የኢየሱስ ደም፣ የደሙ ኃይል

ቃሎቹ እና የኢየሱስ ክርስቶስ ደም

ከኢየሱስ ክርስቶስ የምንማራቸው ብዙ ነገሮች አሉ፡፡ ስለኢየሱስ ክርስቶስ ልናጠና የምንችላቸው ብዙ ጉዳዮች አሉ! የእርሱን ሕይወት፣ ቤተሰቡን እና ስኬቶቹን ልናጠና እንችላለን፡፡ ኢየሱስ ክርስቶስን በተመለከተ ሁለቱ አበይት ጉዳዮች ግን ቃሎቹ እና ደሙ ናቸው፡፡

እጅግ ውድ ቃላት

የኢየሱስ ቃላት የእግዚአብሔርን እውነቶች እና ጥበብ የያዙ መሆናቸው ከፍተኛ ዋጋ የሚሰጣቸው ናቸው፡፡

የኢየሱስን ቃላት ከሁሉ ቃላት በላይ ማስቀመጥ አግባብነት አለው፡፡ በአሁኑ በመጽሐፍ ቅዱስ ውስጥ የኢየሱስ ቃላት በተለይ በቀይ ተጽፈዋል፡፡

ከዚህ ቀደም ውብ የሆኑት የኢየሱስ ቃላት በመጽሐፍ ቅዱስ ከሌሎቹ ቃላት ጋር ተደባልቀው ተጽፈው ነበር፡፡ ዘመናዊ መጽሐፍ ቅዱሶች ግን ለኢየሱስ ቃላት የሚገባውን ክብር ሰጥተዋል፡፡ በመሆኑም የኢየሱስን ቃላት ላቅ ያለ ስፍራ ተሰጥቶታል፡፡

ቤተክርስቲያን በተሐድሶ ውስጥ በነበረችበት ወቅት ሰዎች ትኩረታቸውን ክርስቶስ በቀራኒዮ በሰራው ስራ ላይ አድርገው ነበር፡፡ ከዚህ ቀደም ባሉት ጊዜያት ትኩረቱ በክርስቶስ ማንነት ላይ ነበር፡፡ ከዛ በኋላ ባለው ዘመን ደግሞ ኢየሱስ በምድር ላይ ማለትም ከበረት እስከ መስቀል የነበረው ሕይወት ትኩረት ተሰጥቶታል፡፡ አሁን ደግሞ በኢየሱስ ክርስቶስ ደም ላይ ማተኮር ይኖርብናል፡፡

ደስ የሚያሰኘው፣ በአሁኑ ወቅት የኢየሱስ ደም ያለው ልዩ ዋጋ እውቅና እያገኘ ነው፡፡ የኢየሱስ ደም የሚገባውን የተለየ ስፍራ እያገኘ ነው፡፡ የኢየሱስ ደም የሚገባውን የተለየ ስፍራ እያገኘ ነው፡፡

እጅግ ውድ ደም

ኃጢአታችን በኢየሱስ ቃላት ሊታጠብ አይችልም፡፡ ስማችን በሕይወት መዝገብ ላይ እንዲጻፍ ይህ የማይረባ ኃጢአተኛ ማንነታችን በኢየሱስ ደም መታጠብ አለበት፡፡ ኢየሱስ ቢሰብክም ቢያስተምርም እንኳ እኛን በደሙ ኃይል ከኃጢአት ነፃ ማውጣት ነበረበት፡፡ ያለ ደም መፍሰስ የኃጢአት ስርየት የለም። ኃጢአቶችን መሸፈን እንዲችል ደም መፍሰስ ነበረበት፡፡

ስለኃጢአታችን ማን ይከፍልልናል።

የእግዚአብሔር እውነተኛ ጥበብ በኢየሱስ ትምሕርቶች እንደሚገኙ ጥርጥር የለውም፡፡ ነገር ግን ስለኃጢአታችን ማን ይከፍልልናል። እኛ ከገሐነም እንድናመልጥ የሚያስፈልገውን ዋጋ ማን ይከፍልልናል። እኛ በኢየሱስ ክርስቶስ ደም ተዋጅተናል (ዳግመኛ ተገዝተናል)፡፡ እኛ የተዋጀነው በኢየሱስ ቃላት ሳይሆን በኢየሱስ ደም ነው፡፡ የተዋጀነው በበሬ እና በፍየል ደም ሳይሆን በኢየሱስ ደም ነው፡፡

