Pagkabulag ang kapara sa pook na maluwag Maiipit ang buto ito man ay malilinsag Kung araw di makita na syang tanging kalasag
Ano naman itong anino sa gitna ng dilim Ang pagkakaibay pareho pagkat puro itim Ito man ay hindi ko man lamang na maaatim Katulad ng mga ginto sa pook na malalagim
Sa dawag at karimlan ako ngayoy nananahan Lupaing sa pangarap di man lang mananasahan Kasarinlay balintunay, ang panaghoy ay Nasan?! Sa kawayan na matigas ang tanang katuwiran
Samot dalanging humangin; mabiyak ang kawayan! Lumundo sa lupa, buhoy mapuno ng katwiran Sayong pantas ang pandinig, naway iyong pagbigyan Ang kahilingan nitong sa iyoy nananawagan
Siguro ang aming buhay ay sadyang may mga yugto Sa panahong ito lamang; dalangiy wag mapugto Ang pagbabago naway iyong gawing napipipinto Yaring kagustuhay; sumunod ang panahong ginto