Ասացեք նրանց

Ներածություն

Հոգիներ շահելը հույժ կարևոր աշխատանք է, որի շնորհիվ չփրկված հոգիները կանչվում են առ Տեր Հիսուս Քրիստոս:

Հոգիները շահելուն կարելի է հասնել քարոզչությամբ, արշավներով, քրիստոնեական գրականությամբ, միսիոներական աշխատանքով, նախաճաշի հանդիպումներով, Ավետարանի փառատոներով, քրիստոնեական երաժշտությամբ, և այլն:

Կորուսյալներին փրկելու ամենահին մեթոդը եղել է միսիոներների կյանքի զահոբերությունը, որոնք իրենց նվիրել էին ամբողջ ժողովուրդների, ցեղերի և ազգերի փրկությանը:

Հոգիներ շահելու այլ տարածված մեթոդներ են զանգվածային արշավները և անձնական հանդիպումների ընթացքում վկայությունների միջոցով կատարվող ավետարանչությունը:

Այս գիրքը բոլոր հնարավոր ուղիներով հոգիներ շահելու մասին է, անձնական քարոզչության մասին, զանգվածային արշավների մասին, գրքերի մասին, առաքելությունների մասին է: Բոլոր միջոցներով մենք պե՛տք է փրկենք հոգիներ:

Դուք կարող եք հարցնել. «Ինչու՞ են այդքան շատ պատճառներ բերված»:

Սիրելի բարեկամ, ես ձեզ եմ ներկայացրել 120 պատճառ, թե ինչու պետք է շահել հոգիներ, սակայն կարող եմ ձեզ վստահեցնել, որ կան շատ ավելի պատճառներ, որոնք պարզապես չեմ կարողացել կիսել ձեզ հետ:

Կարդացեք դրանք, հավատացեք դրանց և ընդունեք Քրիստոսի ոգին, որը հոգիները շահողի ոգին է:

Գլուխ 1

Հարյուր քսան պատճառ, թե ինչու պետք է լինեք հոգիներ շահող

1. Դուք պետք է լինեք հոգիներ շահող, քանի որ դա մեծ հանձնարարություն է, մեծ հրաման, մեծ լիազորություն, մեծ հրահանգ, մեծ կարգադրություն՝ տրված մեր Տեր և Փրկիչ Հիսուս Քրիստոսի կողմից:

Եվ Հիսուս մոտենալով՝ խոսեց նրանց հետ ու ասաց. «Ինձ է տրված ամեն իշխանություն երկնքում և երկրի վրա. ինչպես Հայրը ինձ ուղարկեց, ես էլ ձեզ եմ ուղարկում: Գնացե՛ք ուրեմն աշակերտ դարձրե՛ք բոլոր ազգերին, նրանց մկրտեցե՛ք Հոր և Որդու և Սուրբ Հոգու անունով: Ուսուցանեցե՛ք նրանց պահել այն բոլորը, ինչ որ ձեզ պատվիրեցի: Եվ ահա ես ձեզ հետ եմ բոլոր օրերում՝ մինչև աշխարհի վախճանը»: Ամեն:

Մատթ. 28.19-21

2. Դուք պետք է լինեք հոգիներ շահող, քանի որ մենք կոչված ենք կատարելու հոգիներ շահելու այս մեծ գործը:

«...որովհետև կանչվածները բազում են, իսկ ընտրյալները՝ սակավ»:

Մատթ. 22.14

Այսպես, վերջինները առաջին պիտի լինեն, և առաջինները՝ վերջին. որովհետև բազում են կանչվածները, բայց սակավ են ընտրյալները»:

Մատթ. 20.16

Ինչ է ասել Վիլյամ Բուտթը կոչի մասին

Դուք ասացիք «Կանչված չե՞մ»: Դուք պետք է ասեիք՝ «Կանչը չեմ լսել»:

Ականջալուր եղեք Աստվածաշնչին և լսեք, թե ինչպես է Նա հրամայում գնալ և մեղքերի կրակից դուրս բերել մեղավորներին: Դրեք ձեր ականջը մարդկության բեռնված և տանջված սրտին և լսեք նրա՝ օգնության խղճալի, ողբաձայն կանչը:

Գնացե՛ք դժոխքի դարպասների մոտ և լսեք անիծվածներին, որոնք աղերսում են ձեզ գնալ իրենց հոր տունը և հրամայել իրենց եղբայրներին, քույրերին, ծառաներին և տերերին չգնալ այնտեղ:

Ապա նայեք Քրիստոսի աչքերի մեջ, որի գթասրտությանը ենթարկվելու խոստում եք տվել, և ասացեք Նրան, թե կմիավորե՞ք արդյոք սիրտը, հոգին, մարմինը և հանգամանքները՝ որպեսզի քայլերթով ի լուր աշխարհի հայտարարեք նրա գթասրտության մասին»:

Ուիլյամ Բուտթ՝ Փրկության բանակի հիմնադիրը

«Ես հավատում եմ, որ յուրաքանչյուր սերնդի մեջ Աստված բավականաչափ կանանց և տղամարդկանց է կանչել՝ մինչև հիմա անհասանելի ցեղերին ավետարանելու համար: Ոչ թե Աստված չի կանչում, այլ մարդիկ չեն պատասխանում»:

Իսոբել Քուն, Չինաստանում և Թաիլանդում գործած միսիոներ

3. Դուք պետք է լինեք հոգիներ շահող, քանի որ դուք արարվել եք հոգիները շահելու բարի գործի համար:

...որովհետև նրա արարածներն ենք՝ Քրիստոս Հիսուսով ստեղծվածներ բարի գործերի համար, որոնց համար էլ Աստված առաջուց պատրաստեց մեզ, որպեսզի դրանք կատարենք:

Եփես. 2.10

Մի անգամ Լոնդոնում զրուցում էի մի տաքսիստի հետ: Նրան ասացի, որ քրիստոնյա եմ և սկսեցի կիսել նրա հետ Քրիստոսի մասին իմ իմացածը: Նաև նրան պատմեցի Դրախտի և Դժոխքի իրականության մասին: Նա ծիծաղեց և հարցրեց, թե հավատո՞ւմ եմ արդյոք իմ ասածներին:

Նա հարցրեց. «Եթե դրախտն իրական է, ինչու՞ քրիստոնյաները չեն սպանում իրենք իրենց՝ Դրախտ ընկնելու համար»:

Նա ինձ փորձում էր ասել, թե քանի որ Դրախտն այդքան լավ տեղ է, և քրիստոնյաներն անելիք չունեն այս աշխարհում, նրանք պետք է իրենք իրենց անմիջապես փոխադրեն Դրախտ:

Եվ եթե իսկապես քրիստոնյան որևէ անելու բան չունենար այս աշխարհում, ապա այդ տղամարդու ասածը հիմնավոր կլիներ: Այդուամենայնիվ, իրականությունն այն է, որ քրիստոնյաները շատ անելիք ունեն այս աշխարհում՝ մինչև Դրախտ գնալը: Մենք պետք է վկայենք և քարոզենք Հիսուս Քրիստոսի Ավետարանը: Մենք պետք է ամեն գնով շահենք կորուսյալներին:

Միլիոնավոր մարդկանց փրկությունը կախված է մեզնից: Ես ցավում եմ, որ քրիստոնյաների մեծ մասը չի բացահայտել իր փրկության պատճառները:

Աստվածաշունչն ասում է, որ մենք փրկվել ենք հատուկ պատճառով՝ բարի գործերի՛ համար:

...որովհետև նրա արարածներն ենք՝ Քրիստոս Հիսուսով ՍՏԵՂԾՎԱԾՆԵՐ ԲԱՐԻ ԳՈՐԾԵՐԻ ՀԱՄԱՐ, որոնց համար էլ Աստված առաջուց պատրաստեց մեզ, որպեսզի դրանք կատարենք:

Եփես. 2.10

Քրիստոնյաները հետընթաց են ապրում ամեն օր, քանի որ նպատակ չեն դնում այցելել եկեղեցի և լինել եկեղեցում: Մարդիկ հաճախում են եկեղեցի, սակայն որոշ ժամանակ անց նրանք հեռանում են՝ եկեղեցական կյանքում իմաստ չգտնելով: Ցանկացած մարդ, որը ներգրավվում է հոգիների փրկության մեջ, սկսում է բացահայտել, թե որն է եղել ի՛ր փրկության պատճառը: Հոգիներ շահելը բարձրացնում է քրիստոնյաների ինքնագնահատականը:

4. Դուք պետք է լինեք հոգիներ շահող, քանի որ հոգիներ շահելը մեծ ուրախություն և եռանդ է պարգևում քրիստոնյաներին:

Այնուհետև Տերը նշանակեց ուրիշ յոթանասուներկու հոգի ևս և նրանց իրենից առաջ երկու-երկու ուղարկեց այն բոլոր քաղաքներն ու վայրերը... Եվ նրանց ասաց. «Հունձն առատ է... Գնացե՛ք, ահա ուղարկում եմ ձեզ...

