VOL. 31 ISSUE NO. 08 An Official Organ of Y.M.A. Republic Veng Branch Dt. 24.02.

2013

Ram leh hnam humhalh hi Mizo zawng zawngte mawh a ni a, i mawhphurhna chu i hlen dawn em?

KHAWVEL TLANG SANG BER MT. EVEREST LAWN TUR PU DAVID ZOHMANGAIHA THLAHNA HUN HMAN A NI.
Republican 24th February 2013 : Ni 20.03.2013(Nilaini) zing dar 7:00 khan YMA hall ah 1st NE Everest Expedition a kal tur Pu David Zohmangaiha, Sec VII thlahna chu kan veng Local Council leh Silver Hawk Youth Adventure Club te buatsaih in hman a ni. He hun hi Local Council leh an hmalak tawhna hrang hrang Chairman Pu H.Vanlalruatan a chanchin a report bawk. kaihruai a, hetiang thil harsa ti thei Pu Zohma-a pawhin Mt. tur a mi tumruh vengchhungin kan Everest lawn thei tur a a beih dan nei hi chhuanawm a tih thu leh Mt. chanchin te ngaihnawm tak a Everest tlang lawnchhuak tur hian sawiin, sum leh paia tanpui tute thihtheihna hmun tamtak kaltlang leh moral support pe thin tute angaih thu te a sawi. Presbyterian hnenah lawmthu a sawi bawk a, kan kohhran bialtu Pastor Rev. RC veng mipui zawng zawng te Lalnghaklianan hunserh hmangin tawngtaina a hre reng turin a ngen Pathianin a pek ngaihtuahna a bawk. thalam zawnga hmang tur leh Pawl hrang hrang ; Silver Pathian a innghat tlat turin a chah hawk Adventure club, Aizawl bawk. Thunder, Local Council leh kan Mt.Everest expedition a tel Branch YMA ten flag hlanna hun thei tur a paltlang ngai tamtak te an nei a, heng flag hrang hrang te Pu Lalremtluanga L/C member Mt.Everest tlangchhip a phun a nih hnen atangin ngaihthlak a ni a, Pu theihnan vengchhung mipui ten kan Lalliantluanga, Secy. SHYAC tawngtaina ah i dilpui theuh ang u.: chuan Adventure club din anih dan

BRANCH NEWS
* Section tin information secretary incharge te mahni awmna area aurinna a chhiat-thatah mawh lo la lehzual turin kan in en nawn leh a. Vengchhung thil pawimawh inhirattirna ber anih avangin a chhiat thu hlaah branch information secretary hnenah hriattir ni thin sela a lawmawm hle ang.

BPL HRIATTIRNA
BPL Memberte tan a hnuaia trade hrang hrangahd te hian training a dil theih a, training duh te chuan hruaitute hnenah ni 26.02.2013 thleng dilna thehluh theih a ni ang. Ni 26.02.2013 zan dar 7-ah Pu VL Vuana, Section III (Venglai) dawrah interview-na neih tur a ni ang. Trade hrang hrang training theih te: 1. Tailoring 2. Carpentry (Mipa leh Hmeichhia) 3. Catering Food Processing 4. Handloom 5. Computer Aided Designing 6. Computer 7. Computer Hardware 8. Electronics 9. Two Wheeler Mechanic 10. Knitting 11. Female Attendent 12. Security Guard 13. Beauty Culture 14. Motor Driving 15. Mobile Repairing 16. Dry Flower Making 17. Broom Making

YMA Information Network

YMA Information a puan tir duh kan neih chuan a hnuai a phone number tarlanah hian hriattir thin nise. Tin, a chhiat t h a ta h m i p ui t e h i a n k a n m a w h p h u r hn a a n i t i h hriain a lo chhiat pawh in phone No. tarlanah hian i hriattir thin ang u. 9436362024

