ANIA DAGITI EPEKTO TI PANAGMINAS ITI MAGNETITE?

Iti panagsukisok a naisayangkat iti mano nga ili iti La union ken Ilocos Sur, naduktalan nga iti panagminas iti magnetite idi 1960s inggana 1980s iti Philippine Magnetite Corporation (FILMAG) ken Anglo-American ken nagresulta iti nakaro ng erosyon kadagiti naminas a lugar kas iti Agoo, Aringay, San Fernando City ken uray iti Tagudin, Sta. Lucia ken Sta. Cruz. Daytoy a panagsukisok mainaig iti relaston ti panagminas ti magnetite ken erosyon iti igid ti karayan ken baybay ket napatibker babaen iti inyaramid a panaggadal iti Center for Environmental Concerns ken Regional Development Center-KADUAMI idiay probinsya iti Cagayan nu sadinno ket adda iti dakkel ken nasaknap a panagminas iti magnetite. Malaksid ti panaggibok iti danum ken sedimentasyon, agresulta pay ti polusyon ti pannakaistorbo/kiwar dagiti anay, daga ken arinsaed iti uneg ti baybay. Kas iti pasamak iti panagminas iti magnetite idiay Leyte nu sadinno ket nagresulta iti nasaknap ken nakaro a fishkill idiay Lake Bito gapu kadagiti rugit a nagtaud iti operasyon ti minas. Uray iti probinsya iti Cagayan, naobserbaran dagiti mangalap iti pangbaba iti matiliw da nga ikkan manipud iti mangrugi ti panagminas iti lugar. Dakkel ti posibilidad a mapakaro ti epekto ti makunkuna a climate change kas iti panaglayus, tidal surges ken coastal erosion gapu ti panagbalballiw ti kadagaan ken korte iti uneg ti baybay gapu iti pangminas nga agresulta iti pangballiw ti pigsa ken direksyon ti dalluyon ken kaadu ti anay ken dadduma pay a materyales a mabalin a maideposito ti dalluyon iti igid iti baybay. Dakkel ti kainaigan iti panangisayangkat ti panagminas iti magnetite iti nagbaetan ti ili iti Sta. Catalina ken San Vicente iti napasamak a nakaro nga coastal erosion kadagiti mano a barangay iti Sta. Catalina kas iti Paratong ken Tamorong iti napalpalabas a bulan. Iti Paoay, Ilocos Norte, nain-inut a nagreggay dagiti sand dunes kalpasan a kinali ti Skymark Corporation dagitoy para iti panagsample da iti deposito ti magnetite. Bayat a narikna met ti Bacarra ti ininut a panagakikid iti kadagaan ti igid iti baybay bayat ti explorasyon. Iti Agoo, La Union, ti dati a nasurok maysa kilometro a kadaratan manipud iti baybay inggana iti kalsada ket napukaw kalpasan iti panagminas ti Filmag ken Anglo-American idi 1970s.

