VOL. XXX ISSUE NO. 09 An Official Organ of Y.M.A. Republic Veng Branch Dt. 26.02.

2012

LOCAL COUNCIL
Republic Veng Local Council in LAD hnuai a bawlhhlawh paihna chhungtin te hnena, thla khata cheng sawm an khawn thin chu khawn leh a ni dawn a, Veng chhunga chhungkaw tin te lo inring lawk a pawisa an khawn hun pawh a lo pe zel turin min ngen in min hriattir a ni.

LOCAL COUNCIL HRUAITU TUR THLAN A NI TA

The Republican 26thFebruary 2012 : Ni 23.2.2012 (Ningani) khan Mizoram hmun hrang hrangah khawtlang hruaitu tur Local Council / Village Council member thlan a ni a. Kan vengah pawh Local Council hruaitu tur thlanna hi boruak muanawm tak hnuaiah neih zawh a ni. Local Council inthlanah hian MPF Republic Veng Forum in thil tul leh tih tur tul angte an lo buaipui a, an ni zarah hian inthlan pawh tluang taka neih zawh a ni. Zing dar 6:30 A.M. vote hi thlak theih in hawn tan ani a, chuan tlai dar 4:00 P.M-ah khar leh a ni. Zan dar 6:00 P.M. ah vote chhiar tan niin Local Council hruaitu tur Congress atangin mi 4 leh MNF atangin mi 3 thlan chhuah an ni. Chungte chu an vote hmuh tam dan leh an vote hmuh zat lo tarlang ila a tha awm e. 1. Pu H.Vanlalruata (INC) - 985 2. Pu Lalremtluanga (Pataia) (MNF) - 813 3. Pu Zahmuaka Hauzel (INC) - 714 4. Pu HD.Renthlei (MNF) - 705 5. Pu T.Vanlalruata (MNF) - 675 6. Pu PC.Malsawmtluanga (INC) - 672 7. Pu Biakchhawna (INC) - 658 Kan veng thenawm hnai, Upper Republic ah MNF in seat 4 an la a, Congress in seat 3 an la thung a, Republic Vengthlangah chuan Congress candidate te thlan tling vek an ni. Kan Vengah hian (Local Council Roll bikah) voters hi 2729 an awm a, inthlanah hian voters 1852 in vote an thlak a, mi 877 in vote an thlak lo a ni. Inthlan ni hian vote thlak tura rawn kal mahse Local Council Electoral Roll a hming awm lo eng emaw zat an awm bawk a, a pawi hle a ni. Tin, khawtlang hruaitu inthlan hi ngaihpawimawh hram hram a tha hle a, kan veng in a hma kan sawnna tur atana thawktu tur te leh enkawltu turte an nih avangin ngaihpawimawh hram a tha a ni. Kan khawtlang hruaitu tur tha tak tak mi 7 kan thlang chhuak ta a, tha taka khawtlang an kaihhruai theih nan kan theih chin leh phak chinah i thlawp zel ang u.

MUP HRIATTIRNA
Vawiin Pathianni chawhnu inkhawm banah MUP in Pu C.Rualhleia Venglai inah hla zir leh tur a ni a, thahnem ngai taka kal turin an in ngen a ni.

MC&DC HRIATTIRNA
Ni 27.2.2012, Thawhtan zan inkhawmban dar 7:30 hian MC&DC committee YMA Runah neih tur a ni a. Committee kohna sem chhuah a ni a, a hmu lo chuan hei hi kohna a ngaih nghal tur a ni. Tunlai hian Branch YMA in a ngen angin, tunlai hian hnam lam chi hrang hrang ngawrh takin an zir thin a ni a, member te thahnem ngai taka zir turin an in ngen e.

NGENNA
Tunlai hian Board Exam neih chhoh mek a ni a. Class-X leh XII leh College exam neih chhoh mek a ni a. Chuvang chuan zirlai ten tha taka lehkha an zir theih nan leh exam tha taka an tih theih nan beng chheng siam lo leh boruak muan awm lo siam lo turin veng mipuite kan in ngenin kan in hriattir a ni.

LAWMTHU SAWINA
YMA Library a dah turin Pu Lallunghnema, Charity Lodge, Mualvengchung chuan a lehkhabu ziah 'Consumer Right leh Keimah' tih chu Branch YMA a pe a, a chungah kan lawm hle.