Section I :Ni 21.2.2013( Ningani) zan khan Pi Saikungi lung thiarin hnatlang an nei a, member an thawk chhuak tha hle. Inhlawhna siamsaktu te chungah an lawm hle. Tin, Pu Caleba Ramfansanga'n section inhlawhna a hmuhsak a, a chungah an lawm hle bawk a ni. He inhlawhna hi ni 26.2.2013 (Thawhlehni) hian thawhtan tur a ni a, zing dar 6:30ah section Leader te inah Sec.Exe.te innghah khawm tur. Section - III : Ni 9.3.13 (Inrinni) khian section sumtuaknan bawng thau tak talh leh an tum a, vengchhung mipuite an lo inhriattir lawk a ni. An committee member Nl. Lalrintluangi (Tetei) ni 28.2.13(Ningani) khian pasal a nei dawn a, amah thlahna hun ni 26.2.13(Thawlehni) a an In a neih turah committee member min sawm angin a tam thei ang ber tawi tawm turin an inhriattir bawk. YMA chhang member te ni

2.3.2013 (Inrinni) tlai dar 3:00PM ah YMA Runah hruaitu tur thlan a ni dawn a, member te kim taka kal turin kan in ngen in an in sawm. Section V : An section budget Rs. 2650/- an tlak ta. 20th Feb. (Wed) khan YMA chhang te nen Bungraw en fel leh tihfaiin an hnatlang a, member an thawk chhuak tha hle. Bungraw hawh reng reng in Property Secretary te hriattir tur leh felfai taka dah thin turin an in ngen nghal bawk. Section VI: A n Leader Pu. K. Darhmingliana chu an Department lam hna avangin Luangpawnah a zin bo mek a, dam tak leh tluang tak a arawn haw thlen leh ngei menber ten an duh pui hle. Section huam chhungah Branch YMA Information Fund an khawn mek a, chhungtin te he Fund pe thei tur in an in chah a ni. Zirlai exam lai a ni a Section huam chhungah zirlaite
Phek 3-naah chhunzawm a ni..

The REPUBLICAN WEEKLY

Y.M.A. REPUBLIC VENG BRANCH

Dt. 24.02.2013

E DITORIAL B OARD
Editors Jt. Editors : H. Lalhriatpuia R. Lalthanzawna : David Lalhmangaihsanga RD.Lalrammawia Lalzarzova News Editors
9774512681 9612318217 8974435015 9856347837 9774378498 9862732404 9612325489

9862536632 9436159221 9862170549 9612698049 9856310432

Reuben Lalthanchhunga Andrew Lalrohlua Lalnunthanga Andrew Lalrindika F.Vanlalhriata Zomuanpuia Sailo Lalthanmawia

Lalruatfeli - 9612326171 F.Lalbiakzuali - 9862142550 Lalruatpuii - 9862344936 Jolie Lalruatsangi - 9089734017 Abigail Remlalfakawmi - 9862365557 Lalngaihsaki Fanai - 9089682276

Manager Biakzosanga Kananmawia

Biakengmawia 9862860225 Cir. Managers - 9615820570 H.Lalremruata - 9862449817 - 9862754953 Lalbiakthuama - 9089603091

YMA RUN hmang turte tan Br. YMA I/c Secy., Property - 9862369320 / 9436362024

Duhthawh leh thahnemngaih luatah veng thenawm te pawh tluk tawh manglo a inhriatna kan han nei rum rum thin, kan veng hian hma a sawn chaklo viau a hriat chang a awm bawk. Heng zawng zawng hi chiang lehzual a han ngaihtuah chuan, chutin kan lo hnufum bik viau hleinem tih kan vengchhung a hmalakna hrang hrang te leh pawl hrang hrang te chet dan en hian a hriat theih awm e. Kan veng hian mi chhuanawm tak tak kan nei nual a, heng te hi kan inchawimawi thiam a pawimawh hle ani. Heng vengchhung a mi chhuanawm leh kan hmalakna te inchawimawi tawn tur hian pawl hrang hrang te thawhhona tha a pawimawh hle bawk. Tunhnaia Pu David Zohmangaiha Everest tlang lawn tur thlahna hun pawl pahnihin a han buatsaih ah khan veng dang atang a lokal mithenkhat te thusawi ngaihthlak atang te leh rampum huap chanchinbu a kan program hman dan han chhiar khan Republic veng nih a tinuam hle ani. Hetiang a inchawimawi hi i uar lehzual sauh sauh ang u.

* Soil deptt. ten kawngpui zauhna atana ram an pek hi midangte eng atan mah a ngailo tute motor dahna tur em ni le ????. Dar 5:00 Am atang a 9:00 Pm chhung hi no parking ni tal se !! Mi chapo te ngaineptu-a * Kan veng in Mizorama lang tham Pu David Zohmangaiha kan nei hi kan chhuang hle a ni. Republic Veng tlangval * Kan veng chhungah LC hma lakna in kan veng chhungah hmasawnna hrang hrang hmuh tur a awm chho zel a, han tang sauh sauh zel teh u. LC. Fans....

HAUSAKNA CHHIAR THIAM Hospital room pakhatah chuan mipa pahnih na em em mai hi an awm a. Damlo pakhat zawk chu tukverh bulah awmin tlai lamah hian a chuap a tui awm an siah chhuah chhung chu thut an phalsak thin a, damlo pakhat zawk erawh a mu reng thung. Damlo pahnih te chu room khata awm an ni bawk a, an inkawmngeih thawkhat tawh hle a. An chhungte chanchin te leh an tun hma nun te chu an sawi dun thin a. Tlai lama tukverh bula awm zawk a thut chhuah chang chuan a bula damlo chu a thil hmuh te a hrilh thin a. A hmu ve thei lo zawk damlo pawh chuan a thilsawi te chu lo ngaihtuah ve in a ngaihtuahna khawvelah chuan hun hlimawm tak a lo hmang ve thin a ni. Damlo chuan a thil hmuh ang te chu chipchiar takin a hrilh thin a, damdawi in bula park mawi taka, nula leh tlangval inngeih taka lengdun te awm dan te a sawi chang chuan damlo pakhat zawk chuan a nupui hmangaih tak nena an inhriat tan dan te a ngaihtuah thar tir a, an intawn chhoh tan atanga tun thlenga a hmangaih dan te a ngaihtuah thlen tir a, damlo chaklo tak ni tawh mahse a nupui a hmangaih ang bawk a, a nupuiin a hmangaih ve tih te a hriat chhuah tir thin a. Chung avang te chuan a biangah lawm avangin mittui te tla hialin, chu darkar khat chhung chuan a nunah hlimna thar a siamsak fo thin. Tukverh bula awm damlo chuan tlai tin darkar khat chhunga a thil hmuh chu a thianpa a hrilhve ziah a. Naupang infiam dan te, a bul kawngpui a parade awm thin te leh khaw awm dan te chu thiam takin a hrilh fo a, a thilsawi te chu a thianpa chuan an thawm hre ve theilo mahse a tan chuan thil lawmawm niin a nunhlui ngaihtuah chhuahtirtu leh a nun ti hlimtu ber a ni thin. Ni te a liam a, thla te a vei a. Zing khat chu nurse-in damlo tlawh tura room a rawn lut chu tukverh bul zawka damlo chu thlamuang takin a lo la mu a. Ava en chian chuan a lo boral tawh hi a ni a, a hmel en erawh chuan a hlim sarh thung a. A tul ang te an tihfel hnu chuan ruang chu room atangin an la chhuak a, damlo pakhat zawk chuan remchangah lo la in, nurse bulah chuan tukverh bula awm chu a dil a. Nurse pawh chuan damlo lawmna tur anih chuan tiin a phal sak a. Chutia a khum awmna an tihfel hnu chuan nurse chuan damlo chu a hahdam theih nan tiin a kalsan a. Nurse-in a kalsan hnu chuan damlo chuan pawn lam khawvel hmuh tum chuan thei leh thei lovin a kiu chuan a in nem kang a. Mahse tukverh atang chuan eng dang hmu lovin hospital bang lehlam bak chu a lo lang lova. Damlo chuan nurse rawn luh leh velah chuan a thil hmuh leh damlo boral ta thil hmuh te chu a hrilh a. Nurse chuan damlo hnehah chuan damlo boral kha chu mitdel a nih thu leh, engmah a hmu theih loh thu a hrilh a. Nurse chuan,"Nangmah ti phur tur che in, a hrilh thin che anih dawn chu" tiin damlo chu a hrilh a. Kan dinhmun chu engpawh nise, midang tana hlimna kan thlen hian keimahni ah hlimna nasa tak a rawn thleng thin a. Kan lungngaihna kan thiante leh chhungte kan hrilh hian kan zangkhai thin a. Chutiang bawk chuan kan lawmna kan hrilh chuan a letin kan lawm thin. Hausak kan duh anih chuan, pawisa in a lei theih loh kan thil neih te hi chhiar dan thiam ila, chuta tang chuan kan hausak zia hi kan hre nawn leh thin dawn a lo a ni.

The REPUBLICAN WEEKLY

Y.M.A. REPUBLIC VENG BRANCH

Dt. 24.02.2013

DAMLO
* Pu.R. Challiana, Section VI chu Ashma natna avangin Grace Nursing Home ah a awm hnuin inlamah inenkawl turin an rawn chhuak leh ta. * R. Lalhmangaihsangi D/o R. Lalrinenga SecVI chu kawthalo leh luak avangin Aizawl Civil Hospital ah an awm hnuin inlamah an inenkawl mek. * Lalmuanpuii d/o Laltanpuia, Section-IV chu dam lohna avangin Aizawl Civil Hospital ah enkawl mek a ni. * Pi Vanlalrovi W/o Lalthangvunga, Pu R.Liandawla in luah Section-III ami chu hun rei tak damdawiin lama enkawl anih hnuin an chenna inah enkawl chhunzawm turin an rawn chhuak. * Pi Lalthanzami w/o Lalpekliana Section-IV chu zai a nih avangin Aizawl Hospital enkawl mek ani.

TBL CHAMPION
Mizoram Basketball Association (MBBA) hnuaia club inelna sangber -ah kan veng player Nelson Lalrohlua leh Andrew Lalmalsawma te khelna club TBL an Champion. TBL hian first phase-ah Vikings vawi khat hnehloh mahse second phase a an chak fai vek avangin an Champion ta a ni.

ADFA MID-SEASON TOURNAMENT

ADFA Mid-Season Tournament 1st Divisionah Lalruatfela (RF-a), Sec-III khelhna SYS FC leh Lalnuntluanga, Sec-VI te khelhna Upper Republic FC ten SemiFinal an lut a. 2nd Division-ah Lalchhanchhuaha (Ch.Ch.-a), Sec-VIII khelhna Bethlehem VT FC pawn SemiFinal an lut a. Ani hi Best Player ni lai niin tun tournamentah hian goal 3 a thun tawh a ni.

BO / CHHAR
* Republic Veng Kawipui taxi stand-ah hmeichhe purse chhar a ni a, a neitu chuan phone no. 8575948436 ah zawhfiah theih a ni. * Pu Lalvenliana Section-VIII te in bulah pendrive chhar a ni a, a tibo chuan phone no. 8974590277 ah zawhfiah theih a ni

REPUBLIC VENG CRICKET CLUB

Ni 26.2.2013 zan dar7 ah Republic veng huam chhunga cricket a mi tui zawng zawngte YMA Run-ah kal khawm tur a ni.Hemi zan hian club kal zel dan tur rel tur anih avangin ngaipawimawh a kal khawm turin kan insawm a ni.

HRIATTIRNA
Republic Veng huam-chhungah Aizawl Municipal Council Property tax (lei man / chhiah) AMC office a pek ngai lovin Republic Veng Branch KTP Obadia Group ten thawhleh zanah Section-III (Venglai) in tinah sumtuak nan an rawn khawn dawn a. Lei man pekna hnuhnung ber receipt lo inring turin chhungtinte min ngen a ni. Section News Chhunzawmna ... tibuai thei Proramme engmah siamlo turin an inchah a ni. Section VII : An section member Pu David Zohmangaiha Himalaya tlang lawn tur chu tluang taka a kal theihnan duhsakna an hlan a, a tula a hman a tan Rs 500 an hlan bawk. Ni 20.2.2013 khan section bungrua thawm that leh chin fel hnatlang an nei. Tin, Board exam neih lai anih avangin section huamchhungah zirlaite tibuai thei zawnga bengchheng siam lo turin an in ngen.

HRIATTIRNA LEH NGENNA

Kawipui Taxi welfare te chu Dt20.2.2013 khan hruaitu inthlanna neih a ni a, heng mite hi hruaitu thlante an ni. Leader : Zorammuana Ph.9612324456 Asst.Leader : Lalpekhlua Ph.9862931364 Secy : Vanlalremruata Ph.8731059051 Treasurer : Zaithanpuia Ph.9612135933
Keini kawipui Taxi welfare chuan vengchhung mipuite vengdang motor a huangkai mai lova, dawhthei taka innghakkhawm hram hram thin turin vengchhung mipuite kan ngen tak meuh meuh che u a ni e.

