Mga Malay

Mula sa Wikipediang Tagalog, ang malayang ensiklopedya

Tumuturo dito ang Malayo at Melayu. Para sa ibang gamit, tingnan ang Malay
(paglilinaw).
Ang mga Malay (Malay: Melayu; Kastila: malayo) ay isang pangkat
etnikong Awstronesyo mula sa Timog-silangang Asya na pangunahing matatagpuan
sa Bruney, Indonesya at Malasya.
[1][2]
Bagaman isang menorya ngayon sa Singgapur,
sila rin ang kinikilalang mga katutubo ng lungsod-estado.
[3]
May higit-kumulang 300
milyon ang bilang ng mga Malay.
Malay ang lingua franca ng mga Malay, bagaman sa iba't ibang yugto ng kanilang
kasaysayan ay natuto rin sila ng Portuges, Olandes at Inggles. Maliban sa mga wikang
nabanggit, nagsasalita rin ng sari-sarili nilang mga lokal na wika ang mga Malay, na
nabibilang sa pamilyang Awstronesyo. Ang Arabe naman ang mga wikang liturhiko ng
mga Malay.

Kasaysayan
Ayon sa kasaysayan ng Jambi, ang salitang Melayu ay mula sa isang ilog na may
pangalang Sungai Melayu malapit sa Sungai Batang Hari ng kasalukuyang bayan ng
Muara Jambi, lalawigangJambi ng Sumatra, Indonesia. Ang nagpundar ng Malacca
Parameswara ay isang prinsipe ng Palembang na pag-aari ng isang bansang tinatawag
na Melayu noong siglo 7. Malinaw na itinala ito ni Yi Jing (635-713) sa kanyang
talaarawang aklat na mayroong bansang may pangalang Ma-La-Yu. Ayon sa
mga arkeolohikong pananaliksik ng Jambi, maraming mga kasangkapan pang-
arkitektura noong sinaunang Melayu ang natagpuan kasama ang mga ebidensya nito.
Sa matandang wikang Tamil ng India, 'Kanlurang Bundok' ang ibig sabihin ng Malaya.
Ang salitang Malay ay direktong hiniram mula sa Inggles; ang katawagang Malay sa
Inggles ay siya namang nagmula sa salitang Olandes na Maleir na nagmula naman sa
na Melayu ng salitang Malay. Sa Kastila naman, malayo ang ginagamit na katawagan.
Ayon sa isang hinuang popular, ang salitang Melayu ay nangangahulugan ng "dumayo"
o "lumayo," na maaring pakahulugan sa mapaglakbay na lipi sa rehiyong ito.
Pagkakasapi[baguhin]