out of 5 stars0 ratingsInnoru Kaadhal Kathai Rating: 0 out of 5 stars0 ratingsNijamai Sila Nimidangal! Rating: 0 out of 5 stars0 ratingsSattapadi Kutramillai! Rating: 0 out of 5 stars0 ratingsPaattaga Nee Irukka…! Rating: 0 out of 5 stars0 ratingsIthazhoram Varalama Rating: 0 out of 5 stars0 ratingsKannukutty Kaadhal Rating: 0 out of 5 stars0 ratingsMahabalipurathu Arpangal! Rating: 0 out of 5 stars0 ratingsKadanthu Pogum Megangal Rating: 0 out of 5 stars0 ratings
Related categories
Reviews for Neengaldhan Jodi Number 1
0 ratings0 reviews
Book preview
Neengaldhan Jodi Number 1 - N. Rajeshwar
http://www.pustaka.co.in
நீங்கள்தான் ஜோடி நம்பர் 1
Neengaldhan Jodi Number 1
Author:
என். ராஜேஷ்வர்
N. Rajeshwar
For more books
http://www.pustaka.co.in/home/author/n-rajeshwar
Digital/Electronic Copyright © by Pustaka Digital Media Pvt. Ltd.
All other copyright © by Author.
All rights reserved. This book or any portion thereof may not be reproduced or used in any manner whatsoever without the express written permission of the publisher except for the use of brief quotations in a book review.
பொருளடக்கம்
அத்தியாயம் 1
அத்தியாயம் 2
அத்தியாயம் 3
அத்தியாயம் 4
அத்தியாயம் 5
அத்தியாயம் 6
அத்தியாயம் 7
அத்தியாயம் 8
அத்தியாயம் 9
அத்தியாயம் 10
அத்தியாயம் 11
அத்தியாயம் 12
அத்தியாயம் 13
அத்தியாயம் 14
அத்தியாயம் 15
அத்தியாயம் 16
அத்தியாயம் 17
***************************
நீங்கள்தான் ஜோடி நம்பர் 1
***************************
என். ராஜேஷ்வர்
***************************
அறிமுகம்
கவுதமி!
இதுதான் நம்ம புது ஹீரோயினின் பெயர். ஆனால் இவருடைய தோழிகள் எல்லாம் இவரைக் 'கவுன்சிலர் கவுதமி' என்றுதான் அழைப்பார்கள். அந்த அளவுக்கு அம்மணி எல்லோர் பிரச்னையிலும் வலிய மூக்கை நுழைத்து ஆலோசனை சொல்கிறவர்.
கவனியுங்கள், ஆலோசனைதான், அறிவுரை அல்ல. அடுத்தவர்களுடைய பிரச்னை என்ன என்று தெரிந்துகொண்டு, அதை அவர்களே திருத்திக்கொள்ளும்படி வழிகாட்டுவது கவுதமியின் ஸ்டைல்.
முக்கியமாக, கவுதமியின் ஆலோசனையைக் கேட்டுக்கொண்டு வருகிற இளம்ஜோடிகள் ஏராளம். 'டைவர்ஸ்தான் ஒரே தீர்வு' என்று முறைத்துக்கொண்டு வந்தவர்களைக்கூட, உட்காரவைத்துப் பேசி இரண்டாவது ஹனிமூன் அனுப்பிவைத்துவிடுவார் கவுதமி!
பத்து வருடம் வெளிநாட்டில் குப்பை கொட்டிவிட்டுத் திரும்பியதாலோ என்னவோ, கவுதமியின் பேச்சில் ஏகப்பட்ட மேலைநாட்டுத் தத்துவங்கள், ஆராய்ச்சிகள், உத்திகள் நிரம்பி வழியும். 'ஏன்? நம்ம ஊர் மெத்தட்ஸ்ல உங்களுக்கு நம்பிக்கை இல்லையா?' என்று விசாரித்தால், கூலாக விளக்கம் சொல்வார்.
'கடந்த பல வருஷங்கள்ல, நாம கொஞ்சம்கொஞ்சமா மேற்கத்தியக் கலாசாரத்தைக் காப்பியடிச்சுகிட்டு வர்றோம். இந்தத் தலைமுறைப் பிள்ளைங்க ஆண், பெண் வித்தியாசமெல்லாம் பார்க்கறதில்லை, எல்லாரும் எல்லாமும் செய்யமுடியும்ன்னு நம்பறாங்க, செய்யறாங்க, ஆனா அதேசமயம், கல்யாணம்ன்னு வந்துட்டாமட்டும் அவங்கமேல போன தலைமுறை விதிகளைத் திணிக்கறது நியாயமா?'
'முக்கியமா, நம்ம பொண்ணுங்களை எடுத்துக்கோங்க, அவங்க சின்ன வயசுலேர்ந்து சுதந்தரமா வளர்ந்தவங்க, அதுக்கு ஏத்தபடிதான் அவங்க மனநிலையும் இருக்கும், அவங்களுக்குக் கல்யாணம் ஆகும்போது, 'புருஷன் வீட்டில் வாழப் போகும் பொண்ணே'ன்னு ஆரம்பிச்சு 'எல்லாரையும் அட்ஜஸ்ட் பண்ணிகிட்டு வாழும்மா'ன்னு சொன்னா எடுபடுமா? அது நியாயமா?'
