Professional Documents
Culture Documents
Ang Hamon
2,000 taon na ang nakararaan ng ipinanawagan ni Hesus na magsisi at manampalataya. Ito pa rin ang
panawagan Niya sa atin ngayon. Talikdan ang lahat ng kasalanan at lahat ng hadlang patungo sa Diyos, at
tanggapin si Hesus bilang ating Panginoon at Tagapagligtas. Tanggapin din ang Diyos at ang Kanyang mga
pangako.
Ang Hamon
Ang pagmamahal sa Diyos ay hindi malabo at imposible na akala ninyo. Ito ay pagsasama ng tiyak, praktikal na
aksyon, desisyon at pangako. Magagawa mo bang ang pagmamahal sa Diyos ang una at pinakamataas na
hangarin? Nakahanda ka bang gawin si Hesus na modelo ng iyong buhay?
Ang Hamon
Ipinakita ni Hesus ang daan tungo sa tunay na Kristianong pagmamahal sa pamamagitan ng parabula ng
Mabuting Samaritano, sa paghuhugas ng paa ng Kanyang mga alagad at higit sa lahat sa pagkamatay Niya sa
krus para sa atin. Handa ka bang mahalin ang iyong kapwa tulad ng pagmamahal ni Hesus sa iyo?
Ang Hamon
Tinatawag tayo ng Diyos na makapamuhay tayo ng may kabanalan at lakas na espirituwal. Dahil dito,
pinangakuan tayo ng Diyos ng Espiritu Santo. Tatanggapin mo ba si Hesus bilang iyong Panginoon at
Tagapagligtas? Hihilingin mo ba na punuin at puspusin ng Banal na Espiritu ang iyong buhay?
Ang Hamon
Inangkin mo na ang pangako ni Kristo ang Banal na Espiritu sa lahat ng humihingi. Ikaw ay nabautismuhan na
sa Banal na Espiritu at tinanggap na ninyo ang bagong buhay galing sa Panginoon. Ikaw ay isa ng bagong
nilalang: wala na ang dating pagkatao, siyaa bago na (2Corinto 5: 17). Nagkaroon ka na ng bagong buhay na
may pananampalataya. Itatalaga mo ba ang iyong sarili ng lubos kay Hesukristo at lumago sa buhay sa Espiritu
Santo?
Ang Hamon
Ang panawagan ng Diyos sa bawat Kristiano ay lumago sa kabanalan. Hanggang ngayon, tayo ay binibigyan ng
Diyos ng mga kasangkapan para lumago. Kinasasabikan mo ba na magamit ang mga kasangkapang ito at
nagsusumikap ka bang maging banal sapagkat ang Diyos ay banal?