PANAGMINAS ITI MAGNETITE ITI REHIYON TI ILOCOS

ANIA TI TANGINGI WENNO MAGNETITE? Ti tangingi wenno magnetite ket maysa a klase ti mineral a mabalin a pangalaan ti iron wenno landok. Adu ti pakausaran na iti naduma-duma nga industriya ken negosyo. Mausar daytoy kas materyal para iti panagaramid ti magnet, construction, iti pinta ken make-ups, iti panagmanupaktura iti makan, para iti makina ken dadduma pay nga equipment, iti kusina, iti semento ken maaramid a landok isu a napateg a mineral ti Tangingi. Malaksid iti balitok ken dyamante, ti tangingi (magnetite) ti maysa kadagiti kangrunaan a mineral iti internasyunal a linakoan. Kadagitoy a tiempo, adda ti nadiskubre a nadaras ken nalaka a pamuspusan ti panangisina ti TITANIUM ken VANADIUM manipud iti tangingi . Ti Titanium ken Vanadium ket napateg para iti teknolohiya. Ti Titanium ket nalaglag-an ken nalaglagda nga amang kumpara iti landok ken saan a nadaras a marunot ken aglati. Kasapulan ti Titanium para kadagiti moderno nga eroplano, dagiti artipisyal a tulang, satelites, ken kadagiti bomba ken missiles. Uray iti benneg ti medisina ken panagaramid ti computer ket napateg ti titanium. Ti Vanadium ket mausar iti panagaramid iti lugan, ramit ti construction, ceramics ken baso. Mausar met daytoy kadagiti alahas, baterya ken dadduma pay. Malaksid iti titanium ken vanadium, kadawyan a masarakan met laeng ti balitok kadagiti lugar a nangato ti deposito di magnetite. Isunga nakaro ti gagar dagiti kumpanya iti minas a mangala iti magnetite gapu iti kinaadu ti usar ken dakkel a ganansya a maparuar da manipud ditoy. Basar it Mines & Geosciences Bureau, ti ahensya ti gobyerno a mangiwanwanwan iti panagminas, addaan ti deposito ti magnetite iti igid ken uneg ti baybay ti Ilocos nga agarup 71 bilyon a dolyar ti balor na. Isunga napalalo iti panangiduron ti agdama nga administrasyon ken gobyerno iti panagminas gapu iti dakkel kano a maganansya manipud ditoy. ANIA TI OFFSHORE MINING WENNO PANAGMINAS ITI BAYBAY? Basar iti Mining Act of 1995, ti linteg mainaig iti panagminas iti Pilipinas, ti offshore mining ket proseso iti panagminas iti lugar wenno erya manipud iti kaababaan a lebel ti danum ti baybay (mean low tide) inggana 500 a metro agpataaw. Kayat na saoen, malaksid iti municipal waters wenno ti paset it baybay a nakapauneg ti teritoryo ti munisipyo wenno syudad, mairaman pay ti makunkuna nga exclusive economic zone a paset iti kabuklan a teritoryo iti Pilipinas. ANIA DAGITI WAGAS ITI PANAGMINAS TI MAGNETITE? Ti magnetite ket mabalin a maminas iti onshore (iti kadagaan) ken offshore (baybay). Ngem gaputa adayo a dakdakkel ti maganansya dagiti kumpanya iti panagminas iti offshore, adaddu ti agdama nga operasyon ken applikasyon iti panagminas ti magnetite iti offshore. Nadumaduma iti wagas ti panagminas iti magnetite iti offshore ngem iti amin a wagas ket maymaysa laeng ti mausar nga equipment wenno makina, isu iti maawawagan a dredge. Isunga ti proseso ti panagminas iti baybay wenno anya man a kadanuman kas iti karayan, ban-aw ken dadduma pay ket makuna a dredging.

Iti kabuklan, dakkel ti peggad a mabalin nga ipaay ti panagminas iti igid ken uneg iti baybay iti kasasaad a maysa iti rehiyon ti Ilocos, particular ti Ilocos Sur a nangato ti bulnerabilidad na iti negatibo nga epekto ti panagbaliw iti klima. Kastamet nga awan pay iti nalawag a polisiya ken regulasyon mainaig iti offshore mining iti Pilipinas kumpara iti sabali a pagilian agalalo ta mapalpalubusan pay iti panagminas uray iti asideg iti bangkag (shoreline).
Maysa a publikasyon iti DEFEND ILOCOS AGAINST MINING PLUNDER SOLIDARITY OF PEASANTS AGAINST EXPLOITATION
www.defendilocos.weebly.com defendilocos@yahoo.com Defend Ilocos @ FACEBOOK

Epekto ti panagminas iti magnetite idiay Cagayan Valley

Adu iti klase iti dredge a mausar iti panangisayangkat iti panagminas ngem kadawyan a ti maususar ket ti suction-dredge wenno pangsusop iti anay ken magnetite, ti clamshell wenno bucket dredge, ken ti bucket-ladder dredge.

DAGITI KUMPANYA ITI MINAS DITOY ILOCOS SUR

KUMPANYA Altamina Exploration & Resources, Incorporated Collosal Mining Corporation Discovery Mines Inc. Batac Cement & Mining Individual Corporation Malibato Mining Company, Incorporated R & D Properties Development, Inc. Mina Fortuna International Mineral Resources,Inc. Grand Total Exploration & Mining Corporation Fortune Allied Philippine, Incorporated Fabulous Earth Artifacts Corporation Rizal Silica Corporation Diamond Drilling Corp. of the Philippines LOKASYON A MAMINAS Ti intaramente a coastal area ti Ilocos Sur malaksid ti Sta. Lucia, Sta. Cruz & Tagudin Sta. Catalina, Vigan ken Candon City, Coayan, Sta. Cruz, Sta. Lucia, Tagudin Coayan and Santa Bantay & Sto. Domingo Quirino, Ilocos Sur Tagudin, Sta. Cruz, etc. Magsingal, Sto. Domingo, & Bantay Ti interamente a coastal area ti Ilocos Sur (karaman iti Ilocos Norte) Sta. Cruz Cabugao, Caoayan, Bantay, Sta. Lucia, Alilem, Sugpon, Tagudin Alilem Alilem, Sugpon, San Emilio, Quirino, Cervantes KALAWA (Has) 5, 610.49 6,426.99 2,673.00 1,386.58 5,907.12 4,425.27 2,374.67 33,000.00 1,161.80 3,115.90 982.57 37,496.71 MINERAL Magnetite Sand, etc. Magnetite Sand, etc. Gold Limestone Gold, Copper, etc. Magnetite Sand, etc. Copper & Gold Magnetite Sand Magnetite Sand, etc Placer gold, Sand & gravel Iron & Manganese Ores Copper, Gold, Silver

