Professional Documents
Culture Documents
Padayon pa nga ginapangita sang Amity Rescue Team ang isa ka lalake nga gin
anod sang mabaskog nga tubig baha kaina sang hapon sa Villamonte, Bacolod City.
Ginkilala ang biktima kay certain Jan-Jan nga tumandok sang Sagay City, Negros
Occidental apang naga trabaho sa ciudad sang Bacolod bilang construction worke
Sa interview sang rmn-bacolod sa amity rescue team tuyo kuntani sang biktima nga
magtabok sa suba sa Kamagong St. North Drive, Barangay Villamonte las 3:00 sang
hapon.
Ginpahayag nga ginhigtan sini ang lawas sang kalat agod kuhaon kuntani ang isa ka
bebe nga yara sa tabok sang sapa apang sang nagpanaog na sa tubig na utod ang
higot nga kalat bangod sa mabaskog nga current sang tubig kag ini ang na anod.
Suno kay NOPPO spokesman Chief Inspector Rico Santotome nga pagkatapos sang
ma id-id nga pagplano kag preparasyon nagtukod sila sang Oplan Panaad nga
magahatag sang seguridad kaupod ang AFP units kag provincial government sa mga
VIPs sa pila ka area sa Panaad Park and Stadium para sa kadalag-an sang
kahiwatan.
Magluwas sa NOPPO personnel, maga dugang man sa puwersa ang mga katapo
sang Philippine Army , 6th Regional Mobile Group kag Bacolod City Police Office.
Pormal nga maga bukas ang Panaad sa Negros Festival sa Abril 18 kag magalawig
tubtub sa Abril 25.
Ini ang ginhingadlan bilang “Mother of all Festivals” sa Negros Occidental ang maga
showcase sang kultura, tradisyon kag special nga mga produkto sang kada banwa
kag ciudad sa probinsya.
Dead on arrival sa Cadiz City District Hospital ang biktima sang pagpangluthang
kagab-i sa Sagay City, Negros Occidental.
Ang biktima ginkilala kay Orlando Siason, 54 anyos kag pumuluyo sang Central
Lopez, Barangay Paraiso, Sagay City nga nakaangkon sang pilas sa liog tuga sang
ginapatihan kalibre 45 nga armas luthang.
Ginatan-aw sa karon sang kapulisan ang anggulo sang love triangle sa nasambit
nga krimen.
SERGE/LOKAL/APR 18
( )Matunog harakhak ang ginhimo ni Congressman Monico
Puentevella matapos ginpalab-ot sa iya sang katapo sang media
nga wala ini sang gana nga magpungko sa New Government
Center sa tion nga mapilian bilang mayor sang Bacolod sa 2010.
suno sa Congressman, nga malayo pa ang election kag wala pa
gani mabal-an kon anu nga posisyon ang iya sini nga
padalaganan.
( )Ang klaro lang sa karon nga may maayo nga plano ini sa
Bacolod. Si Puentevella, upod ang iya nga kasumpong nga si Vice-
Mayor Renecito Novero ang ginpahayag maga-updanay sa 2010
elections, kag ang pamatuod diri amu ang pag-endorsar ni
Puentevella sa anay Bise-Alkalde sa isa ka hilikuton sa barangay
sang nagligad.
SERGE/LOKAL/APR 18
( )Magahiwat sang separado nga Annual General Assembly ang
grupo ni Atty. Vicente Sabornay, sa pila ka mga inadlaw matapos
nga makakuha ini sang approval sa National Electrification
Administration ukon NEA. Suno kay Sabornay, pending pa karon
ang ila nga request para sa nasambit nga assebliya. Sa sina nga
tion, magadeliver man siya sang President’s report, lakip man ang
OIC-General Manager kag ang Board Treasurer.
( )Subong nga adlaw sa West Negros College, dayon ang
Annual General Assembly sang grupo ni Engr. Edward Gasambelo,
sa diin dinapit nila nga bisita amu si Presidential Deputy
Spokesperson, Anthony Golez. Magadeliver diri sang president’s
report si Gasambelo, OIC – GM nga si Atty. Tabino kag Tresurer nga
si Mr. Bobby Montelibano.