'அதனாலதான், மேற்கத்திப் பழக்கவழக்கங்களைக் காப்பியடிக்கற நாம, அவங்க தனிப்பட்டமுறையில என்னமாதிரி வாழ்க்கை வாழறாங்க-ன்னும் கவனிக்கணும், அதையெல்லாம் அப்படியே பிரதியெடுக்கவேணாம், அந்த சூட்சுமங்களைப் புரிஞ்சுகிட்டு நமக்கு ஏத்தமாதிரி மாத்திப் பயன்படுத்திகிட்டா வாழ்க்கை நல்லா இருக்கும். இல்லைன்னா ட்வென்டி ட்வென்டி மேட்ச்ல மட்டை போடற பேட்ஸ்மேன்மாதிரி திட்டுதான் வாங்குவோம்!'
இனி, கவுதமியும், அவரிடம் பிரச்னைகளோடு வந்து நின்ற பல இளம் ஜோடிகளும் மாதாமாதம் உங்களோடு பேசுவார்கள்.
1
கீதா கொதித்துக்கொண்டிருந்தாள்.
எரிச்சலுக்குக் காரணம், அவளுடைய கணவன் சரத், அவன் சொன்ன இரண்டு வார்த்தைகள், சொல்லாத பல நூறு வார்த்தைகள்!
கீதாவின் அலுவலகத்தில் அவளுக்குப் பிரமோஷன் கொடுத்திருந்தார்கள். கூடவே சம்பள உயர்வு, எக்ஸ்ட்ரா போனஸ், டிரைவரோடு ஆஃபீஸ் கார், எட்ஸட்ரா எட்ஸட்ரா.
பிரமோஷன் லெட்டரைக் கையில் வாங்கியவுடனேயே சரத்தைத் தொலைபேசியில் அழைத்தாள் கீதா. அவனுடைய 'ஹலோ' கேட்டதும் படபடவென்று விஷயத்தைச் சொல்லிவிட்டுப் பதிலுக்காகக் காத்திருந்தாள்.
'அப்படியா? வெரிகுட்!'
அவ்வளவுதான். அதற்குமேல் சரத் இதைப் பற்றி ஒரு வார்த்தையும் பேசவில்லை. 'அப்புறம் பேசறேன். பை!' என்று ஃபோனை வைத்துவிட்டான்.
கீதாவுக்குப் பிரமோஷன் லெட்டர் கொடுத்த சந்தோஷம் எல்லாம் சட்டென்று வற்றிவிட்டது. கையிலிருந்த செல்ஃபோனை நம்பமுடியாமல் வெறித்துப் பார்த்துக்கொண்டிருந்தாள். அவள் கணவன் அவசரப்பட்டு ஃபோனை வைத்துவிட்டாலும், அவளுக்குப் பேச நிறைய விஷயங்கள் மீதமிருந்தன.
'சரத், பேசியது நீதானா? வேறு யாராவதா?'
'நான் இந்தப் பிரமோஷனுக்காக எத்தனை கஷ்டப்பட்டேன் என்று உனக்குத் தெரியாதா? இது எனக்கு எப்பேர்ப்பட்ட வெற்றி என்பது உனக்குப் புரியாதா?'
'என் கம்பெனியில் நாற்பது வயதுக்குக் கீழே யாரும் இந்தப் பதவியை வகித்தது கிடையாது, தெரியுமா? அதிலும் குறிப்பாக, இந்த நிலைக்கு உயர்ந்த பெண்கள் ஒருத்தர்கூட இல்லை!'
'நான் இங்கே வேலைக்குச் சேர்ந்த முதல் நாளே, எனக்குள் இந்தக் கனவு மலர்ந்துவிட்டது. அதை மனத்தில் வைத்துக்கொண்டே ஒவ்வோர் அடியும் எடுத்துவைத்தேன், கஷ்டப்பட்டு உழைத்தேன். படிப்படியாக மேலே வந்தேன்.'
'நீ என்னைப் பெண் பார்க்க வந்தபோதுகூட, உன்னிடம் நான் இதைச் சொல்லியிருக்கிறேன். அதன்பிறகும் பலமுறை இதைப்பற்றிப் பேசியிருக்கிறோம். நீ இதையெல்லாம் புரிந்துகொண்டுவிட்டாய், இந்தப் பயணத்தில் நீயும் எனக்கு ஆதரவாக இருக்கிறாய் என்றுதான் நான் நினைத்தேன். இல்லையோ?'
'வேலைக்கும் போய்க்கொண்டு, குடும்பத்தையும் கவனித்துக்கொண்டு நான் கனவு கண்ட பிரமோஷனை எப்படியோ வாங்கிவிட்டேன், அது தெரிந்ததும் வெரிகுட் என்பதைத் தவிர வேறேதும் சொல்லத் தோன்றவில்லையா உனக்கு? இதே பிரமோஷனை நீ வாங்கியிருந்தால் நான் எப்படிக் கொண்டாடியிருப்பேன் தெரியுமா?'
