Periandros van Korinthe
()
About this ebook
D.J. Opperman
Diederik Johannes (D.J.) Opperman is op 29 September 1914 op ’n plaas naby Dundee in KwaZulu-Natal gebore. Hy gaan skool op Estcourt en Vryheid. Hy verwerf ’n MA-graad in 1935 aan die Universiteit van Natal in Pietermaritzburg en sy doktorsgraad in 1953 aan die Universiteit van Kaapstad. Hy gee skool in Pietermaritzburg en Johannesburg en is van 1946 tot 1948 ’n joernalis by Die Huisgenoot in Kaapstad, en gee vir 10 jaar klas aan die Universiteit van Kaapstad. D.J. Opperman is van 1960 tot 1979 ’n professor in Afrikaanse letterkunde aan die Universiteit van Stellenbosch. In dié tyd is hy in beheer van die beroemde Letterkundige Laboratorium. D.J. Opperman het in 1981 ’n beroerte gehad en sterf op 22 September 1985 op Stellenbosch. D.J. Opperman, een van die bekendste Afrikaanse digters, se debuut-digbundel, Heilige beeste, verskyn in 1945 en word in 1947 met die Hertzogprys vir poësie bekroon. Hy ontvang daarna nog drie keer die Hertzogprys: Periandros van Korinthe (vir drama, 1956), Voëlvry (vir drama, 1969) en Komas uit ’n bamboesstok (vir poësie, 1980). Hy ontvang ook die CNA-, WA Hofmeyr- en Louis Luyt-pryse vir Komas uit ’n bamboesstok. Opperman was ook bekend as samesteller van bloemlesings en die bekendste voorbeelde hiervan is Groot Verseboek (die eerste een het in 1956 verskyn) en Kleuterverseboek. In 2000 verskyn die bundel Sonklong oor Afrika waaraan hy ten tyde van sy dood gewerk het
Read more from D.J. Opperman
Periandros van Korinthe: Skooluitgawe Rating: 0 out of 5 stars0 ratingsJoernaal van Jorik Rating: 0 out of 5 stars0 ratingsVersamelde poësie Rating: 4 out of 5 stars4/5Heilige beeste Rating: 0 out of 5 stars0 ratingsKuns-mis Rating: 0 out of 5 stars0 ratingsKomas uit 'n bamboesstok Rating: 0 out of 5 stars0 ratingsBlom en baaierd Rating: 0 out of 5 stars0 ratingsNegester oor Ninevé Rating: 0 out of 5 stars0 ratingsEngel uit die klip Rating: 0 out of 5 stars0 ratingsDolosse Rating: 0 out of 5 stars0 ratingsEdms. Bpk. Rating: 0 out of 5 stars0 ratings
Related to Periandros van Korinthe
Related ebooks
Roep van die Visarend Rating: 0 out of 5 stars0 ratingsHierdie mens Rating: 0 out of 5 stars0 ratingsKarnaval en lent Rating: 0 out of 5 stars0 ratingsSondag op 'n voëlplaas Rating: 0 out of 5 stars0 ratingsDie ontwaking: Oorspronklik uitgegee as Abel se ontwaking Rating: 4 out of 5 stars4/5Hoogty Rating: 5 out of 5 stars5/5'n Engel in die hoenderhok Rating: 3 out of 5 stars3/5Die boek van toeval en toeverlaat Rating: 3 out of 5 stars3/5Trekkerswee Met tekeninge van J.H. Pierneef Rating: 0 out of 5 stars0 ratingsKatalekte: (artefakte vir die stadige gebruike van doodgaan) Rating: 0 out of 5 stars0 ratingsNuwe Stories Rating: 2 out of 5 stars2/5Bidsprinkaan Rating: 4 out of 5 stars4/5Stil punt van die aarde Rating: 0 out of 5 stars0 ratingsRaaiselster Rating: 0 out of 5 stars0 ratingsOom Gert Vertel en Ander Gedigte Rating: 0 out of 5 stars0 ratingsSkepelinge: Aanloop tot 'n roman: Aanloop tot ’n roman Rating: 0 out of 5 stars0 ratingsDie blou van onthou Rating: 3 out of 5 stars3/5Mediterreense herinneringe: Reisvertellings Rating: 0 out of 5 stars0 ratingsVyf-en-veertig skemeraandsange: uit die eenbeendanser se werkruimte Rating: 0 out of 5 stars0 ratingsWonderboom Rating: 0 out of 5 stars0 ratingsAfstande Rating: 4 out of 5 stars4/5Frats Rating: 0 out of 5 stars0 ratingsSkoolstories 1969: 1980 Bredasdorp Rating: 0 out of 5 stars0 ratingsDie kind uit die wingerd Rating: 0 out of 5 stars0 ratingsDie eerste siklus Rating: 0 out of 5 stars0 ratingsBot Rating: 0 out of 5 stars0 ratingsDie laaste groet Rating: 0 out of 5 stars0 ratingsKomas uit 'n bamboesstok Rating: 0 out of 5 stars0 ratingsSo was dit: Stories van gister en vandag Rating: 0 out of 5 stars0 ratingsDie dingesfabriek 4: Jannus en Kriek en die tydmasjien: Jannus en Kriek en die tydmasjien Rating: 0 out of 5 stars0 ratings
Reviews for Periandros van Korinthe
0 ratings0 reviews
Book preview
Periandros van Korinthe - D.J. Opperman
D.J. Opperman
Periandros
van
Korinthe
Tafelberg
VIR FRED LE ROUX
PERSONE
PERIÁNDROSGriekse heerser van Korinthe, 6de eeu v.C.
