Hoe jy ‘n effektiewe stil tyd met God elke dag kan hê

Hoofstuk 1

Die Stilte Tyd - Die Belangrikste Gewoonte Van Jou Lewe

Die tweede helfte van ’n man se lewe word opgemaak uit die gewoontes wat hy in die eerste helfte verkry het.

Dostoyevsky

Die krag van ’n man se deugde word opgemaak deur sy gewoontes.

Pascal

Gewoontes is iets wat jy doen sonder om eers daaraan te dink of jou voorneem om dit te doen. Elke goeie Christen het baie goeie gewoontes. Hierdie goeie gewoontes is wat van hom maak wat hy is.

Alle groot manne het gewoontes wat hulle groot gemaak het. Ons Here Jesus het gewoontes gehad wat Hom groot gemaak het.

Jesus Christus se gewoontes

Om gereeld kerk toe te gaan.

Het jy geweet dat Jesus goeie gewoontes gehad het? Die Bybel leer ons dat Hy gewoond was om elke sabbat kerk toe te gaan.

Toe kom Hy in Násaret waar Hy opgevoed was; en soos Hy gewoond was, gaan Hy op die sabbatdag in die sinagoge en staan op om te lees.

Lukas 4:16

Om vir gebed eenkant toe te gaan.

Jesus het ook die gewoonte gehad om ’n spesifieke tuin op te soek om eenkant te wees. Dit was ’n plek waarheen Hy dikwels gegaan het. En almal het geweet dat dit sy gewoonte was om in die tuin te bid.

Nadat Jesus dit gesê het, het Hy met sy dissipels oor die spruit Kedron gegaan waar daar ’n tuin was, waarin Hy self gegaan het en sy dissipels. En Judas, sy verraaier, het ook die plek geken, omdat Jesus daar dikwels met sy dissipels saamgekom het.

Johannes 18:1-2

Daniël se gewoontes

Daniël het op vasgestelde tye van die dag gebid. Dit was iets wat hy gewoond was om te doen. Dit was een van die grootste geheime van sy lewe.

En net toe Daniël verneem dat die bevelskrif geskrywe was, het hy in sy huis gegaan; en hy het in sy bo-kamer vensters gehad wat oop was in die rigting van Jerusalem, en hy het drie maal op ’n dag op sy knieë geval en gebid en lofprysinge uitgespreek voor sy God, NET SOOS HY TEVORE GEDOEN HET.

Daniël 6:11

Tien dinge wat elke Christen oor gewoontes moet weet

1. ’n Gewoonte is ’n HANDELING WAT MAKLIK HERHAAL WORD sonder om daaroor te dink of daarvoor te beplan.

2. ’n Gewoonte is ’n HANDELING WAT JOU GEBRUIK word of jy daarvan bewus is of nie.

3. ’n Gewoonte is gewoonlik ’N ONBENULLIGE OPTREDE WAT SKYNBAAR GEEN KRAG HET om die toekoms te beïnvloed nie. Dit is waarom baie mense nie die gedagte aanvaar om goeie gewoontes aan te leer as ’n kragtige werktuig om in die toekoms iets te bereik nie.

4. ’n Gewoonte kan GOED OF SLEG WEES, NATUURLIK OF GEESTELIK. Geestelike gewoontes is dinge soos oggendgebede en om daagliks stiltetyd te hou. Natuurlike gewoontes is dinge soos tandeborsel en elke dag te bad.

5. GOEIE GEWOONTES WORD NET SO MAKLIK HERHAAL AS SLEGTE GEWOONTES.

6. SLEGTE GEWOONTES LEI TOT VOORTDURENDE MISLUKKING EN NEDERLAAG sonder dat die persoon besef wat gebeur.

7. GOEIE GEWOONTES LEI VOORTDUREND TOT SUKSES EN OORWINNING sonder dat die persoon eers besef wat hy doen.

8. Slegte gewoontes is maklik om aan te leer maar moeilik om mee saam te leef. GOEIE GEWOONTES IS MOEILIK OM AAN TE LEER MAAR MAKLIK OM MEE SAAM TE LEEF.

9. ELKE SUKSESVOLLE CHRISTEN HET ’N AANTAL GOEIE GEWOONTES wat vir hom sukses gebring het. Baie jare gelede het ’n vriend my geleer om elke oggend stiltetyd met God te hou. Ek het dit as ’n persoonlike gewoonte ontwikkel en dit was my grootste geheim as ’n Christen en later as ’n bedienaar. Amper al die dinge waaroor ek preek, kom as ’n gevolg van hierdie goeie gewoonte.

10. GEWOONTES IS ’N VEILIGHEIDSNET VIR CHRISTENE. Selfs wanneer ’n leier onder druk is, sal hy sekere dinge uit gewoonte doen en dit kom heel natuurlik en maklik. Wanneer hy onder druk verkeer, het ’n leier dalk nie tyd om te dink oor wat om te doen of hoe om op te tree nie. Dit is die goeie gewoonte van gebed of stiltetyd wat hom uit die moeilikheid kan uitlei. Net soos Jesus het ek ook ’n plek waar ek dikwels gaan bid. Ek gaan ook dikwels saam met my pastor. Hierdie gewoonte help om my geestelik te beskerm selfs as ek nie van gevaar bewus is nie.

Hoofstuk 2

Die Stilte Tyd - Die Geheim Van Baie Suksesvolle Manne

Moses het stiltetyd met God gehad

Toe het die Here aan Moses gesê: Kap vir jou twee kliptafels soos die eerstes; dan sal Ek op die tafels die woorde skrywe wat op die eerste tafels was, wat jy verbrysel het. En hou jou gereed teen die môre, en klim in die môre op die berg Sinai en gaan daar