SECTION YMA NEWS

Section I : Ni 20.2.2012 khan Section bungrua chhinchhiahna siamthat hnatlang neih a ni. Section III : Population Census register update thar chu ni 24.2.2012 zan khan Pu Lalruatkima te inah Section OB hoin an enfel. * Thlanmual Fund leh YMA membership fee la thehlut lo ten Pu Lalruatkima hnenah a rang lama thehluh tur a ni. Section IV : Tunah hian an section ah chuan YMA membership fee leh Thlanmual Fund an khawn mek a. A khawn zo tawh chuan an section Finance Secy. emaw Treasurer hnenah thehluh tur a ni. Section V : Kum 2012 chhung atan an section YMA In luah turin Pu C.Lalremsiama te chhung an thlang. * Local Council inthlan zawh takah an Committee member zinga mi pahnih Pu T.Vanlalruata leh Pu Biakchhawna te chu thlan tlin phek 3-naah chhunzawm a ni...

YMA Information Complaint na YMA Information hi a chhiat thatah m ipuite hian kan mawh phurhna a ni tih kan hria in a lo chhiat pawh in phone No. tarlanah hian i hriattir thin ang u. 9612310138 Tin, he number tarlan hi Information mike leh a hmanrua chhia report na chauh a ni a, thildang complain na a ni lo.

The REPUBLICAN WEEKLY

Editors Jt. Editors : H. Lalhriatpuia R. Lalthanzawna : Robert Zosangliana RD.Lalrammawia Lalzarzova : H.Lalremruata Lalhmingmawia Andrew Lalrohlua Lalliantluanga Lalthantluanga : Ngurthanmawia : Lalhmangaihsanga Sailo Biakzosanga Kananmawia

Y.M.A. REPUBLIC VENG BRANCH

9862536632 9436159221 9862379583 9612698049 9856310432 9862449817 8974963471 9612318217 8575707353 9089603204 9436375023 9862170549 9615820570 9862754953

Dt. 19.02.2012

E DITORIAL B OARD

THIANGHLIM TAKIN AW
- Om-om a Pa.
Issue hmasa Article chhunzawmna

News Editors

Manager Cir. Managers

republicanchanchinbu.blogspot.com
YMA RUN hmang turte tan Br. YMA I/c Secy., Property - 9862369320 / 9436362024

Editorial...... Kan veng hi kum 1970 leh 1980 bawr chho vel khan veng lian leh ropui tak kan ni thin awm e, a chhunga cheng zingah pawh mithiam leh ropui tak tak, rampum huap pawha mi hmingthang leh challang tak tak te kan awm nual thin. Heng ho hunah hian thiltha leh chhenfakawm tak tak, Entirnan : Information Network, YMA thutthleng leh Property house etc. te pawh zoram pumah a uarchhuaktu an lo ni tawh thin ani. Tun hunah erawh Veng thanglo ber pawl kanni emaw chu tih tur khawpin kan awm ta, Zirna lamah te hian veng thenawmte kan tluk ta lo em ni? MCS, MPS leh competitive dang result chanchinbu a han hmuh chang hian, kan veng hming a lang khat hle bawk. Tin, sport lamah pawh hian kan veng hi inkhelthiam veng kan inti thin, football bikah pawh hian kan champion khat tawh hle mai, rampawn lama eizawnnan a khel tun dinhmunah pakhat chiah kan nei bawk. Infrastructure ah pawh hian veng thenawmin min thansan mek bawk Kan veng hian chawimawi phu te chawimawi leh lawmpui aiin inngaihsanlohtawnna kan nei nasa hle . Heng kan tarlan tlemte atang pawh hian thalaite hian hmasawn turin kan insanmar a hun hle mai, nu leh pa te pawhin kan tu leh fate tana chenna nuam veng a nih theihnan ngaihtuahna hmang ila, tan ila thar leh theuh ang u.

Huang Zalen
* Kum 2012 Local Council inthlan zawh takah hruaitu tur mi tha tak tak kan thlang chhuak leh ta. Kan khawtlang hruaitu tur leh hmasawnna atana thawktu tur te an nih ang in Local Council member kan thlanchhuah zawng zawngte tluang tak leh tha taka veng tana an thawh theih nan leh an kal zelna turah duhsakna kan hlan e. - Editorial Board * Tun tum Red Ribbon Football Tournment khelh chhoh turah kan veng Team te an champion theih nan veng mipuiten support i pe zel ang u - Football lovers

