Մեգաեկեղեցի Ինչ անել, որ քո եկեղեցին աճ ո...

Քսանհինգ պատճառ, թե ինչու է կարևոր ունենալ Մեգաեկեղեցի

1.      Դուք պետք է ձգտեք ունենալ մեգաեկեղեցի, քանի որ դա հովվին ամենահամապատասխան տեսիլքն է և նպատակը: Յուրաքանչյուր հովվի լավագույն տեսիլքն ու փափագն է ունենալ մեծ եկեղեցի: Եթե Դուք պատրաստվում եք եկեղեցի ունենալ, ինչո՞ւ այն մեծ չլինի:

«Առանց մարգարեութեան (տեսիլքի) ժողովուրդը կվայրենանա: Բայց երանի՜ նրան, ով որ օրենքը կպահի»:

Առակաց 29:18

2.      Դուք պետք է ձգտեք ունենալ մեգաեկեղեցի, քանի որ մեգաեկեղեցի ունենալու փափագը ճանապարհ կբացի Ձեզ համար, որ Ձեր եկեղեցին աճի: Հրաշքներ ունենալու փափագը արդյունքում Ձեր ծառայությունների մեջ հրաշքների կբերի: Օծություն ունենալու փափագը Ձեզ արդյունքում կտա օծություն: Եկեղեցու աճի փափագը Ձեզ համար նոր բացահայտումների ճանապարհ կբացի, որը կնպաստի Ձեր եկեղեցու աճին:

«Սրա համար ասում եմ ձեզ, թե ԱՅՆ ԱՄԵՆՆ, ԻՆՉ ՈՐ ԱՂՈԹՔ ԱՆԵԼՈՎ ԽՆԴՐԵՔ, հավատացեք թե կստանաք, և ԿՈՒՆԵՆԱՔ ԱՅՆ»։

Մարկոսի 11:24

3.      Դուք պետք է ունենաք մեգաեկեղեցի, քանի որ Աստծո կառուցած յուրաքանչյուր եկեղեցու մարգարեական նպատակն  է ունենալ ավելի մեծ ավարտ, քան սկիզբն է եղել: Մի՛ հուսահատվեք Ձեր եկեղեցու այսօրվա փոքրությունից: Կանխասվել է, որ Ձեր ծառայության ավարտը ավելի փառահեղ է լինելու, քան սկիզբը: Քանի որ Տիրոջ խոսքը ասում է, որ գալիք տաճարի փառքը ավելին կլինի, քան նախորդինը, Դուք պետք է ակնկալեք ավելի փառավոր մի բան, քան տեսել եք սկզբում: Աստված ինչ-որ զորավոր բան է պատրաստվում անել, և Նա կավելացնի եկեղեցի հաճախողների թիվը:

«Թեպետև քո սկիզբը փոքր լինի, ՔՈ ՎԵՐՋԸ ՇԱՏ ԿՄԵԾԱՆԱ»։

Հոբի 8:7

4.      Դուք պետք է ունենաք Մեգաեկեղեցի, քանի որ շատ հովիվներ խաբված են՝ կարծելով, թե գործերը ընթանում են ինչպես հարկն է, այնինչ դա այդպես չէ:

Իր ծառայության ընթացքում Հիսուսը մի շատ կարևոր հայտարարություն արեց.

«…Հունձքը շատ է, բայց մշակները քիչ…»

Մատթեոսի 9:37

Սա նշանակում է, որ շատ չփրկված հոգիներ կան: Մեզ բոլորիս համար շատ գործ կա անելու: Շատ մարդիկ կան, որ դեռ պետք է համալրեն մեր եկեղեցիների շարքերը: Շատ հովիվներ խաբվում են այն փաստով, որ իրենց փոքրիկ դահլիճները լիքն են: Շատ առաջնորդներ  կարծում են, որ իրենք հասել են իրենց ծառայության գագաթնակետին: Դուք ունեք բարձր աշխատավարձ ու գեղեցիկ մեքենա: Աստված օրհնել է Ձեզ և Ձեր բոլոր պարտքերը վճարված են: Բայց սա դեռ չի նշանակում, որ Դուք արել եք ամեն ինչ: Թույլ մի՛ տվեք, որ սատանան փակի Ձեր աչքերն այն գործի վրա, որ իրապես մենք պետք է անենք: Սատանան զով է անում, որ եկեղեցին քնի: Նա շատ առաջնորդների սրտերին շշնջում է՝ «ամեն բան լավ է», «սա հենց այն է, ինչ պետք է», «դու արեցիր դա», «սա է քո կարողությունը», «սա է այն ամենը, ինչ կարող էիր անել Աստծո համար»: Սատանան կուրացրել է այսպիսի առաջնորդների  հոգևոր աչքերը: Թշնամին շշնջում է նրանց սրտերում՝ «Ամեն բան լավ է», «Այսքանը բավական է», «Դու արեցիր դա»:

Սատանան ցանկանում է, որ Ձեր եկեղեցին փոքր մնա: Որքան քիչ մարդ լինի Ձեր հավաքույթներին, այնքան շատ կլինեն նրա գերիները: Ձեր եկեղեցու մարդկանց քանակը ցույց է տալիս, թե որքան մարդ է պակասել  դժոխքից: Երբ Դուք մեգաեկեղեցի ունեք, դա նշանակում է, որ Դուք ավելի շատ հոգիներ եք բերել: Դա նաև նշանակում է, որ շատ հոգիներ են փրկվել սատանայի ճանկերից:

5.      Դուք պետք է ունենաք մեգաեկեղեցի, քանի որ Աստծո կամքն է, որ «Նրա տունը լիքը լինի»: Շատ եկեղեցիներ լի չեն մարդկանցով, որովհետև դրանք մեգաեկեղեցիներ չեն:

«Եվ տերն ասաց ծառային. Դուրս գնա ճանապարհները և ցանգերը, և ստիպիր, որ մտնեն, որ իմ տունը լցվի»:

Ղուկաս 14:23

Ղուկասի ավետարանի 14-րդ գլխում Տերը մեզ մի շատ կարևոր հայտնություն է տալիս: Տանտերն իր ծառային ասում է՝ «ինձ անհրաժեշտ է, որ իմ տունը լցվի»: Այս պատմության մեջ Տերը մարմանվորում է Հիսուսին: Հիսուս ցանկանում է, որ Իր Տունը լիքը լինի: Այլ կերպ ասած, Հիսուս ցանկանում է, որ Իր եկեղեցիները լիքը լինեն: Աստված մարդկանցով լի եկեղեցիներ է ուզում ունենալ: Այս պատմության մեջ տանտերը չի բավարվում իր խնջույքում միայն մի քանի մարդկանց տեսնելով: Նա, այսպես թե այնպես, կարող էր անել այդ խնջույքը, բայց ուզում էր, որ շատ մարդ լինի ներկա: Եվ հատկապես ցանկանում էր, որ իր տունը լի լիներ մարդկանցով:

Այս պատմության միջոցով Տերը ցանկանում է ցույց տալ Իր կամքը եկեղեցու վերաբերյալ: Նրա կամքն է ունենալ շատ մարդիկ: Նրա կամքն է լիքը սրահներ: Նրա կամքն է լիքը լցված եկեղեցիները: Նրա կամքը ՄԵԳԱԵԿԵՂԵՑԻՆ է:

6.      Դուք պետք է ունենաք մեգաեկեղեցի, քանի որ Ձեր հունձքի արտը աշխարհն է:

Աստված մեզ չի ուղարկել մեր քաղաքի արվարձանները: Ոչ էլ Նա ուղարկել է մեզ մի քանի գյուղեր: Նա մեզ ուղարկել է ողջ աշխարհով մեկ: Եթե բերք հավաքելու համար միայն մի փոքր արտ ունենայինք, ապա չէինք կարող շատ մեծ քանակությամբ բերք ակնկալել այդ արտից:

«Եվ նրանց ասաց. ԳՆԱՑԵՔ ԱՄԲՈՂՋ ԱՇԽԱՐՀԸ, ավետարանը քարոզեք ամեն արարածի։ Ով որ հավատաց և մկրտվեց՝ կփրկվի: Եվ ով որ չհավատաց՝ կդատապարտվի»։ 

Մարկոսի 16:15, 16

Այն փաստը, որ ամբողջ աշխարհում պետք է քարոզենք, ենթադրում է, որ հոգիների հունձքը, որ  մենք ունենալու ենք, պետք է որ հսկայական լինի: Դա հաստատ կլինի աշխարհի բնակչության մեծ մասը: Եթե աշխարհի բնակչության մեծ մասը պիտի փրկվի ավետարանը քարոզելու միջոցով, ապա ոչ մի եկեղեցում ասեղ գցելու տեղ չպետք է  լինի: Հիշե´ք, ավելի քան վեց միլիարդ չփրկված հոգիներ են սպասում, որ նրանց Ավետարանի խոսքը հասցնենք:

7.      Դուք պետք է ունենաք մեգաեկեղեցի, քանի որ Աստվածաշնչյան օրինակներում եկեղեցիներն ունեին հազարավոր անդամներ: Մի՞թե վաղ շրջանի եկեղեցին չպետք է մեզ համար հետևելու օրինակ լինի: Եթե վաղ շրջանի եկեղեցին ուներ երեք կամ հինգ հազար անդամ, արդյոք այդ թվերը մեզ համար չափանիշներ չպե՞տք է լինեն: Անշուշտ, այդ թվերը նշված են Աստվածաշնչում, որպեսզի մենք կարողանանք իմանալ, թե ինչին է պետք ձգտել:

«Եվ նրանք, որ նրա խոսքը հոժարությամբ ընդունեցին՝ մկրտվեցին. Եվ այն օրը երեք հազարի չափ հոգիներ ավելացան։ Եվ միշտ հետևում էին առաքյալների վարդապետությանը և հաղորդությանը և հացի կտրելուն և աղոթքներին»։

                                                                        Գործք 2:41, 42

«Եվ այս խոսքը լսողներից շատերը հավատացին: Եվ մարդկանց թիվը հինգ հազարի չափ եղավ։...՝ շհաշված կանանց ու երեխաներին»:

Գործք 4:4

8.      Դուք պետք է ունենաք մեգաեկեղեցի, քանի որ մեգաեկեղեցի ունենալ՝ նշանակում է արքայության համար շատ հոգիներ շահել: Մեծ եկեղեցում կլինեն շատ ծառայություններ, շատ ապաշխարհության կոչեր և փրկվելու ավելի մեծ հնարավորություններ, քան փոքր եկեղեցում: Մի՞թե յուրաքանչյուր հոգևոր առաջնորդի նպատակը Տիրոջ համար հոգիներ շահելը չէ: Մի՞թե սա հավելյալ օրհնություն չէ, որ մեգաեկեղեցին տանում է դեպի փրկություն շատ մարդկանց, որոնք միանում են նրան:

9.      Դուք պետք է ունենաք մեգաեկեղեցի, քանի որ մեգաեկեղեցում ավելի շատ մշակներ և աշխատողներ են բարձրանում Աստծուն ծառայելու համար:

«Այն ժամանակ Իր աշակերտներին ասաց. Հունձքը շատ է, բայց մշակները քիչ։ Արդ՝ աղաչեք հունձքի Տիրոջը, որ մշակներ հանի իր հունձի մեջ»։

Մատթեոսի 9:37-38

Հոտի մեջ անպայման կգտնվի իրապես նվիրված ծառայողների  որոշակի քանակ: Նշանակություն չունի, թե ինչ կասես կամ ինչ կանես, եկեղեցում մարդկանց մի որոշակի մասը չի ընդգրկվի ծառայության իսկական գործի մեջ: Միշտ կլինեն հանդիսատեսներ և դիտորդներ: Միշտ կլինեն քննադատներ: Մշակները միշտ կլինեն ծառայության մեջ:  Որքան շատ լինի Ձեր ժողովուրդը, այնքան շատ մշակներ կուղարկվեն հունձքի: Եվ Ձեզ համար ավելի դյուրին կլինի նրանց ֆինանսավորելը:

10.      Դուք պետք է ունենաք մեգաեկեղեցի, քանի որ մեգաեկեղեցու միջոցով է, որ ավելի շատ ավետարանի ծառայողներ, ձեռնադրված հովիվներ ու եպիսկոպոսներ  են նշանակվում և ուղարկվում դեպի հունձքի դաշտ: Մեծ եկեղեցում միշտ ուսուցողական ծրագիր է լինում, որը նոր ծառայողներ է բարձրացնում: Տասը հազարանոց եկեղեցին, իհարկե, շատ ավելի  հովիվներ կբարձրացնի, քան հարյուր անդամ ունեցող եկեղեցին:  Իսկապես, փոքր եկեղեցու հովիվը հավանաբար չունի բավականաչափ մարդիկ, ովքեր կցանկանային լինել ավետարանչության ծառայողներ:

11.      Դուք պետք է ունենաք մեգաեկեղեցի, քանի որ մեգաեկեղեցում շատ մարդիկ են ներգրավված օդի իշխանի զորության դեմ ուղղված աղոթքների մեջ:

«Որովհետև մեր պատերազմը արյան և մարմնի հետ չէ, այլ իշխանությունների և պետությունների հետ, այս աշխարհի խավարի աշխարհակալների հետ, այն չար հոգիների հետ, որ երկնավորների մեջ են։ Սրա համար Աստծո սպառազինությունը հագեք, որ կարողանաք հակառակ կանգնել չարության օրը, և  ամեն բան կատարելով՝ հաստատ կանգնել: Արդ, հաստատ կանգնեք՝ ձեր մեջքերը ճշմարտությամբ գոտևորված և արդարության զրահը հագած, և ձեր ոտքերին կոշիկ հագած՝ խաղաղության ավետարանի պատրաստությունով։ Այս ամենի վրա հավատքի վահանը վերցրեք, որով կկարողանաք չարի բոլոր կրակոտ նետերը հանգցնել։ Եվ փրկության սաղավարտը վերցրեք և Հոգու սուրը՝ որ Աստծո խոսքն է։ Բոլոր աղոթքներով և աղաչանքով աղոթք արեք ամեն ժամանակ Հոգով և սրանում հսկեք ամբողջ հարատևությամբ և աղաչանքով բոլոր սուրբերի համար»:

Եփեսացիս 6:12-18

Երբ Դուք մեգաեկեղեցի ունեք, ավելի շատ աղոթքներ կբարձրանան առ Աստված: Այսպիսով, ավելի շատ մարդիկ կփրկվեն և կհաստատվեն եկեղեցում: Երբ Տերն ինձ ուղարկեց Եվրոպայում եկեղեցիներ  հիմնելու, Նա ցույց տվեց մի առանցքային դեր, որ մենք պիտի ունենայինք, որպեսզի վերահաստատեինք Իր թագավորությունը այս մայրցամաքում:  Ինչպես գիտեք, Եվրոպան ըստ էության դարձել է աթեիստների մայրցամաք: Նրանք իրենց մտքից հանել են Աստծուն: Շատ եվրոպացիներ անգամ չեն էլ հավատում, որ Աստված գոյություն ունի:

Տարիներ առաջ Եվրոպան միսիոներներ էր ուղարկում աշխարհով մեկ: Բայց հիմա նրանք հասել են դիվային կուրության և անաստվածության ամենացածր աստիճանին: Աստված ինձ ցույց տվեց, որ որպես եկեղեցի՝ մեր պարտականություններից մեկն էր աղոթք բարձրացնել Եվրոպայի եկեղեցու համար: Մեր ներկայությունը Շվեյցարիայում, Նիդեռլանդնեում և Անգլիայում իր արդյունքը թողեց այս երկրներում ավելի շատ բարեխոսական աղոթքների հարցում:

Ժնևում գտվող մեր եկեղեցին գիշերային աղոթք է անցկացնում ամեն ուրբաթ՝ աղոթելով կեսգիշերից մինչև առավոտյան վեցը: Նրանք հոգևոր պատերազմի մեջ են մտնում մի երկրում, որտեղ Աստված մոռացված է: Որքան շատ եկեղեցիներ մեր եկեղեցու նման գնան ազգերի մեջ, այնքան շատ աղոթքներ կլինեն: Սա է այն առաջնային պատճառներից մեկը, թե ինչո՞ւ է կարևոր ունենալ մեծ և ճյուղավորված եկեղեցի:

Երբ Փարոս Եկեղեցին, որտեղ ես հովիվ եմ, աճեց մինչև որոշակի չափի, մեզ հաջողվեց ամեն օր ունենալ գիշերային աղոթքներ: Մենք այնքան շատ խմբեր ունեինք եկեղեցում, որ հնարավոր էր հերթափոխն այնպես կազմակերպել, որ ամեն խումբ մեկ օր գիշերային աղոթք ունենար:  Այսպիսով, մենք ամեն գիշեր ուրիշ աղոթող խումբ ունեինք:

Որքան մեծ լինի եկեղեցին, այնքան շատ աղոթքի խմբեր կստեղծվեն: Մեգաեկեղեցում ավելի շատ աղոթքներ են հնարավոր: Ահա թե ինչու է սատանան ուզում, որ եկեղեցիները փոքր մնան:

12.      Դուք պետք է ունենաք մեգաեկեղեցի, քանի որ մեգաեկեղեցին ծնում է մեծ բազմություններ, իսկ մեծ բազմությունները ծնում են մեծ ակնկալիքներ:

«ԺՈՂՈՎՈՒՐԴՆ ԷԼ ԴԵՌ ՍՊԱՍՄԱՆ ՄԵՋ ԷՐ և բոլորը իրանց սրտերում Հովհաննեսի համար մտածում էին, թե միգուցե նա լինի Քրիստոսը»:

Ղուկասի 3:15

Փորձառության միջոցով ես հասկացել եմ, որ որքան մեծ է բազմությունը, այնքան մեծ է նրանց ակնկալիքը: Երբ Աստծո ժողովրդի մեծ համախմբում է լինում, ստեղծվում է հուզմունքի, սպասումի և իրական հավատքի մթնոլորտ: Ինչո՞ւ:  Սա տեղի է ունենում, քանի որ բոլորի հավատքն էլ մեծանում է նրանից, ինչ իրենք տեսնում են:

Մեծ բազմության տեսարանը հավատք է ներշնչում և հուզմունք է առաջացնում: Բազմության մեկտեղված հավատքը ավելի մեծ է, քան պարզապես մեկ մարդունը: Դա օգնում է Աստծո տված պարգևը դուրս հանել/լիովին օգտագործել ծառայողից:

Ես քարոզել եմ և´ փոքր խմբերում, և´ մարդկանց մեծ բազմության առջև: Այս երկու պարագաներում հոգևոր մթնոլորտը, սովորաբար, տարբեր է լինում:

13.      Դուք պետք է ունենաք մեգաեկեղեցի, քանի որ մեգաեկեղեցում, շնորհիվ մարդկանց մեծ բազմության և սպասումի, դու կունենաս ավելի մեծ հրաշքներ:

«Եվ Փիլիպպոսն իջավ Սամարիայի մի քաղաք, և Քրիստոսի մասին էր քարոզում նրանց։ Ժողովուրդն էլ միաբան ականջ էր դնում Փիլիպպոսի խոսացածներին՝ լսելով և տեսնելով այն նշանները, որ անում էր։ Որովհետև պիղծ ոգիներ ունեցողների շատերից, մեծաձայն աղաղակելով, դուրս էին գալիս։ Եվ շատ անդամալույծներ և կաղեր բժշկվում էին»: 

Գործք 8:5-8

Երբ առկա է մեծ հավատք, կարելի է մեծ զորություն և հրաշքով բժշկություններ ակնկալել: Հիսուսը հաճախ ասում էր. «Քո հավատքը քեզ բժշկեց»: Հավատքն է, որ հրաշք է ծնում: Գիտեմ, որ շատ մարդիկ միգուցե ինձ սխալ հասկանան: Ես ի նկատի չունեմ, որ Աստված ներկա չէ փոքր հավաքույթներում: Ես հաճախ եմ ծառայում փոքր հավաքույթներում և տեսնում եմ, որ Տերը հիասքանչ կերպով գործ է անում: Աստված, իհարկե, հրաշքներ անում է  փոքր եկեղեցիներում: Ես ընդամենը ուզում եմ ասել, որ ընդհանուր առմամբ, որքան շատ մարդ կա այնտեղ, այնքան մեծ է հավատքը, մեծ է ակնկալիքը և, որպես հետևանք, շատ են հրաշքները: Կարծում եմ՝ ամենահասարակ քրիստոնյան կարող է հասկանալ այս պարզ տրամաբանությունը:

Մեծ եկեղեցի նշանակում է շատ մարդ, որին հետևում է մեծ հավատք, որն էլ իր հերթին նշանակում է մեծ զորություն, սա նշանակում է շատ հրաշքներ, որին հետևում են շատ վկայություններ:

Արդյոք չե՞ք ուզում օրհնության, զորության և օծության հեղեղ լինի ձեր հավաքույթներում:

Սիրելի հովիվ եղբայր, Աստծուց հավատքով մեծ եկեղեղցի խնդրիր: Մեծ եկեղեցում շատ ավելի շատ օրհնություններ են Աստծո գահից հեղվում Ւր ժողովրդի վրա:

14.      Դուք պետք է ունենաք մեգաեկեղեցի, քանի որ մեգաեկեղեցու միջոցով շատ ավելի մեծ հնարվորություն է ստեղծվում ավետարանչության համար:

«Որովհետև ձեզանից հռչակվեց Տիրոջ խոսքը. Ոչ միայն Մակեդոնեայի և Աքայայի մեջ, այլև ամեն տեղ դուրս եկավ ձեր հավատքը առ Աստված. Այնպես որ պէտք չէ մեզ մի բան խոսել»:

1 Թեսաղոնիկեցիս 1:8

Մեծ եկեղեցի ունենալու առավելություններից մեկը այն է, որ ավելի շատ ավետարանչություն է արվում: Մեր Եկեղեցին բաղկացած է տասնհինգ փոքր եկեղեցիներից: Յուրաքանչյուր փոքր եկեղեցի ունի մի քանի առաջնորդ և յուրաքանչյուր առաջնորդ ունի մի քանի օգնական:

Մենք սկզբունք ունենք, որ ամեն ամիս յուրաքանչյուր ծառայող պետք է գոնե մեկ մեծ ավետարանչական միջոցառում կազմակերպի:  Քանի որ մեր եկեղեցին ունի շատ ծառայողներ, հնարավոր է դառնում  հիսուն տարբեր խմբերում հիսուն տարբեր ավետարանչական միջոցառումներ իրականացնել միևնույն ժամանակ տարբեր վայրերում:

Շատ հոգիներ են շահվում պարզապես այն պատճառով, որ եկեղեցին մեծացել է: Աստծո կամքն է, որ քո եկեղեցին աճի և որ շատ հոգիներ Տիրոջ համար շահվեն:

15.       Դուք պետք է ունենաք մեգաեկեղեցի, քանի որ մեգաեկեղեցին ավելի մեծ միջոցներ է ունենում, որը կարող է օգտագործվել Աստծո գործի մեջ:

«Որովհետև նրանց մէջ ոչ մեկը պակասություն չուներ, քանի որ նրանք, ովքեր ագարակների կամ տների տեր էին, ծախում էին, և ծախվածի գինը բերում էին՝ Առաքյալների ոտքերի մոտ էին դնում. և ամեն մեկին տրվում էր այն, ինչի կարիք ուներ»:

Գործք 4:34, 35

Շատ անդամներ ունենալը նաև նշանակում է շատ միջոցների մուտք ունենալ: Եթե եկեղեցու հովիվը լավն է, ապա այդ միջոցները կօգտագործվեն ճիշտ նպատակներով: Դժբախտաբար, շատ հովիվներ նման են վամպիրների ՝ նրանք խմում են եկեղեցու արյունը իրենց կյանքը ծառայության մեջ դնելու փոխարեն:

Երբ միջոցները շատ են, շատ ավելի հոգևոր նպատակներ են իրականանալի դառնում: Դրամը չար բան չէ: Դրամը չեզոք մի բան է: Դրամի հանդեպ ունեցած սերն է չար: Գումարը մարդու ձեռքի զենքն է: Եթե լավ մարդը գումար ունի, նա կօգտագործի այն լավ նպատակներով: Լավ ծառան հզոր եկեղեցուց եկած եկամուտը կօգտագործի եկեղեցու շինության համար և կնպաստի ավետարանչությանը:

Ես երազանք ունեի, որ մի օր մի բեռնատար մեքենայով ամբողջ երկրով մեկ անցնլով՝ ավետարանչական արշավներ իրականացնեի ամեն քաղաքում և գյուղում: Մի ժամանակ դա պարզապես երազանք էր: Հիմա, երբ մեծ եկեղեցի ունենք, ի վիճակի ենք գնելու բեռնատար մեքենաներ և ավետարանչություն սկսելու ամբողջ երկրով մեկ: Ինչպե՞ս դա հնարավոր դարձավ: Մենք ունեցանք շատ մարդիկ, ուստի նաև մեծ միջոցներ, և հնարավոր եղավ Աստծո համար ավելին անել:

16.      Դուք պետք է ունենաք մեգաեկեղեցի, քանի որ այն ծառայողները, ովքեր հատուկ ծառայություններն են կատարում,  կզարգացնեն իրենց ծառայությունը հզոր եկեղեցում:

Շատ կարևոր է մեծ եկեղեցի ունենալու փափագը: Հովիվները պետք է երազեն մեծ հավաքույթներ ունենալ: Մեծ եկեղեցին ծնում է տարատեսակ ծառայություններ: Այն տալիս է տարբեր կարևոր գործունեությունների հնարավորություն եկեղեցում: Օրինակ, այն ընդլայնում է փառաբանության ծառայությունը:

Սկզբում մեր