Zwingenberg am Neckar vergangenen Tagen: historisches Deutschland

(1886)

Copia

Kauff-Briefs

Uber das Erb-Lehen Zwingenberg.

de Anno 1504

Wir Phillps von GOttes Gnaden Pfalz-Grave by Rine, Herzog inn Bayern, des Heil. Röm. Reichs Erz-Drucheßes und Churfürst, bekennen und Thun kund offenbahr mit diesem Brieff, für uns und aller unser Erben, daß wir wissentlich und berechtlich mit vorgehalten zytigen Ratt umb unnsers unnd unser Erben beßern Nutz unnd Frommen willen, recht unnd redlich verkaufft unnd zu kauffen geben han, verkauffen und geben auch zu kauff zu rechter Brthat erblich unnd unwiederrufflich, wie dann ein rechter erblicher ewiger unwiederrufflicher Kauff inn- unnd oßerhalb Rechts vor allen Richtern und Gerichten Geistlichen unnd Weltlichen unnd sunst allenthalben für allermenniglichs wiedertryben unnd absprechen, auch nach Sitten unnd Gewonnheit der Lannd, aller bast Krafft, Macht und Bestand hat, haben unnd versorgt werden mag, unnserm Rath unnd lieben getrewen Hannsen vom Hirschorn Ritter unnd allen seinen Erben, NB. Unser unnd der Pfalz Eigenthum Zwingenberg das Schloß am Necker gelegen, mit sambt Thürnen, Hüsern, Zwingern, Mauren, Graben, unnd allen seinen Zugehörungen, Dörfern, Wylern, Hüsern, Höffen, Hoffstetten, Vogtyen,Oberkeyt, Gewaldsam, Herrlichkeit, Gerechtigkeit, Gerichten, Rechten, Zwingen, Bennen, Eynung, Frevel, Bußen, Gebotten, Verbotten, Nutzen, Renten, Zinnßen, Gülten, Feilen, Zehenden, Gerten, Wiesen, Eckeren, Lehen, Weiden, Felden, Hölzern, Büschen, Wiltpann, Jagen, Hagen, Weid, Wasser, Wasserlauffen, Bechen, Fischerey, Schefferey, Mül, Mülstetten, eigen unnd Untersaßen, Lütt, Atzung, Frondienst, NB. Steur, Beth, Berg, Thall, Grund unnd boden, ober der Erden, unnd unter der Erden, besucht unnd unbesucht, was nutzt unnd zu Nutz zu bringen sein mag, nichts oßgenommen, wie dann wyland der hochgeborn Fürst Unser lieber Vetter unnd Bruder Herr Ott Pfalzgrave by Rine, Hertzog in Bairn löblicher Gedechtnüß umb etwasn Otten Melchiorn Hannßen unnd Eucharius vom Hirschhorn gemelt Schloß Zwingenberg und nachfolgend umb Philipps von Bödickaim ettlich Dörffer, Weld unnd annders darzu erkaufft, inngehabt, genossen und gebrucht, auch nach besag unnd eigentlicher Ußwysung derr Kauffs-Brief von dem vom Hirschhorn auch Philippsen von Bödikeim obgenannt gegeben, dero data stennd nehmlich der vom Hirschhorn Beschreybung uff Monntag nach Galli nach Christi Geburt, tusennt vierhundert und darnach in dem vier und siebentzigsten Jar und des von Bödickeims uff Monntag nach dem Sonntag Oculi nach Christi unnseres lieben Herrn Geburtt Vierzehenhundert unnd in dem vier und achtzigsten Jahr, unnd dann auch wie wir solichs alles, von genantem Herzog Otten seligen, ererbt, unnd erkaufft, unnd von dannenher solichs biß uff diß Verkauffung innegehapt besessen unnd genossen, han oder wes wir von Rechtigkeit und Zugehord hetten nutzen unnd brauchen mögen, darauff haben wir Schultheissen, Gericht und Gemeinden auch aus Innewohner der Dorff, Hoff und Wiler nach lutt berührter Kauff-Brieff zum Schloß Zwingenberg gehörig, gewainlich unnd sonderlich ihrer Glübt unnd End damit sie uns bisher gewandt gewest sind ledig gesagt und herlassen, unnd sie fürter gewesen an den benannten Hannsen vom Hirschhorn Ihme unnd sein Erben hinfüro, als ihren rechten Erb-Herrschafft allermassen gehorsam unnd gewärtig zu sein, desselben auch Pflicht unnd Huldung zu thun, wie sie uns bisher geweßt seindt, unnd gethan han, wir sind auch daruff des vorgemelten Schloß Zwingenberg auch aller seiner Nutzung unnd Inn- unnd Zugehörungen als vobestimpt, gründlich und erblich abgetretten, haben das von unsern Handen geben, unnd genannten Hannsen von Hirschhorn, unnd sein Erben des alles in ruhige nützliche und rechtliche Poffefs, Eigenschaft unnd Gewere gesetzt, unnd thun das inn unnd mit Krafft diß Brieffs, unnd ist solcher Kauff geschehen, um zwölff tußent unnd hundert guter Reinischer Gulden, als die dieser Zitt geng gebe und Werschafft, der wir von genannten Hannsen von Hirschhorn vollkommentlich, unnd zu ganßem guten Genügen, bezallt unnd enntricht, dieselben auch fürter inn unnd unnser Erben scheinbare Nutz kommen unnd gefoendt sind, unnd also sollend unnd mügendt derselb Hanns vom Hirschhorn Ritter, unnd sin Erben, das vorgenandt Schloß Schwetzingen sampt den Doerffern und seiner Zugehord, und allen Lütten, Nutzungen, Herrlichkeiten, unnd Zugehörungen, als vorgemelt hinfür innehaben, nutzen, niessen unnd gebrauchen, besetzen, enntsetzern, gebiethen, verbiethen unnd damit thun unnd lassen, als mit andern iren eygen Lütten Haben und Güthern unverhindert unnd ohne Inntrag unnser, unnser Erben unnd menniglichs vom onnsern oder irnwegen, doch soll genannter Hanns vom Hirschhorn Ritter unnd sein Erben, Söne unnd ob sie nit Söne verliessen Töchter, von ihrem Lyb Namen unnd Stammen geborn, hinfür allemahl so offt es nott sein unnd sich gebührn würdet, NB: Zwingenberg das Schloß mit aller seiner Zu- unnd Inngehörd, als obstet, von unns dweyl wir leben, unnd nach unnserm Todt unnsern Erben die Pfalzgraven by Rine unnd Churfürsten sind, zu rechtem Erb-lehen empfahen, habenn unnd tragen, auch so Nott geschiht vermannen, unnd deßhalb thun, wie sich geprtt, als dann genanter Hannß das jetzund vonn uns zu Erblehen empfangen hatt, unnd demnach so geben wir dem vorgenannten Hannsen unnd allen sin Erben und Erbnehmen das vorgemelt Schloß Zwingenberg mit allen seinen Rechten Zu- und Inngehörungen als vorbegriffen ist, aller Versatzung, Bekömmernüs und Ansprachen frey ledig unnd enntprosten, gereden unnd versprechen auch by unserm Fürstlichen Würden, inn unnd mit Krafft diß Briffs für unns unnd all unnser Erben ob sich über kurz oder lang einich Beschwerdnus, Versatzung, Verpfendung oder Bekömmernus darauf erfinden oder von jemand ansprüchig würd, denselben Hansen von Hirschhorn unnd sein Erben desselben, alles wie oder gegen wem das wer, auch jederzeit gen allermeniglich zu vertretten, zu ledigen unnd zu losen, auch Ine für das alles, gut, sicher, redlich, Werschafft an allen Enden unnd Stetten, inn- unnd ausserhalb Recht zu thun unnd zu tragen, nach Werschafft Recht unnd Gewonnheit alles in unnserm selbs aigen Costenn on Iren Schaden, wir sollen unnd wollen auch die obgemelten Kauff unnd sunst all ander Brieff, Urkund, Register, Zinß-Bücher unnd ander schrifftlich Anzeig unnd Hanntfesten die wir inn unnserm Gewalt haben, über Zwingenberg das Schloß unnd sein Zugehörung als obgemelt, sagen, dem vorgemelten Hannsen vom Hirschhorn unnd seinen Erben, zu Handen stellen, unnd übergeben, sich der nach Notturfft zu gebrauchen. Ob aber über kurz oder lang ichtmeres wern, Brieff, Register oder ander Urkund Zwingenberg unnd sein Zugehör besagen fünden wurd, die sollten unns unnd unnser Erben halb krafftlos dott unnd abe, auch genannten Hannßen von Hirschhorn unnd sein Erben ohnschädlich sein; Es ist auch inn diesem Kauff sonderlich berett von Uns bewilligt unnd zugelassen, da obgenannter Hannß unnd sein Erben fürhin inn Unsern Bechen, Die Uns vom bemelten Unserm Vetter unnd Bruder Herzog Otten seeligen ankommen seint, unnd in dem man von Alter gefloßt hat, auch flossen mügen, wie ander unnd soll Irenthalt mit der Stattmiet gehalten werden, wie es zu Zitten da die von Hirschhorn zwingenberg innegehabt deßhalb gehalten worden ist, die dein Stattmiet geben, das ist von dem Hundert groß Holtz fünff Pfennig, es sey an Bechen oder an Necker stoßenn, uß den obgemelten Weldengein Zwingenberg verkaufft unnd gehörig. NB. Wir haben auch für Uns unnd Unnser Erben vorbehalten unnd oßgedingt ob über kurz oder lang der vor gedacht Hannß vom Hirschhorn oder sin Erben Zwingenberg mit seiner Zugehörd verkauffen oder in ander Hend verwenden wollten, daß sie unns oder unnsern Erben, solches zuvor anbieten, unnd so unns oder unnsern Erben das gelipt, vor anderen werden lassen sollen.

