Imbandvo
By Vusi Ntimane
()
About this ebook
Iyini Imbandvo? Imbandvo yincwadzi leligcogco letinkondlo letehlukahlukene ngekuya kwetinhlobo tetinkonlo. Leligama lelitsi “Imbandvo” ligama lenhlonipho, lihloniphisa insimi lekulinywa kuyo titselo. Kubangelwa yini kutsi kwetsiwe lencwadzi ngekutsi Imbandvo? Sizatfu kutsi kunetitselo letihlanyelwe lekudzingeka kutsi ngulowo nalowo ahambe ayotivuna. Ngabe ngutiphi leto titselo letihlanyelwe kulencwadzi lekudzingeka kutsi ngulowo nalowo ahambe ayotivuna? Kute letinye titselo letihlanyelwe kulencwadzi ngaphandle kwaletinkondlo kuphela, ngito-ke titselo letihlanyeliwe kulencwadzi. Lencwadzi, Imbandvo ligcogco letinkondlo letibhalwe ngusonkondlo losakhasa lotawuba ngumnkantjubovu ekuhambeni kwesikhatsi enkhundleni yetemibhalo. Losonkondlo noma-ke imbongi uye wahlala phasi wadla ematsambo engcondvo watsi esuka lapho wabona kutsi ncono atsatse likhuba acondze ngco ensimini ayolima aphindze ahlanyele titselo letitawuvunwa kusasa. Nati letitselo takhula, tatsela, tahlobiya futsi tavutfwa. Ngito-ke leti lesetivunwa manje.
Ngetse lelidlelantfongeni kucinisekisa kutsi leligcogco letinkondlo lishaya emhlolweni Ngite lokunyenti lengingakusho, kwami nje kubindza kuphela, tinkhulumo tami tilapha ngekhatsi.
Ngitsandza kucolisa uma nitawuhlangana nemaphutsa, ngisakhasa, ngitawulungisa kulelitako. Hambani niyovuna boNgwane nati titselo aetivutsiwe futsi tivutfwele kuvunwa ngini.
Imbandvo ikhutsatsa bafundzi kanye naletinye tetsamelilwati kutsi tihlome tihlasele tingcolise emaphepha ngelusiba.
Vusi Ntimane
Vusi Bonginkosi Ntimane watalwa mhlaka 30 Ingongoni ngemnyaka wango1993.Vusi utalelwe esibhedlela iMagolide (Shongwe) phasi eNkomazi.Ngemnyaka wango2001 ubese uyasuka eNkomazi wayohlala ePienaary kulapho acale timfundvo takhe. Timfundvo takhe temabanga laphasi utiphotfule esikolweni iVukasambe Primary school ngemnyaka wango 2008.Timfundvo takhe temabanga laphakeme utiphotfule ngemnyaka wango 2015 esikolweni iLihawu Secondary school. Vusi wacala kubhala ngemnyaka wango 2007 abenta libanga lesitfupha esikolweni iVukasambe Primary School.Umdlalo wakhe wekucala ngulotsi "TJELA YENA" abenta libanga lesihlanu.
Related categories
Reviews for Imbandvo
0 ratings0 reviews
Book preview
Imbandvo - Vusi Ntimane
Sintfu sitsi akabongwa umuntfu asaphila ngoba utawubese uyagungubala, utfwala emahlombe. Kepha mine kungehlulile kuhlala ngingabongi labo labangisitile ekubhaleni lencwadzi lena. Lesibongo sicondze kubo hhayi kubomsaliwatulu. Ngihlose kubakhutsata ngaloku lokuhle labangentele kona. Nangikhuluma emaciniso, lencwadzi lena ayikabhalwa ngimi kepha ngabo.
Ngibonga kakhulu kubashiceli lekungabo labasishicilele lomsebenti. Kube akusibo ngabe sikhuluma nje ngabe kute lomsebenti, ngiyabonga kakhulu bashiceli. Ningagcini futsi ningakhatsali ngami ngoba ngisatanihlupha.
Ngiphindze sibonge kuboMnumzane J. J Ncongwane kanye nakuMnumzane N. G Khumalo ngekungimunyisa lengono yekuklwebhaklwebha emaphepha ngelusiba. Ningakhatsali ngami ngoba ngisatonidzinga kutsi nichube ningimunyise lengono.
Ngibuye ngibonge nebatali bami lekungabo labangiletsa lapha emhlabeni. Abatange bacabange lokubi ngami ngoba bati kutsi baletsa lichawe lelive. Sengiyabuveta buchawe bami, sale nitichenya ngami.
Ngibonga nemndeni wakaNtimane lekungiwo longiboleke ngcomshini wekutsi ngikhone kubhala lomsebenti. Ngitsi ngiyabonga kakhulu, Nkulunkulu anibusise ningagcini ngami nikwente nakulabanye.
Ngetulu kwako konkhe ngibonga Simakadze lokunguye longipha konkhe lenginako.
Ngiyabonga!! Ngiyabonga!! Ngiyabonga!! Ngiyabonga!! Ngiyabonga!! Ngiyabonga!!
Singeniso
Iyini Imbandvo? Imbandvo yincwadzi leligcogco letinkondlo letehlukahlukene ngekuya kwetinhlobo tetinkonlo. Leligama lelitsi Imbandvo
ligama lenhlonipho, lihloniphisa insimi lekulinywa kuyo titselo. Kubangelwa yini kutsi kwetsiwe lencwadzi ngekutsi Imbandvo? Sizatfu kutsi kunetitselo letihlanyelwe lekudzingeka kutsi ngulowo nalowo ahambe ayotivuna.
Ngabe ngutiphi leto titselo letihlanyelwe kulencwadzi lekudzingeka kutsi ngulowo nalowo ahambe ayotivuna? Kute letinye titselo letihlanyelwe kulencwadzi ngaphandle kwaletinkondlo kuphela, ngito-ke titselo letihlanyeliwe kulencwadzi.
Lencwadzi, Imbandvo ligcogco letinkondlo letibhalwe ngusonkondlo losakhasa lotawuba ngumnkantjubovu ekuhambeni kwesikhatsi enkhundleni yetemibhalo. Losonkondlo noma-ke imbongi uye wahlala phasi wadla ematsambo engcondvo watsi esuka lapho wabona kutsi ncono atsatse likhuba acondze ngco ensimini ayolima aphindze ahlanyele titselo letitawuvunwa kusasa. Nati letitselo takhula, tatsela, tahlobiya futsi tavutfwa. Ngito-ke leti lesetivunwa manje.
Ngetse lelidlelantfongeni kucinisekisa kutsi leligcogco letinkondlo lishaya emhlolweni Ngite lokunyenti lengingakusho, kwami nje kubindza kuphela,