MELÍSSAsy vrou.
KÚÚPSELOShulle oudste seun, effens swaapagtig.
LÚKOPHROONhulle seun, moontlike opvolger.
HERMÍONEEhulle dogter.
PRÓKLESMelissa se vader, heerser van Epidauros.
GÁNGULOONwysgeer, handelaar, jeugminnaar van Melissa.
ARÍOONdigter.
SAPPHObesoekende digteres.
ANACHÁRSISbesoekende wysgeer.
BÁRAKOS’n kreupel neef, vertroueling en boodskapper.
Leier van die leër, werkers, soldate, matrose, burgers, boodskapper, sluipmoordenaars.
Die eerste keer opgevoer deur die Universiteit van Kaapstad vanaf 21 tot 29 Mei 1955 in die Klein Teater, Kaapstad, en op 31 Mei en 1 Junie 1955 in die Bothasaal, Stellenbosch, onder regie van Ria Olivier.
ROLVERDELING
PERIANDROSFred le Roux
LUKOPHROONPaul Malherbe
MELISSARia Olivier
HERMIONEEHelena Louw
KUUPSELOSDanie Marais
ARIOONGideon Horn
ANACHARSISHannes van der Merwe
GANGULOONPieter Bredenkamp
SAPPHONerina Ferreira
PROKLESKobus van der Colff
BARAKOSAlbertus Bosman (en Johann Cilliers)
LEIER VAN DIE LEËRPiet Neethling
PRIESTERSBilly Trengove
Johann Cilliers
SEGSMAN VAN MATROSEBilly Trengove
SEGSMAN VAN BURGERSJohann Cilliers
BOODSKAPPERD.J. Marais
ANDER DEELNEMERSChristine Scholtz, Babs Nel, Stephanie de Kock, Christie van der Merwe, Paul Fourie, Dan Hesse, Bob Joubert, Sybrand van Wyk, Eben Louw, Johann Heyns, Chris Smith, Chris van den Berg
TONEELBESTUURDERChristine Scholtz
SOUFFLEURJohann Cilliers
KOSTUUMS ONTWERP DEURStephan de Villiers
UITGEVOER DEURGretel Mills
DECORCecil Pym
BELIGTINGE.G. Marshall
KONTROLEUR VAN TEATERProf. Donald Inskip
’n Radioverwerking, onder regie van Ken Swart, is op 29 Oktober 1954 vanuit Kaapstad deur die Suid-Afrikaanse Uitsaaikorporasie uitgesaai. Die musiek daarvoor is gekomponeer deur Hubert du Plessis.
Eerste Bedryf
EERSTE TONEEL
Op die vooraand van Lukophroon se vertrek kyk hy en Periandros vanuit die hof na Korinthe onderwyl hulle op die koms van die koringkis wag.
PERIANDROS
Môre vroeg nog voor die duisende atlete na die park
toe loop, moet ons, my seun, eers op die strand ’n wildevark
as offer slag, sodat hierna die Spele van die Isthmos
’n rus en groter eenheid aan ons handelsryk besorg:
aan Kerkura, aan Leukas, Anaktorion en Apollonia,
aan Epidamnos, Potidaia en ander soos Ambrakia;
verder dat sy bloed die kuit van die katonkel en tornyn
sal ryg aan stele van die seebamboes en laat verskyn
hier waar die wildevark die waters effens rooi bevlek.
LUKOPHROON
Ja, Vader, en so die reën van die Gode na Korinthe trek!
