ՄԵՂԱԴՐՈՂՆԵՐԸ

Մեղադրողները

Եվ մեծ ձայն լսեցի, որ ասում էր երկնքում. Հիմա փրկությունը և զորությունը և թագավորությունը եղավ մեր Աստծուն, և իշխանությունը եղավ Նրա Օծյալին, որ վայր գցվեց մեր եղբայրների ՉԱՐԱԽՈՍԸ (անգլ.՝ մեղադրող),  որ ՉԱՐԱԽՈՍՈՒՄ էր նրանցից Աստծո առաջին ցերեկ և գիշեր:

Հայտնություն 12:10

Չնայած սատանան, ընդհանուր առմամբ, հայտնի է որպես եղբայրներին մեղադրող, բայց նա, իրականում, նաև եղբայրների միջև կռիվ գցողն է:

Առաջնորդնելու ընթացքում դուք տարբեր մարդկանց կհանդիպեք: Թերևս ձեզ երբևէ հանդիպած ամենաբարդ թշնամիներից մեկը «եղբայրների միջև կռիվ գցողը» կլինի:

Խնդիրները տարբեր մակարդակներով են ի հայտ գալիս, բայց ամենաբարձ մակարդակի խնդիրը եղբայրների միջև մեղադրանք գցողի հետ առճակատումն է:

Ծառայության ամենավերին շրջանում, դուք պայքար կմղեք մեղադրողի դեմ: Մեղադրանքը, անպարտելի թշնամու դեմ պայքարում, սատանայի ամենաուժեղ մարտավարությունն է:

Սատանայի ամենահզոր զենքը

Սատանան տարբեր մոտեցումներ ունի, որոնց միջոցով կարողանում է գործել: Նա կարող է ձեզ մոտենալ փորձչի, ստախոսի, մարդասպանի կամ էլ՝ խաբեբայի տեսքով: Բայց եթե նա ձեր դեմ որպես մեղադրող է պայքարում, ուրեմն ճակատամարտը գտնվում է իր ամենաբարձր մակարդակում:

Այս սկզբունքը գործել է Հիսուս Քրիստոսի կյանքում: Սկզբում սատանան Նրան փորձչի տեսքով մոտեցավ: Հիսուս Քրիստոս քառասուն օր փորձվեց անապատում: Սատանան ստում էր անապատում և հուսահատորեն փորձում խաբել Նրան:

Ծառայության ողջ ընթացքում սատանան մարդասպանի տեսքով էր Տիրոջ վրա հարձակումներ գործում՝ «Նա սկզբից մարդասպան էր» (Հովհաննես 8:44): Մի քանի առիթներով սատանան ամբոխի ձեռքով ցանկացավ սպանել Հիսուսին, բայց Նա խուսափեց դրանից:

Եվ վեր կացան Նրան քաղաքից դուրս հանեցին և տարան մինչև այն սարի գլուխը, որի վրա նրանց քաղաքը շինված էր, որ բարձր տեղից վայր գցեն Նրան։ 

Իսկ Նա նրանց միջով անցավ գնաց։

Ղուկաս 4:29-30

Մեկ այլ առիթով սատանան փորձեց Գալիլիայի ծովում խեղդել Հիսուսին, բայց նրան չհաջողվեց, որովհետև Հիսուս սաստեց ալեկոծությանը: Աստված չէր, որ ալեկոծություն բերեց, հակառակ դեպքում կստացվեր, որ Հիսուս՝ ալեկոծությանը սաստելով, Աստծո իմաստությանը սաստեց:

Եվ երբ որ նավով գնում էին՝ նա քնեց և քամու փոթորիկ ընկավ այն ծովակի մեջ, և նավը լցվում էր և վտանգի մեջ էին։ 

Եվ մոտ եկան Նրան արթնացրին և ասացին. Վարդապետ, վարդապետ, կորչում ենք: Նա էլ վերկացավ և քամուն և ջրի ալեկոծությանը սաստեց, և հանդարվտեցին և խաղաղություն եղավ։

