Bumnandi Ubomi Noxa Bunamahla Ndinyuka
()
About this ebook
Amabali amafutshane abhalwe kulencwadi ayingqokelela yeziganeko ezohlukeneyo. Ezinye iziganeko zizinto ezenzeka phambi kwethu, ezinye ke ziziganeko esiziva ngembali.
Ndiyacinga ukuba wonke umntu unayo imbali yokukhula okanye yeziganeko azibone ngexesha ekhula. Yonke imihla kukho into ongayithetha ngobomi ngezinto ezintle nezimbi ngobomi bakho.
Ukubhala ngamanye amaxesha kukufuna ukuyala nokulumkisa ngandlela ithile. Omnye umntu angayibona njengento engenamsebenzi into yokubhalela abantwana bakho. Kulencwadi ke ndiyabonakalisa ukuba ubomi abunzimanga olohlobo. Ndibulela kananjalo kumzali wam, othe wayiveza iminqweno yakhe ngekamva lam.
Thina bantwana bantsundu ingakumbi abasuka eMpuma Koloni, sibanayo ingxaki sakufika apha ezidolophini. Ubomi obukhawulezayo, ukuya eYunivesthi, ukuhlangana nabahlobo abatsha kwakunye nabalingane. Ngaphandle kokuba ndiyaphazama, abazali bethu babengenayo indlela yokusilumkisa ingakumbi thina mantombazana. Kwakunzima ukuba umzali ukuxelela ngezinto zobomi, umzekelo, iindlela zokuziphatha kwamakhwenkwe okanye amantombazana, ukuzikhusela, ukufezekisa iminqweno yakho kwizinto ofuna ukuzenza usakhukhula.
Babesuka bakungxolise xa bekucingela ukuba sele ufikelele kwithuba lokwenza oko. Zizinto ke ezo ezithi zibonakalise ubomi bakho usakuba wedwa uzenzela isigqibo.
Nonzwakazi George-Benenengu
Ndizalelwe eMpuma Koloni, ndaze ndafunda amabanga am aphantsi kwisikolo i Tyeni eyayiphantsi kotitshala omkhulu uMnumzana A.S Njani. Ndaze ndayokungena esinaleni eHlankomo i-Mhlontlo High School apho bendingumdlali webhola yomnyazi i-Netball, ndaze ndaphumelela ibanga leshumi. Ndiye ndeza kweleNtlazi apho ndiye ndafunda kwiYunivesithi yase Ntshona Koloni (UWC). Ndingumama otshatileyo onabantwana abathathu. Ndisebenzela uRhulumente waseNtshona Koloni.
Related categories
Reviews for Bumnandi Ubomi Noxa Bunamahla Ndinyuka
0 ratings0 reviews