MUP REPUBLIC VENG UNIT NEWS

1. Member thi inralna ; :Kan member thi kan lo awm leh a nih chuan Pathian ni a in ral tawh lovin, vui/phum an nih a chawlh kar leh a a champha ni (weekday)-ah inral tawh tur a ni ang. 2. MUP In pawh kan Bialtu MLA pawisa min pek belhchhah a top floor sak chhhunzawm a ni, kan bialtu MLA chungah pawh lawmthu kan sawi. 3. MUP Republic Veng Unit Worker turin kum 1 atan Pu Vanlalmawia Sailo (Vl-A) chu tlawmngai taka thawk turin ruat a ni. A lo remtih avangin lawmawm kan ti. Secretary MUP

HMARVENG WELFARE
Dt. 20.2.2013 ah 'Hmarveng Paho Committee' tih thin chu 'Hmarveng Welfare Committee'ti a thlak a ni a. Hruaitu atan heng mite hi ruat an ni: Chairman : Pu S. Lalthangluta Sailo Vice Chairman : Pu Laldosanga Secretary : Pu R. Sawichhingpuia Asst. Secretary : Pu C. Vansanga Treasurer : Pu Zothansiama Fin. Secretary : Pu V.L. Chhuanga.

LAWMTHU SAWINA
Kan fapa Biakdika (BDA) Hlabu leh a Sermon bu tlang zarhnaah kan vengchhung kohhran mi leh min ngai pawimawh a lokal zawng zawng te chungah leh a bu min leisak tu zawng zawng chungah lawmthu kan sawi e. James LT Awia & HS Ramengi BDA Nu Leh Pa Republic Veng

Pic : Local Council te enkawlna hnuaiah Soil Quarters bul kawng pawh blacktop a ni ta.

The REPUBLICAN WEEKLY

YMA MOTTO: * Hun awl hman that * Zofate hmasawnna ngaihtuah * Kristian nundan tha ngaihsan

Y.M.A. REPUBLIC VENG BRANCH

Dt. 24.02.2013

YMA NIHNA : YMA chu Politics rawngkai lo tlawmngai pawl a ni.

BIANG BIAKNA
Pu David Zohmangaiha
(Biang Biakna hi Republican feature thar a ni a, vengchhunga mi chhuanawm leh hlawhtlingna chang thar te kawm thin a ni ang) Pu David Zohmangaiha hi Pu K. Zokhuma (L) leh Pi Lalvulmawii te fa pathum zinga a lai a ni a. Tunah hian a nupui leh a fate pathum nen Republic Mualvengchungah an cheng mek a ni. Pu David-a hi kum 1987 a Modern English School-a a kal lai atangin adventure-ah a in hmang tan tawh a. Tunah hian Mountaineering Course a zir theih sang ber Method of Instruction (MOI) a zo tawh bawk. Silverhawk Youth Adventure Club kum 2003 a din anih khan OB zingah telin, tunah hian Leader ni lai a nih mai bakah a din tirh atanga tun thlenga OB ni thei awm chhun a ni. Adventure-ah hian sulhnu a nei nual tawh a, chung zinga a lian deuh te chauh han tarlang ila: 1. Mizoram International Boundary Tracking 2006-2010 (Phase 3) 2. Mt. Nepal - 23717 ft (2010) 3. Mt Papsura - 22480 ft (2011) 4. Selapass Track, Arunachal Pradesh (2005) In hun hman dan tur tlangpui, min hrilh thei em? Pu David: Thei tehreng e, ni 24.2.13 (Chawlhni) hian Imphal panin Aizawl kan chhuahsan anga, ni 25.02.2013 (Thawhtanni)-ah Manipur Governor leh Manipur CM ten first flag off an nei anga. Ni 26 Feb atanga ni 18 March hian Physical Conditioning & Meditation kan nei leh anga, chumi zawh chuan Delhi kan pan ang. Ni 20.3.13 (Nilaini) hian India President in Rashtrapati Bhawan-ah final flag off a nei leh ang. Hemi zawh hian Kathmandu panin kan thlawk anga, Sherpas-ah inbuatsaihna tawp ber kan nei anga, chumi zawh chuan Lukla-ah ni 26.3.13-ah kan thlawk leh ang. Hemi zawh hi chuan ke hlirin kan kal tawh anga, ni 3.4.13-ah Trek Everest Base Camp atang kan kal chhuak tan anga. Ni 17.5.13-ah kan let leh ang. Engtinge kal tur an thlan a, engtinnge in in buatsaih? Pu David : Kum 2005-ah khan First Preparation Camp, Selapass Track, Arunachal Pradesh-ah kan nei a, hetah hian Mizo pawh panga lai kan tel a, kan vai chuan 30 vel kan ni a. Hetiang ang hi vawi 4 vel lai an nei a, chuta tang chuan tuna kal tur Climbers (14) leh Supporting Climber (3) te hi an thlang chhuak ta a ni. Kan team mi 17-ah hian Mizo pahnih kan awm a, OB 6 awmin, Recorder & Documentation hi ka kutah a awm. Team ang chuan May, 2012 khan Manipur-ah thlakhat training kan nei a, December, 2012 khan Mizoram-ah karkhat training kan nei leh bawk. A bak chu mimal training a ni mai. Mt Everest lawn chu i hlauhna te i nei em? Pu David : He zawhna hi kan dawng tam khawp mai, 70% hlawhtlinna kan nei a. Hei hi a sang tawk viauin ka hria. A hlauawmna ka hrelo. Adventure hi Mizo tan hian hlawkna a awm em? Pu David : Mizo mai ni lo, mihring tan hian

