Ինչու՞ են տասանորդ չտվող քրիստոնյաները

Վեց պատճառ, թե ինչու են տասանորդ չտվողները աղքատանում

1. Տասանորդ չտվողները աղքատանում են, որովհետև հնձելու ոչինչ չեն ունենում:

ՈՐՈՎՀԵՏԵՎ ՔԱՄԻ ՍԵՐՄԵՑԻՆ ԵՎ ՄՐՐԻԿ ՊԻՏԻ ՀՆՁԵՆ. նա հասկ չունի. բույսը չի շինելու խյուսը, եթե շինի էլ, օտարներն են կուլ տալու:

Ովսե 8:7

Բարգավաճման ամենահիմնական ձևը բաղկացած է սերմ ցանողից, ով որոշ ժամանակ անց հավաքում է բերքը: Տասանորդ չտալը բաժանում է ձեզ ցանելու և հնձելու այս հիմանական սկզբունքից: Երբ չեք տալիս ձեր տասանորդը, վնասում եք ձեր ֆինանսը, որովհետև վերցնում եք բարգավաճման հիմքերը:

2. Տասանորդ չտվողները աղքատանում են, որովհետև նրանք չեն բերում օրհնությունները իրենց կյանք:

ԲՈԼՈՐ ՏԱՍԱՆՈՐԴԸ ՏԱՐԵՔ ԳԱՆՁԱՐԱՆ, որ իմ տանը պաշար լինի, և ինձ փորձեք սրանով, ասում է Զորաց Տերը, թե արդյոք չե՞մ բացի ձեզ երկնքի պատուհանները և ՕՐՀՆՈՒԹՅՈՒՆ ԹԱՓԻ ձեզ համար, մինչև որ դրա համար տեղ չլինի:

Մաղաքիա 3:10

Տասանորդը տարբեր տեսակի օրհնություններ է բերում, որովհետև Աստծո Խոսքը այդպես է ասում: Այն մարդը, ով օրհնված է, ունի բարեհաճություն և օգնություն: Մեր կյանքը երկրի վրա շատ դժվար է: Եվ փարավոնը ասաց Հակոբին,Որքա՞ն է քո կյանքի տարիների օրերը: Եվ Հակոբն ասաց փարավոնին, Իմ պանդխտության տարիների օրերը հարյուր երեսուն տարի են: ԻՄ ԿՅԱՆՔԻ ՏԱՐԻՆԵՐԻ ՕՐԵՐԸ ՔԻՉ ԵՆ և ՑԱՎՈՎ ԵՂԱՆ, և չեն հասնի իմ հայրերի կյանքի տարիների օրերին իրենց պանդխտության օրերում" (Ծննդ. 47:9):

Հոբը նույնպես ասում է, որ մարդու օրերը քիչ և տառապանքով լի: Նույնիսկ առանց ձեր կյանքի վրա եղած հատուկ անեծքի, շատ դժվարությունների և խնդիրների կհանդիպեք: Երբ չեք վճարում տասանորդը, օրհնություն չի լինի հակազդելու այս կյանքում գոյություն ունեցող խնդիրներին: Ինչպե՞ս կարող եք հաջողվել կյանքում, եթե օրհնության ոչ մի խոսք չկա ձեր ողորմելի գոյության համար: Եթե տասանորդ չեք տալիս, մի՛ զարմացեք ձեր կյանքում աճող աղքատության վրա: Տասանորդ տվողի վրա գալիս է այն օրհնությունը, որը հարստացնում և, որի մեջ բնավ սուգ չկա:

3. Տասանորդ չտվողները աղքատանում են, որովհետև անիծված են:

Միթե՞ մարդ Աստծուն կխաբի, որ դուք ինձ խաբում եք, բայց դուք ասում եք. Ի՞նչ բանի մեջ ենք քեզ խաբում. տասանորդի և ընծայի մեջ:

ԱՆԵԾՔՈՎ ԴՈՒՔ ԱՆԻԾՎԱԾ ԵՔ, որովհետև դուք ինձ խաբում եք բոլոր ազգդ:

