Arbola naiz, eta zuhaitza
()
About this ebook
Tira, kontzientea naiz poesiak betetzen duen espazioaz, arbolek eta zuhaitzek betetzen dutenaren gisa. Horregatik, hain zuzen, hona hemen —espazio horiexen defentsan— liburu honetako poemak.
Related to Arbola naiz, eta zuhaitza
Related ebooks
Mailu isila Rating: 0 out of 5 stars0 ratingsArgia sortzen den izartegia Rating: 0 out of 5 stars0 ratingsBatak ez du bestea kentzen Rating: 0 out of 5 stars0 ratingsDesterratuen piztiarioa Rating: 0 out of 5 stars0 ratingsGalderen geografia Rating: 0 out of 5 stars0 ratingsNik kantatu eta dantza egiten du mendiak Rating: 0 out of 5 stars0 ratingsGoiko kale Rating: 0 out of 5 stars0 ratingsBitan esan beharra Rating: 0 out of 5 stars0 ratingsMendiko behatokia Rating: 0 out of 5 stars0 ratingsGorputz madarikatuak Rating: 0 out of 5 stars0 ratingsSano erradikal Rating: 0 out of 5 stars0 ratingsAtakak Rating: 0 out of 5 stars0 ratingsKartografia Rating: 0 out of 5 stars0 ratingsVendetta eta beste ipuin batzuk Rating: 0 out of 5 stars0 ratingsTelebista antenetan atsedena hartzen dute txoriek Rating: 0 out of 5 stars0 ratingsIzarak Rating: 0 out of 5 stars0 ratingsBat-batean krispetak Rating: 0 out of 5 stars0 ratingsUra saltoka: Natura eta kultura jolasean Rating: 0 out of 5 stars0 ratingsEtxe hutsean Rating: 0 out of 5 stars0 ratingsAldaira urdinak Rating: 0 out of 5 stars0 ratingsZoaz infernura, laztana Rating: 0 out of 5 stars0 ratingsPiztiaren izena Rating: 0 out of 5 stars0 ratingsKamaleoiaren Pozoia Rating: 0 out of 5 stars0 ratingsElurra sutan Rating: 0 out of 5 stars0 ratingsAnphora baita Rating: 0 out of 5 stars0 ratingsKimuen Heziketa Rating: 0 out of 5 stars0 ratingsNatura labur mintzo Rating: 0 out of 5 stars0 ratingsHauts bihurtu zineten Rating: 0 out of 5 stars0 ratingsItoko dira berriak Rating: 0 out of 5 stars0 ratingsEskarmentuaren paperak Rating: 0 out of 5 stars0 ratings
Related categories
Reviews for Arbola naiz, eta zuhaitza
0 ratings0 reviews
Book preview
Arbola naiz, eta zuhaitza - Josetxo Azkona
ARBOLA NAIZ, ETA ZUHAITZA
Bitartean ibillico dira becatutic becatura amilduaz; oraiñ pensamentu batean, gueroseago itz loyak gozotoro aditzean: oraiñ escuca, edo queñada batean, guero musu edo laztanetan: oraiñ ipui ciquiñac contatzen, guero dantzan,
edo dantza ondoan
alberdanian.
J.B. Agirre
© 2009, Josetxo Azkona
© Azal eta diseinuarena: 2009, Antton Olariaga
© Edizio honena: 2009, ALBERDANIA, S.L.
Istillaga, 2, behea C. 20304 Irun
Tf.: 943 63 28 14 Fax: 943 63 80 55
alberdania@alberdania.net
Comunicación Interactiva Adimedia, S.L.-ek digitalizatua
www.adimedia.net
Paperezko edizioaren ISBN zenbakia: 978-84-9868-048-5
Edizio digitalaren ISBN zenbakia: 978-84-9868-158-1
Mobipocket Edizio digitalaren ISBN zenbakia: 978-84-9868-157-4
Legezko Gordailua: S.S. 589/2009
JOSETXO AZKONA
ARBOLA NAIZ, ETA ZUHAITZA
POESIA
ALBERDANIA
I
Arbola naiz, eta zuhaitza
Preludioa
I
Baratzeko ontzi batean kimu bat, gereziondo batena.
Baratzezainak ontzitik atera eta tentuz darama eguterako
xoko batera. Han, menturaz, sustraituko da
lur heze ongarriztatuan. Gereziondoa aldagarria da,
toki batetik bestera aldatu edo mudatzen delako (dugulako).
Arbola da, eta ez zuhaitza, hiri ertzeko ibaiaren alde
banatan, behinola, landatu zituzten makalak eta alboak bezala.
Fruitu ahogozagarriak emanen ditu gereziondoak,
denbora igaro ahala: zuek bai zuek ekaineko gerezi gozoak!
Honexegatik ere, arbola da, eta ez zuhaitza.
II
Hagina, gereziondoa ez bezala, ez da haztegietan sortzen.
Ez du, bera den modura izateko, inoren obratzerik behar.
Izatezkoa da eta iraunkorra, guztiz basa, berez sortua
delako basoan edo oihanean, pagoaren edo ametzaren antzera.
Zuhaitza da, eta ez arbola. Tximistak, edo aizkorak,
edo motozerrak aise hil dezake, baina.
Hagina, gereziondoaren kolore bertsuko opariak
emanagatik ere, ez da emari onekoa, toxikoak baitira
bere fruituak. Zuhaitza da, baina ez arbola.
III
Gereziondoa eta hagina gara:
arbolak eta zuhaitzak.
Grabitate legearen arabera
Ibili eta ibili,
baina beheko bideak
ez zuen nora.
Eta, goraka joz,
iritsi ginen hona,
euskarririk gabeko
aberri honetara.
Harrezkero,
hodeiak ditugu gotorleku.
Harrezkero,
pisugabetasunarekin jolasten gara
espazioaren zuztarrean.
Hori horrela,
noiz eroriko,
ontzen den sagarraren gisan?
Alderik alde
Aldizkari zabalduan,
Gustave Coubert
eta Munduaren Jatorria.
Ezpainak zabalik,
basoak dira zure ezpainak.
Eta denboraren burrunba, mahaiko espazio izugarrian.
Zure bularrak ere basoak dira,
urriko lertsunek algara bizian hegaldatu zituztenak.
Zangoak zabalik,
lur hezearen gaineko basoak dira zure zangoak.
Eta zulo bat beste zulo handiago baten barruan.
Basoa da zure alua, egunez eguneko
eguzkiaren zainez naharo ehundua.
Eta basoa ere bada zure biloa,
iparrera begira dagoen goroldioa bezain biguna.
Zutundu
eta basoratu naiz zure baitara:
munduaren lehenengo goizeko lantxurdaz
busti dut ene mingaina.
Han goitik
Inoiz igo al zara zuhaitz batera?
Harrapatu al duzu inoiz txorien aierua habian?
Eraiki, bai, beste mundurik adar arteko zurrumurruan?
Iragana eta oraina nahaspilatzen dira han goitik begiratuta:
Basajaunak ez zuen bizarrik,
Elektroiak halabeharraren