-1-

MISSION VENG BIAK IN HAWNNA THUCHAH

- Revd. C. Lalsangliana, Synod Moderator

Br : Sam 95:1 - 3,6-7; 105:1-4; Ex 25:8

Thuhmahruai : Vawiin April 6.2011 Nilaini hian Mission Veng

Kohhran,Mizoram a kohhran lian leh ropui ber, Kan missionary te lawi \hinna
Kohhran chuan Pathian Biak In thianghlim, lian leh mawi tak leh ropui tak
chu kan lo hawng ta a. He Kohhran leh Mizoram Kohhran chanchin a hun leh
ni pawimawh tak hmang theia min siamtu Lalpa kan Pathian hnenah lawmthu
i sawi ang u. He Biak In ropui tak hawng tur a min ruat avangin Pathian leh a
Kohhranho chungah/hnenah lawmthu ka sawi a. Thuchah sawi hmasa bertu
nih pawh hi vannei ka inti hle a. Ka lawm tak meuh a ni.
Biak In thar hawnna thuchah hi tawi fel deuh va Kohhran te fuihna lam
thu sawi ni se tia Pathian Biak Inkhawm hruaina bu in a sawi angin sawi kan
tum dawn a ni.

I. Lawm thu sawiin Lalpa i chawimawi ang u : Hmun thianghlim

min siamsak rawh se, an zinga ka chen theih nan tia. Lalpa kan Pathianin kan
zinga chen a duh avangin lawmthu i sawi ang u. Ex 25:8. A chena In sa turin
duh bik anei tih kan hria a. I Chro 22:8.Pathian hruaina dawng zel in Kohhran
com,building Com leh Kohhran mipuite, inpekna leh thawhrimna a zarah
reilo te chhungin Biak In tha tak mai kan sa zo thei ta a. Heti tak a thawhhona
\ha kan neih avang hian lawmthu i sawi ang u.
Heti taka Biak In mawi leh \ha kan sa hi Pathian hmangaihna kan chhan
letna a ni a. Phai ram khawpuite thlir ila, In \ha leh ropui ber berte chu
Company, Sorkar building etc ta ani \hin. Zoramah erawh chuan khawtin leh
vengtin a in \ha leh ropuite chu Pathian Biak In thianghlim a ni zel a. A
ropuiin a lawmawm tak meuh a ni.
BiakIn ropui hei ang sak hna hi a hautak hle a. Inhliam palh/accident
leh thihna hial pawh tawk thei kan ni a. Mahse hliampui tuar na lutuk leh
nunna chan kan awm lo hi a vanneih thlak a, Lalpa kan Pathian hnenah lawmthu
i sawi ang u.

II. Hmangaihna leh Ngaihdamna Thinlung nen i luah ang u : Pathian

Biak in thianghlim sak hi a hautak hle thin a. A tha thei ang ber kan tinzawn
theuh laiin tha kan tih leh duhzawngte a inang fo lem lova. Inrem lohna leh
www.mizoramsynod.org
 -2-
rilru leh thinlung lam a inhliam palh a awm thei bawk. BiakIn sa pum a zo fel
ta cheng a, rilru leh thinlung lam in\hen hrang nuaih a awm palh theih a ni.
Chuvangin Pathian fa duh takte awm dan i zir thar leh ang u. Kol. 3:12f.
Pathian chhungte kan ni a.Van khua leh tui kan ni. Inhmangaih tawnna
thinlung nen he Biak In thianghlim hi i luah tlang ang u. Kohhran ah hian mi
hausa leh rethei deuh te, chhungkhat laina ngah deuh leh mi chhum chhia,
hmelhriat leh laina bulbal neilote fahrah leh chanhai zawkte mi chitin kan
lawi za dawn a ni a. Pathian fapa, mi thianghlim thisen zar a unau leh
chhungkhat kan ni tih hriain lainatna leh hmangaiha inchawktho tawnin
inpumkhatna nun i vawng\ha ang u. Thleibik nei lova dik tak a Pathian
chhungte thlamuang tak a an lawihona lo ni ngei rawh se.