Մաղաքիա 3:8-9

Հատուկ անեծք կա այն մարդկանց համար, ովքեր տասանորդ չեն տալիս: Այն այս աշխարհի թոփ քսանհինգ անեծքներից մեկն է: Տասանորդ չտվողների վրա այս անեծքը պարզապես գալիս է խառնվելու այն գոյություն ունեցող բազմաթիվ անեծքներին, որոնք փոխանցվել են մեզ Ադամից, Նոյից և այլ սերունդներից: Տասանորդ չտվողների անեծքը համախմբված գործում է այն անեծքների հետ, որոնք ձեր ծնողներն ու նախահայրերն են վերցրել իրենց և իրենց հետնորդների վրա: Գրեթե բոլորս այն մարդկանց ժառանգներն ենք, ովքեր այս կամ այն պատճառով իրենց արածների համար անիծվել են:

Մի օր շատ անհանգստացա, երբ հայտաբերեցի, որ գուցե նախահայրերս ստրուկներ վաճառողներ են եղել: Պարզեցի, որ հենց իմ հոր քաղաքում մի շինություն կա, որը պետք է որ օգտագործված լինի ստրուկների վաճառքի համար: Ակնհայտորեն, ես այն մարդու հետնորդն եմ, ում չեն վաճառել ստրկության: Հետևաբար, հնարավոր է, որ ես այն մարդու ժառանգն եմ, ով վաճառել է իր եղբորը: Ձեր եղբորը վաճառելը հաստատ անեծք կբերի ձեր ընտանիք: Երբևէ մտածե՞լ եք, թե ինչու են այն վայրերը, որտեղ վաճառել են իրենց եղբայրներին կախազարդերի կամ հայելիների դիմաց, այսօր աշխարհի ամենաաղքատ մասերն են:

Տասանորդ չվճարելը ծանր լրացուցիչ անեծքներ է բերում ձեր կյանք: Մի՛ մոռացեք, որ արդեն աշխատում եք Ադամի անեծքի տակ: Եթե Քամի ժառանգն եք, դուք նաև պայքարում եք նրա անեծքի դեմ:

ՀԱՐԳԵԼԻ՛ ԲԱՐԵԿԱՄ, ՈՐՔԱ՞Ն ԱՎԵԼԻՆ ԿԱՐՈՂ ԵՔ ՏԱՆԵԼ: ԱՐԴՅՈ՞Ք ԺԱՄԱՆԱԿԸ ՉԷ, ՈՐ ԱՆԵՆՔ ՄԻ ԲԱՆ, ՈՐԸ ՕՐՀՆՈՒԹՅՈՒՆ ԿԲԵՐԻ: Ձեզ անհրաժեշտ է տասանորդ տվողի օրհնությունը, որպեսզի հակազդեք այս բոլոր սարսափելի անեծքներին: Զարմանու՞մ եք, որ ավելի եք աղքատանում, երբ հրաժարվում եք տասանորդ տալ:

4. Տասանորդ չտվողները աղքատանում են, որովհետև ուտողները անընդհատ ուտում են նրանց ունեցածը:

ԵՎ ԵՍ ՊԻՏԻ ԿՇՏԱՄԲԵՄ ՁԵԶ ՀԱՄԱՐ ՈՒՏՈՂԻՆ, որ նա չապականի ձեզ համար երկրի արդյունը, և ձեզ համար անպտուղ չլինի որթը այգում, ասում է Զորաց Տերը:

Մաղաքիա 3:11

Ամենամեծ օրհնությունը տասանորդ տալու համար այն է, որ Աստված քեզ համար կշտամբում է ուտողին: Երբ լսում եք աղքատ երկրների կառավարության առաջնորդներին, այնպիսի տպավորություն կստանաք, որ իրենց բոլոր խնդիրները կվերջանան, եթե մի քիչ ավելի գումար ունենան: Ցավոք, սա այդ դեպքը չէ: Այն վայրերը, որոնք ֆինանսական մեծ օգնություն են ստանում, որպես կանոն աղքատ են մնում: Այս պարադոքսալ պատկերը գոյություն ունի, որովհետև ստացողները անկարող են պահել այն գումարը, որը ստացել են:

Պատկերացնու՞մ եք, թե ձեզ ինչ է անհրաժեշտ շատ ծակեր ունեցող դույլը լցնելու համար: Եթե հարստությունը սահմանվեր որպես ջրով լցված դույլ, այնքան շատ ջուր պետք կգար այն լցնելու համար: Բայց երբ ծակերը փակ են, պարզապես մի քիչ ջուր է անհրաժեշտ լցնելու դույլը:

Սա կշտամբված ուտողի առեղծվածային օրհնությունն է: Երբ ուտողը սաստվում է, պարզապես մի փոքր է մնում, որ հարուստ մարդ դառնաք: Երբ առանց այս օրհնության եք, ավելի լավ աշխատանք կփնտրեք և ավելի շատ փող կվաստակեք, բայց միշտ աղքատ կմնաք:

Բայց երբ ուտողը սաստվի, գուցե շատ չվաստակեք, բայց ձեր դույլը արագ կլցվի և շուտով կսկսի արտահոսել:

Սիրելի՛ բարեկամ, ահա, թե ինչ է Աստված խոստանում անել, երբ տասանորդ տաս: Ազատվե՛ք աղքատությունից այսօր և ստացե՛ք կշտամբված ուտողի օրհությունը: Երբևէ մտածե՞լ եք, թե ինչու են մարդիկ ավելի հաղթանդամ և գեր դառնում միջին տարիքում: Հաճախ նրանք շատակեր չեն:

Իրականում, շատ միջին տարիքի մարդիկ նիհարելու համար անցնում են հատուկ սննդակարգի, բայց շարունակում են քաշ հավաքել: Ո՞րն է քաշի ավելացման պատճառը: Երբ մարդիկ ավելի են մեծանում, նրանց նյութափոխանակությունը դանդաղում է: Այլ կերպ ասած, այն կրակը, որն այրում է ճարպը, դանդաղ է գործում: Եթե մարմնի մեջ նյութափոխանակության կրակը այրում էր տասը միավոր ճարպ, այս դեպքում այն նվազում է հինգի:Հանկարծ ձեզ մոտ սկսվում է հավելյալ հինգ միավորի ավելացում ամեն օր: Գրեթե ոչ մի ջանք չգործադրելով, քաշ եք հավաքում և ավելի ու ավելի եք լայնանում: Ահա թե ինչու կարող եք իմանալ մարդկանց տարիքը իրենց չափսերով: Երբ ավելի եք մեծանում, ձեր նյութափոխանակությունը ընկնում է(ուտողին կշտամբում են) և տեղի է ունենում քաշի ավելացում(բարգավաճում) :

Իսկապես, տասանորդ չտվողները աղքատանում են, որովհետև իրենց կյանքում ներկա են չհայտնաբերված ուտողներ:

5. Տասանորդ չտվողները աղքատանում են, որովհետև իրենց դաշտերի պտուղները ապականվում են:

Եվ ես պիտի կշտամբեմ ձեզ համար ուտողին, որ ՆԱ ՉԱՊԱԿԱՆԻ ձեզ համար երկրի արդյունը, և ձեզ համար անպտուղ չլինի որթը այգում, ասում է Զորաց Տերը:

Մաղաքիա 3:11

Ձեր ձեռք բերածի անիմաստ կրուոստը վատնելու, սխալ կառավարման, անփութության, հրդեհի, դժբախտ պատահարների, ապստամբությունների, գողությունների պատճառով ցավոտ է և դրանք իսկապես ավիրողի գործերն են:

Տասանորդ տալու ամենամեծ օրհնություններից մեկն այն է, որ ավիրողը հանդիմանվի: Ավիրողը ուտողի եղբայրն է: Ավիրողի և ուտողի տարբերությունն այն է, որ ավիրողը խլում է ձեր ունեցվածքը ցավոտ և անիմաստ ձևով: Ավելի ցավոտ է տեսնել, թե ինչպես է ավիրողը գործում, քանի որ իմաստ չունեն ձեր ունեցած կորուստները:

Սկսե՛ք վճարել տասանորդը և Աստված խոստացել է կշտամբել ուտողին:

6. Տասանորդ չտվողները աղքատանում են, որովհետև կորցնում են իրենց պտուղը, նախքան հնարավորություն կունենան հնձելու այն:

Եվ ես պիտի կշտամբեմ ձեզ համար ուտողին, որ նա չապականի ձեզ համար երկրի արդյուքնը, և ձեզ համար ՆՊՏՈՒՂ ՉԼԻՆԻ ՈՐԹԸ այգում, ասում է Զորաց Տերը:

Մաղաքիա 3:11

Տասանորդ չտվողները աղքատանում են, որովհետև կորցնում են իրենց պտուղը, նախքան հնարավորություն կունենան հնձելու այն: Տասանորդ չտվողները անիծված են ձախողված հունձքով: Ձախողված հունձքը դա ինչ-որ մեկի ձախողումն է քաղել իր կատարած ներդրումի հետ համընկնող և համապատասխան հունձք:

Մեկը վստահաբար սովորեցնում էր, որ եթե ջանասիրաբար աշխատեք, հարուստ կլինեք: Նա շարունակում էր, Այն մարդիկ, ովքեր հարուստ չեն, ջանասիրաբար չեն աշխատում: Զարգացող երկրներում մարդիկ պետք է պարզապես քշտեն իրենց թևերը, հասնեն աշխատանքի և բարգավաճումը կլինի նրանց բաժինը:

Բայց եթե ձեր շուրջը նայեք, կհայտնաբերեք շատ մարդկանց, ովքեր շատ են աշխատում, սակայն հարուստ չեն: Կգտնեք մարդիկ, ովքեր տասներկու ժամ գլխիկոր աշխատում են, և գրեթե ոչինչ չեն վաստակում: Բայց, ընդամենը մի քանի մղոն հեռավորության վրա կարող եք գտնել մարդիկ, ովքեր աշխատում են օրը մեկ ժամ, բայց միլիոններ են վաստակում:

Այո՛, ճիշտ է, որ ջանասիրաբար կատարված աշխատանքը պետք է տանի բարգավաճման, բայց շատ դեպքերում այդպես չէ: Շվեդիայում ավտոբուսի վարորդը վաստակում է տասնինը անգամ ավելի շատ, քան նմանատիպ լավ վարորդը վաստակում է Գանայում: Ինչու՞ է այսպես: Ինչու՞ նրանք նույն գումարը չեն ստանում աշխատանքային նույն ժամերի և նույն աշխատանքի դիմաց: Ինչու՞ է մեկը ցանում հարյուր սերմ և հնձում հարյուր պտուղ, իսկ մյուսը ցանում հարյուր սերմ և ստանում քսաներեք պտուղ:

Այստեղ դուք կիմանաք, թե որքան իրական են ձախողված հունձքերը: Ձախողված հունձքը դա ինչ-որ մեկի ձախողումն է քաղել իր կատարած ներդրումի հետ համընկնող և համապատասխան հունձք: Շատերը ունենում են այսպիսի ձախողված հունձք:

Հաճախ ձախողված բերքի պատճառները վեր են ձախողված բերքահավաք ունեցող մարդու կորողությունից: Ինչու է մեքսիկացին վաստակում այդքան քիչ իր ջանքերի դիմաց` հինգ մղոն այն կողմ` Ամերիկայում ապրողի համեմատ: Ինչից է, որ ամերիկյան հողի վրա ապրողը նույն ժամանակն ու ջանքն է ներդնում, ինչ մեքսիկացին, բայց վաստակում է տասնինը անգամ ավելին:

Այս խնդրի պատճառներն ու լուծումները դրանք շտկելու մարդու կարողությունից վեր են: Բայց Ամենակարող Աստված խոստանում է տասանորդ տվողին, որ Նա չի թողնի, որ բերքը անարդյունք ընկնի հողի վրա:  Նա չի թողնի, որ ձեր պտուղները թափվեն, նախքան բերքահավաքը:

Զարմանալի՞ է, որ տասանորդը իրական բարգավաճման հիմնական բանալին է: Ձեզ զարմացնու՞մ է այն, որ տասանորդ չտվողները կարող են աղքատանալ՝ իրենց եկամուտի տասը տոկոսը Աստծուց պահելով:

Ի՞նչ կարող եք անել առանց Աստծո օգնության: Որքա՞ն հեռու կարող եք գնալ, եթե Աստված չօրհնի ձեզ: Ժամանակն է սկսել տասանորդ տալ, որպեսզի ձեր հասույթը գետնին չընկնի, նախքան որ կվայելեք այն:

Գլուխ 2

Այն անեծքները, որոնք հետևում են տասանորդ չտվողներին

Տասանորդ չտալը ակտիվացնում է մի շարք տարբեր անեծքներ: Շատերը կարծում են, որ տասանորդ չտալը գործի մեջ է դնում միայն Մաղաքիայի անեծքը: Բայց տասանորդ չտալը ընթացքի մեջ է դնում շատ ավելին, քան Մաղաքիայի անեծքն է: Այն առաջ է բերում մի քանի այլ անեծքներ, որոնք ավերիչ հետևանքներ ունեն: Այս գլուխը պատմում է այդ հետևանքների մասին:

Այնուամենյանիվ, ի՞նչ է անեծքը: Անեծքը կարելի է մի քանի կերպ սահմանել: Անեծքի այս տասներկու սահմանումները կօգնեն ձեզ հասկանալ, թե ինչ է նշանակում անեծքի տակ լինել: Չեմ պատկերացնում, թե ինչ է նշանակում մի քանի անեծքի տակ լինել:

Անեծքի տասներկու սահմանումներ

1. Անիծված մարդը նա է, ով անընդհաը հիասթափություններ կապրի:

2. Անիծված մարդը նա է, ով ամեն բանի մեջ հետևում կամ ներքևում է:

3. Անիծված մարդը նա է, ով առանձնահատուկ չարիքի է արժանանում:

4. Անիծված մարդը նա է, ով միշտ հանդիպում է սարսափելի միջադեպերի:

5. Անիծված մարդը նա է, ով միշտ ձախողում է ունենում:

6. Անիծված մարդը նա է, ով շարունակաբար մերժվում և անուշադրության է մատնվում:

7. Անիծված մարդը նա է, ում երբեք չեն ընտրում:

8. Անիծված մարդը նա է, ով ի զորու չէ ճիշտ ճանապարհի վրա դնել իր կյանքը:

9. Անիծված մարդը նա է, ով զուրկ է չափազանց կարևոր ինֆորմացիայից:

10. Անիծված մարդը նա է, ով անընդհատ վատ տարբերակին է հակված:

11. Անիծված մարդը նա է, ով միայն չար մարդկանց է հանդիպում:

12. Անիծված մարդը նա է, ով միշտ վերջինն է և պարտվող է դուրս գալիս, թեև կապ չունի, թե ինչպես է սկսում:

ՈւԹ ԱՆԵԾՔ, ՈՐ ՀԵՏևՈՒՄ Է ՏԱՍԱՆՈՐԴ ՉՏՎՈՂՆԵՐԻՆ

1. Այն մարդիկ, ովքեր չեն տալիս տասանորդ, անիծված են Մաղաքիա մարգարեի անեծքներով:

Միթե՞ մարդ Աստծուն կխաբի, որ դուք ինձ խաբում եք, բայց դուք ասում եք. Ի՞նչ բանում ենք քեզ խաբում. Տասանորդի և ընծայի մեջ: Անեծքով դուք անիծված եք բոլոր ազգդ:

Մաղաքիա 3:8-9

Աստվածաշնչում հատուկ անեծքներից մեկը Մաղաքիայի տասանորդ չտալու համար նախատեսված անեծքն է: Այս անեծքը ներառում է ուտողի, ավիրողի և ձախողված հունձքի մուտքը ձեր կյանք: Նախորդ գլխում ուտողի, ավիրողի և ձախողված հունձքի մասին:

2. Այն մարդիկ, ովքեր չեն տալիս տասանորդը, անիծված են այն անեծքով, որը գալիս է գողերի վրա:

Աստվածաշունչը ցույց է տալիս մեզ երկու հետաքրքիր անեծքներ, որոնք վերաբերում են այն մարդկանց, ովքեր գողանում են: Մեկը ընդհանուր անեծք է, որ Աստված սահմանեց բոլոր գողերի համար, մյուսը հատուկ մի անեծք է հենց