SOBRA NGA PAG-LINGKOD MAKONEKTAR SA CANCER OG UBAN PANG PROBLEMA SA PANGLAWAS

Sumala pa sa bag-ong pagtuod, kung taas ang oras nga imong gigahin sa paglingkod, dako usab ang kahigayonan nga makabaton ka og chronic health problems sama sa cancer, diabetes og sakit sa kasing-kasing.

Gikanayon sa mga researchers gikan sa Australia og Kansas State University nga ilang findings adunay implikasyon para sa mga office workers, truck drivers og uban pang mga tawo nga taas ang gigahin nga oras sa paglingkod. Aron ang makunhoran ang kahigayonan nga makabaton og chronic disease, gisugyot sa mga nagsulat sa maong pagtuon ang sit less and move more nga sa ato pa kinahanglang mag-sige ka og lihok kay sa pirmi lang ka nga maglingkod.

Mas malikayan sa mga aktibong mga tawo ang chronic disease ikumpara sa mga dili kaayo tiglihok-lihok, mao nga menos-menosan ang paglingkod. Daghang mga trabaho sa opisina nga nagkinahanglan og taas nga oras sa paglingkod. Tungod sa menos nga panglihok-lihok og enerhiya nga magamit, dili maka-ayo sa imong lawas ang makanunayong paglingkod.

Sa pagtuon nga gihimo ngadto sa 63, 000 ka mga lalaking Australyano sa New South Wales, nga nagpangedaron og 45 hangtod 65 anyos. Gikwestiyon sa mga researchers ang mga lalaki kung aduna ba silay mga chronic diseases. Gitug-an usab sa mga lalaki kung pila sila ka oras nga naglingkod kada adlaw.

Gibutyag sa maong pagtuon nga ang mga lalaki kansa naglingkod sulod sa kapin sa upat ka oras kada adlaw ang may mas dakong kahigayonan nga makabaton og chronic condition sama sa cancer, diabetes, heart disease og high blood pressure kaysa mga lalaki nga naglingkod sulod sa mas menos sa upat ka oras kada adlaw. Ug ang mga lalaki nga naglingkod sulod sa unom ka oras kada adlaw ang adunay dakong kahigayonan nga makabaton og diabetes.

Nagkataas ang oras sa paglingkod, nagkasaka usab ang gidaghanon sa chronic diseases nga makuha. Kini napamatud-an bisan pa nga gi-apil og kwenta sa mga researchers ang lebel sa physical activity, edad, income, edukasyon, timban, gitas-on sa mga lalaki.

Tungod kay taas man ang oras nga gigahin sa paglingkod, wala nay oras ang tawo para sa mga pisikal nga aktibidades.

Kining maong pagtu-on gipublikar sa International Journal of Behavioral Nutrition and Physical Activity.