III. Rilru thar nen i luah ang u : Biak In thianghlim leh mawi tak kan
lo nei ta.Rilru mawi leh thianghlim nen he BiakIn hi luah i la. Rilru tha tak
min siam ang che. Lalpa Isua vangin tih hla kan sak \hin hi a tak tak a nun pui
i tum ang u.
Bul \an thar inhuam ila, Pathian ram thilpek, sawm a pakhat pek thu ah
emaw, Inkhawm, \awng\ai chungchangah emaw, mi hla te hnukhnai zawngin
emaw, chhungkim a inkhawm tur zawng emaw, thil\ha, Pathian lawm zawng
tih ngah deuh deuh turin rilru thar i pu ang u.
Mi \henkhatin an sawirik ve fo chu Inkhawm hi fashion show ang mai
ani a. Mi chhe tan a zahthlak ti a sawisel tu an awm \hin. A pawi ngawt mai.
Kan neih ang tawk fai leh thianghlim tak a inthuam a \ha a. Kan Pathian hi
pawn lam lan dan en tu ani lova, rilru leh thinlung entu a ni zawk tih i hre
thar leh ang u, I Sam 16 : 7. Ani chuan thlarau leh tih tak zeta chibai buktu a
zawng mek a ni. John 4:23.

IV. Kalvari Hospital lo ni rawh se : A tawp berah chuan he Biak In

thianghlim hi taksa, rilru leh thlarau- thinlung hliamte tan Kalvari Hospital
lo ni rawh se', tih hi ka sawi duh tak a chu a ni. Thinlung hliam, ngui leh
chau, lungngai leh thlaphanga rum \hin te tan a Damna In, Pathian thlarau
thianghlim chenna leh a Lalna hmun lo ni ngei rawh se. Lalpa thlarau awmna
apiangah chuan zalenna a awm si \hin a. II Kor 3:16.
London khawpui a nawhchizuar pakhat chu a vahvelnaah Biak In
pakhatah alo vak lut nawlh mai a.Isua hmangaihna thu an sawi te chu
ngaihnawm ti em em in a ngaithla a. A inkhawm ve ta fo mai a. Nikhat chu an
Pastor in a khak ta a."I nung chang miten an hria a. Kan Kohhran mi\ha te
hian Biak In dangah min kalbo san dawn alawm," tiin a hnar ta a. Chu nu
www.mizoramsynod.org
 -3-
chuan mittui nen hnuk ulh \euhvin, "A nih keini ang misualte inthlahrung
hauh lova an inkhawm ve theihna tur Biak In khawiah nge ka hmuh ang,"
tiin a zawt ta a. Chu thu chuan an pastor chu a in hmuhchhuah tir ta a ni an ti.
Chutiang hospital a thawk tur doctor leh nurse te chu tute nge ni ang?
Tute hi nge tling zo ta ang le? A chhunga rawngbawltu zawng zawng te hian
thlarau thar a rawng kan bawl a \ul dawn a ni tih pawh i hre thar ang u. Lalpa
duh zawng rawngbawl hna thawk turin i inhlan thar \heuh ang u.
Kan Biak In pawh hi chaklo te tan chakna, ril\amte tan thlarau
lam chaw an dawnna hmun, nun tuihalte Kalvari tui nung an dawnna hmun,
ringhlel tan nghehna, thlamuan ngaite thlamuanna, thinlung keh chhia leh
lungchhiate tuam damna, thlarau lam mitdelte tana mitvarna, bengngawngte
tihdamna, kebaiten Lalpa faka lam a sakhi anga an zuan \hinna. Lalpa
duhzawng sawi tur a \awngthei tawh loten hlim taka Lalpa an fakna hmun,
kut uai thla leh khup zawite tan a Damna In lo ni sela. Mahni sualna emaw
chhungkaw phurrit phur a inkiltawih leh inthlahrung ngawih ngawih a awm
\hin te, thlarau lam a pachhiaten malsawmna thar an dawn \hinna lo ni ngei
rawh se.
Lalpan a thu malsawm rawh se.

www.mizoramsynod.org