Ivalum Avalum

http://www.pustaka.co.in

இவளும் அவளும்

Ivalum Avalum

Author:

சிவசங்கரி

Sivasankari

For more books

http://www.pustaka.co.in/home/author/sivasankari

Digital/Electronic Copyright © by Pustaka Digital Media Pvt. Ltd.

All other copyright © by Author.

All rights reserved. This book or any portion thereof may not be reproduced or used in any manner whatsoever without the express written permission of the publisher except for the use of brief quotations in a book review.

கமலிக்கு முதுகை வலித்தது.

கொஞ்சம் நிமிர்ந்து கழுத்தை இப்படியும் அப்படியும் திருப்பி, கைகளை மேலே தூக்கி உதறி, சோம்பல்முறித்தால் தேவலைபோல இருந்தது. அக்கடாவென்று வலி போக படுக்கையில் உடம்பை நீட்டிப் படுத்தால் நன்றாக இருக்குமென்று தோன்றியது.

இல்லை, இப்போது முடியாது. செக்கச்சிவந்த நிறத்தில் செம்பருத்திப் பூக்கள் தயார். அவற்றில் பொன்நிறத்தில் மகரந்தங்களைத் தீட்டிமுடித்துவிட்டால், இரண்டு இலை கள்தான் பாக்கி. கரும்பச்சை நிறத்தில் சற்றே லேசான பச்சையைத் திட்டமாய் கலந்து கவனத்துடன் அவற்றைப் பெயிண்ட் செய்துமுடிக்க, இன்னும் முக்கால் மணிநேரம் ஆகுமா? ம்... ஆகும்.

அதற்கு அப்புறம்தான் முதுகை நிமிர்த்தல், கையைச் சொடுக்கல், படுக்கையில் படுத்தல் எல்லாம்.

துணிகளைத் தீட்டும் வர்ணங்களைத் தயாரிக்கும் கம்பெனி, ஆறு மாசத்துக்கு ஒரு முறை நடத்தும் பெயிண்டிங் போட்டியில் கலந்துகொள்ளவேண்டும் என்பது கமலியின் நெடுநாளைய ஆசை. அதற்கு ஏனோ இன்றுவரை வேளை வரவில்லை.

போன முறை, அதாவது கல்யாணமான மறுமாசம், அப்போது அறிவித்திருந்த

போட்டியின் முடிவுகாலத் தேதிக்கு சரியாய் பத்து நாள்கள் இருந்ததால், அன்புக் கணவன் விசுவிடம் அதுகுறித்துப் பேசவே செய்தாள்.

சாமான்கள் வாங்க கடைக்குப் போயிருந்த ஒரு நாளில், போட்டி பற்றின அறிவிப்பு

கண்களில் பட, அங்கேயே அப்போதே கணவனிடம் கேட்டாள், "என்ன, ப்ளீஸ்... இங்க

பாருங்களேன்..."

விசு பார்த்தான்.

இதுல நா கலந்துக்கட்டுமா?

என்னம்மா இது? கேட்டுக்கொண்டே நுழைவுத்தாளை கையில் வாங்கிப் படித்த விசு, முடிவுத் தேதிக்குப் பத்துநாள்கூட இல்லியே! உன்னால அதுக்குள்ள முடியுமா? என்றான்.

கமலி