Ang pangunahing layunin ng pananaliksik na ito ay matukoy ang dahilan ng
pagtangkilik sa salitang balbal at epekto nito sa kasanayang pagsasalita ng mga mag-aaral na nasa ikatlong antas ng tersarya. Dahil dito, sinikap na sagutin ng kasalukuyang mga mananaliksik ang mga sumusunod na tiyak na katanungan: (1) Ano-ano ang propayl ng mga tagatugon ayon sa : edad, kasarian, buwanang sahod ng mgamagulang at relihiyon.(2) Ano-ano ang mga karaniwang ginagamit ng mga mag-aaral ayon sa: Salitang balbal at Gay lingo.(3) Paano ang pagtangkilik ng mga mag-aaral sa salitang balbal ayon sa: napapanahong paggamit, lipunang kinabibilangan at impluwensya ng mass media.(4) Paano nakakaapekto ang salitang balbal sa kasanayang pagsasalita. (5) May makabuluhang epekto ba ang pagtangkilik ng mga mag-aaral sa salitang balbal sa kasanayang pagsasalita ng mga mag-aral? (6) May mahalagang Pagkakaiba ba ang pagtangkilik ng mga mag-aaral sa gay lingo ayon sa propayl ng mga tagatugon? Ang pamamaraang gagamitin sa pananaliksik na ito ay Descriptive Normative Survey o palarawan na pamamaraang nakabatay sa pamantayan na kung saan ang talatanungan ang nagsisilbing pangunahin at pinakamahalagang instrumento sa pangangalap at paglilikom ng mga kinakailangang datos. Ang mga respondente ay kinabibilangan ng mga mag-aaral ng kolehiyong edukasyon ng Ramon Magsaysay Technological University (RMTU) na nasa iktlong taon na taon. Ang mga respondent ay kinabibilangan ng isang daan at limampu (150) mag-aaral.