hmasawnna tur tam tak awm a. Adventure-ah chuan thil hrang hrang kan hmachhawn a, a then chu harsa tak tak a ni hlawm. Hei hian kan nitin nun hmachhawn hi a tih awlsam phah thin. Chu bakah chuan rikrum thilah hian adventure a inhmang chu an rilru a fim bik a, hei hian an chak bik tihna a ni lova, mahse an tha neih ang te awmze nei takin a hun takah a hman tir thei thin a ni. Hei bakah hian taimakna kawngah an thatchhe lova, Mizo tlawmngaihna leh aia upa zahna kawngah pawh an entawn tlak viauin ka hria. Han sawibelh duh te nei em? Pu David : Kan kalna theihna tura min puitu Sports & Youth Services Dept., D3 Bussiness Enterprise, DRDA, Local Council mai bakah kan vengchhunga NGO hrang hrang te chungah min puihna avangin lawmthu ka sawi a. Vengchhung mipuite keima tana an tawngtai tih ka hriatin ka lawm em em a, kan kal leh na turah pawh min tawngtai pui zel turin ka sawm duh bawk a ni.

VAWKSA REP, BAWNGSA REP, LEITUR KAN NEI E. MAPUII SEC-III, KAWIPUI (1-1) 9612083229, 9862460546

TUIKUAL SOUTH HIGH SCHOOL ADMISSION NOTICE 2013

Admission Form : Rs 50/- Admission Fee : Free Tuition Fee : Free, Uniform (Skirt/Pant, Socks, Necktie, Belt) : Free, Exercise Book : Free Computer Class : Free, Text Book : 50% discount Electronic Learning System Introduce a ni ang.Limited seat a nih avangin a kal hmasa a piang duhsak an ni ang. Hengte tan hian admission dil buai a ngai lo ang : 1) Tattoo nei. 2) Zuk leh hmuam leh ruihhlo ti. 3) Displine tha lo. 4) Lehkha zir peih lo. Admission hun : March thla chhung Saikimi Ph No. : 9436354079 / 2310943 (3-1)

(3-3)

MM MOBILE PHONE
Phone seconhand tlawm te tein lei tur kan nei reng e. Repairing kan ti thei nghal bawk e. Phone hmanlai hralh tur nei tan kan hralh sak thei reng bawk e. Veng chhung mi duhsak an ni ang. M.M. Mobile Phone Khatla Hnamte Press Building 1st Floor (6-4) Phone : 9856880025 / 8575779562
GOVT. CENTRAL HIGH SCHOOL COLLEGE VENG, AIZsAWL Ph: 0389-2301976/9862205585 (M), Admission for Class IX & X, Admission hawn hun chhung : 5th-8th March, 2013 (Office Hours) Free Admission Fee for Class X : Class IX Distinction Passed, Half Admission Fee for Class X : Class IX First Division Passed, Screeening Test for Class IX : 5th March, 2013 (11:00 AM) (Admission Form hi Ni 28th February, 2013 atangin lak chhuah theih a ni ang)

Published by Republic Veng Branch YMA, Printed at Zo-Awm Press, Khatla, Copy750