Tiseḍsa s tmaziγt
Seg “Le rire avec Krikeche” n A.Kadri & A.Akhal
S tmaziγt : D.Messaoudi
Ṭeglul yemlal ameddakel-is Behlul:
- D acu k-yuγen, a ameddakel ? A εni yella win ay ak-
yemmuten mi teṭṭfeḍ akk-a imuyag-ik ?
- Ih, yella, d tameṭṭut-iw. Uγeγ-d aserdun umayna,
terkeb-it sakkin teγli-d temmut.
- Ad k-iṣebber Ṛebbi. Maca, ur tezmireḍ ara ad iyi-
terreḍ aserdun-a s wesnuzu ?
- Awwah, yax ur ttεeṭṭileγ ad d-εiwdeγ tameṭṭut !
Ṭeglul ed Behlul la ttqessiṛen:
- Teẓriḍ a gma Ṭeglul ? Nekk ḥemmleγ Fṛansa am tiṭṭ-
iw; imektiyen-iw yegerrzen meṛṛa deg-s ay llan.
- Maca a Behlul a gma werğin tunageḍ γer Fṛansa !
- D tidet, maca taḍeggalt-iw din ay d-sεedday yal
aseggas ussan n unebdu.
Behlul yuwi taḍeggalt-is yeneṭren γer usbiṭer. Kra n
tsaεet n uṛaju, a-t-aya umejjay. Yuzzel γer-s Behlul :
- Ttxil-k, a Duktur, ini-yi-d kan tidet !
- Yessefk ad tiliḍ d argaz ed wezgen akken ad izmireḍ i
wayen ar’ak-d-iniγ: … temneε !
Anezzarfu yessuter deg Behlul yettutehmen s tmenγiwt
n tḍeggalt-is:
- Ini-d a Behlul, acimi txenqeḍ taḍeggalt-ik s ucamiw-
is ?
- Wellah a mass anezzarfu ur yelli d axnaq ay qesdeγ,
maca d askuffer !
Behlul d amuḍin; yuwi-t mmi-s γer umejjay. Yebda wa la
yettnadi deg-s armi d yiwen umkan, yenna-as:
- Ḥulfaγ tella kra n tqeẓẓult deg yidis-a; yessefk ad ak-
tt-id-kkseγ.
- A ta d taxriḍt-iw, a duktur !
Behlul yuγal d agezzar. Γef tewwurt n tḥanut-is
yeεelleq-d yiwet n tkarḍa deg yura “Aksum-a yerka”. A-
tt-aya yiwet n tmeṭṭut, teγra-d ayen yuran, tini-as:
- Ah, a Dda Behlul ! Amek tebγiḍ ad naγ aksum yerkan
?
- Uhuuuu, wa d izen i yizan i wakken ur ttrusun γef
weksum !
Behlul aqamcac yeṭṭef-it yiḍ deg temdint n Bgayet, dγa
yerra γer yiwen usensu.
- Bγiγ taxxamt yelhan n yiwen uterras.
- Mm uṭṭun 42.
- Acḥal-itt ?
- 5000 idinaṛen.
- Annect-a akk !
- Acku tesεa deg-s asfaylu (ṭṭaq) yettaken iẓri γer yil
(lebḥeṛ).
- Smuzget, eğğ-iyi-d 100 idinaṛen, ad am-d-ggalleγ ur
mmuqleγ ula s yiwet n tiṭṭ seg wesfaylu-a !
Behlul yuγal d amaru n tceqqufin. Yessuli aḍris-is,
yefka-t i wemeddakel-is Ṭeglul ad t-yessenqed.
- Yelha, maca …
- Maca d acu ?
- Maca γer taggara yessefk γef umeggi-nni ad yenγ
iman-is s ubeckiḍ, macci s wemrar.
- Acimi ?
- Akken ad d-yessaki imnezhen !