Irudhi Oppantham

http://www.pustaka.co.in

இறுதி ஒப்பந்தம்

Irudhi Oppantham

Author:

தேவிபாலா

Devibala

For more books

http://www.pustaka.co.in/home/author/devibala-novels

Digital/Electronic Copyright © by Pustaka Digital Media Pvt. Ltd.

All other copyright © by Author.

All rights reserved. This book or any portion thereof may not be reproduced or used in any manner whatsoever without the express written permission of the publisher except for the use of brief quotations in a book review.

பொருளடக்கம்

அத்தியாயம் 1

அத்தியாயம் 2

அத்தியாயம் 3

அத்தியாயம் 4

அத்தியாயம் 5

அத்தியாயம் 6

அத்தியாயம் 7

அத்தியாயம் 8

அத்தியாயம் 9

1

இந்த வேஷத்தை ஒரு புதுமுகம் அல்லது அதிகமா, அறிமுகமில்லாத நபர் செஞ்சா நல்லாருக்கும்!

டைரக்டர் நிஜந்தன் சொல்ல, உதவியாளர்கள் அவரே தொடர்ந்து பேசட்டும் என்று காத்திருந்தார்கள்.

இந்த காரெக்டர் பேசப்படணும். நடிகரோட டாமினேஷன் இதுல இருக்கக்கூடாது. பழகாத முகமா இருந்தா, நடிச்சவரை விட காரெக்டர் நிக்கும்!

ஒரு உதவியாளர் ஏதோ பேச நினைத்தார்.

சொல்லு குமார்!

ரோல் கனமா இருக்கே சார். புதுமுகம் தாங்குமா?

பல திறமைசாலிகள் எப்படி வெளியே வர்றாங்க? சிவாஜி சாருக்கு பராசக்திதான் முதல் படம். அசத்தலை?

ஆமாம் சார்!

நீங்க ஒண்ணும் சொல்லலை அர்ஜுன்!

சார். நேற்றைக்கு நான் ஒரு மலையாளப்படம் பார்த்தேன். முழுக்க முழுக்க புதுமுகங்களை வச்சு எடுத்திருக்காங்க. அதுல ஹீரோ காரெக்ட் பண்ணின நடிகரோட, நடிப்பு அபாரமா இருக்கு. படத்துல மொத்தமே அவர் வர்ற நேரம் இருபது நிமிஷம்தான். அற்புதமான நடிப்பு!

அந்தப் படத்தோட காஸெட் இருக்கா?

நான் தியேட்டர்ல பார்த்தேன் சார். வந்து அதிக நாள் ஆகலைனு நினைக்கறேன்!

அப்படியா? நான் உடனே அந்தப் படத்தைப் பார்த்தாகணுமே! ஏற்பாடு செய்ய முடியுமா?

சரி சார்!

மறுநாள் இரவுக் காட்சிக்கு அந்தக் கெச்சலான தியேட்டருக்கு டைரக்டரே போய்விட்டார். கூட்டமே இல்லை. அங்கொன்றும் இங்கொன்றுமாய் ஜனங்கள். அதுவும் உயர்மட்டம்.

அன்றுதான் அந்தப்படம் கடைசி போலும்..

படம் தொடங்கி விட்டது.

எந்தப் பொழுதுபோக்கும் அறவே இல்லாத சுத்தமான கலைப்படம்.

முதலில் போரடிப்பது போலத் தெரிந்தது.

அவன் - நிர்மல் - அறிமுகமானான் நாலாவது காட்சியில்.

சாதாரணமாக உட்கார்ந்திருந்த டைரக்டர் ஓரிரண்டு காட்சிகள் ஓடுவதற்குள் நிமிர்ந்தே உட்கார்ந்து விட்டார்.

ஓரு புது நடிகன் நடிப்பது போன்ற உணர்வே இல்லை.

அந்தக் கதாபாத்திரத்துக்கு பல புதிய பரிமானங்களை வழங்கிக் கொண்டிருந்தான்.

இடைவேளைக்குள் அவனது கதாபாத்திரம் இறப்பது போல கதை. இடைவேளை விடப்பட்டது.

போலாம்!

டைரக்டர் எழுந்து விட்டார்.

உதவியாளர்கள். இருவரும் பின்தொடர்ந்தார்கள்.

ஓட்டல் அறைக்கு மூவரும் திரும்பும் போது நள்ளிரவு பன்னிரெண்டு. டைரக்டர் லேசாக விஸ்கியை ஊற்றிக் கொண்டு, ஒன்றும் பேசாமல் படுத்து