مسّح کی خوبصوُرت تاثیریں (Sweet Influences of the Anointing - Urdu)

اُس نے ایک اور تمثیل اُن کو سنائی کہ آسمان کی بادشاہی خمیر کی مانند ہے جسے کسی عورت نے لے کر تین پیمانہ آٹے میں ملا دیا اور وہ 13:33 ہوتے ہوتے سب خمیر ہو گیا۔ متی

خمیر ایک نادیدنی اور پوشیدہ تاثیر ہوتی ہے جو آٹے کو پھلا دیتی ہے۔ اِس سے آٹا بالکل ہلکا ہو جاتاہے۔خداوند یسوع نے ہمیں سکھایا کہ آسمان کی بادشاہی ایک پوشیدہ تاثیر کی مانند ہے جو ہر ایک چیز پر اثر انداز ہوتی ہے۔

آٹے پر خمیر کا اثر و تاثیر حقیقی بھی اور حیرت انگیز بھی ہوتاہے۔تاہم خمیرجب بڑے زور سے کام دکھارہا ہوتا ہے تو اُس وقت یہ بالکل نادیدنی ہوتا ہے۔ اِس کا مطلب یہ ہوتا ہے کہ نادیدنی چیزیں بڑی زبردست اثر و تاثیر رکھتی ہیں۔یہ اثر و تاثیر برُا بھی ہو سکتا ہے اور اچھا بھی۔

ایک مسیحی کی زندگی میں ایک اچھا اور نادیدنی اور عظیم اثر و تاثیر روح القدس ہے یہ کتاب اِسی نادیدنی اور زبردست اثر و تاثیر کے موضوع پر لکھی گئی ہے۔اِس کتاب میں آپ روح القدس کے خوبصور ت اور زبردست اثرو تاثیر کے بارے میں جانکاری حاصل کریں گے۔

اِس کتاب میں اُن مختلف حصوں کی فہرست بیان کی گئی ہے جن میں ہم روح القدس کے اثر و تاثیر کی توقع کر سکتے ہیں۔لازم ہے کہ ہم اِس کے طالب ہوں اور اِس کے لئے دُعا بھی کریں۔ روح القدس کا اثر و تاثیر لازمی بلکہ ناگزیر ہے۔ یہ ہماری روحانی بقا، مضبوطی اور سلامتی کے لئے انتہائی ناگزیر ہے۔

کون سی چیز آپ میں اثر و تاثیر پیدا کر رہی ہے؟ بطور ایک خادم ،آپ کس چیز کے اثر کو قبول کر رہے ہیں؟کون سی چیز آپ کی راہنما ہے تاکہ جو کچھ آپ کر رہے ہیں وہ کرنا جاری رکھیں؟کیا آپ ایک اچھے یا برُے اثر و تاثیر کے نیچے ہیں؟

تین نادیدنی برُی تاثیریں ہیں جو گمنام ہیں اور بہت سے مسیحی اُن کو غلط طور پر لیتے ہیں۔مسیحی لوگوں پر پہلا بُرا اثر ابلیس کا اثر و تاثیر ہےجو کہ نادیدنی بھی ہے اور زبردست بھی۔مسیحی لوگو ں پر دوسرا برُا اثر دنُیا کا ہے۔ تیسرا اثر ہمارے حواس ِخمسہ کا ہے۔جب لوگ روح القدس کے اثر و تاثیر کے تحت زندگی بسر نہیں کرتے تو پھر وہ دنیوی اثر و تاثیر ، نفسانی یا پھر ابلیسی اثر و تاثیر سے مغلوب ہو جاتے ہیں۔

مقدس پولس رسول نے گلتیوں کے ایمانداروں کو نادیدنی مگرسرائیت کرجانےوالے اثرات کے بارے میں لکھا تو اُس نے اُن اثرات اور تاثیروں کو خمیر کہا۔ مقدس پولس رسول نے خمیر کے اثرات کی وضاحت کی۔ اُس نے کہا خمیر ایک رغبت یاترغیب کی طرح ہوتا ہے۔

یہ نادیدنی اثرات و تاثیریں اِس قدر زبردست اور طاقتور ہوتی ہے کہ کسی خادم کو اُس کی منسٹری میں جمود کا شکار کر سکتی ہے ، ایسا کہ وہ اِدھر کا رہے نہ اُدھر کا۔

خدا کے کلام پر غور کریں۔

تم تو اچھی طرح دَوڑ رہے تھے کس نے تمہیں حق کے ماننے سے روک دیا؟یہ ترغیب تمہارے بلانے والے کی طرف سے نہیں ہے۔

