Thangap Paravai

http://www.pustaka.co.in

தங்க பறவை

Thangaparavai

Author:

இந்திரா செளந்தர்ராஜன்

Indira Soundarajan

For more books

http://www.pustaka.co.in/home/author/indira-soundarajan

Digital/Electronic Copyright © by Pustaka Digital Media Pvt. Ltd.

All other copyright © by Author.

All rights reserved. This book or any portion thereof may not be reproduced or used in any manner whatsoever without the express written permission of the publisher except for the use of brief quotations in a book review.

பொருளடக்கம்

அத்தியாயம் 1

அத்தியாயம் 2

அத்தியாயம் 3

அத்தியாயம் 4

அத்தியாயம் 5

அத்தியாயம் 6

அத்தியாயம் 7

அத்தியாயம் 8

அத்தியாயம் 9

அத்தியாயம் 10

1

இந்திய வனங்கள் உலக வனங்களில் மிக வேறுப்பட்டவை. ஐவகைப் பருவ நிலையைக் கொண்டவை. சீனாவிலும், இந்தியாவிலும் கிட்டத்தட்ட வனத்தின் தன்மை ஒன்று போலக் காணப்படுகிறது. இப்பொழுதும் இந்தியக் காடுகளில் ஆயிரக்கணக்கான பெயரிடப்படாத புதிய வகைத் தாவரங்கள் உள்ளன. மிதமான குளிர், மிதமான வெப்பம், மிதமான மழை கொண்ட நடுக்கூட்டு மலைகள் இந்தியாவில் சில இடங்களில் தான் உள்ளன. அவற்றில் சேர்வராயன் மலை குறிப்பிடத்தக்கது. இங்கு விளையும் சந்தனம் திடமானது. இந்த மலையில் தோத கத்தி, மஞ்சள் வேம்பு, படாக் போன்றவை அதிகம் விளையும் மரங்கள் இந்த மலைத்தலத்தில் ஆயிரமாண்டுகளாக உள்ள மருதமரம் ஒன்று உண்டு. இதன் அடிப்பாகத்தை ஐந்து பேர் சேர்ந்து பிடித்தாலும் முழுமையாக வளைத்துப் பிடிக்க முடியாது.

இந்த மரக்கிளையில் மட்டும் நூற்றுக்கணக்கான பறவைகளும், அவற்றின் முட்டைகளை நாடி வரும் மலைப் பாம்புகளும் ஏராளமாக உள்ளன என்பர்.

சென்ட்ரல் ஜெயில்! மாலை வேளை...

துப்பாக்கிக் காவலர்களுக்கு நடுவில் தம்தம் செல்களில் அடைவதற்காகச் சென்றபடி இருந்தனர் கைதிகள்.

ஒரு கைதி ஒரு காவலரிடம் ஒரு துண்டு பீடிக்காக சடக்வென்று குனிந்து காலையே பிடித்தான். அவரும் தலையில் அடித்துக் கொண்டு ஒரு பீடியை அவனுக்கும் தந்தார். அப்படி அவர் தந்து விட்டதற்காக ஒரு முறை குனிந்து காலில் விழுந்தான். அவர் அதற்கும் தலையிலடித்துக் கொண்டார்.

நீண்ட வராண்டா, பக்கவாட்டில் கம்பிக் கதவுகள் அவை திறக்கப்பட்ட போது எலி கத்துவது போல சப்தம் உள்ளே கைதிகள் அடையும் போது அதைக் காட்டிலும் சப்தம்!

பழுப்பேறிய அரை டிராயர், அரைக் கை பனியன், சட்டை, ஒட்டவெட்டப்பட்ட தலைமுடி என்று கைதிகளும் சிறைச்சாலை விதிமுறைகளுக்கு உட்பட்டுத்தான் தெரிந்தனர். செல்லுக்குள் கைதிகளை எண்ணிப்பார்த்து அடைத்து விட்டு திரும்பும் முன் உள்ளிருந்து பீடிப்புகை உருட்டி விட்ட ஒரு பந்து போல, மலைவெளியில் மேகம் போல பல தினுசுகளில் வெளிப்பட்டப்படி இருந்தது. காவல் சென்டரிகள் அதைக் கண்டு கொள்ளவில்லை.