Dis weer die ou-ou kuns: in die staat sal daar niks skort
solank die burgers hulle koringbrood het en hul sport!
Hoe nugter kan ’n digter of ’n wysgeer, as hy wil, regeer!
PERIANDROS
Verder, terwyl die meeue gulsig oor die water skeer,
sal die twee perde lê en bloei oor die geklipte:
die wit merrie van Arabië, die swart hings van Egipte,
bloei sodat die golwe proesend alle handelskepe
van die wêreld na die kuste van Korinthe sleep. –
Jy kan gerus na ons ou stad voor jou vertrek weer kyk …
LUKOPHROON
… sodat ek op die rare seereis droom van ’n nog groter ryk!
PERIANDROS
Jy spot, maar eendag sal die wêreld hierdie stad onthou
as ’n digter se grootste droom uit klip en mens gehou,
en weet tussen dié marmersale en dié spits sipresse
het eens die fynste digters, denkers en die danseresse
uit die wêreldvertes en die eilande omheen vergader
in hierdie stad Korinthe óm Periandros die oervader
van alles skoons en wys … Ba! hoe sit die rykes weer verveel
in die kalktuin die heeldag deur en kamma dambord speel. –
Kyk, daar onder kom die werkers eindelik met die koringkis!
LUKOPHROON
Hoe ruik tog so ’n digterlike stad na kaas en vis!
PERIANDROS
Jy moet ook saam die spaan in klonterige melk insteek,
saam die velle in moerbeiblare en stalwater week!
Kyk: die Feniciërs was slim, maar Periandros slimmer;
aan my nuwe drieriemskepe sien jy duisend werkers timmer,
en boë en latwerk verrys op steiers en bakstene
tot die kaal geraamtes van hoenders se borsbene.
LUKOPHROON
Vader, ek moet by Ganguloon vasstel nog voor ek vaar:
kom die present van my aan Moeder betyds ooit klaar?
PERIANDROS
Wag nou! Hulle klouter teen die trap al met die koringkis.
LUKOPHROON
Maar ek kan nie begryp waarom dit so belangrik is.
PERIANDROS
Saam met Korinthe en die ryk moet jy die koringkis ook erf;
daarom het ek die baie beelde en die spreuke laat inkerf. –
Omdat jou oumagrootjie kreupel was en minder mooi
het sy geen vryer uit die adelstand geken as nooi,
en op ’n dag toe sommer ’n gewone burgerman geneem,
maar van haar mense, die Bakchiadai, nog meer vervreem;
totdat my vader – ja, jou oupa Kuupselos – gebore is,
toe word daar oral na die kind gesoek, maar in dié koringkis
het ouma Labda hom leer slaap en een keer weggesteek.
Later as man kon hy hom op die groot wynpense wreek
en met die volk se hulp het hy die adel uitgemoor
en self geheers. Wag, ek wil nie hê die werkers moet ons hoor.
Vier werkers kom binne met kis.
Gaan sê jou moeder en jou suster moet dadelik kom kyk
hoe Oupa se lank verwaarloosde ou koringkis nou lyk!
Lukophroon af.
Pas op, moenie die sederkis laat stamp of dit laat val!
Lig dit op die tafel. Ek wil dit eers ’n rukkie hier uitstal.
Hoe vlammig loop die geel grein van die sederhout,
en ewig sal tonele uit Korinthe leef in die ivoor en goud.
Mooi! Ek moet die kunstenaars tog op ’n fees bedank.
En julle wag nou seker op die ding wat stink se klank?
Dè, vat, verdeel die klompie goue munt en koop
aandenkings dat jul later sê: Ons bene het die kis laat loop.
Werkers af. Melissa, Hermionee en Lukophroon binne.
MELISSA
Tog pragtig! Eurúdikee wat teruggelok word van die anderkant.
PERIANDROS
Hier vlieg die wraakvoëls bo die ghwano van die wraakeiland.
LUKOPHROON
Vader se beeld in hout gekerf! Hier Oupa! Dis gebede
en verhale van ons mense en Korinthe se verlede.
HERMIONEE
Dis Gode, die magte oor die aarde, en hierso links
borrel die fontein onder die hoef van die gevlerkte hings.
LUKOPHROON
’n Mens sal baie lank die stoete beelde moet bekyk
voordat die hart die volle sin en skoonheid kan begryp.
MELISSA
Verborge hou die deksel geheime van die moederskoot.
PERIANDROS
Ja, maar die Bakchiadai se kinders is nou groot.
Periandros kyk weer na buite.
Kyk hoe sit die rykes van Korinthe