Kan ram politics khelh dan dik tawk loh zia chu a chunga kan sawi bak pawh khi sawi tur tam tak a awm.Nimahsela sawina hmunin a daih dawn loh avangin, kan hma a inthlan lo awm turah hian eng angin nge mipui te hian mitha kan thlan chhuah theih ang.Eng ang mi nge ram leh hnam khua leh veng hmangaihtu, tia kan ngaihtuahna kan hman mek laia kan rilrua lo lang leh thin party politics bawk hi kan paih chhuah a hun ta.Chu bakah chuan mipuite hian ngaihtuahna thui tak kan neih a hunin khawtlang hruaitu thlan chhuah kawngah pawh ke kan pen sual thei tih mitinin i hria ang u.Kan nawmsakna tur leh kan hahdamna tur kawng ringawt ngaihtuah leh kan hamthatna tur chauh ngaihtuah hian kan buai lutuk ta em? mitin hian hahdam leh nawmsak chu kan duh vek mai a, Khawtlang hruaitu kan thlan chhuah turah hian nghawng thui tak a nei leh dawn ani.Chuvang chuan veng(Section) bil anga kan thahnemngaihna lo chhuak thei leh duhna lo awm theiah te ngaihtuahna kan siama, veng pumpui huap zo leh thahnemngai taka mipui tana thawk thei tur mi kan thlan chhuah hi kan politics khelh dan tur niin alang.He khua leh veng ram leh hnam tana thiltha duh mi, mi nghet mi dik leh tlo, mi nuih zat leh deusawhna karah pawh huai taka ding ngam, chhia leh tha hriatna hmanga hmasawnna tura mi chak,a thlang tlingtu te tana theihtawp chhuaha mahni nawmsakna leh hamthatna tur pawh tlanchhiat san ngam chhungril taka Pathian tihna nei,ataka lan chhuahtir thin mi kan thlan chhuah hi a hun tak zet ani. Kan rama VillageCouncil/Local Council inthlan lo awm turah hian Party hrang hrang ten an aiawha ding tur mitha nia an hriat te rawn pho chhuakin thil tum tha tak tak khawtlang tana chhenfakawm tam tak an tawktarh leh ngei dawn a.Heng mite thlang chhuak tur hian Kristian te hi kan pawimawh ani tih hre thar leh ila, Ram hi kan Lalpa ta a nih a vangin Kristian te hian politics hi kan ngawihsan thei lo vang.Dik tak leh fel taka rorel tur he ram hian a mamawh ani tih hriain tan kan lak thar a ngai em em ani.Kan ngawihsan hmak chuan beram chawm turin chinghnia kan ruai tihna a ni a nga, a tuartu chu ngawihsan tu kha kan ni tho tho dawn si a.Politics hian kan nun hi a khawih veka , a lak atang hian tumah hi kan ral bang tak tak thei lo.Khawvela kan awm chhung hian thlarau hlangin kan la nung thei lo va chaw, silhfen sum leh pai kan mamawh a, mi dangte nena nunhona tha kan mamawh bawk ani.Heng zawng zawng hi politics huang chhunga tihhlawhtlin tur a ni si a.Kan ram rorelna a dik loh chuan a chhunga cheng Kristiante nun chuan a bul vel a fan hneh lo hle tihna
(column leh lamah chhunzawm a ni...)

The REPUBLICAN WEEKLY

Y.M.A. REPUBLIC VENG BRANCH

Dt. 19.02.2012

ani ang.Chuvangin rorelna dik chu lui anga a luan a, felna chu luipui kang ngai lo anga a luan theihna turin Kristiante hian tih tur kan nei a ni.Keini Kristian te hian politics hi ngawihsan ta ila, kan thlahte chuan milem an be hial ang a, kan hnam hi chimralin kan awm mai thei bawk a ni.Chuvang chuan kan Lalpa duhzawng chu khawvel chhe mekah hian kan puang tur a ni a, kan nunin a hlenchhuak bawk tur a ni ang.Ringtu te hi kan ngawih reng a Lal Isua lo kal lehna khawvar nghaka kan thut mai mai chuan hrem kan tuar zawk ang tih hi i hlau ang u.Politics dik tak chu Pathian thu nen a inrem a ni mai lova a Pathian thu mah zawk a ni.. Politics dik takah chuan thlarua nun te,nun hona te,ram rorelna leh eizawnnate hi a fun kim vek a.Mahni hmasialna reng a lang lo.Hei hi Lal Isua politics khelh dan chu a ni.Hetiang rilru pu thei tur hian Kristian te kan thanharh a hun ta. A tawp berah chuan Village Council leh Local Council kan thlan chhuah tur te hi mipui tan an pawimawh em em a, Mizo Lalten an khawchhung kil tin an awp thinna chu paih bo a lo nih takah chuan khawchhung inrelbawlna kiltin chu Village Council/ Local Council hnathawhna chuan a hawl lo thei lo va.Dik tak chuan tuna khawchhung zirna sikul tha tak takte pawh hi Village Council ten khawchhung mamawhna leh rualawhna hriaa harsa taka an lo din,a hnu lama sorkarin a lak tak te an ni hlawm.Khawchhung invawn felna kiltin vawiina mual eng kan hmuh theihna pawh hi, hmangaih leh tlawmngaih chhuaha khawchhung inrelbawlna leh hmasawnna kalsiamin hah thi kula sul an lo sut rah a ni a tih theih hial awm e. Chuvang chuan kan hma-a khawchhung roreltu leh kai hruaitu kan thlanna turah hian thianghlim leh felfai taka mitha kan thlan chhuah theihna turin mitinin Pathian rawn chung zelin he inthlan lo awm tur hi hmachhawn ila,Pathianin roreltu fing fel leh tha min pe ngei ang tih ring ngam ang u.Rorel tute hi Pathian ruat an ni si a.