அந்த வரிசைக்கு நேர் பின்னால் கடுங்காவல் தண்டனைக் கைதிகளுக்கான சிறை அறைகள் இருந்தன. காரை பெயர்ந்த சுவர், துளியும் வெளிச்சமோ காற்றோ இல்லாத அடைசலான சுவர், கம்பிக் கதவில் கூட முக்கால் பாகத்துக்கு தகடு அடைப்பு இரவு வேளைகளில் உள்ளிருக்கும் கைதியை நோட்டம் பார்க்க டார்ச் விளக்கைத்தான் அடித்துப் பார்க்க வேண்டும். அதிலும் அறைக்கு அறை கைதிகள் அடைக்கப்பட்டிருந்தனர். கடுங்காவல் சிறையைச் சுற்றி மரங்கள் கூட இல்லை. மரத்தின் நிழலும், குளிர்ந்த காற்றும் சிறையின் இதமான நிழலும், குளிர்ந்த காற்றும் சிறையின் இதமான காற்றோட்டத்தை உருவாக்கக் கூடும் என்பதால் மரங்கள் அங்கு வளர்க்கப்படவில்லை.

அடிக்கடி அந்தச் சிறைப்பகுதியில் இருந்த சிலர் ஒங்கி அலறும் சப்தமும், சிறைக் கதவின் முட்டி மோதிக் கதறும் சப்தமும் அந்த அந்தி வேளையில் கேட்டப்படியே இருந்தது. கத்திபோல கூரிய மடிப்புடன் யூனிஃபார்ம் போட்டிருக்கும் பாரா போலீஸ்காரர்கள் அதை லட்சியமே செய்யவில்லை. ஜான்சன் என்கிற ஒரு போலீஸ்காரர் மட்டும் நடந்தபடியே சிலுவை போட்டுக் கொண்டார்.

சார்.. கொஞ்சம் கதவைத் திறந்து உடுங்க சார்.. அப்படி வராண்டாவில் கொஞ்ச நேரம் உக்காந்துருக்கோம் உள்ள எரிச்சல் தாங்க முடியல சார்... என்று ஒரு குரல் கேட்டது அதையும் காதில் வாங்கிக் கொள்ளவில்லை.

ஜான்சன் மட்டும் மீண்டும் மீண்டும் சிலுவை போட்டுக் கொண்டார் அவருக்குச் சங்கடமாக இருந்தது. இது என்னடா உத்வேகம்...? இப்படிக் கைதிகள் நடுவில் அவர்கள் கதறலைக் கேட்டுக் கொண்டு காலம் தள்ள வேண்டியிருக்கிறதே... என்று நினைத்துக் கொண்டார். இப்படி ஒரு வேலைக்கு வந்ததற்கு தெருவில் பழ வண்டியில் பழம் விற்றுப் பிழைக்கலாம். அது மிக சுதந்திரமான, மன உரசல் இல்லாத தொழில் என்றெல்லாம் நினைத்துக் கொண்டார்.

அந்த வரிசையில் கடைசி பிளாக்கில் தான் அடைக்கப்பட்டிருந்தான், வரதன் என்னும் தூக்கு தண்டனைக் கைதி விடிந்தால் அவனுக்குத் தூக்கு எனவே அந்த செல் மேல் மட்டும் அவ்வப்போது ஒரு பார்வை பார்க்க ஜான்சன் தவறவில்லை.

சிறை அலுவலகத்தில் மெல்லியதாய் ஒரு பரபரப்பு நிலவியபடியே இருந்தது. அடிக்கடி தொலைபேசிகள் சிணுங்கியபடியே இருந்தன. சிறை சூப்ரெண்ட் ராமதுரை மிக டென்ஷனாகவே காணப்பட்டார்.

சிறைக்கென பிரத்யேகமாக உள்ள டாக்டர் வைத்யநாத் கூட நகம் கடித்தார். கைதியாக இருந்து நன்னடத்தை காரணமாக சிறை அலுவலக உதவியாளன் ஆக மாறியிருந்த பெரிய சாமி என்பவன் நடுநடுவே பிளாஸ்க்கில் இருந்து காபியை ஊற்றி ராமதுரைக்கும், வைத்யநாத்துக்கும் கொடுத்தவனாக இருந்தான்.

இறுதியாக வந்த தொலைபேசி செய்திப்படி வரதனுக்கான தண்டனையை ரத்து செய்யக்கோரும் மனு ஜனாதிபதி மாளிகையில் அவரது உத்தரவுக்காகக் காத்திருக்கிறது. உலக நாடுகளுக்கான சுற்றுப்பயணம் சென்றிருந்த ஜனாதிபதி அன்று காலைதான் நாடு திரும்பியிருந்தார். இருபத்தியொரு நாட்களுக்கு வெளிநாடு களிலேயே அவர் பொழுது கழிந்து விட்டது. அதனால் வரதனுக்காகப் போடப்பட்டிருந்த கருணை மனு மீது ஜனாதிபதியின் நடவடிக்கை ஒரு கேள்விக்குறியாகவே அமைந்துவிட்டது.

தொண்ணூறு சதம் வரதன் தப்பிக்க வாய்ப்பில்லை.

வரதனின் தந்தை ஒரு