ਉਹ ਜੋ ਭੁੱਲ ਜਾਂਦੇ ਹਨ

ਉਹ ਜੋ ਭੁੱਲ ਜਾਂਦੇ ਹਨ ਉਹਨਾਂ ਦੀ 
ਅਧਾਰਾਮਿਕਤਾ

... ਕਿਉਂ ਜੋ ਅਨਿਆਈ ਨਹੀਂ ਜੋ ਤੁਹਾਡੇ ਕੰਮ ਨੂੰ ਅਤੇ ਉਸ ਪ੍ਰੇਮ ਨੂੰ ਭੁੱਲ ਜਾਵੇ...

ਇਬਰਾਨੀਆਂ 6:10

1. ਲੋਕ, ਜੋ ਭੁੱਲ ਜਾਂਦੇ ਹਨ, ਉਹ ਅਧਰਮੀ ਹੁੰਦੇ ਹਨ।

ਕਿਉਂ ਜੋ ਪਰਮੇਸ਼ੁਰ ਅਨਿਆਈ ਨਹੀਂ ਜੋ ਤੁਹਾਡੇ ਕੰਮ ਨੂੰ ਅਤੇ ਉਸ ਪ੍ਰੇਮ ਨੂੰ ਭੁੱਲ ਜਾਵੇ ਜਿਹੜਾ ਤੁਸਾਂ ਉਹਦੇ ਨਾਮ ਨਾਲ ਵਿਖਾਇਆ ਭਈ ਤੁਸਾਂ ਸੰਤਾਂ ਦੀ ਸੇਵਾ ਕੀਤੀ, ਨਾਲੇ ਕਰਦੇ ਭੀ ਹੋ।

ਇਬਰਾਨੀਆਂ 6:10

ਜ਼ਿਆਦਾਤਰ ਲੋਕ, ਚਾਰ ਵੱਡੇ ਪਾਪਾਂ ਦੇ ਪ੍ਰਤੀ ਸੁਚੇਤ ਰਹਿੰਦੇ ਹਨ: ਝੂਠ ਬੋਲਣਾ, ਚੋਰੀ ਕਰਨਾ, ਵਿਭਚਾਰ ਅਤੇ ਕਤਲ ਕਰਨਾ। ਜਦੋਂ ਤੁਹਾਨੂੰ ਲੋਕਾਂ ਦੇ ਪਾਪਾਂ ਦੀ ਇੱਕ ਸੂਚੀ ਬਣਾਉਣ ਨੂੰ ਕਿਹਾ ਜਾਵੇ, ਤਾਂ ਉਨ੍ਹਾਂ ਨੂੰ ‘ਭੁੱਲ ਜਾਣ ਨੂੰ’ ਪਾਪ ਦੇ ਰੂਪ ਵਿੱਚ ਪੇਸ਼ ਕਰਨਾ ਚੰਗਾ ਨਹੀਂ ਲੱਗੇਗਾ। ਪਰ ਪਰਮੇਸ਼ੁਰ ਦਾ ਵਚਨ ਇਸ ਵਿਸ਼ੇ ਉੱਪਰ ਸਪੱਸ਼ਟ ਹੈ ‘ਭੁੱਲਨਾ ਅਧਰਮਿਕਤਾ ਹੈ।’ ਭੁੱਲ ਜਾਣਾ, ਸਵੀਕਾਰ ਕਰਨ ਵਿੱਚ ਅਤੇ ਯਾਦ ਰੱਖਣ ਵਿੱਚ ਨਾਕਾਮਯਾਬ ਹੋਣਾ ਪਰਮੇਸ਼ੁਰ ਦੇ ਸਾਹਮਣੇ ਪਾਪ ਹੈ।

ਕੀ ਕੋਈ ਕੁਆਰੀ ਆਪਣੇ ਗਹਿਣੇ, ਯਾ ਲਾੜੀ ਆਪਣਾ ਸਿੰਗਾਰ ਭੁੱਲ ਸਕਦੀ ਹੈ? ਪਰ ਮੇਰੀ ਪਰਜਾ ਨੇ ਅਣਗਿਣਤ ਦਿਨਾਂ ਤੋਂ ਮੈਨੂੰ ਭੁਲਾ ਛੱਡਿਆ ਹੈ।

