DEFEND ILOCOS AGAINST MINING PLUNDER

BANTAY, KARAYAN KEN BAYBAY, SALAKNIBAN!

c/o ILOCOS PEOPLES CENTER, #04 Rizal Street, Zone 3, Bantay, 2727 Ilocos Sur www.defendilocos.weebly.com e-mail: defendilocos@yahoo.com landline: (077) 722-7933

Hulyo 5, 2013

Dagiti orgnisasyon, institusyon ken indibidwal nga adda iti salinong iti DEFEND ILOCOS ket agkaykaysa iti takder ken panagbuya nga ti agdama a panagminas iti magnetite iti igid ken uneg iti baybay; ken kadigiti sabangan ket mangted iti peggad iti biag ken kinabaknang dagiti komunidad aglalo kadagiti adda iti asideg ti baybay ken karayan gapu kadagiti sumganad:

Ti panagtultuloy ti illegal, nasaknap ken makadadael nga operasyon dagiti ganganaet a kumpanya a mangminminas ti magnetite iti probinsya ti Ilocos Sur iti bangir ti nagsusukot Ceaseand-Desist Order (CDO) ken reklamo dagiti umili ket repleksyon ti: Panagkumplot dagiti kumpanya iti minas ken dagiti maseknan nga opisyal ken ahensya iti gobyerno; Nakapoy a pundasyon iti demokrasya ken nababa a kabaelan dagiti mangidadaulo ken kameng iti linteg a mangipatungpal kadagiti patakaran ken paganurutan; Managimbubukod a panagturay dagiti opisyales ken saan a panangted ti importansya iti kintalged ken salun-at dagiti umili a masakupan. Panangkanselar iti amin a mining permits, saan a panangaprubar kadagiti aplikasyon ken panangipasardeng ti panagminas iti magnetite sand iti probinsya ken rehiyon; Panangikkat kadagiti nakatakder a pasdek/pasilidad para iti panagminas ken kompiskasyon dagiti ramit ken magnetite concentrates pabor iti estado; Rehabilitasyon kadagiti lugar a naminas ken panangbayad iti kumpanya iti anyaman a nadadael na a sanikua wenno natural a kinabaknang bayat iti operasyon na; Panangipila iti kaso iti amin a kumpanya a nanglabsing iti linteg karaman dagiti opisyales a nangipalubos ken nagbenepisyo iti makadadael ken iligal a panagminas.

Pakaroen na ti epekto iti panagbaliw iti klima kas iti napaspas nga erosyon iti aplaya, panaglayus ken panag-apgad iti surface ken ground water kadagiti komunidad ken talon asideg iti baybay; Makadadael iti aglawlaw, pagapuan ti polusyon ken pannakatay dagiti ikkan, corals ken dadduma pay a nabiag iti coastal environment; Pangta iti seguridad iti taraon kadagiti makan a makalap iti baybay ken maapit kadagiti talon nga asideg kadagiti sabangan ken aplaya Saan a mangted iti signipikante ken sustenable a panagdur-as kadagiti komunidad ken iti kabuklan a probinsya.

Dawaten mi manen ita a gundaway kadagiti maseknan nga opisyales ken ahensya iti gobyerno dagiti sumaganad:

Para iti Defend Ilocos Against Mining Plunder: DONNA RABANG PETA Tagapagsarita, DEFEND ILOCOS ZALDY S. ALFILER Convener, DEFEND ILOCOS Sec.-General, STOP Exploitation

REV. MARCELINO MARIANO Convener, DEFEND ILOCOS Chairperson, Ilocos Sur Ecumenical Movement