ስብከቱን አቁምና ደሙ እንዲፈስ ፍቀድ

ኢየሱስ በሰላሳ አመቱ ስብከቱን አቁሞ ወደ መስቀሉ የሄደው ለምንድነው። የእግዚአብሔርን ቃል የመስበክንና የማስተማርን ተልዕኮውን ለምን በሌላ አገሮች አልቀጥለውም። ወደ ሶሪያ፣ ሊባኖስ፣ እንግሊዝ፣ ጀርመን፣ ኢራቅ፣ ኢራን፣ ሕንድ እና አፍሪካ ሊጓዝ አይችልም ነበርን። በርግጥ ይቻል ነበር! ሕይወቱን በመስቀል ላይ በሰጠ ጊዜ እድሜው ገና ሰላሳ ነበር፡፡ ተጨማሪ አርባ አመቱ ድረስ ቢኖር ዓለምን በሙሉ ሊዞር ይችል ነበር፡፡

በሕንድ አገር ቼናይን በጐበኙሁበት ወቅት በተጠራጣሪው በቶማስ ስም የተሰራ ቤተክርስቲያን አገኘሁ ቶማስ ከአስራ ሁለቱ የኢየሱስ ክርስቶስ ደቀመዛሙርት አንዱ ነው፡፡ ታሪኩ እንደሚለው በሆነው ሐዋርያው ቶማስ ሕንድ ተጉዞ አገልግሏል። በዚያ ስፍራ ተሰውቶ ለነበረ በስሙ ቤተክርስቲያን ተገነባለት፡፡ ከኢየሱስ ጋር አብሮ የነበረው ቶማስ ሕንድ ሔዶ ማገልገል ከቻለ፣ ኢየሱስ ክርስቶስም ወደ ሕንድ ተጉዞ ሊያገለግል በቻለ ነበር፡፡ ኢየሱስ ዓለምን ዞሮ የመንግስቱን ወንጌል ሊሰብክ ይችል ነበር፡፡

ኢየሱስ በድንገት ስብከቱን አቁሞ እንደሚያዝ፣ እንደሚገረፍ እና እንደሚገደል እያወቀ ወደ ኢየሩሳሌም አቀና፡፡ ኢየሱስ እንዲህ ብሏል፡፡ ሕይወቴን በራሴ ፈቃድ አሳልፌ እሰጣለሁ እንጂ ከእኔ ማንም አይወስዳትም።

መስቀሉ ለምን አስፈለገ።

ኢየሱስ ክፉ ሰዎች እንደሚሰቅሉት እያወቀ ሆን ብሎ ወደዚያ ስፍራ ለምን ሔደ። ለሰው ልጆች ደሙን ለማፍሰስ የመረጠው ይህንን መንገድ ስለሆነ ነው፡፡ ኢየሱስ ስለኛ ደሙን ባያፈስልን ኖሮ የኢየሱስ ቃላት በተረሳና አገልግሎቱም እዚያው ባበቃ ነበር። ነገር ግን ዛሬም የኢየሱስ ደም ኃይል በስራ ላይ ነው፡፡ በዓለማችን በሚገኘው ጥልቅ ሸለቆም ሆነ ትልቅ ተራራ ይደርሳል፡፡ ኢየሱስ ክርስቶስ ከሞተ ሁለት ሺ አመታት ቢያልፍ ከኢየሱስ ደም የተነሳ የእግዚአብሔር የማዳን ኃይሉ ዛሬም ይሰራል፡፡ የኢየሱስ ደም አስፈለጊ የሆነው ለዚህ ነው፡፡

የኢየሱስ ቃላት

ኢየሱስ ታዋቂ የሆኑትን እነዚህን