Հոգեւոր վտանգներ

Սխալ առաջնահերթությունները մեծ վտանգ են ներկայացնում քրիստոնյաների համար։ Երբ դուք մեղավոր մեկն եք, սովորաբար ընտրություն եք կատարում երկու տարբերակների միջև՝ բարի կամ չար։ Երբ աճում եք Տիրոջ մեջ, ձեր տարբերակներն աճում են և սկսում եք ունենալ ավելի շատ ընտրության տարբերակներ։

Այս անգամ ձեր ընտրությունը չի արվում բարու և չարի միջև, այլ՝ բարու և բարու միջև։ Անելիքների շարքում հաճախ լինում են ընտրելու մի քանի բարի բաներ։ Երբ հասնում եք այդ կետին, կարևոր է, որ հասկանաք առաջնահերթությունների գաղափարը։ «Ո՞ր մեկն անեմ առաջին հերթին»։ Հիսուսը մեզ մի մեծ հայտնություն տվեց որոշ բաների հետ կապված, որոնք պետք է արվեն այլ բաներից առաջ։

Հետաքրքիր է ուսումնասիրել այն, թե որքան բաներ է Հիսուսն ասել, որոնք պետք է արվեն առաջին հերթին։ Երբ Հիսուսը խոսում էր առաջնային կամ ամենակարևոր բաների մասին, Նա օգտագործում էր հունարեն պրոտոն բառը։ Այս գրքում մենք ուսումնասիրելու ենք պրոտոն հարցերը՝ բաներ, որոնք Հիսուսն ասել է, որ պետք է արվեն առաջին հերթին։

Որպես քրիստոնյա՝ դուք պետք է առաջնային բաներն անեք առաջին հերթին։ Առաջնային բաներն անել առաջին հերթին նշանակում է՝ առաջնային ըստ ժամանակի, հերթականության, թվի, դասի և արժեքի։

Քրիստոնյան պետք է անի ամենակարևոր բաներն առաջին հերթին։

Ինչո՞ւ պետք է որոշ բաներ արվեն առաջին հերթին

1․ Ցանկացած բան, որը չի արվում առաջին հերթին, թվում է, թե կորցնում է իր կարևորությունը։

Աստված մեզ հետ շատ համբերատար է։ Շատերը Նրան չեն հնազանդվել և թվում է, թե մարսել են դա։ Թվում է, թե Աստծո Խոսքի կարևորությունը խամրում է, երբ մենք շարունակաբար անհնազանդ ենք գտնվում։ Շատ շուտով այն, ինչ ավելի կարևոր է, քան ցանկացած այլ բան, դառնում է անտեսված և անտեղի։

Այսօր ես ծառայում եմ օծության ներքո, և շատերն ինձ հարգում են ծառայության համար, բայց եթե ես ժամանակին չհնազանդվեի Աստծուն, ես միգուցե շարունակեի իմ կյանքը որպես բժիշկ։ Աստծո կանչի վերաբերյալ քննարկումները կարող էին թվալ անտեղի և ոչ կարևոր։

Լինելով իմ բժիշկ գործընկերների հետ տարբեր հիվանդանոցներում՝ հովիվ լինելու գաղափարը ծիծաղելի կհնչեր ինձ համար։ Ես կասեի իմ ընկերներին․ «Եկեք ձեզ պատմեմ մի հիմար գաղափարի մասին, որ ես մի ժամանակ ունեի։ Գիտե՞ք, որ մի ժամանակ ուզում էի հովիվ դառնալ։ Երբ երիտասարդ էինք, մենք չափից շատ հոգևոր էինք և անփորձ»։

Դուք երբևէ հանդիպե՞լ եք մեծահասակ մարդկանց, ովքեր ասում են, որ իրենք պատրաստ են եղել քահանայության։ Մեծ տարիքում նրանք փորձում են փոխհատուցել իրենց անհնազանդությունը իրենց երեխաների միջոցով։

Ես ճանաչում եմ մի մարդու, ով փորձում էր ստիպել իր երեխաներից մեկին դառնալ քահանա։ Նա ասաց իր որդուն․«Աստված ինձ կանչել էր քահանա դառնալու, բայց ես չարեցի դա։ Դու դարձիր քահանա, և ես քեզ կտամ ունեցվածք և գումար, որպեսզի դու ոչ մի բանի կարիք չունենաս»։ Իրենց կյանքի վերջում նրանք հուսահատ կերպով ցանկանում են փոխհատուցել այն կյանքի համար, որը Աստծո հետ համագործակցության մեջ չի եղել։

Թանկագին ընկեր, վստահեցնում եմ Ձեզ, որ որքան երկար դուք քայլեք Ձեր սեփական ճանապարհներով, այնքան հեռավոր և անիրատեսական կթվան Աստծո պատվիրանները։ Պրոտոնի համար կա պատճառ։

Պրոտոնը՝ առաջնահերթ բաներն առաջին հերթին անելը, փրկում է ձեզ խաբեությունից։ Աստված հոգ կտանի ձեզ համար և կլինի ձեզ հետ, երբ դուք լինեք Իր կամքի հոսքի մեջ։

2․Ցանկացած բան, որը չի արվում առաջին հերթին, կարող է երբեք չարվել

Հետաձգումը հաճախ նշանակում է չեղարկում։ Ցանկացած բան, որը չի արվում առաջին հերթին, կարող է երբեք չարվել։ Ես երբեք չեմ իմացել, որ որևէ բան հետաձգելը կարող է ի վերջո տանել դրա չեղարկմանը։

Մի օր ես պետք է Լոնդոնից ուղևորվեի Նյու Յորք ծառայության։ Ես պայմանավորվել էի, որ ծառայեմ Մերիլենդում այդ երեկո։ Ցավոք սրտի ես շատ վաղ թռիչք ունեցա Լոնդոնի Հիթրոու օդանավակայանից դեպի Ամստերդամ և հետո ստիպված էի Ամստերդամից թռչել Նյու Յորք։ Երբ նայեցի տոմսիս, չէի կարողանում հավատալ, որ իմ տեսած ժամը ճիշտ է։ Ես կարծեցի, որ չափազանց շուտ էր, որ դա ճիշտ լիներ։ Երբ հասա օդանավակայան, կյանքում առաջին անգամ չափազանց ուշացել էի։ Ես ուշացել էի գրանցումից մոտ քսան րոպե։ Ես հիասթափված էի։ Ստիպված էի սպասել հաջորդ թռիչքին դեպի Ամստերդամ։

«Դուք չեք կարող այժմ թռչել Նյու Յորք, բայց կարող եք ավելի ուշ թռիչք վերցնել»,- ասացին նրանք։ Այդ ժամանակ ես հասկացա, որ դեռ կարող եմ գնալ Նյու Յորք և ճիշտ ժամանակին մեքենայով հասնել Մերիլենդ։ Այսպիսով զանգեցի Նյու Յորք և հովվին ասացի, թե երբ եմ ժամանելու և ասացի, որ մենք պետք է արագ մեքենայով գնանք դեպի Մերիլենդ։ Ես նրան վստահեցրեցի, որ ճիշտ ժամանակին կլինեի և որ ծրագիրն անպայման կիրականանար, չնայած աննշան հետաձգմանը։

Ամստերդամում ես վստահորեն բարձրացա Նյու Յորք թռչող ինքնաթիռ՝ իմանալով, որ այն շուտով օդ կբարձրանա, և ես ժամանակին տեղ կհասնեմ։ Որոշ ժամանակ անց ես նայեցի պատուհանից դուրս և տեսա, որ մարդիկ ինքնաթիռի թևերն էին մաքրում։ Եվ հնչեց հայտարարությունը․«Շարժիչի կարգավորենք խնդիրը։ Հայցում ենք ձեր ներողամտությունը»։

Ես ևս մեկ անգամ հաշվարկ արեցի և մտածեցի, որ դեռ կհասցնեմ լինել Մերիլենդում։ Ամբողջ եկեղեցին ինձ էր սպասելու։ Նրանք շաբաթներով ինձ էին սպասել։ Ցավոք սրտի այդպես չեղավ։

Սառույցի խնդիրը լուծվելուց հետո մեկ այլ խնդիր առաջացավ, որը նորից առաջ բերեց հետաձգումներ։ Այս անգամ նրանք ասացին, որ ինքնաթիռի զուգարանները չէին աշխատում, և ստիպված էին կարգի բերել դրանք։ Ես երբեք չէի լսել, որ ինքնաթիռի զուգարանները չաշխատեն, բայց դա իրականություն էր։ Եվս երկու ժամ պահանջվեց, մինչև մենք վերջապես պատրաստ էինք թռիչքի։

Ես նստեցի, և երբ րոպեներն անցնում էին, ես տառապում էի՝ պատկերացնելով, թե քանի մարդ հավաքված կլիներ ծառայության համար։ Ի վերջո ես պետք է ընդունեի, որ ծառայությունը պետք է չեղյալ հայտարարվեր, քանի որ ես ժամանակին չէի հասնի։ Աթոռին նստած մտածում էի այն բանի շուրջ, թե ինչպես Լոնդոնում քսան րոպե ուշանալը չեղարկեց իմ ամբողջ ծառայությունը։

Եվ այդ ժամանակ էր, երբ Տերը խոսեց ինձ հետ․«Տեսնո՞ւմ ես, որ հետաձգումը կարող է նշանակել չեղարկում»։

Տերը ցույց տվեց ինձ, որ Իր Խոսքին հնազանդվելը հետաձգելը կարող է տանել այն բանին, որ երբեք չկատարեմ Նրա կամքը։ Աստված ինձ ցույց տվեց, որ Ինքը թույլ էր տվել ինձ անցնել այս իրավիճակի միջով, որպեսզի ես իմանամ, թե ինչպես Իր կամքը կատարելը հետաձգելը երբեմն տանում է այն բանին, որ ես երբեք չեմ անում դա։

Շատ մարդիկ, ովքեր որոշում են հնազանդվել Աստծուն, ի վերջո չեն ունենում այդպիսի ավարտ, քանի որ նրանք առաջին տեղում են դնում սխալ բաներ։ Իրենց ամուսնությունը, դոկտորական աստիճանը, հինգ տարով արտերկրում ճամփորդելը, այս ամենը գալիս են Տիրոջը հնազանվելուց առաջ։ Աստծուն հնազանդվելը, որ իրենք դրել էին երկրորդ տեղում, երբեք չիրականացավ։

Ես ցավով տեսել եմ, թե ինչպես մարդիկ, ովքեր պետք է ամբողջական ժամանակով ծառայության մեջ լինեին, հետաձգում են այն, մինչև որ ավարտին հասցնեն այլ գործեր։

Ցավոք