Bucket Dredge

Bucket-Ladder Dredge

Suction Dredge

DAGITI KUMPANYA NGA AGPANGPANGGEP A MANGISAYANGKAT ITI PANAGMINAS ITI MAGNETITE? Kadagiti permit ken aplikasyon iti panagminas iti rehiyon ti Ilocos, 1 a FTAA, 5 nga EP, 12 nga aplikasyon iti para ti panagminas iti magnetite iti igid ken uneg ti baybay a mangapektar iti 36 a munisipyo ken 5 a syudad. Ti Colossal Mining Corporation nga addaan iti lima a permit para iti exploration a nangsakup iti agarup 80% kadagiti igid ti baybay manipud Lingayen Gulf inggana iti Cagayan. Nakapauneg ti Colossal Mining iti Zodiac Group of Company a nakabase idiay Sydney, Australia ken subsidiary na ti Luzon Iron Development Group Corporation. Ti Colossal Mining ket innala ti Consolidated Iron Sands (CIS) Limited idi 2007. Ti CIS ket nakabase met laeng idiay Sydney, Australia. Nakipag -partner ti CIS iti Shandong Ishine Mining Industry Group Co., Ltd., Chinese company a nakabase idiay Linyi, China ken miembro iti Ishine International Resources a nakabase idiay Perth, Western Australia. Ti Altamina Exploration and Resources Incorporated (AERI) ket naala ti Gioberto Limited babaen iti $30M nga utang manipud iti Green Energy Group Limited, nakabase idiay Hong Kong. Ti GEG Ltd ket nakaala met laeng iti bingay manipud iti Global Emerging Resources Limited nga addaan iti 40% equity iti Philippine Alliance ken 40% Proserves Holding & Development Corp nga iggem na ti 50% equity iti Phil. Alliance (partner ti Phil. Alliance ti Grand Total Exploration and Mining Corp.) Ti Altamina ket nakaala iti Financial and Technical Assistance Agreement permit idi June 29, 2010, aldaw sakbay a masukatan ni dati a Pres. Arroyo iti pusisyon na kas presidente. Inted ni Pres. Arroyo ti pammalubos datoy nga permit ken pinirmaan ti dati nga Executive Secretary Leandro Mendoza. Ti Grand Total Exploration and Mining Corporation ken Mina Fortuna Integrated Mineral Resources, nga ibagbagi ni Rommel V. Singson kas president ti kumpanya. Basar iti interbyu kadagiti opisyales ti lokal a gobyerno ti San Vicente, kinunada nga adda ti dua a kumpanya a madama nga agsagsagana ken agisayangkat ti panagminas, ti Hong Ze Mining Corporation ken China Yang Ze Corporation. Kinuna da pay nga iyururay dagitoy ti Mineral Processing Permit wenno pammalubos tapno agisayangkat ti panagproseso iti mineral isunga kayat na saoen ket nakapagpundodan iti naananay a bolyum ti magnetite a maiproseso.

DAGITI PEGGAD KEN NATURAL A DIDIGRA A MABALIN A MAPASAMAK ITI ILOCOS SUR Kuna iti National Institute of Geological Sciences, maysa iti Syudad iti Vigan karaman iti Laoag ken Alaminos kadagiti posible a pakapasamakan ti napadas a dididgra iti Cagayan de Oro ken Iligan City. Kastamet a karaman iti Syudad ti Vigan kadagiti nakaro a maapektaran iti maysa a metro a panagngato ti danum iti baybay gapu iti climate change. Kalaksidan kadagitoy, ti Ilocos Sur ket maysa kadagiti lugar iti Amianan a Luzon a bulnerable iti ginginned ken liquefaction wenno panaglukneng iti daga ken panagreggaay. Dakkel met iti posibilidad ti pannakapadas iti tsunami wenno dadakkel nga dalluyon inggana 10 a metro ti kangatomaysa iti Vigan City kadagiti nakaro a maapektaran nu mapasamak daytoy. ANIA TI RELASYON DAGITI NATURAL A DIDIGRA KEN TI PANAGMINAS? Iti kasasaad a dakkel iti bulnerabilidad iti Epekto ti climate change a pinakaro ti panagminas Ilocos, partikular iti Ilocos Sur kadagiti didig- idiay San Vicente ken Sta. Catalina ra kas iti panaglayos, landslide, ken tsunami, saan nga umannatup a mapalubusan pay iti panagminas iti probinsya gaputa pakaroen na iti epekto dagitoy a natural hazards.