MGA TALINGHAGA SA UMAABOT

Unsa kanato ang matag kinabuhi?

Sa nakatala niyang kinutuban
Diin gibabagan ang mga pangandoy
Sa mga talinghaga o problema
Apan dili kalikyan . . busa atubangon!

Kahadlok ug kabalaka asdangon

Dakong pagsalig sa Makagagahom
Inubanan sa mga paningkamot
Pinaagi sa kusog ug salabutan
Bugtong giya sa matag kaugmaon.

Talinghagang umaabot sa melinyo

Daghan pagsuway sa umaabot
Andam ba kining atubangon
O kaha likyan o piyongon
Ang mata ug magpakahilom?

Apan dili mahimo kining likyan

Ang mga pagsuway asdangon
Sa matag gutlo sa kinabuhi
Kay nakatala na sa kapalaran
Nga maoy tadlason sa kinabuhi.

Busa ato usab nga agnihon

Ang uban nga mga linalang
Nga kinahanglan magtambayayong
Aron dili mawad-an sa paglaom
Niining talinghaga sa umaabot!