Ղուկաս 8:23-24

Հայտնվելով մեղադրողի կերպարանքով

Վերջապես, Հիսուսի ծառայությունն իր ավարտին մոտեցավ այն ժամանակ, երբ սատանան իր վրա մեղադրողի հագուստը գցեց: Հիսուս դիմացավ մեկ շաբաթ ձգվող բուռն մեղադրանքներին, որն Նրա ծառայությունմ իր ավարտին հասցրեց: Բուռն մեղադրանքների այդ շաբաթը սկսվում է Նրա հաղթական մուտքով Երուսաղեմ և ավարտվում Նրա խաչելությամբ: Մատթեոս 21:1-17 խոսքերում դուք կտեսնեք, թե ինչպես է նա հաղթականորեն Երուսաղեմ մտնում և տաճարը մաքրում: Դուք կնկատեք, թե ինչպես Երուսաղեմ մտնելու օրից սկսած հարցեր ծագեցին և մեղադրանքներ բարձրացան (Մատթեոս 21-23):

Այս անգամ սատանան դուրս քաշեց իր մահացու զենքը և ուղղեց այն Տիրոջ վրա: Մեղադրանքի զենքը, վերջապես, գործի դրվեց: Պասեքից առաջ մի ամբողջ շաբաթ տաճարում փարիսեցիները հարցաքննում էին Տիրոջը և փորձում Նրան (մեղադրում):

Այն ժամանակ Փարիսեցիները գնացին Նրա համար խորհուրդ արեցին, թե ինչպէս խոսքով ՈՐՈԳԱՅԹ դնեն Նրան։ 

Եվ իրենց աշակերտներին Հերովդեսեանների հետ Նրա մոտ ուղարկեցին և ասացին. Վարդապե՛տ, գիտենք որ ճշմարիտ ես և Աստծո ճանապարհը սովորեցնում ես ճշմարտությունով և ոչ մի մարդուց հոգս չունես, որովհետև մարդու առջև երեսպաշտություն չես անում։

Արդ, ասա մեզ, ի՞նչպես է երևում քեզ, Կայսրին հարկ տալ պե՞տք է, թէ չէ։ 

Եվ Հիսուս նրանց չարությունն իմանալով ասաց. Ինչո՞ւ եք ՓՈՐՁՈՒՄ Ինձ, կեղծավորներ:

Մատթեոս 22:15-18

Տերն Իր կյանքի և ծառայության ամեն մի բնագավառի վերաբերյալ հարցաքննվում էր:

Մի քանի օր շարունակ Տերն Իրեն հարցաքննողների ամբարշտությունն ու կեղծավորությունն էր հանդուրժում տաճարում: Իր կյանքի վերջին քսանչորս ժամվա ընթացքում Նրան նաև քահանայապետի տանը մեղադրեցին, Պիղատոսի ատյանի առջև և նաև Հերովդեսի պալատում:

Հիսուս այս բարձր մակարդակի մեղադրանքների շարանին տարբեր պատասխաններ տվեց: Տաճարում հնչող հարցերին Նա հակիրճ պատասխան էր տալիս և Իրեն մեղադրողներին փակուղու առջև կանգնեցնում:

Եվ լսելով զարմացան և Նրան թողեցին գնացին:

Մատթեոս 22:22

Նախկինում երբեք նրանք այդպիսի խոսքեր չէին լսել:

Ոչ ոք երբեք այսպես չխոսեց ինչպես այս մարդը։

Հովհաննես 7:46

Այնուամենայնիվ, երբ Նա Պիղատոսի ատյանի առջև էր, որտեղ այլ հեթանոս իշխանավորներ էլ կային, Նա իրեն ուղղված հարցերից և ոչ մեկին չպատասխանեց:

Եվ Նա նրան ոչ մի բան էլ չպատասխանեց, մինչև որ կուսակալն էլ շատ զարմացավ։

Մատթեոս 27:14

Ինչպես տեսնում եք սատանան տարբեր կերպարանքներ ունի, որոնցով հարձակում է գործում: Գրքի այս հատվածում մենք գործ կունենանք մեղադրողների հետ, որոնց սատանան է օգտագործում ձեզ ահաբեկելու համար: Գուցե դուք վախենում եք ծառայության մեջ տեղի ունեցող մեղադրանքների պատուհասից: Հաճախ դուք չեք հասկանում, թե ինչ է ձեզ հետ կատարվում: Այս գիրքն ավարտելուց հետո Աստված ձեզ իմաստություն կտա թշնամու դեմ պայքարելու համար:

Ի՞նչ է մեղադրանքը

Մեղադրանքն ինչ-որ մեկի դեմ ուղղված դատապարտություն է կամ էլ անհիմն պնդում: Այն մեղադրանք է ներկայացնում կամ էլ որևէ անձի մատնացույց անում: Մեղադրանքն այն վիճակն է, երբ դուք կարծում եք, թե ինչ-որ մեկը ինչ-որ հարցում մեղավոր է, հատկապես հանցանք գործելու մեջ:

Որոշակի անձի դեմ ուղղված այս արտահայտությունները շարունակաբար խեղճացնում են նրան և թուլացնում: Միայն ուժեղ սրտի տեր մեկը կարող է երկար ժամանակ մեղադրանքներին դիմակայել:

Թեև մեղադրանքը դուրս գալիս մարդու շուրթերից, այդ ամենն «օծված» է հենց նրա՝ եղբայրների միջև մեղադրան գցողի, կողմից: Սատանան է եղբայրների միջև մեղադրանքններ գցողը:

Ովքե՞ր են այն մարդիկ, որոնք կրում են մեղադրողի պաշտոնը

Իմ երկրում մարդիկ կան, որոնք որպես անվտանգության աշխատակիցներ են: Նաև մարդիկ կան, որոնք որպես մսագործ կամ քյաբաբ վաճառող են աշխատում: Նմանապես, մարդիկ էլ կան, որոնց սատանան որպես մեղադրող է աշխատեցնում: Այս մարդիկ այն կատեգորիայում են հայտնվում, որը ես մեղադրվողի «հատուկ բարեկամ» եմ անվանում:

Իմ հատուկ բարեկամ մարդն էլ, որ նրան հուսացա, որ իմ հացն ուտում էր, ոտը բարձրացրեց ինձ վրա։

Սաղմոս 41:9

Հատուկ բարեկամները ձեր կյանքում մտերիմ համարվող մարդիկ են՝ ընկերները, ամուսինները, կանայք, որդիները, դստրերը, սիրելիները, օգնական հովիվները, եկեղեցու անդամները, լրոգրողները, դասընկերները և այլն: Որպեսզի մեղադրանքն իր ազդեցությունը թողնի, հարվածողը պետք է մտերիմ մեկը լինի: 

Ինչո՞ւ պարզապես չանտեսել մեղադրանքները 

Մեղադրական պնդումները լինում են ճիշտ կամ սխալ: Եթե դրանք ճիշտ չեն, ինչո՞ւ պարզապես չանտեսել դրանք: Բայց դա այնքան էլ հեշտ բան չէ:

Մեղադրանքներ իրենց «օծությունը» ստանում են դժոխքից: Մեղադրանքներ ներկայացնելը հոգևոր երևույթ է: Մեղադրանքները փոքրիկ նետեր են՝ սատանայական թույնով լցված: Հենց թույնը արյան մեջ է անցնում, այն տարածվում է ողջ մարմնով մեկ և վնասում սիրտը: Արագ տարածվող բնական որոշ թույների պես դուք վնասված եք այդ փոքր թվացող նետի հարվածից:

Ես Աստծո հզոր ծառաների եմ տեսել, ովքեր, մեկ ուրիշի համար աննշան  և անհիմն մի մեղադրանքի պատճառով, ամբողջությամբ շփոթության մեջ են ընկել: Այսպիսինն է մեղադրանքի զորությունը: Այն շփոթության մեջ գցող զենք է, իսկ դրա արդյունքը՝ անկանխատեսելի: Հիրավի, մեղադրանքը հոգևոր զենք է:

Մատնացույց անելը

Այն ժամանակ ՔՈ ԼՈՒՅՍԸ ԱՐՇԱԼՈՒՅՍԻ ՊԵՍ ՊԻՏԻ ԾԱԳԻ և քո բժշկությունը շուտով պիտի բուսնի և քո արդարությունը պիտի գնա քո առաջից, Տիրոջ փառքը պիտի պահի քեզ ետևից։ 

Այն ժամանակ դու կկանչես, և Տէրը կպատասխանի, դու կաղաղկես, և Նա կասի. Ահա ես։ ԵԹԵ ՀԵՌԱՑՆԵՍ քո միջից լուծը, ՄԱՏՆԱՑՈՒՅՑ ԱՆԵԼԸ և չարախոսությունը (անգլ.՝ մեղադրելը) դեն գցես:

Եսայա 58:8-9

Մեղադրանքի մեկ այլ անվանում է՝ «մատնացույց անելը»: Մատնացույց անելիս չարն այնպիսի ազատություն է ձեռք բերում, որ դրա պատճառով այն լույսը, որն առկա է ձեր կյանքի և ծառայության մեջ, խամրում է: Ձեր լույսն արշալույսի պես կծագի և բժշկություն կլինի, եթե մատնացույց անելը հեռացնեք ձեր կյանքից:

Ծառայությունները չեն աճի, եթե մատնացույց անողին թույլ տրվի մոտակայքում արմատներ գցել: Քրիստոսի մարմնի մեջ խավարի պատճառի մեծ մասն անդադար մեղադրանքների արդյունքն է, որոնք եղբայրը եղբոր դեմ է ուղղում, քույրը՝ քրոջ, ամուսինը՝ կնոջ և այդպես շարունակ:

Դուք պետք է ճանաչեք ձեր շուրջը գտնվող այն մարդկանց, ովքեր ձեզ մեղադրելու սովորություն ունեն: Յուրաքանչյուր հաջողված առաջնորդ պետք է հասկանա մեղադրանքի սկզբունքը: Բազմազան մեղադրանքների պատճառով դուք կարող եք ընկճվել և թուլանալ ծառայության մեջ: Իրականում, ձեր ծառայությունը կարող է ճիշտ ուղղուց շեղվել մեղադրանքի պատճառով: Ես ինքս ունեմ եմ այդ փորձառությունը: Թերևս այս գրքի ամենակարևոր հատվածը սա է, և ես աղոթում եմ, որ դուք այն լավ ուսումնասիրեք: 

Հայտնության գիրքը ցույց է տալիս, թե Աստված եղբայրներին մեղադրողին ինչպիսի խիստ պատժի է արժանացնում: Սա մեղադրանքները լռեցնելու չորս զարմանահրաշ հետևանքներն են: Այս չորս հետևանքները հենց այն ե, ինչ փափագում ենք ստանալ Աստծուց՝ ուժ, փրկություն, զորություն և Աստծո թագավորություն: Օ՜, որքա՜ն շատ ուժ և զորություն կիջներ ձեր կյանքի վրա, եթե մատնացույց անողն այնտեղ չլիներ:

Հասարակ մարդկանցից շատերը չգիտեն, որ իրենք Աստծուն ծառայելու շնորքն ունեն իրենց մեջ: Սատանային հաջողվել է հուսալքել և մեղադրել այն մարդկանցից շատերին, որոնց ես ծառայության համար էի պատրաստել: Իսկ ես պարզապես խրախուսել եմ նրանց անդադար Աստծուն ծառայել և քահանա դառնալ՝ անկախ իրենց թերությունների առկայությունից:

Այս քաջալերանքը նրանց կյանքում մեղադրողի ձայնի ճիշտ հակառակ պատկերն էր: Այդ ձայնը նրանց ասում էր, որ այնքան էլ լավը չեն, բայց Աստծուն ծառայելու