HRISELNA

Lu na

Lu nat hian paracetamol tablets 500 mg. emaw 200 mg., ibrufen tablet emaw ei maiin a dam leh mai thin a. Mahse Aspirin hi kum 16 hnuai lam tan leh a haw mi tan chuan heng a hnuaia damdawi man tlawm te te hi a tangkai ve khawp mai. 1. I lu a nat chuan, Chawhtawlhah tuilum dah la, i ke chiah vang vang la, tin i lu a na viau a nih phei chuan chawhtawlha tuiah chuan mustard powder tlem telh ang che... 2. Tuilumah puan chiah la, chu chuan i chal leh i nghawng hnunglam chu dep ang che. 3. Tuilum i ngaina lo a nih chuan, tui vawt tak (vur tlang puanin tuam la)-in i chal leh i nghawng hnunglam chu dep thin ang che. 4. Tin, i kut chu vur tuiah i tawrh theih twkin chiah la, i kut zungtang chu hum ruhin thlah leh thin la, hei hian lu na a tiziaawm bawk a ni. (Sources : Hriselna Bu April 2009)

LAWMTHU SAWINA
Republic Veng Local Council Inthlan chu tluang taka zawh alo ni ta a,a lawmawm hle. A hmasa berin he inthlanna,buaina leh harsatna awm lova min zawh fel tirtu Pathian hnenah lawmthu ka sawi a. Inthlanna tluang leh fel tak kan neih theihna atana a bul atanga a tawp thleng a buaipuitu Assistant ,Returning Officer leh Presiding Officer te,Polling Officer te leh kan Police te hnenah lawmthu ka sawi a.Tin,vote chhiar tura kan sawm Counting Assistant zawng zawngten tlawmngaih chhuaha min tih hlawhtlin sak avangin lawmthu ka sawi a.A tul apiang min ngaihtuah sak a, Polling Party te ei leh in tur zawng zawng te min ngaaihtuah sak a min buaipui tu MPF Republic Veng Local Forum te chungah leh Mualvengchung Section YMA te an mike man chawi lova min hmantir tute hnenah lawmthu ka sawi tak meuh meuh ani. Tin,kan vengchhung a Political Party zawng zawng leh an Candidate te,he inthlanna a hlawhtlin theihna tura rilru,tha leh zung seng tute,veng mipuite hnenah lawmthu ka sawi bawk ani. Kan khawtlang hruaitu tura kan thlanchhuah mi tha tak takte ka lawmpuiin duhsakna ka hlan a,chutih rual chuan kan vengin nasa zawk a hma a lo sawn theihna atan an rilru leh ngaihtuahna, an theihnate senga thahnemngai taka thawk turin ka ngen a.Chutiang an tih theih nana tawiawm a,finchhuah zel turin veng chhung mipui zawng zawngten mawhphurhna kan nei ve tih i hre theuh bawk ang u. Ka lawm e. Sd/( LALRUATPUII ) Returning Officer Republic Veng

Section News Chhunzawmna

zingah an tel ve avangin an lawmpui hle a, khawtlang rawngbawlna huangah tha taka an hna an thawh theihnan duhsakna an hlan bawk. Section VII : Ni 20.2.2012 khan section OB te leh member tlawmngai thenkhat ten an section bungrua enfel hnatlang an nei. Section VIII : Ni 22 February 2012 khan Section Executive Committee an nei a, sum tuakna atan bawngtalh leh lucky ticket siam an tum a. Bawng hi March ni 10, Inrinni zinga talh tum a ni a. Lucky ticket hi April ni 28, Inrinni a vawr theih tura ruahman a ni. Vengchhung mipuite kan inhriat tir a ni e. Nimin ni 25 February, inrinni khan section information network siamthat a ni a, section information incharge secretaries hova hnatlan a ni.

