Sagaracha Kinara सागराचा किनारा

घे शिवबा जन्म एकदा

आई भवानीचा असे पाठीवर हात

माँ जिजाऊंचा मिळे तुज आशीर्वाद

घे शिवबा जन्म एकदा

वाढत चालली काळोखाची रात…

आजच्या मानवाला दिसे धनाची वाट

विसरला श्रमाला मिळे आयते ताट

भ्रष्टाचाराला त्याने का धरले बिनधास्त

बोचली नाही का सुरी त्याच्या काळजात?

‘‘हर हर महादेव’’ गजराची होऊ दे पुन्हा सुरुवात…

आपलाच विचार आणि आपलीच संपत्ती

येणार नाही काहीच हाती अंती

देशाचा विचार नाही शिवत कधी याचे चित्ती

शत्रू येईल चालून पुन्हा कराया आपुला घात

विसरला का मानवा तत्त्व शिवबाचे

त्यांनीच दाविली महाराष्ट्राला सोनेरी पहाट….

आज होत आहेत सर्व ठिकाणी हल्ले

हल्ले नाही थांबणार तर काय जिंकतील किल्ले

जरी युवा तुझ्या बळ आहे मनगटात

तरी सत्याच्या जयघोषाने कर कामाला सुरुवात

फिरू नकोस तू अंधाऱ्या विश्वात

घेईल शिवबा जन्म एकदा करण्या पापींचा नाश….

शिवबाची तलवार

शत्रू येतोय धावून करायला घात…

का गुदमरतोय गरिबांचा श्वास…

लबाडखोरांच्या संपत्तीचा वाढतोय व्याप

कळूनही घडतच आहे हेच पाप पुन्हा दिन-रात

ऊठ मावळ्या किती सोसशील वार…

बोथटली नाही आजही शिवबाची तलवार…

वाढत चालले पाप लोक झालेत भ्रष्ट

बळिराजा होतो यांच्यापासून त्रस्त

सोसतोय हालअपेष्टा आणि कष्ट

घे शपथ हे पाप कर आज तू नष्ट

नको पाहू फिरून कधी घेऊ नको माघार…

सांगतो अभिमानाने देश माझा जनतंत्र

अजूनही गेला नाही जातीवाद नी षडयंत्र

शिक्षण झाले पैसे छापण्याचे यंत्र

शिवबांनी दिला होता एकतेचा जनमंत्र

आठवूनी तयाला कर आज एकच निर्धार

दीन दुबळे कोठे फिरणार

त्यांनाही हवा कुणाचा आधार