கீதா நிறுத்தாமல் பொழிந்துகொண்டே இருக்க, கவுதமி மெல்லச் சிரித்தார். 'ரிலாக்ஸ் கீதா, ஒரு காஃபி சாப்பிடறியா!'
'வேணாம்-ங்க, சுத்தமா மூட் இல்லை! நான் செம எரிச்சல்ல இருக்கேன்.'
'பொறும்மா, அவசரப்பட்டு வார்த்தைகளைக் கொட்டாதே. அப்புறம் இந்த வார்த்தைகளே உங்க திருமண வாழ்க்கைக்கு எதிராகிடும்.'
'இப்பமட்டும் என்ன வாழுதாம்?' எரிச்சலோடு கேட்டாள் கீதா. 'கடைசியில சரத்தும் மத்த ஆம்பளைங்கமாதிரிதான்னு புரிஞ்சுபோச்சு. அவருக்காக, எங்க குடும்பத்துக்காக நான் ஓடாத் தேயணும், மத்தபடி தனிப்பட்டமுறையில எனக்குன்னு ஒரு சந்தோஷமோ, சாதனையோ இருக்கக்கூடாது. சிலசமயம் எல்லாத்தையும் தூக்கி வீசிட்டு வெளியே வந்துடலாமா-ன்னுகூடத் தோணுது!'
'கீதா, நீ எவ்ளோ கோவமாப் பேசினாலும் சரி, சரத்மேல உனக்கு இருக்கிற உண்மையான லவ்வை மறைக்கமுடியாது' குறும்பாகக் கண்ணடித்தார் கவுதமி. 'நான் உறுதியாச் சொல்றேன், நீங்க ரெண்டு பேரும் சேர்ந்து அறுபதாம் கல்யாணம் கொண்டாடுவீங்க, அதுக்கு நானே நேர்ல வந்து வாழ்த்துவேன்.'
கவுதமியை நம்பிக்கையில்லாமல் பார்த்தார் கீதா. 'சும்மா என் மனசு மாறணும்-ங்கறதுக்காக இதையெல்லாம் சொல்றீங்க, அப்படிதானே?'
'இல்லைம்மா. நிஜமாதான் சொல்றேன். ஒரு ஜோடி நிரந்தரமாச் சேர்ந்து வாழுமா, அல்லது பாதியில சண்டை போட்டுகிட்டுப் பிரிஞ்சிடுமா-ன்னு என்னால ஓரளவு துல்லியமா ஊகிக்கமுடியும். அதுக்கு நான் அவங்களோட பழக்கவழக்கங்களைச் சில மணி நேரம் கூர்ந்து கவனிச்சாலே போதும்.'
'சில மணி நேரம் பார்க்கறதை வெச்சு பல வருஷ ரிஸல்ட்டைச் சொல்லுவீங்களா? நல்ல கதையா இருக்கே!'
'என்ன நீ இப்படிச் சொல்லிட்டே? அமெரிக்கால டாக்டர் ஜான் காட்மென்னு ஒருத்தர் இருக்கார். அவர் ஒரு ஜோடியோட அஞ்சு நிமிஷம் பேசினாப் போதுமாம், அவங்க சேர்ந்து வாழுவாங்களா, டைவர்ஸ் செஞ்சுக்குவாங்களா-ன்னு சொல்லிடுவாராம், 90 சதவிகித கேஸ்கள்ல அவர் சொன்னது அப்படியே நடக்குதாம்.'
'இதென்ன? ஹைடெக் ஜோசியமா?'
'ம்ஹூம், சிம்பிள் சைக்காலஜி. நீயோ உன் புருஷனோ உங்களுக்குள்ளே பேசிக்கும்போது பயன்படுத்தற வார்த்தைகள், பாடி லாங்க்வேஜ், முக உணர்வுகள், மத்தவங்ககிட்ட பேசும்போது என்னவிதமாப் பேசறீங்க... இதையெல்லாம் வெச்சு உங்களோட உறவு எப்படி இருக்கும்-ன்னு ஓரளவு துல்லியமா ஊகிச்சுடமுடியும். ஜான் காட்மென் அதைத்தான் செஞ்சுகிட்டிருக்கார்!'
'இன்ட்ரஸ்டிங்! அவர் ஒரு ஜோடியைப் பார்த்து டைவர்ஸ்-ன்னு சொல்லிட்டா அவ்ளோதானா? அவங்க மறுபடி சந்தோஷமாச் சேர்ந்து வாழ வாய்ப்பே கிடையாதா?'
'அப்படியில்லை. பல வருஷமா வெவ்வேற ஜோடிகளைப் பார்த்துப் புரிஞ்சுகிட்ட ஜான் காட்மென் அவங்களுக்குள்ள நல்லுறவு தொடரணும்ன்னா என்னென்ன செய்யணும்-ன்னு பல ரகசியங்களையும் சொல்லியிருக்கார். அதில ஒண்ணைதான் நான் உனக்கும் சரத்துக்கும் ரெக்கமெண்ட் செய்யப்போறேன்.'
'என்னது?'
'லவ் மேப்!'