Ukweli Muhimu Kwa Ajili Ya Waumini Wapya

SURA YA 1

Jinsi ya kuwa Mkristo Aliyezaliwa Mara ya Pili

Ikiwa unataka kuzaliwa mara ya pili, ni lazima ufanye mambo mawili muhimu:

i. Ni lazima kwanza umwamini Yesu Kristo kama Mwana wa Mungu.

Kila mtu aaminiye kwamba Yesu ni Kristo amezaliwa na Mungu:…

1 Yohana 5:1

ii. Pili, ni lazima umkaribishe moyoni mwako na maishani mwako. Ni lazima uombe ombi kamahili huku ukimaanisha kutoka katika kilindi cha moyo wako:

Bwana Yesu, naja mbele zako nikiwa mwenye dhambi, aliyepotea na kuhukumiwa kwenda Jehanamu. Ninatubu dhambi zangu naninakuomba unisamehe. Ninaamini kwa moyo wangu wote ya kuwa ulikufa msalabani na ukafufuka tena kwa ajili ya dhambi zangu. Ninakufungulia moyo wangu nakukupokea kama Bwana na mwokozi wangu. Tafadhali ninakuombauyadhibiti maisha yangu na unifanye vile utakavyo niwe. Kuanzia leo, mimi ni wako na wewe ni wangu. Asante Baba kwa karama hii nzuri ya wokovu, Amina.

Nini Hufanyika Unapozaliwa Mara ya Pili?

Roho wa Mungu atakushukia, na kuingia moyoni mwako. Kisha sehemu yako ya ndani itazaliwa upya au itazaliwa tena.

Mungu anakupa moyo na roho mpya kwa pamoja!

Nami nitawapa ninyi moyo mpya, nami nitatia roho mpya ndani yenu, nami nitatoa moyo wa jiwe uliomo ndani ya mwili wenu, nami nitawapa moyo wa nyama. Nami nitatia roho yangu ndani yenu, na kuwaendesha katika sheria zangu, nanyi mtazishika hukumu zangu, na kuzitenda.

Ezekieli 36:26-27

Ukiwa na roho mpya, unakuwa mtu mpya au kiumbe kipya.Uko tayari kuishi maisha mapya. Maisha haya mapya yanawezekana kwa sababu wewe ni mtu mpya mwenye moyo mpya.

Kuzaliwa mara ya pili ni rahisi jinsi hiyo. Watu wanataka kufanya mambo magumu. Lakini kuzaliwa mara ya pili ni rahisi sana!

Je, Mkristo Aliyezaliwa Mara ya Pili ni Nani?

Mkristo aliyezaliwa mara ya pili ni mtu aliyempokea Yesu Kristo maishani mwake na aliyeamua kuishi maisha yanayodhibitiwa na Neno la Mungu na chini ya mwongozo wa Roho Wa Mungu.

SURA YA 2

Ukweli Muhimu