5:7-9 گلتیوں

زیر ِنظر کتاب روح القدس کے اثر و تاثیر پر سیر حاصل تبصرہ کرتی ہے۔ یہ کتاب آپ کی زندگی کے مختلف پہلوؤں کو اُجاگر کرے گی، جن پر روح القدس اثر انداز ہو سکتا ہے۔ جب خدا اِس کتاب کے وسیلہ سے آپ سے ہم کلام ہو تو اپنے دلوں کو روح القدس کے لئے کھولیں۔ آپ ایک توقع کے ساتھ روح القدس کو موقع دیں کہ آپ کی زندگی کے مختلف پہلوؤں پر اپنا اثر و تاثیر پیدا کرے۔

2باب

تین بُرےاثرو تاثیریں

3:15 یہ حکمت وہ نہیں جو اُوپر سے اُترتی ہے بلکہ دُنیوی او ر نفسانی اور شیطانی ہے ۔ یعقوب

رُوح القدس کے اثر و تاثیر کا قطعی مقصد آ پ کو ایک روحانی شخص بنانا ہے۔ عہدِجدید روحانی لوگوں کے تعلق سے بہت اچھی باتیں بیان کرتا ہے۔ کلیسیا میں روحانی لوگو ں کی بڑی قدر و قیمت ہے۔ہر ایک انسان کے پاس چار پہلوؤںمیں سے حقِ انتخاب موجود ہے۔ یاتو ایک شخص نفسانی ہو سکتا ہے۔ دنیوی ہو سکتا ہے یا ابلیسی یا پھر روحانی ۔

کاروباری دُنیا میں کاروباری لوگوں کی اپنی اہمیت اور قدر ہے۔ اِسی طرح طب کی دُنیا میں ڈاکٹر حضرات کی اپنی ایک پہچان اور اہمیت ہے۔مقدس پولس رسول نے اپنی تحریروں کو روحانی آدمیوں کے سپرد کیا ۔ کیونکہ اُسے معلوم تھا کہ روحانی لوگ ہی اِس بات کو پرکھ اور جان سکیں گے کہ جو کچھ وہ کہہ رہا ہے خدا کی طرف سے ہے ۔

14:37کرنتھیوں1 اگر کوئی اپنے آپ کو روحانی یا نبی سمجھے،تو یہ جان لے کہ جو باتیں میں تمہیں لکھتا ہوںوہ خداوند کے حکم ہیں۔

آپ کا نصب ا لعین یہی ہونا چاہئے کہ آپ روحانی شخص ہوں۔ ایسا روحانی شخص بنیں جو روح القدس کے زیرِ اثر زندگی بسر کرتا ہو۔ روح القدس کا اثر و تاثیر ہی آپ کو روحانی شخص بنا دے گا۔ اِس کے بر عکس، اگر آپ روح القدس کے زیرِ اثر نہیں رہیں گے تو پھر آپ دیگر اثرات اور تاثیروں سے مغلوب ہو جائیں گے۔

دُنیوی، نفسانی یا ابلیسی

آپ نفسانی ، دنیوی یا پھر ابلیسی اثر کے تحت زندگی گزارنے والے ہوںسکتے ہیں۔ بیان کردہ اثرات میں سے کسی ایک کے تحت زندگی بسر کرنے والے شخص کی پہچان اور پرکھ کرنا مشکل کام نہیں ہے۔ ایسے لوگ تو ہر وقت ہمارے اِردگرد زندگی بسر کرتے ہوئے دیکھے جا سکتے ہیں۔ روحانی ہونے کی بجائے بہت سے لوگ نفسانی ، دنیوی یا پھر ابلیسی اثر و تاثیروں سے مغلوب زندگی گزار رہے ہیں۔

ایک نفسانی شخص کیسا ہوتا ہے؟

ایک نفسانی شخص پر اُس کے احساسات اور حواسِ خمسہ کا راج ہوتا ہے۔ وہ اپنی بھوک کی تسکین کرتا اور اپنی پسندکی کسی بھی چیز کا تعاقب کر کے اُسے حاصل کرنے کی کوشش کرتا ہے۔ ایک نفسانی آدمی بہت زیادہ کھاتا ہے، بے حساب سوتا ہے اور اِس طرح اپنی جنسی خواہش کی تسکین بھی کرنے میں بھی وہ پیچھے نہیں رہتا، غرض کسی بھی دستیاب خوشی اور عیش و عشرت سے لطف اندوز ہونے میں بڑھ چڑھ کر حصہ لیتا ہے۔

بہت سے نوجوان اپنے حواس ِخمسہ کی پیروی کرتے ہوئے زندگی کے سفر کا آغاز کرتے ہیں۔ بہت سے نوجوان ، ڈسکو، نائٹ کلب میں اپنی زندگی کو ناچ کود کر ہی ضائع کر دیتے ہیں۔منشیات فروش ، نشہ باز اور دیگر بد عادات میں مبتلا اشخاص ایسے لوگ ہوتے ہیں جو اپنی ہی تباہی اور بربادی کا سامان کرنے کے لئے اپنے حواسِ خمسہ کے تحت زندگی بسر کر تے ہیں۔