Diesen Verkauff unnd Kauff auch alle vorgeschriebene Stuck, Punct und Artickel, gereden unnd alle unnser Erben und Nachkommen by Unnsern Fürstlichen Würden, stett, fest, und unverbrüchlich zu halten unnd darwider nit zu sin, oder zu thun, zu suchen noch geschaffen oder anrichten, noch gestatten gethan werd inn kein Wyß.

Wir haben unns auch hierauf für unns unnd unnser Erben und Nachkommen verziegen unnd begeben, und verzygen unnd begeben unns wissentlich inn Krafft diß Brieffs aller Bepstlicher, Kayserlicher unnd Königlicher Privilegien, Gnaden, Freyheit, Landfrieden, Püntnus unnd Eynungen, geistlicher unnd weltlicher Gesetz, Gericht, Recht unnd Gewohnheit, auch des Rechten gemeiner Verzeyhung wiedersprechend, unnd nit fürzuwenden, das wir über den halben Teyl eines rechten Verkauffs oberfürt, oder Nutzung obgemelter Güter der Haupt Summ übermeßig unnd sunst aller andern Fund, Sachen unnd Behelff, so jemand herwieder erdencken oder fürwenden mocht, unns oder unnsern Erben dienstlich oder fürständig, unnd gemelten Hannsen vom Hirschhorn unnd seinen Erben nachteylich oder schedlich inn gar kein Weg allgeverd unnd Arglist hierinn gantz oßgescheiden, zu Urkund han wir Unser Innsiegel