Յոթանասուներկուսը ՎԵՐԱԴԱՐՁԱՆ ԽՆԴՈՒԹՅԱՄԲ...

Ղուկ. 10.1-3, 17

Ամեն անգամ քարոզելուց հետո ձեզ կհամակի ուրախությունը: Ուրախալի է, երբ հոգիներ են փրկվում: Ես դա չեմ կարող բացատրել: Միայն մայրը կարող է բացատրել, թե ինչ է զգում իր երեխայի ծննդից հետո: Ես ծննդաբերության ժամանակ տանջվող բազմաթիվ կանանց եմ տեսել, սակայն ո՛չ ցավը, ո՛չ էլ տանջանքը չեն կարող նրանց ետ պահել երեխայի ծննդյան ուրախությունից:

Երբ մարդկանց բերեք դեպի Տերը, կբացահայտեք, թե ինչ է նշանակում Տիրոջ ուրախությունը: Ես դա չեմ կարող ձեզ բացատրել: Դուք պետք է ինքներդ բացահայտեք: Ես բացահայտել եմ, որ իմ եկեղեցու անդամները եռանդուն են դառնում, երբ ներգրավված են լինում հոգու փրկության գործում: Հոգու փրկությունը Տիրոջ ուրախությունն է ներարկում եկեղեցու մեջ:

5. Դուք պետք է լինեք հոգիներ շահող, քանի որ ցանկացած եկեղեցու մեծությունը նրանում չէ, թե քանի հոգու է տեղավորում, այլ նրանում, թե քանիսին է ուղարկում:

6. Դուք պետք է լինեք հոգիներ շահող, քանի որ հոգիներ շահելը Հիսուսի սրտի բաբախն է:

Մի քանի տարի առաջ ես տեսիլք ունեցա: Այդ տեսիլքում տեսա արյունով պատված մարդու սիրտ: Սիրտը բաբախում էր: Այդ օրն Աստված իմ սրտի վրա դաջեց, որ Հիսուս Քրիստոսի սրտի կանչը հավաքում է դաշտի բերքը: Հիսուսն իր գահը չէր լքել առանց պատճառի: Նա այս աշխարհ էր եկել փրկելու մեղավորներին:

...որովհետև մարդու Որդին եկավ փնտրելու և փրկելու կորածին:

Ղուկ. 19.10

7. Դուք պետք է լինեք հոգիներ շահող, քանի որ հոգիներ շահելը թույլ չի տալիս, որ եկեղեցին պառակտվի:

Երբ մեր եկեղեցու անդամները արգասաբեր գործունեության մեջ են ներգրավվում, նրանք ժամանակ չեն ունենում բաժանում բերող չնչին վեճերի համար: Պաստորները պետք է սովորեցնեն եկեղեցու անդամներին, որ հոգին հոգի է և Աստծու համար՝ թանկ:

Երբ եկեղեցու անդամները գիտակցում են այն հոգիների կարևորությունը, որոնք պետք է փրկվեն, նրանց առաջնահերթությունները դառնում են աստվածաշնչային առաջնահերթություններ:

Այդ ժամանակ եկեղեցու բաժանումներից և պառակտումներից հնարավոր է լինում խուսափել: Երբ չափից շատ քրիստոնյա է հավաքվում մեկ վայրում՝ ոչինչ չանելով, դա հաճախ բերում է ցավ, վեճեր և վերքեր:

8. Դուք պետք է լինեք հոգիներ շահող, քանի որ հոգիներ շահելը բերում է աստվածային օժանդակություն և պաշտպանություն:

«Մենք չենք կարող ընտրել՝ տարածե՞լ Ավետարանը, թե՝ ոչ: Մենք կմահանանք, եթե դա չանենք»:

Փիթեր Թեյլոր Ֆորսայթ

Երբ դուք շահում եք հոգիներ, աստվածային օժանդակությունն ուղեկցում է ձեզ՝ բոլոր ձեր գործերում:

Աստվածաշունչը կարդալու հետ մեկտեղ դուք կբացահայտեք, որ հոգիներ փրկելը բերում է երկնային ուրախություն: Երկինքն արձագանքում է Տիրոջ համար փրկված յուրաքանչյուր հոգու համար:

Ասում եմ ձեզ, որ այսպես ՈՒՐԱԽՈՒԹՅՈՒՆ ԿԼԻՆԻ ԵՐԿՆՔՈՒՄ մի մեղավորի համար, որն ապաշխարում է, քան իննսունինը արդարների համար, որոնց ապաշխարություն պետք չէ: Ասում եմ ձեզ, ԱՍՏԾՈՒ ՀՐԵՇՏԱԿՆԵՐԻ ԱՌԱՋ ԱՅՍՊԵՍ ՈՒՐԱԽՈՒԹՅՈՒՆ կլինի մեկ մեղավորի համար, որն ապաշխարում է»:

Ղուկ. 15.7, 10

Եկեղեցիները պետք է իմանան, թե ինչու գոյություն ունեն՝ որպեսզի հոգիներ շահեն Դրախտի համար: Դեսպանատները ստեղծվել են իրենց երկրի կառավարությունը ներկայացնելու համար: Նույն կերպ էլ եկեղեցիները երկնային դեսպանություններն են:

Շատերն աղոթում են, որպեսզի Աստված նրանց հեռու պահի սատանայից: Դուք գիտեի՞ք, որ աստվածային պաշտպանությունը գործում է բոլոր նրանց համար, ովքեր մասնակցում են Աստծու կամքին:

Սաղմոս 91-ն ասում է, որ Աստված կպահի և կպահպանի ձեզ, քանի որ ձեր հույսը դնում եք նրա վրա և սիրում եք նրան:

Քանի որ հույսն ինձ վրա դրեց, ես ԿՓՐԿԵՄ ՆՐԱՆ, նրան հովանի կլինեմ, քանզի անունս ճանաչեց:

Ինձ ձայն կտա՝ ու կլսեմ նրան, և ՆՐԱ ՀԵՏ ԿԼԻՆԵՄ ՆԵՂՈՒԹՅԱՆ ՄԵՋ. ԿՓՐԿԵՄ ու կփառավորեմ նրան:

Բազում օրերով նրան կլիացնեմ ու ցույց կտամ նրան իմ փրկությունը:

Սաղմ. 91.14-16

Եթե դուք ձեր հույսը դնեք Աստծու վրա, Նա կազատի ձեզ: Ես հավատում եմ, որ կատարում եմ Աստծու կամքը: Միգուցե դա է մինչև հիմա իմ ողջ մնալու միակ պատճառը: Ճիշտ ինչպես Պողոսի կյանքում, իմ կյանքում ևս եղել են գրեթե մահաբեր փորձառություններ՝ ներառյալ օդանավի կործանումից և ավտովթաներից խուսափելը:

Քրիստոսի՞ պաշտոնյաներ են (առավել հանդգնությամբ կասեի, թե)՝ ես առավե՛լ ևս: Եթե վաստակով՝ առավել. եթե գանակոծությամբ՝ առավե՛լ ևս. եթե բանտարկությամբ՝ ավելի՛ քան նրանք. եթե մահվան վտանգով՝ բազում անգամ:

Հրեաներից, հինգ անգամ, քառասունից մեկով պակաս ծեծ կերա. երեք անգամ ձաղկվեցի. մեկ անգամ քարկոծվեցի. երեք անգամ նավաբեկության ենթարկվեցի. մեկ ցերեկ և մեկ գիշեր ծովի անդունդներում տառապեցի:

Բ Կորնթ. 11.23-25

Այդ բոլոր պարագաների համար ես կարող եմ խոսել Պողոսի նման և ասել, որ Աստված փրկել է ինձ այդ ամենից:

Որովհետև վստահ եմ, թե ո՛չ մահը, ո՛չ կյանքը, ո՛չ հրեշտակները, ո՛չ իշխանությունները, ո՛չ այլ բաներ, որ այժմ կան, ո՛չ գալիքները և ո՛չ զորությունները, ո՛չ բարձրություն, ո՛չ խորություն և ո՛չ մի ուրիշ արարած չի կարող բաժանել մեզ Աստծու այդ սիրուց, որ կա մեր Տեր Քրիստոս Հիսուսով:

Հռոմ. 8.38-39

Ես տեսնում եմ, որ Աստված փրկո՛ւմ է ձեզ: Ես տեսնում եմ, որ Աստված օգնո՛ւմ է ձեզ նեղության ժամանակ: Ես տեսնում եմ, որ Աստված կանգնա՛ծ է