ਯਿਰਮਿਯਾਹ 2:32

ਇਹ ਸੋਚਣਾ ਦੁਰਬੋਧਤਾ ਹੈ ਕਿ ਅਧਰਮੀ ਲੋਕ ਕੁਝ ਭੁੱਲ ਜਾਂਦੇ ਹਨ।

ਪਵਿੱਤਰ ਹੋ ਜਾਣ ਦੇ ਵਿਸ਼ੇ ਵਿੱਚ ਇਹ ਆਧੁਨਿਕ ਆਇਤ ਦਿਖਾਉਂਦੀ ਹੈ ਕਿ ਕਿਸ ਤਰ੍ਹਾਂ ਇੱਕ ਵਹੁਟੀ ਆਪਣੇ ਸਿੰਗਾਰ ਅਤੇ ਇੱਕ ਵਹੁਟੀ ਆਪਣੇ ਵਿਆਹ ਦੇ ਕੱਪੜਿਆਂ ਦੇ ਜੋੜੇ ਨੂੰ ਨਹੀਂ ਭੁੱਲਦੀ, ਵਿਆਹ ਦਾ ਇਹ ਜੋੜਾ ਇੱਕ ਵਹੁਟੀ ਦੇ ਲਈ ਸਭ ਤੋਂ ਮਹੱਤਵਪੂਰਨ ਚੀਜ਼ ਹੁੰਦੀ ਹੈ।

ਕਈ ਵਹੁਟੀਆਂ ਆਪਣੇ ਵਿਆਹ ਦੇ ਕੱਪੜੇ ਬਹੁਤ ਪਹਿਲਾਂ ਹੀ ਬਣਵਾ ਲੈਂਦੀਆਂ ਹਨ। ਇਸ ਵਚਨ ਵਿੱਚ ਪਰਮੇਸ਼ੁਰ ਨੂੰ ਭੁੱਲਣ ਦੀ ਮੂਰਖਤਾ ਉਨੀ ਹੀ ਡੂੰਘੀ ਹੈ ਜਿੰਨੀ ਕਿ ਇੱਕ ਵਹੁਟੀ ਦਾ ਆਪਣਾ ਵਿਆਹ-ਕੱਪੜੇ ਦਾ ਜੋੜਾ ਭੁੱਲਣਾ ਬੇਤੁਕਾ ਅਤੇ ਮੂਰਖਤਾ ਭਰਿਆ ਹੈ।

ਲੋਕ ਵੱਡੇ ਹੋ ਕੇ ਉਨ੍ਹਾਂ ਨੂੰ ਭੁੱਲ ਜਾਂਦੇ ਹਨ, ਜਿਨ੍ਹਾਂ ਨੇ ਉਸਦੀ ਦੇਖਭਾਲ ਕੀਤੀ ਹੁੰਦੀ ਹੈ, ਜਿਨ੍ਹਾਂ ਨੇ ਉਸਨੂੰ ਸੁਰੱਖਿਆ ਦਿੱਤੀ, ਪਾਲਿਆ-ਪੋਸਿਆ ਅਤੇ ਪਿਆਰ ਕੀਤਾ ਹੁੰਦਾ ਹੈ। ਉਹ ਉਨ੍ਹਾਂ ਨੂੰ ਭੁੱਲ ਜਾਂਦੇ ਹਨ ਜੋ ਉਨ੍ਹਾਂ ਨੂੰ ਮਸੀਹ ਵਿੱਚ ਲਿਆਉਂਦੇ ਹਨ, ਪ੍ਰਭੂ ਵਿੱਚ ਵਧਾਇਆ ਅਤੇ ਉਹ ਜਿਨ੍ਹਾਂ ਉਨ੍ਹਾਂ ਨੂੰ ਸੇਵਕਾਈ ਵਿੱਚ ਰੱਖਿਆ। ਕੀ ਇਹ ਸੰਭਵ ਹੈ ਕਿ ਲੋਕ ਉਨ੍ਹਾਂ ਨੂੰ ਭੁੱਲ ਜਾਣ ਜਿਨ੍ਹਾਂ ਨੇ ਉਨ੍ਹਾਂ ਨੇ ਔਖੇ ਦੌਰ ਅਤੇ ਅੋਖੇ ਹਲਾਤਾਂ ਵਿੱਚ ਉਸਦੇ ਜੀਵਨ ਵਿੱਚ ਸਹਾਇਤਾ ਕੀਤੀ? ਕੀ ਉਹ ਮੁੜ ਕੇ ਵਿਰੁੱਧ ਹੋ ਕੇ ਉਸ ਉੱਪਰ ਹਮਲਾ ਕਰਦੇ ਹਨ ਜਿਨ੍ਹਾਂ ਉਨ੍ਹਾਂ ਨੂੰ ਉਠਾਇਆ ਵੱਡਾ ਕੀਤਾ। ਉੱਤਰ ਹੈ ‘ਹਾਂ’। ਇਸ ਤਰ੍ਹਾਂ ਹਮੇਸ਼ਾ ਹੁੰਦਾ ਹੈ।

ਲੋਕ ਜਦੋਂ ਖੁਸ਼ਹਾਲ ਹੋ ਜਾਂਦੇ ਹਨ, ਤਦ ਉਹ ਪਰਮੇਸ਼ੁਰ ਨੂੰ ਭੁੱਲ ਜਾਂਦੇ ਹਨ। ਯੂਰੋਪ ਨੇ ਪਰਮੇਸ਼ੁਰ ਨੂੰ ਭੁਲਾ ਦਿੱਤਾ ਕਿਉਂਕਿ ਉਹ ਸਭ ਤੋਂ ਅਮੀਰ ਮਹਾਂਦੀਪ ਬਣ ਗਿਆ, ਪਰ ਯੂਰੋਪ ਨੂੰ ਇਹ ਸਭ ਪਰਮੇਸ਼ੁਰ ਨੇ ਦਿੱਤਾ। ਲੋਕ ਅਰਬਪਤੀ ਬਣਨ ਦੇ ਬਾਅਦ ਰੱਬ ਨੂੰ ਨਾ ਮੰਨਣ ਵਾਲੇ ਹੋ ਗਏ। ਕਿੰਨਾ ਬਦਕਿਸਮਤੀ ਪਾਪ ਹੈ। ਉਸਨੂੰ ਭੁਲਾਉਣਾ ਜਿਸਨੇ ਸਭ ਕੁਝ ਦਿੱਤਾ ਸੱਚਮੁੱਚ, ਇਹ ਅਧਾਰਮਿਕਤਾ ਸਭ ਤੋਂ ਭਿਆਨਕ ਸਜ਼ਾ ਦੇ ਯੋਗ ਹੈ।

2. ਭੁੱਲ ਜਾਣ ਵਾਲੇ ਲੋਕ, ਅਧਰਮੀ ਹਨ ਅਤੇ ਪਰਮੇਸ਼ੁਰ ਦਾ ਸੁਭਾਅ ਉਨ੍ਹਾਂ ਵਿੱਚ ਨਹੀਂ ਪਾਇਆ ਜਾਂਦਾ।

ਕਿਉਂ ਜੋ ਪਰਮੇਸ਼ੁਰ ਕੁਨਿਆਈ ਨਹੀਂ ਜੋ ਤੁਹਾਡੇ ਕੰਮ ਨੂੰ ਅਤੇ ਉਸ ਪ੍ਰੇਮ ਨੂੰ ਭੁੱਲ ਜਾਵੇ ਜਿਹੜਾ ਤੁਸਾਂ ਉਹਦੇ ਨਾਮ ਨਾਲ ਵਿਖਾਇਆ ਭਈ ਤੁਸਾਂ ਸੰਤਾਂ ਦੀ ਸੇਵਾ ਕੀਤੀ, ਨਾਲੇ ਕਰਦੇ ਭੀ ਹੋ।

ਇਬਰਾਨੀਆਂ 6:10

ਪਰਮੇਸ਼ੁਰ ਭੁੱਲਦਾ ਨਹੀਂ। ਮਨੁੱਖ ਭੁੱਲਦਾ ਹੈ ਪਰਮੇਸ਼ੁਰ ਨਹੀਂ ਭੁੱਲਦਾ। ਲੋਕ ਜੋ ਭੁੱਲਦੇ ਹਨ ਉਨ੍ਹਾਂ ਵਿੱਚ ਪਰਮੇਸ਼ੁਰ ਦਾ ਸੁਭਾਅ ਨਹੀਂ ਪਾਇਆ ਜਾਂਦਾ। ਇਹ ਤਾਂ ਭ੍ਰਿਸ਼ਟ ਅਤੇ ਦੁਸ਼ਟ ਅਤੇ ਡਿੱਗੇ ਹੋਏ ਮਨੁੱਖ ਦੇ ਵਿਅਕਤੀਤੱਵ ਦਾ ਪ੍ਰਦਰਸ਼ਨ ਹੈ ਕਿ ਉਹ ਉਨ੍ਹਾਂ ਗੱਲਾਂ ਨੂੰ ਭੁਲਾ ਦਿੰਦੇ ਹਨ ਜਿਨ੍ਹਾਂ ਨੂੰ ਕਦੀ ਨਹੀਂ ਭੁੱਲਣਾ ਚਾਹੀਦਾ।

ਇੱਕ ਵਿਅਕਤੀ ਜੋ ਪਰਮੇਸ਼ੁਰ ਦੇ ਵਚਨ ਅਤੇ ਪਰਮੇਸ਼ੁਰ ਦੀ ਆਤਮਾ ਦੁਆਰਾ ਅਧਿਕਾਰ ਕੰਟਰੋਲ ਕੀਤਾ ਜਾਂਦਾ ਹੈ ਉਹ ਵਿਸ਼ੇਸ਼ ਗੱਲਾਂ ਕਦੀ ਨਹੀਂ ਭੁੱਲਦਾ।

ਇੱਕ ਸੁਭਾਵਿਕ ਮਨੁੱਖ ਉਨ੍ਹਾਂ ਨੂੰ ਯਾਦ ਨਹੀਂ ਰੱਖਦਾ ਜਿਨ੍ਹਾਂ ਉਸਦੀ ਸਹਾਇਤਾ ਕੀਤੀ ਹੋਵੇ। ਇੱਕ ਸੁਭਾਵਿਕ ਮੁਕਤੀ ਨਾ ਪਾਇਆ ਮਨੁੱਖ ਯਾਦ ਨਹੀਂ ਰੱਖਣਾ ਚਾਹੁੰਦਾ ਕਿ ਉਹ ਕਿੱਥੋਂ ਆਇਆ ਹੈ। ਇੱਕ ਸੁਭਾਵਿਕ ਮਨੁੱਖ ਨਹੀਂ ਚਾਹੁੰਦਾ ਕਿ ਲੋਕ ਜਾਣਨ ਕਿ ਉਹ ਜੋ ਅੱਜ ਹੈ, ਕਿਸ ਤਰ੍ਹਾਂ ਬਣਿਆ ਹੈ। ਕਿੱਥੋਂ ਆਇਆ ਹੈ?

ਪਰ ਇਹ ਪਰਮੇਸ਼ੁਰ ਦਾ ਸੁਭਾਅ ਨਹੀਂ ਹੈ। ਜਦੋਂ ਯਿਸੂ ਧਰਤੀ ਉੱਤੇ ਚੱਲਦਾ ਸੀ, ਉਸਨੇ ਲਗਾਤਾਰ ਇਸ ਗੱਲ ਨੂੰ ਦੱਸਿਆ ਕਿ ਉਹ ਕਿੱਥੋਂ ਆਇਆ। ਉਸਨੇ ਕਿਹਾ ਕਿ ਉਹ ਖ਼ੁਦ ਤੋਂ ਕੁਝ ਨਹੀਂ ਕਰ ਸਕਦਾ।

ਉਸਨੇ ਕਿਹਾ ਉਹ ਕੇਵਲ ਆਪਣੇ ਪਿਤਾ ਦੇ ਦੁਆਰਾ ਦਿੱਤੇ ਗਏ ਸ਼ਬਦਾਂ ਨੂੰ ਕਹਿੰਦਾ ਹੈ।

ਇਹ ਅਧਰਮ ਦੇ ਘਮੰਡੀ ਮਨੁੱਖ ਦੀ ਤਿੱਖੀ ਭਿੰਨਤਾ ਹੈ। ਘਮੰਡੀ ਅਤੇ ਦੁਸ਼ਟ ਮਨੁੱਖ ਆਪਣੀ ਉੱਤਪਤੀ ਅਤੇ ਸ਼ੁਰੂ ਨੂੰ ਪ੍ਰਗਟ ਨਹੀਂ ਕਰਦਾ। ਉਹ ਤਾਂ ਕੇਵਲ ਇਹ ਵਿਸ਼ਵਾਸ ਕਰਦਾ ਹੈ ਕਿ ਉਸਨੇ ਕੇਵਲ ਆਪਣੀ ਮਿਹਨਤ ਨਾਲ ਤਰੱਕੀ ਪਾਈ ਹੈ ਅਤੇ ਆਪਣੀ ਸ਼ਕਤੀ ਦੇ ਦ੍ਰਿਸ਼ ਉੱਤੇ ਲੋਕਾਂ ਦੇ ਵਿੱਚ ਆਇਆ ਹੈ।

3. ਉਹ ਲੋਕ ਜੋ ਭੁੱਲ ਜਾਂਦੇ ਹਨ ਉਹ ਅਧਰਮੀ ਅਤੇ ਮੁਰਝਾਉਣ ਲਈ ਸ਼ਰਾਪਿਤ ਹੈ।

ਭਲਾ, ਬਿਨ੍ਹਾਂ ਚਿੱਕੜ ਥੋਂ ਜਲ ਕਾਨਾ ਉੱਗੂਗਾ? ਭਲਾ, ਬਿਨ੍ਹਾਂ ਪਾਣੀ ਥੋਂ ਦੱਭ ਵਧੂਗੀ? ਜਦੋਂ ਉਹ ਅਜੇ ਹਰਾ ਹੀ ਹੁੰਦਾ ਹੈ ਵੱਢਣ ਤੋਂ ਪਹਿਲਾਂ, ਉਹ ਦੂਜਿਆਂ ਘਾਵਾਂ ਨਾਲੋਂ ਪਹਿਲਾਂ ਹੀ ਸੁੱਕ ਜਾਂਦਾ ਹੈ। ਐਉਂ ਹੀ ਪਰਮੇਸ਼ੁਰ ਦੇ ਸਾਰੇ ਭੁੱਲਣ ਵਾਲਿਆਂ ਦੇ ਰਾਹ ਹਨ, ਅਤੇ ਅਧਰਮੀ ਦੀ ਆਸ਼ਾ ਟੁੱਟ ਜਾਂਦੀ ਹੈ।

ਅੱਯੂਬ 8:11-13

ਜੋ ਲੋਕ ਭੁੱਲ ਜਾਂਦੇ ਹਨ; ਮੁਰਝਾਉਣ ਦੇ ਲਈ ਸਰਾਪਿਤ ਹਨ। ਭੁੱਲਣਾ ਇੰਨਾ ਗੰਭੀਰ ਪਾਪ ਹੈ ਕਿ ਉਨ੍ਹਾਂ ਉੱਤੇ ਸ਼ਰਾਪਾਂ ਦੀ ਬਾਰਿਸ਼ ਕਰਵਾਉਂਦਾ ਹੈ। ਜ਼ਰੂਰੀ ਨਹੀਂ ਕਿ ਅਸੀਂ ਉਸ ਜ਼ਰੂਰੀ ਵਸਤੂਆਂ ਨੂੰ ਭੁੱਲਣ ਉੱਪਰ ਮੌਖਿਕ ਸ਼ਰਾਪ ਸੁਣਾਂਗੇ। ਪਵਿੱਤਰ ਬਾਈਬਲ ਪਹਿਲਾਂ ਹੀ ਉਸ ਉੱਪਰ ਸ਼ਰਾਪ ਦੀ ਘੋਸ਼ਣਾ ਕਰਦਾ ਹੈ ਜੋ ਪਰਮੇਸ਼ੁਰ ਨੂੰ ਭੁਲਾ ਦਿੰਦੇ ਹਨ। ਸਾਵਧਾਨ ਰਹੋ। ਉਸ ਗੱਲਾਂ ਦੇ ਪ੍ਰਤੀ ਕਿ ਪਰਮੇਸ਼ੁਰ ਤੁਹਾਨੂੰ ਕਿੱਥੋਂ ਉਠਾ ਕੇ ਲਿਆਇਆ ਹੈ? ਅਤੇ ਉਸਨੇ ਤੁਹਾਡੇ ਲਈ ਕੀ-ਕੀ ਕੀਤਾ ਹੈ।

4. ਅਧਰਮੀ ਲੋਕ, ਭੁੱਲ ਜਾਣ ਦੇ ਖ਼ਤਰਿਆਂ ਦੀ ਪ੍ਰਤੀ ਸੁਚੇਤ ਨਹੀਂ ਹੁੰਦੇ।

ਉੱਥੇ ਬਾਲ ਦੀਆਂ ਨਦੀਆਂ ਕੋਲ, ਅਸੀਂ ਜਾ ਬੈਠੇ। ਨਾਲੇ ਰੋਣ ਲੱਗ ਪਏ, ਜਦ ਅਸਾਂ ਸੀਯੋਨ ਨੂੰ ਚੇਤੇ ਕੀਤਾ।

ਉਹਦੇ ਵਿੱਚ ਬੇਦ-ਮਜਨੂੰਆਂ ਉੱਤੇ ਅਸਾਂ ਆਪਣੀਆਂ ਬਰਬਤਾ ਨੂੰ ਟੰਗ ਦਿੱਤਾ।

ਕਿਉਂ ਜੋ ਉੱਥੇ ਸਾਨੂੰ ਬੰਧੂਆਂ ਕਰਨ ਵਾਲਿਆਂ ਨੇ ਸਾਥੋਂ ਗੀਤ ਦਾ ਅਤੇ ਸਾਡੇ ਮਖੌਲ ਕਰਨ ਵਾਲਿਆਂ ਨੇ ਖੁਸ਼ੀ ਦਾ ਸੁਆਲ ਕੀਤਾ, ਭਈ ਸੀਯੋਨ ਦੇ ਗੀਤਾਂ ਵਿੱਚੋਂ ਸਾਡੇ ਲਈ ਕੋਈ ਗੀਤ ਗਾਓ।

ਅਸੀਂ ਯਹੋਵਾਹ ਦਾ ਗੀਤ ਪਰਾਏ ਦੇਸ਼ ਵਿੱਚ ਕਿੱਕੁਰ ਗਾਈਏ ?

ਹੇ ਯਰੂਸ਼ਲਮ, ਜੇ ਮੈਂ ਭੁੱਲ ਜਾਵਾਂ, ਤਾਂ ਮੇਰਾ ਸੱਜਾ ਹੱਥ ਭੁੱਲ ਜਾਵੇ।

ਮੇਰੀ ਜੀਭ ਤਾਲੂ ਨਾਲ ਜਾ ਲੱਗੇ ! ਜੇ ਮੈਂ ਤੈਨੂੰ ਚੇਤੇ ਨਾ ਰੱਖਾਂ, ਜੇ ਮੈਂ ਯਰੂਸ਼ਲਮ ਨੂੰ, ਆਪਣੇ ਉੱਤਮ ਅਨੰਦ ਤੋਂ ਉੱਚਾ ਨਾ ਰੱਖਾਂ।

ਜ਼ਬੂਰ 137:1-6

ਤੁਹਾਨੂੰ ਯਾਦ ਰੱਖਣ ਨੂੰ ਬਹੁਤ ਹੀ ਗੰਭੀਰਤਾ ਨਾਲ ਲੈਣਾ ਚਾਹੀਦਾ ਹੈ। ਭਜਨਕਾਰ ਜਾਣਦਾ ਹੈ ਕਿ ਯਰੂਸ਼ਲਮ ਨੂੰ ਭੁੱਲਣਾ ਬੜਾ ਹੀ ਬਦਕਿਸਮਤੀ ਹੈ। ਉਹ ਲਿਖਦਾ ਹੈ ਕਿ ਉਸ ਉੱਪਰ ਸ਼ਰਾਪ ਪਵੇ ਜਦੋਂ ਜਿਹੜਾ ਉਹ ਭੁੱਲ ਜਾਵੇ ਕਿ ਉਹ ਕਿੱਥੋਂ ਆਇਆ ਹੈ। ਇਹੀ ਯਾਦ ਰੱਖਣ ਦੀ ਗੰਭੀਰਤਾ ਹੈ। ਤੁਸੀਂ ਵੀ ਜਦੋਂ ਕੁਝ ਗੱਲਾਂ ਯਾਦ ਨਹੀਂ ਰੱਖਦੇ ਤਾਂ ਤੁਹਾਡੇ ਜੀਵਨ ਵਿੱਚ ਠਹਿਰਾਅ ਆਉਂਦਾ ਹੈ। ਜਦੋਂ, ਸਾਨੂੰ ਪਰਮੇਸ਼ੁਰ ਕਿੱਥੋਂ ਉਠਾ ਕੇ ਲਿਆਇਆ ਹੈ, ਅਸੀਂ ਭੁੱਲ ਜਾਈਏ, ਤਾਂ ਸਾਡੀ ਜੀਭ ਸਾਡੇ ਤਾਲੂ ਨਾਲ ਚਿਪਕ ਜਾਵੇ, ਜਦੋਂ ਅਸੀਂ ਭੁੱਲ ਜਾਈਏ ਕਿ ਪਰਮੇਸ਼ੁਰ ਨੇ ਸਾਡੇ ਲਈ ਕੀ-ਕੀ ਕੀਤਾ ਹੈ ਤਾਂ ਸਾਡਾ ਸੱਜਾ ਹੱਥ ਬੈਂਕ ਨਾਲ ਚੈੱਕ ਭਰਨ ਵਿੱਚ ਅਸਮਰਥ ਹੋ ਜਾਵੇਗਾ।

5. ਅਧਰਮੀ ਲੋਕ ਪਰਮੇਸ਼ੁਰ ਨੂੰ ਭੁੱਲ ਜਾਂਦੇ ਹਨ, ਜਦੋਂ ਉਨ੍ਹਾਂ ਦੇ ਕੋਲ ਘਰ ਹੁੰਦੇ ਹਨ ਅਤੇ ਉਹ ਅਮੀਰ ਹੋ ਜਾਂਦੇ ਹਨ।

ਅਜੇਹਾ ਨਾ ਹੋਵੇ ਕਿ ਜਦ ਤੁਸੀਂ ਰੱਜ ਕੇ ਖਾਓ ਅਤੇ ਚੰਗੇ ਘਰ ਬਣਾ ਕੇ ਉਨ੍ਹਾਂ ਵਿੱਚ ਵੱਸ ਜਾਓ। ਜਦ ਤੁਹਾਡੇ ਚੋਣੇ ਅਤੇ ਤੁਹਾਡੇ ਇੱਜੜ ਵੱਧ ਜਾਣ ਅਤੇ ਤੁਹਾਡੀ ਚਾਂਦੀ ਸੋਨਾ ਵੱਧ ਜਾਵੇ ਸਗੋਂ ਤੁਹਾਡਾ ਸਭ ਹੀ ਕੁਝ ਵੱਧ ਜਾਵੇ। ਤਦ ਤੁਹਾਡੇ ਮਨ ਵਿੱਚ ਹੰਕਾਰ ਆ ਜਾਵੇ ਅਤੇ ਤੁਸੀਂ ਯਹੋਵਾਹ ਆਪਣੇ ਪਰਮੇਸ਼ੁਰ ਨੂੰ ਭੁੱਲ ਜਾਓ ਜਿਹ ਨੇ ਤੁਹਾਨੂੰ ਮਿਸਰ ਦੇਸ਼ ਤੋਂ ਗੁਲਾਮੀ ਦੇ ਘਰ ਤੋਂ ਕੱਢਿਆ।

ਬਿਵਸਥਾ ਸਾਰ 8:12-14

ਯਾਦ ਨਾ ਰੱਖਣ ਦੀ ਅਧਾਰਮਿਕਤਾ ਆਮ ਤੌਰ ਤੇ ਉਨ੍ਹਾਂ ਨੂੰ ਹੀ ਫੜਦੀ ਹੈ ਜੋ ਤ੍ਰਿਪਤ ਹੁੰਦੇ ਹਨ ਜੋ ਲੋਕ ਆਪਣੇ ਘਰਾਂ ਵਿੱਚ ਰਹਿੰਦੇ ਹਨ ਪਰਮੇਸ਼ੁਰ ਨੂੰ ਭੁੱਲ ਜਾਂਦੇ ਹਨ। ਉਹ ਜਿਸਦੇ ਕੋਲ ਕਈ ਗੁਣਾਂ ਹੋ ਜਾਂਦਾ ਹੈ। ਉਹ ਵੀ ਪਰਮੇਸ਼ੁਰ ਨੂੰ ਤੁਰੰਤ ਭੁੱਲ ਜਾਂਦੇ ਹਨ। ਤੁਹਾਨੂੰ ਉਸ ਤਰ੍ਹਾਂ ਦਾ ਵਿਅਕਤੀ ਬਣਨਾ ਚਾਹੀਦਾ ਹੈ ਜੋ ਪੂਰਾ ਅਤੇ ਅਮੀਰ ਹੈ ਅਤੇ ਉਸਦੇ ਕੋਲ ਸਭ ਕੁਝ ਹੈ ਅਤੇ ਫਿਰ ਵੀ ਉਹ ਸਚੇਤ ਹੈ ਕਿ ਉਹ ਕਿੱਥੋਂ ਆਇਆ ਹੈ। ਇਹ ਦੁੱਖ ਦੀ ਗੱਲ ਹੈ ਕਿ ਕਈ ਅਮੀਰ ਲੋਕ ਬੋਲਦੇ ਬਹੁਤ ਹਨ। ਪਰ ਪਰਮੇਸ਼ੁਰ ਨੂੰ ਦਿੰਦੇ ਥੋੜ੍ਹਾ ਹਨ। ਲੋਕ ਪਰਮੇਸ਼ੁਰ ਦੀਆਂ ਬਰਕਤਾਂ ਨੂੰ ਬਿਆਨ ਤਾਂ ਬਹੁਤ ਕਰਦੇ ਹਨ ਪਰ ਉਸਨੂੰ ਉਸਦੇ ਕੀਤੇ ਕੰਮਾਂ ਦੇ ਲਈ ਆਦਰ ਨਹੀਂ ਦਿੰਦੇ ਹਨ।

6. ਅਧਰਮੀ ਲੋਕ ਜੋ ਭੁੱਲ ਜਾਂਦੇ ਹਨ ਹੰਕਾਰੀ ਹੁੰਦੇ ਹਨ।

ਅਜੇਹਾ ਨਾ ਹੋਵੇ ਕਿ ਜਦ ਤੁਸੀਂ ਰੱਜ ਕੇ ਖਾਓ ਅਤੇ ਚੰਗੇ ਘਰ ਬਣਾ ਕੇ ਉਨ੍ਹਾਂ ਵਿੱਚ ਵੱਸ ਜਾਓ। ਜਦ ਤੁਹਾਡੇ ਚੋਣੇ ਅਤੇ ਤੁਹਾਡੇ ਇੱਜੜ ਵੱਧ ਜਾਣ ਅਤੇ ਤੁਹਾਡੀ ਚਾਂਦੀ ਸੋਨਾ ਵੱਧ ਜਾਵੇ ਸਗੋਂ ਤੁਹਾਡਾ ਸਭ ਕੁਝ ਹੀ ਵੱਧ ਜਾਵੇ। ਤਦ ਤੁਹਾਡੇ ਮਨ ਵਿੱਚ ਹੰਕਾਰ ਆ ਜਾਵੇ ਅਤੇ ਤੁਸੀਂ ਯਹੋਵਾਹ ਆਪਣੇ ਪਰਮੇਸ਼ੁਰ ਨੂੰ ਭੁੱਲ ਜਾਓ ਜਿਹਨੇ ਤੁਹਾਨੂੰ ਮਿਸਰ ਦੇਸ਼ ਤੋਂ ਗੁਲਾਮੀ ਦੇ ਘਰ ਤੋਂ ਕੱਢਿਆ। ਮਤੇ ਤੁਸੀਂ ਆਪਣੇ ਮਨ ਵਿੱਚ ਆਖੋ ਕਿ ਸਾਡੇ ਬਲ ਅਤੇ ਸਾਡੇ ਹੱਥਾਂ ਦੀ ਸ਼ਕਤੀ ਨੇ ਇਹ ਧਨ ਕਮਾਇਆ ਹੈ।

ਵਿਵਸਥਾ ਸਾਰ 8:12-14,17

ਹੰਕਾਰ ਭੁੱਲਦੇ ਹੀ ਸੁਭਾਓ ਦੇ ਮੂਲ ਕਾਰਨਾਂ ਵਿੱਚੋਂ ਇੱਕ ਹੈ। ਲੋਕ ਨਹੀਂ ਜਾਣਦੇ ਕਿ ਉਹ ਦੱਸਣ ਜਾਂ ਸਵੀਕਾਰ ਕਰਨ ਕਿ ਪਰਮੇਸ਼ੁਰ ਨੇ ਉਨ੍ਹਾਂ ਦੇ ਲਈ ਕੀ ਕੀਤਾ ਹੈ।

ਲੋਕ ਨਹੀਂ ਜਾਣਦੇ ਕਿ ਉਹ ਸਵੀਕਾਰ ਕਰਨ ਕਿ ਮਨੁੱਖਾਂ ਨੇ ਉਸਦੇ ਲਈ ਕੀ ਕੀਤਾ ਹੈ।

ਉਹ ਅਸਲ ਵਿੱਚ ਆਪਣੇ-ਆਪ ਦੇ ਸ਼ਿਕਾਰ ਹੁੰਦੇ ਹਨ ਅਤੇ ਉਹ ਚਾਹੁੰਦੇ ਹਨ ਕਿ ਤੁਸੀਂ ਵੀ ਉਨ੍ਹਾਂ ਦੀ ਤਰ੍ਹਾਂ ਬਣ ਜਾਵੋ। ਜੋ ਪਰਮੇਸ਼ੁਰ ਨੂੰ ਅਸਵੀਕਾਰ ਕਰਦੇ ਹਨ ਅਤੇ ਉਸਦੇ ਹਿਰਦੇ ਹੰਕਾਰ ਨਾਲ ਭਰੇ ਹਨ।

ਲੋਕ ਆਪਣੀ ਕਮਾਈ ਦਾ ਦੱਸਵਾਂ ਹਿੱਸਾ ਪਰਮੇਸ਼ੁਰ ਨੂੰ ਨਹੀਂ ਦਿੰਦੇ ਅਤੇ ਜਦੋਂ ਉਹ ਹੰਕਾਰ ਨਾਲ ਭਰੇ ਹੁੰਦੇ ਹਨ ਤਾਂ ਉਹ ਕਹਿੰਦੇ ਹਨ, ਮੈਂ ਆਪਣੀ ਮਿਹਨਤ ਨਾਲ, ਜੋ ਕੁਝ ਮੇਰੇ ਕੋਲ ਹੈ, ਕਮਾਇਆ ਹੈ।

ਯੂਰੋਪ ਦੇ ਆਧੁਨਿਕ ਅਧਰਮੀ

ਇੱਕ ਵਾਰ ਮੈਂ ਇੱਕ ਅਮੀਰ ਯੂਰੋਪੀਅਨ ਔਰਤ ਨੂੰ ਪੁੱਛਿਆ ਕਿ ਉਹ ਪਰਮੇਸ਼ੁਰ ਵਿੱਚ ਵਿਸ਼ਵਾਸ ਰੱਖਦੀ ਹੈ? ਉਸ ਔਰਤ ਨੇ ਮੈਨੂੰ ਹੈਰਾਨ ਭਰੀ ਨਜ਼ਰ ਨਾਲ ਦੇਖਿਆ ਜਿਵੇਂ ਮੈਂ ਕੋਈ ਉਹਨੂੰ ‘ਮੂਰਖਤਾਪੂਰਨ’ ਪ੍ਰਸ਼ਨ ਕੀਤਾ ਹੋਵੇ।

ਉਸਨੇ ਕਿਹਾ, ਕਦੇ ਨਹੀਂ।

ਅਤੇ ਆਪਣੀ ਵੱਲ ਇਸ਼ਾਰਾ ਕਰਦੇ ਹੋਏ ਕਿਹਾ ਮੈਂ ਆਪਣੇ ਆਪ ਵਿੱਚ ਵਿਸ਼ਵਾਸ ਕਰਦੀ ਹਾਂ, ਮੈਂ