SERGE/LOKAL/APR 18
( )Subsidy. Ini nalang ang posibli nga mahimo sang gobyerno
sa ulihi kon indi gid matigayon ang pagpanubo sang sukot sa
kuryente santo man sa panibag-o nga application sang National
Power Corporation. Suno kay Congresman Monico Puentevella,
nagdala sang public consultation sa Bacolod kahapon, nga
balanatayan ang mangin resulta sang ulihi nga hugnat sang
hearing sa Cebu sa maabot nga Abril 21.
( )Kon wala sang positibo nga resulta sa sina nga petsa,
pwede nila ini padayunon sa Kamara, kag kon wala pa gihapon
sang maayo nga resulta, ini ang iya ipalab-ot kay Pangulong Gloria
Macapagal-Arroyo. Una na nga gin-aprobahan sang ERC ang P1.14
kada kilowatt hour nga increase apang ginpanubuan sa 83
sentimos nalang matapos nabatian ang pagpamalabag sang mga
konsumidor.
SERGE/LOKAL/APR 18
( )Kon wala swerte tubtob nalang sa singgitan ang hingyo nga
indi pagpatuman ang dugang nga sukot sa kuryente. Ini ang
pahayag ni 3rd District Congressman Kako Lacson, isa man sa
nagtambong sa ginpatawag nga public consultation kahapon sa
Provincial Capitol Social hall. Suno kay Lacson, klaro nga tapos na
ang tanan kag bisan pa sa madamo nga reklamo, Padayon nga
iduso sang gobyerno ang power rate increase.
( )Pabutyag ni Atty. Conrad Toletino, chief of staff sang Power
Sector Assets and Liabilities Management Corporation nga wala
sang insakto ukon indi insakto nga tion sa pagsaka sang kuryente.
Ginpahayag naman ni Urbano Mendiola, Manager sang NPC Power
Department nga nakadepende ang tanan sa resulta sang masunod
nga mag hearing.
SERGE/LOKAL/APR 18
( )May naganegosyar sa karon sa pamilya sang 13 anyos nga
rape victim ang pila ka mga himata sang pulis nga akusado nga si
PO1 Lerio Lambot, una nga assign sa Candoni PNP. Sa interview
sang RMN sa bata, iya ginpabutyag nga padayon sila nga
ginahingyo nga kon pwede iatras ang kaso, para madismiss ang
kaso nga nafile na Prosecution Office.
( )Madumduman nga mismo ang biktima ang nagbulgar nga
makaduha siya ka beses nga ginmitiran sang pulis, sa diin bangod
sa kahadlok wala ini gilayon nagsugid sa natabo. Matapos nga
nabulgar, gilayon naman nga ginrelieve sa Candoni PNP si Lambot
kag karon ara na temporaryo nga nakadestino sa Negros
Occidental Provincial Police Office. Sa interview sang rmn
Bacolod, gin pasalig naman niPsinp Anthony cana chief of police
sang candoniPNP nga handa man sila mag hatag pagtamod kun
matu-od nga gina pahug ang biktima( cana)
SERGE/LOKAL/APR 18
SERGE/LOKAL/APR 18
( )Ginpasalig ni Jail CINsp. Amelito Fuentes nga wala sang
whitewash sa reklamo sang tatlo ka mga priso nga nag-aligar,
ginhanut sang baseball bat ni JO1 Paul Gabiata. Suno kay Fuentes,
sa pagbalik ni Gabiata, gilayon nila ini ipaidalom sa preventive
suspension para mangin tayuyon na ang ila imbestigasyon sa
reklamo( Fuentes) .
( )Ginpahayag naman ni CHR Head Romeo Valdevarona nga ara
na sa BJMP ang pagdisiplina sa ila nga tawo. Wala man sang deber
ang jailguard nga pagpatupa sa mga priso bangod ini ang may ara
man sa kinamatarong.( romeo)