NENE, 6 TAON NI-RAPE SA IBA’T IBANG BANSA

Ni Juliet de Loza
Napariwara sa kamay ng Hapones na kinakasama ng kanyang kapatid ang isang dalagita na simula pa noong pitong
taong gulang ay ginagahasa na kapag nakakakuha ng pagkakataon ang
dayuhan sa tuwing isinasama ang biktima sa paglilibot sa iba’t ibang
bansa ng magka-live in.
Hindi na natiis ng 13-anyos na biktima ang pang-aabuso sa kanyang
katawan ng ‘hilaw na bayaw’ pinakahuli umano noong nakaraang linggo,
araw ng Miyerkules (Disyembre 15) kung kaya’t isinumbong na ito sa
kanyang ina.
Ipinaaresto at nakakulong na ngayon sa Integrated Jail ng Manila Police
District ang Hapones na kinilalang si Tokio Koichi, 57-anyos.
Sa kanyang salaysay, sinabi ng hindi na pinangalanang biktima na taong
2003 o pitong taong gulang pa lamang siya nang simulang halayin ng
Hapones.
Nangyari umano ang mga pang-aabuso sa kanya sa Thailand, Japan at
Hong Kong kapag nakakakuha ng pagkakataon ang suspek.
Huli umanong nangyari ang panghahalay sa dalagita sa isang hotel noong
Disyembre 15 matapos siyang painumin ng suspek ng gamot para sa sakit
ng ulo.
Makalipas ang ilang minuto pagkatapos inumin ang gamot, nakaramdam
na umano ng pagkahilo ang biktima at sinamantala naman iyon ng suspek
para gahasain ulit siya.
Pilit umano siyang hinuhubaran ng damit ng suspek at kahit nanlalaban ay walang nagawa kundi magpaubaya na
lamang.
Napilitan umano siyang magsumbong sa kanyang ina nang umuwi sila sa kanilang bahay sa Bulacan dahilan para
ipaaresto ang suspek na pansamantalang tumutuloy sa isang hotel.

Mayon evacuees ginamit ni Gloria sa HK trip

Ni Bernard Taguinod
Hindi nagustuhan ng dalawang babaeng mambabatas sa Mababang Kapulungan ng Kongreso ang pagiging insensitibo
ni Pangulong Gloria Macapagal-Arroyo dahil nagawa pa
umano nitong gamiting palusot ang pagtulong sa Mayon
evacuees para lamang makapagbakasyon sa Hong Kong
kasama ang buong pamilya.
Hindi nagustuhan nina Gabriela party-list Reps. Luzviminda
Ilagan at Liza Maza ang pagiging insensitibo umano ni
Arroyo dahil imbes na dumiretso ito sa Bicol, partikular sa
Albay mula sa Copengahen, Denmark ay dumiretso ito sa
Hong Kong.
Lalo pang ikinabanas ni Ilagan ang nabalitaang nang
magpaalam umano si Arroyo sa mga organizers ng Climate
Change Conference sa Copenhagen ay idinahilan nitong
aasikasuhin ang mga biktima ng Mayon Volcano kaya
kailangang umalis na agad.
“She has her priorities all wrong. Ang sensitibo at maalalahaning lider ay hindi inuuna ang sarili. Kung sabagay, kahit
sa nakaraang mga sakuna or crisis, iba ang kanyang inatupag. She is really a frivolous person,” pahayag ni Ilagan.
Nakakahiya aniya na habang nagsisiksikan sa mga evacuation centers at naghihintay ng tulong sa gobyerno ang mga
taong inilikas sa pag-alburoto ng Mayon ay nagpapasarap naman sa Hong Kong ang kanilang Pangulo.
“Wala na iyang pakiramdam at mistulang manhid sa problema ng taumbayan,” reaksyon naman ni Maza.
Maliban dito, sinabi pa ni Ilagan na maraming mamamayan ang sobrang nagtitipid ngayong panahon ng Pasko dahil sa
krisis na kanilang nararanasan, subalit ang kanilang Pangulo ay nagpapasarap sa Hong Kong na ang gumagastos ay ang
taumbayan.
“Ang mamamayan ay nagtitipid nga dahil sa financial crisis, bad influence siya,” ayon pa kay Ilagan.
“E, kung ang ginastos niya sa Hong Kong ay ibinigay na lang kaya sa mga biktima ng pagputok ng Bulkang Mayon, eh
di nakatulong pa siya at natuwa pa sa kanya ang mga taga-Bicol?,” ani Maza.
Kaugnay nito, sinabi naman ni Anakpawis partylist Rep. Joel Maglunsod na umaasa siyang hindi nga pera ng bayan
ang ginagamit ngayon ng First Family sa kanilang bakasyon-grande sa Hong Kong.
Aniya, karapatan ng pamilya Arroyo na gawin ang gusto nilang gawin ngayong Christmas Holidays subalit kailangang
makatiyak ang publiko na sariling pera ang ginamit ng mga ito.
“Karapatan nila iyon, pero sana, pera nga nila ang ginamit at hindi ang pera ng bayan,” ani Maglunsod.
Aniya, ang bakasyon-grande ng First Family ay patunay lamang na glamoroso ang mga ito at hindi alintana ang halaga
ng pera na gagastusin sa kabila ng paghihikahos naman ng maraming Filipino ngayong Kapaskuhan.(With Dindo
Matining)

