Վերցրե ́ք օծությունը

Ես, ծառայության մեջ, ոչ մի պաշտոնական վերապատրաստում չեմ անցել` աստվածաշնչյան ոչ մի դպրոց և շատ քիչ շփում Աստծո մեծ մարդկանց հետ: Երբ սկսեցի ծառայությունս, ցանկացա Աստծո որոշ մարդկանց հետ շփվել, բայց այն ավարտվեց իմ կյանքում Աստծո կոչման դեմ կասկածի հարուցմամբ և պայքարի մղումով:  Ես ոչ մի այլ տարբերակ չունեի, քան օծություն կլանել Աստծո ավելի հեռվում գտնվող մարդկանց ձայնագրությունների և գրքերի օգնությամբ:   

Ես հավատում եմ, որ օծված եմ Սուրբ Հոգով, որպեսզի ծառայության ասպարեզում իմ կոչման մեջ լինեմ: Ես բազմաթիվ վկայություններ ունեմ, որպեսզի չկասկածեմ իմ կյանքի մեջ օծության իրականության հարցում: Ես հավատում եմ նաև, որ էլեկտրոնային եւ տեխնոլոգիական ոլորտների զարգացումն աշխարհում Աստծո թագավորության և ծառայության օգտի համար է: Տեխնոլոգիան հնարավորություն է տվել մոտ գտնվել նրանց, ովքեր օծված են:

Դուք օծության կարիք ունեք

Երբ Աստված ձեզ Աստծո մարդու մոտ է ուղարկում, դուք նրան հանդիպելու և նրա կյանքում առկա օծությունը վերցնելու հնարավորություն եք ստանում: Օծությունը սկզբունքային բան է, որի կարիքն ունենք դուք և ես, որպեսզի Աստծո գործը կատարենք: Զաքարիա մարգարեն գիտեր, որ ամենակարևորը օծությունն է: Նա էր, որ ասում էր. «Ո´չ զորությունով, ո´չ ուժով, բայց Իմ հոգով» (Զաքարիա 4.6):

Եղիսեն նույնպես հասկանում էր, որ Եղիայի ծառայությանը հաջողություն բերողն օծությունն էր: Հնարավորություն ունենալուն պես, նա օծություն խնդրեց: Որոշները, հնարավոր է, որ Եղիայի ունեցած փողը, կրթությունը կամ որակավորումը խնդրեին: Բայց Եղիան հենց օծություն էր ուզում:

…Եղիան ասաց Եղիսեին. «Խնդրի´ր, ի՞նչ անեմ քեզ, քանի որ քեզանից չեմ վեր առնվել»։ Եվ Եղիսեն ասաց. «Թող քո հոգին կրկնապատիկ լինի ինձ վրա»։  

Դ Թագավորաց 2.9

Այս գրքում, ցանկանում եմ ձեզ հետ բաժնեկցել օծություն ստանալու այն ճանապարհի վերաբերյալ, որի մասին, սովորաբար, չի խոսվում: Հնարավոր է ձեզ նոր հնչի, բայց սա շատ իրական է. ցանկացած միջոց, որի օգնությամբ օծություն կարող եք ստանալ, խնդրում եմ, դիմե´ք դրան: Ես սա որպես միակ միջոց չեմ ներկայացնում, որով Աստված կօծի ձեզ, այլ ընդամենը բաժնեկցում եմ ձեզ հետ այն, ինչ ստացել եմ Աստծուց: Ձեզ հետ բաժնեկցում եմ այն, ինչ աստվածաշնչյան է և սուրբգրային:   

Շատերն օծություն ստացել են ձայնագրություններ լսելու և գիրք կարդալու միջոցով, բայց նրանք չեն հասկացել, թե ինչ է կատարվել իրենց հետ: Այս ճանապարով օծություն ստացողներից շատերը չեն կարող սովորեցնել այդ մասին, քանի որ այն ամբողջությամբ չեն հասկանում: Ես հավատում եմ, որ իմ պարտքն է սովորեցնել այս պարզ և իրական մեթոդը ծառայության ամենաէական բաղադրիչը`օծությունը վերցնելու համար:   

Գլուխ 2

Աստծո մեծ մարդկանց հետ շփվելը

Մեկ այլ գրքում¹ ես խոսելու եմ Աստծո մարդկանց հետ մոտիկից շփվելու կարևորութան մասին, նրանց կյանքում առկա օծությունը ստանալու համար: Ինչո՞ւ պետք է շփվել Աստծո օծյալների հետ: Հատկապես ի՞նչ եք ձեռք բերում շփման միջոցով: Երբ մոտիկից շփվեք Աստծո մարդկանց հետ, կտեսնեք որ նա խոսում է ու խոսում: Այդ խոսքերն իրենց մեջ օծություն են պարունակում: Երբ Եղիսեն սերտ հարաբերություն հաստատեց Եղիայի հետ, նա միշտ լսում էր, թե ինչ էր խոսում Եղիան:

Եվ եղավ երբ որ նրանք գնում էին և գնալով խոսում…

Դ Թագավորաց 2.11

Խոսքերը զորավոր են

Հիսուս Իր աշակերտներին ասում էր, որ Իր խոսքերի մեջ երկու կարևոր բան կա` դրանց մեջ կյանք և Հոգի կա: Ի՞նչ է այս Հոգին: Սուրբ Գիրքն ասում է, որ Աստված նազովրեցի Հիսուսին մկրտեց Սուրբ Հոգով և զորությունով (Գործք առաքելոց 10.38): Հիսուսը Սուրբ Հոգով մկրտվեց, հետևաբար Սուրբ Հոգին է (Ում մեջ մկրտվել էր) օծությունը:

…Այն բանը, որ ես ձեզ հետ խոսեցի, հոգի է և կյանք…

Հովհաննես 6.64 arm bible

Շատերի համար Աստծո մարդկանց հետ մտերմիկ շփումը, որի մասին խոսում ենք, անհնարին է, բացառությամբ միայն գրքերի և ձայնագրությունների ընձեռած հնարավորությունից: Գրքերն ու ձայնագրությունները Աստծո օծյալների խոսքեր են պարունակում: Աստծո օծյալների խոսքերի մեջ Հոգի և կյանք կա:

Օծյալների գրքերի մեջ «ընկղմվելը» անգնահատելի միջոց է նրանց հետ շփվելու համար: Ժամանակը, որ դուք ընթերցանությանն եք տրամադրում, հաղորդակցություն է գրքի հեղինակի հետ: Ինչպիսի՜ հիանալի արտոնություն է ձեր ձեր տան ծածուկ անկյունում Աստծո մեծ մարդու հետ երեք ժամ հաղորդակցվելը:  

Այս գիրքը կարդալիս դուք ինձ հետ եք հաղորդակցվում, իսկ ես` ձեզ հետ: Այս գիրքը գրելիս, զգում եմ, որ որոշ մարդկանց հետ խոսում եմ: Ես, ուղղակիորեն, ծառայում եմ այն մարդկանց, որոնք իրենց ժամանակն են տրամադրում վերցնելու համար: Ինչպես Եղիսեն Եղիայի խոսքերն էր լսում, աշակերտները` Հիսուսի, ճիշտ այդպես էլ այս գիրքը կարդալիս դուք եք իմ խոսքերը լսում: Աշակերտները լսեցին Հիուսի խոսքերը և դա էր պատճառը, որ նրանք օծվեցին: