Football Kaida 1: Page 0 atangin !!!

(Football Kaida ah hian football techniques and tactics leh footballer tana hriat tur tul hrang hrang te rawn tih tum a ni a. Born to Play, Sunday Special te ang bawkin Regular Post tura duan a ni a, Monday chhun dar 11:59 a.m. ah post thin a ni ang.) Kamkeuna: Football Expert anga lan ka tum lova, football expert pawh ka ni hek lo. Mahse age group level te, veng aiawh te leh college level te ka lo khelh ve tawh atangin chak nawm zia te leh chak loh hrehawm zia te chu ka hrethiam ve viau chuan ka hria. Amaherawhchu football tactics leh techniques tak tak han ziak tur chuan a zir chhuak ka nih miau loh avangin lehkhabu aangte, website aangte leh Coach training chhuak te aang lo chuan ziah tur ka hre bik lo tih min hriat sak dawn nia. Football hi game ropui ber te zing ami a ni a, Mizo zingah pawh a tla na khawp mai. En mai kan duh tawk lova, chhiar mai kan duh tawk hek lo. Mizo mipa kan awm khawm tawh chuan titi thupui berah kan hmang fo bawk a, football sawi ngun na na chuan a khelh dan pawh kan thiam tlang pui a, thiam deuh bik te chu awm bawk mahse kan ram India ah hi chuan hnamdang nena khaikhin chuan a nawlpui in kan thiam zawk ti ila kan sawi sual awm love. Chutihrualin hmasawnna tur kan la ngah tih erawh kan hriat a ha. Mizo ten hma kan sawn zel nan Football Kaida pawh hi siam a ni. Hobby Vs Professional Professional footballer nih kan tum anih loh chuan zirlai tichhe tur khawpin kan khel tur a ni lo. Amaherawhchu football hmanga ei hmuh kan tum anih chuan theihtawp kan chhuah tur a ni. Mizo te hian hei hi kan thliar thiam loh avangin kan career kan tihchhiat phah fo thin. Chuvangin football tak tak sawi hmain fimkhur a ul zia hi ka sawi hmasa duh a ni. Footballer ka ni!!! Mizo tan hian eng position nge tha ber ang tih Lajong F.C. Coach Pradyum Reddy kha ka zawt a, a chhanna chu ka ngaihtuah loh lam thil daih a ni. Mizo te hi khawi position ah pawh an khel thei ang. Chutihrualin kan hriat tur chu Positon bik kan nei tur a ni lo. Banglore school a Coach anga ka thawh lai pawn, ka naupang te chu, eng postition ah nge i khelh ? an tih chuan Footballer ka ni tiin chhng rawh u ka ti thin. A chhan chu khelh thiamna bik i neih chuan i position ah nangmah aia ha an awm hlauh chuan i substitute a ngai dawn, i luh theih dan awmchhun chu i position a tlan inhliam chauhin a ni mai. Chuvang chuan position pahnih pathum ah tal chuan khelh theih ngei ngei tur, chu chuan i career pawh nasa takin a pui ang che, tiin min chhang.

A chhanna hi a dik viau in ka hria, substitute reng tan chuan footballer hlawhtling nih a theih tlat lo. Chutihrualin BER nih tum tan chuan risk lak a ngai. Position khelhna bik nei nge nge chu an lo thiam deuh bik a, chuvang chuan BER ni tur chuan khelhna bik neih hi a hatna lai a awm. Amaherawhchu kan khelhna tur position kan thlan dawn in kan ngaihtuah chian erawh a ngai ngei ang le. Eng boot nge kan bun ang!!! A lan dan ah kan buai loh a tha khawp mai. Messi in Adidas F50 a bun vang ringawt a F50 lo bun ve nghawt kha a fuh ber lo, anni ang ho bun hi chu uluk lehzuala siam a ni tih kan hriat a ha. Chumi piah lamah kan khelna tur hmun a zirin boot bun tur bik a awm leh zel bawk. A tlangpuiin Mizoram hi chu lei anih avangin hard ground bik atana siam bun a ha khawp mai. Chutah pawh thil hriat tur a la tam, anni hard ground chu keini ang chuan a chang lo zawk a. Chuvang chuan an boot tam tak hi chu lei ah hian a la ha tawk lo hle. Boot kan leiin Rubber stud ngei kan thlang hin dawn nia. Chubakah Star Impact, Nivea etc te hi lei bik atan chuan a chhe bik lo mai ni lovin tam tak ai chuan a ha zawk daih. Tax an pek tlem zawk vanga tlawm zawk anni tih i theihngilh lovang u. Boot thar kan bun hma in kan ke ah, vaseline (petroleum jelly) kan hnawih thin dawn nia. I ke leh boot inkarah innawhna (friction) a ti tlem a, i ke pilh tur a veng dawn a ni. Lammual Grass ah eng stud ang chi nge bun tur? SYS Coach Pu Thlanga (Mizo Coach hlawhtling ber te zing ami) leh Coach Pradyum Reddy chuan Lammual Grass anga boot bun tur chungchangah ngaihdan inang an nei a. An ngaihdan chuan stud mum (rounded stud) bun a hat thu an sawi a. Blade stud ho chu grass ah a tang nghet thei a, turning velah a tang nghet palh chuan player khup a chhiat phah theih thu an sawi a. Pradyum Reddy chuan a boot bun lai Adidas Copa Mundial chu a bun tur chi tak a nih thu a sawi tel bawk. Chutihrualin Lammual chu grass a lo nih tawh avangin ground dang aiin a dup bik a, hei vang hian khelh thut chuan chawn tha chat a awlsam tur thu an sawi tel bawk. Footballer chu inthunun thei mi a ni tur a ni!!! Sap ho pawn zu an in tih kan sawi ve ziah mahse Sir Alex an Man Utd a enkawl tirh khan Norman Whiteside, Brian Robson te zuh heh lutuk kha a ngaihmawh hmasa ber a, a hmalakna hmasa ber pawh a ni reng a ni. Sir Alex hi Coach dang aia a hatna thuruk pakhat chu a team te a thunun thei zel hi a ni ti ila, kan sawi sual tam awm love. Chuvang chuan kan taksa laka ha lo turah chuan footballer chuan a inthunun thei tur a ni, hei hi Mizo te harsat pakhat a ni, mahse footballer ha ni tur chuan kan inthunun theih a ngai si. Mahni intihfai lamah pawh Mizo te kan an a ngai, ball boot bal lutuk, mawza uih lutuk hian mipui a hip lo tih hriat a ha. Kan neih ang chu eng pawh ni rawh se, a fai tur a ni. Heti lamah chu footballer te hian basketball player te hi kan entawn a ngai khawp mai, tuna kan awmdan hi chu a la zahawm lo deuh in ka hria. Chutihrualin field leh a chhehvel hi chu zahna chang i hria ang u, fans ten meizial an lo zu anih pawhin players te hi chuan field leh a chhehvel ah hi chuan ti lo hram hram ang u, zahawmna hi thil ho te anni tih kan hriat a tha. Mizo footballer te hian hun vawng dik hi kan harsat tlang. College a kan Coach Madhavan (India Player pawh lo ni tawh) kha upa tawh viau mahse a tlai ngai lo, a thusawi ka la hriat reng chu Minute khat a in tlai ai chuan darkar khat in thleng hma mai rawh tih kha a ni. Chubakah tun dinhmun a khawvel club tha ber F.C. Barcelona player te hi star viau mahse practice naah an star bik lo. Guardiola in F.C. Barcelona a enkawl tirh khan practice naah player pakhat (an hming an thup) chu a tlai a, field ah chuan lut hman tho mahse a boot hrui a suih hman loh avangin pawisa fine tir a ni. Tun a F.C. Barcelona chungnung chhan hi player hat hrim hrim piah lamah an inthununna hat vang a tih loh theih loh. Chuvangin footballer tan chuan inthunnunna hi hlamchhiah chi a ni lo tih kan hre nawn leh dawn nia. Page 0 anih angin a chhung tak tak kan la lut lova, karleh hawhtan (Monday) ah chuan Tactics leh Techniques chhiar a beisei ngam tawh ang. Chutihrualin a ziaktu tan chuan chhiartute ngaihdan dik tak (feedback a tha zawng leh a chhe zawng) kha a ngaihnawm tih kan hre nawn leh dawn nia.