Sama-samang nag-alay kahapon ng panalangin para sa kaligtasan

ang mga batang evacuees sa paanan ng nag-aalburotong Bulkang
Mayon sa bayan ng Guinobatan, Albay. (AFP)

NBI ‘di nagkulang kay Ampatuan Jr.

(JBarcelon)
Pinanindigan ng National Bureau of Investigation (NBI) na hindi sila nagkulang sa kanilang ibinigay na seguridad kay
Datu Unsay Mayor Andal Ampatuan Jr., sa pagdalo nito sa preliminary investigation sa Department of Justice (DOJ)
bagama’t nagtamo ito ng sugat sa noo matapos mahampas ng camera ng isang miyembro ng media.
Ayon kay Atty. Ric Diaz, Spokesman ng NBI, kahit nasugatan si Ampatuan Jr., hindi naman umano sinadya ang
pagkakahampas ng camera sa noo nito, sa halip ay nagkaroon lamang ng pagtutulakan habang papalabas sa tanggapan
ng DOJ noong nakaraang Biyernes.
Nauunawaan din ng NBI ang reaksyon ng media dahil ito ang kauna-unahang pagkakataon na nakalapit ang mga
mamamahayag kay Ampatuan Jr., na nahaharap sa kaso ng pagpatay sa 57-katao kabilang na ang 32 miyembro ng
media.
Nilinaw ni Diaz na sapat ang seguridad na ibinigay nila kay Ampatuan Jr. kung saan anim na katao ang nagsilbing
close-in security nito. Aniya pa, dodoblehin pa nila ito sa
kanilang muling pagbabalik sa DOJ.
Kaugnay naman ng reklamo ng abogado ni Ampatuan Jr.,
na si Atty. Sigfrid Fortun na hindi dapat dinala ang
kanyang kliyente sa DOJ dahil sa isyung pangseguridad,
nilinaw ng NBI na sumunod lamang sila sa subpoena na
ipinadala ng DOJ na nag-aatas na dalhin sa kanilang
tanggapan si Ampatuan Jr.
Sinabi pa ni Diaz na aabot sa 100 ahente ng NBI ang
magbabantay kay Ampatuan Jr. sa araw ng Pasko.