ایک نفسانی شخص کو خد ا کو جاننے میں بڑی مشکل اور دشواری کا سامنا ہوتاہے کیونکہ اُس شخص کو جاننا بہت مشکل ہوتاہے جسے آپ دیکھ بھی نہ سکتے ہوں۔

ایک نفسانی شخص کو خد ا کو جاننے میں بڑی مشکل اور دشواری کا سامنا ہوتاہے کیونکہ کسی غیر جسمانی شخص کو جاننا مشکل ہوتاہے۔ خدا تو روح ہے۔

ایک نفسانی شخص کو خد ا کو جاننے میں بڑی مشکل اور دشواری کا سامنا ہوتاہے کیونکہ اس شخص کو جاننا مشکل ہوتاہے جو نہ تو بولتا ہو اور نہ ہی کسی سوال کا جوا ب دیتا ہو۔

ایک نفسانی شخص کو خد ا کو جاننے میں بڑی مشکل اور دشواری کا سامنا ہوتاہے کیونکہ کسی شخص کو کسی نمائندے کے ذریعہ جاننا بہت مشکل ہوتا ہے۔

ایک نفسانی شخص کو خدا کو جاننے اور پہچاننے میں بڑی دقت اور دشواری کا سامنا ہوتا ہے۔ کیونکہ یہ آسان کام نہیں کہ آپ کسی شخص کے بارے میں تصور کر سکیں کہ وہ کیسا ہے۔ خاص طو ر پر ایسا شخص جو آپ کی ذات سے بالکل مختلف ہو۔

ایک نفسانی شخص کو خدا کو جاننے اور پہچاننے میں بڑی دقت اور دشواری کا سامنا ہوتا ہے۔ کیونکہ جس شخص کو آپ نے کبھی محسوس بھی نہ کیا ہو اس کو جاننا اور سمجھنا بہت مشکل ہوتا ہے۔

ایک نفسانی شخص کو خدا کو جاننے اور پہچاننے میں بڑی دقت اور دشواری کا سامنا ہوتا ہے۔ کیونکہ جس شخص کی آپ نے کبھی آواز بھی نہ سنی ہو اُسے جاننا آسان نہیں ہوتا۔

ایک نفسانی شخص کو خدا کو جاننے اور پہچاننے میں بڑی دقت اور دشواری کا سامنا ہوتا ہے۔ کیونکہ کسی ایسے شخص کو جاننا آسان نہیں ہوتا جس سے آپ کی کبھی ملا قات بھی نہ ہوئی ہو۔

ایک نفسانی شخص کو خدا کو جاننے اور پہچاننے میں بڑی دقت اور دشواری کا سامنا ہوتا ہے۔ کیونکہ کسی پُر اسرار شخص کو جاننا آسان کام نہیں ہوتا۔

ایک دُنیوی شخص کیسا ہوتا ہے؟

ایک دنیوی شخص کی نظریں اور دھیان اِس دنیا اور اُس کی چیزوں پر ہی لگا رہتا ہے۔۔ شہوت پرستی سے بھرے ہوئے لوگ بڑی آسانی سے دُنیا اور اُس کی چیزوں کی محبت کے اسیر ہو جاتے ہیں۔دنیوی سوچ اور خیالات میں گم رہنے والا شخص دوزخ یا فردوس کے بارے میں کچھ نہیں جانتا۔ وہ یہ سمجھتا اور کہتاہے۔ ‘‘اےجہان میٹھا تا اگلا کینے ڈِٹھا’’اُس کے تمام منصوبےابدی چیزوں کے تعلق سے اُس کی کوتاہ نظری اور اندھے پن کو ظاہر کرتے ہیں۔ ایسے لوگوں کو تو روز ِعدالت کا کبھی خیال بھی نہیں آتا کہ روز قیامت اُن کے اعمال خدا کے سامنے پیش کئے جائیں گے اور اُنہی اعمال کی بنا پر اُن کو جزا یا سزا ملے گی۔

بہت سی پرُکشش اور اعلیٰ عہدوں پر فائز شخصیات جو کیمرج، آکفسورڈ یا ہاورڈ وغیرہ میں اعلیٰ تعلیم کے لئے گئیں،نو عمری میں وہ جانوروں سے بھی بد تر زندگیاں بسر کرتی تھیں، شراب نوشی، سگریٹ نوشی اور منشیات جیسی برُی عادتیں اُن کو برُی طرح