झाड आणि तुमचे सेवाकार्य

अध्याय १

बरेवाईटाचे ज्ञान करून देणारे झाड

परमेश्वर देवाने दिसण्यात सुंदर व अन्नासाठी उपयोगी अशी सर्व जातीची झाडे, बागेच्या मध्यभागी जीवनाचे झाड, आणि बरेवाईटाचे ज्ञान करून देणारे झाड ही जमिनीतून उगविली.

उत्पत्ती २:९

बर्याच ख्रिस्ती लोकांना बरेवाईटाचे ज्ञान करून देणार्या झाडाचे स्थान आपल्या आयुष्यात काय आहे हे समजत नाही. आपण तर बरेचदा असा विचार करतो की हे तर एक प्राचीन झाड आहे जे आदाम आणि हवा ह्यांच्या काळात अस्तित्वात होते. आपण विश्वास ठेवतो की ह्या झाडाचे काहीतरी विषारी फळ होते, ज्याचे एकदा सेवन केल्यावर, खाणारा लगेच मृत्युमुखी पडेल.

दुर्भाग्यवश, आदाम आणि हवा ह्यांनी ह्या झाडाचे फळ खाल्ले आणि ते मरण पावले. आपण जेव्हा ही गोष्ट वाचतो, आपण स्वतःच विचार करतो, ‘’ह्या विषारी फळाचे सेवन आदाम आणि हवा ह्यांनी केले हे किती दयनीय आहे आणि आपले तर हे सौभाग्य आहे की आपण कधीच अशा झाडाचे  फळ खाण्याच्या मोहाला बळी पडणार नाही.’’ 

पण शेवटी, आपल्याला देखील हेच झाड व त्याचे फळ ह्यांना हाताळावे लागणार आहे. आज देखील बरेवाईटाचे ज्ञान करून देणारे झाड अस्तित्वात आहे. आदाम आणि हवा ह्यांना जसे मोहात त्याने टाकले तसेच आपल्याला देखील ते मोहात पाडू शकते. ते स्वतःला देवाच्या ऐवजी एक पर्याय म्हणून प्रस्तुत करते. 

तुम्ही एकदा त्या झाडाचे फळ खाल्ल्यावर, बरे व वाईट काय आहे हे तुम्हाला समजते. ज्या गोष्टी चांगल्या व कोणत्या वाईट आहेत हे तुम्हाला कळते. तुम्हाला हे ज्ञान एकदा समजले (की काय बरोबर व काय चुकीचे आहे) तेव्हा देवाला तुम्हाला काय करायचे आहे हे सांगण्याची आवश्यकता नसते. तुम्हाला जे काही ज्ञान मिळाले त्याचा उपयोग करून जीवन आणि सेवाकार्य ह्यातून तुम्ही मार्ग काढत प्रवास करू शकता.

अगदी पोकळ विचार करणार्या व्यक्तीला बरेवाईटाचे ज्ञान करून देणार्या झाडाचे काय घातक परिणाम असतात हे कदाचित कळत नाही. तसे पाहिले तर, ते तर वाईटाचे ज्ञान नाही, तर बरेवाईटाचे ज्ञान आहे. हे झाड तुमच्यासाठी एक गोष्ट करते आणि