Korona, itinaya ni Pacquiao Al S, Mendoza

 Sabi ni Manny Pacquiao ay itataya niya ang kanyang
korona sa oras na magharap sila ni Floyd
Mayweather Jr.
Ang korona’y sa World Boxing Organization
(WBO) welterweight division (147 lbs).
Naagaw iyan ni Pacquiao nang pataubin niya si
Miguel Cotto ng Puerto Rico noong Nob. 15.
Lubhang bugbog-sarado na si Cotto mula fourth
round pa lang pero kumilos lamang si referee Kenny
Bayless sa 12th round nang itigil niya ang
pangungulata ni Pacquiao sa Porto Ricano sa ika-55
segundo ng final round.
Sa desisyon ni Pacquiao, lubhang kumpiyansa siya
na tatalunin din niya si Mayweather.
Puwede rin kasi na non-title fight ang laban, sakali’t
matuloy ito.
Sa laban ni Pacquiao kay Cotto, ginawa ito sa catch
weight 145 lbs.
Pero sa kagandahang-loob ni Cotto, itinaya niya ang
kanyang korona sa 147 lbs.
Wari’y gusto ring gayahin ni Pacquiao si Cotto.
Bagay na lubha akong humanga sa kanya.
Kanya nga lang, ang tanong ay: Tuluy na tuloy na
nga ba ang Pacquiao-Mayweather fight?
Sa ipinakikita nina Bob Arum, ang promoter ni
Pacquiao, at mga negosyador ni Mayweather,
mukhang tuloy na nga.
Pero sa boksing, hangga’t walang pirmahan ng
kontrata imbolbing laluna ang dalawang boksingero
(Pacquiao at Mayweather), hindi pa kasado ang salpukan.
Katunayan, kung iistriktuhan at base sa kasaysayan ng boksing, hangga’t hindi nakakaakyat sa lona ang dalawang
boksingero, walang boksing.
Marso 13 raw ang laban sa Dallas, Texas?
Tingnan natin.
Tulad ng sinabi ko, hangga’t wala sina Pacquiao at Mayweather sa ibabaw ng lona, ang laban ay mananatiling
panaginip pa.

4 straight wins ng Lakers sa road game

AUBURN HILLS, Michigan (AP) --- Umiskor ng 28 si Kobe Bryant para

giyahan ang Los Angeles Lakers na magpundar ng malaking kalamangan tungo sa
93-81 victory laban sa dinayong Detroit Pistons.
Tinapos ng LA ang road trip na may four-game winning streak at NBA-best 22-4
record, bagama’t naniniwala si Bryant na kaya pa nilang mag-improve.
“It’s a great sign,” aniya. “We believe we can be better and we will be better
because we push each other.”
Tatlo sa best players ng Detroit ay naka-sportcoats, nanood lang sa sideline dahil
sa injury: Richard Hamilton, Ben Gordon at Tayshaun Prince.
Pagod ang Lakers na dumating sa tinuluyang Detroit-area hotel alas kuwatro ng
madaling-araw kahapon mula sa panalo sa New Jersey kamakalawa ng gabi.
Nakatulog daw si Bryant, alas-sais na ng umaga.
Sinambot ng Los Angeles ang lead sa 11-0 run sa kalagitnaan ng first quarter,
binuksan ang second na lamang ng 12, lumayo ng 18 sa halftime at pinalawig pa
sa 21 pagkatapos ng tatlong quarters kaya pinagpahinga ni coach Phil Jackson
sina Bryant, Ron Artest at Pau Gasol bago muling ipinasok mahigit limang
minuto pa at lamang ng 15.
Sa Dallas -- Injured si Dirk Nowitzki pero sa dami ng maaasahang veterans ay hindi nabahag ang buntot ng Dallas
Mavericks kahit sa harap nina LeBron James at Shaquille O’Neal.
Pinalitan ni Tim Thomas sa starting lineup si Nowitzki at nag-iwan ng magandang impresyon sa kinamadang 22 points,
anim na kakampi pa ang nag-ambag ng eight points pataas. Pero sa malagkit na depensa, higit na bumawi ang Mavs
para itakas ang 102-95 win laban sa Cavs