The REPUBLICAN WEEKLY

YMA MOTTO: * Hun awl hman that * Zofate hmasawnna ngaihtuah * Kristian nundan tha ngaihsan

Y.M.A. REPUBLIC VENG BRANCH

Dt. 19.02.2012

R.G.S.A NEWS
* R.G.S.A Membership fee khawn mek ani a.Tun thla chhunga theh luh a ngaih avangin member la ni lo zawng zawng te member ni vek turin kan in sawm leh e. Membership fee hi Rs.10/- a khawn mek zel ani a,member nilote chu R.G.S.A in eng discipline ah pawh tournament siam sela,an tel ve a remchan dawn loh avangin thalai sports lama tui mi zawng zawngte member ni vek turin kan insawm leh e.Tin,membership fee khawn zo tawhte chu Pu Lalrosanga R.G.S.A Treasurer hnenah thehluh tur ani e. Kan member Lalthantluanga s/o Vanlalchhuanga Sec-VIII leh Eddie Lalhruaizela s/o Lalnunzira Sec-VI te Mohun Bagan Football Academy U19 a an tlin avangin an chungah R.G.S.A member te kan lawm hle a.Tih takzet a an tih theih nan R.G.S.A member te leh hruaituten duhsakna kan hlan tak meuh meuh a ni. R.G.S.A President T.Vanlalruata khawtlang tana thawktu (Local Council) atana thlan tlin a nih avangin kan chhuang hle a. Khawtlang tana a rawngbawl zelna turah duhsakna kan hlan e.

YMA NIHNA : YMA chu Politics rawngkai lo tlawmngai pawl a ni.

Rampum Hruaituah
Kan Branch YMA leh MC&DC President Pu R.Liandawla chu MCO (Mizo Cultural Organisation) General Headquarters President atan thlan a ni a. MCO General Headquarters hi Mizoram pum huap a club / veng / khua hrang hrang insuihkhawmna pawl a ni e.

Dam lo
* Pu Ralpianga, Section-V Pu T.Vanlalruata LC member Pa chu Lu-na leh Kal-na (Kidney) avangin Aizawl Hospital Mission Vengah enkawl mek a ni. * Pu Lalthlana F/o Darliansanga, section-I chu tonsil cancer avangin Gauahati ah check-up in an kal mek. *

Naute thar
Republican Editor hlui Pu H.Lallianmawia te chuan ni 21.2.2012 (Thawhlehni) khan Synod Hospital-ah a vawi li-na atan leh a pakhatna atan fapa thar duhawm tak Lalruatdika an nei. Ni 23.2.2012 khan damdawiin atangin dam takin an rawn chhuak. Pu Zoremsanga te nupa Sec-VII chuan ni 22.2.2012 khan Aizawl Hospital-ah fanu thar duhawm tak Zosangkimi an nei. Republican Editorial Board in kan lawmpui tak zet zet a ni. *

MPF LAWMTHU
Local Council Inthlan hmasa ber 23.2.2012 (Ningani) a kan hmachhawn takah MPF Republic Veng Local Forum chuan Party tin candidate leh mipuite chungah lawmthu kan sawi a, inthlan boruak ti hmelhem thei leh boruak chhia awm bawk lova mawi taka inthlan kan hlen theih avangin MPF Republic Veng Local Forum chuan lawmawm a ti tak meuh meuh a ni. Sd/Sd/(Rev.RC.LALNGHAKLIANA) (R.LIANDAWLA) President Secretary MPF Republic Veng Local Forum
PACHHUNGA UNIVERSITY COLLEGE : AIZAWL Pachhunga University College chhunga (Cement In) RCC Building sak mekte enkawltu tur - Supervisor, mamawh a ni a, mi rinawm leh taima hetiang lama tawn hriat ngah tawh emaw Engineer leh a tlukpui thiamna nei mi pakhat mamawh a ni a. Dil duh chuan Plain paper-ah dilna ziakin a hnuaia hming ziak hnenah hian ni 9.3.2012 thleng thehluh theih a ni. Ni 12.3.2012 (Thawhtanni) 10:00 AM ah Principal Office-ah Interview tur a ni ang. Hlawh : Rs.10,000/- fixed

ADMISSION NOTICE
"LITTLE STEPS" Daycare Centre Republic Venglaiah March '2012 atangin a hnuaia mi ang hi hawn belh a ni dawn e. 1. AFTER SCHOOL CARE : Nursery - Class-I Admission - Rs 500 Monthly Fee - Rs 500 2. Laklawh thila nau awmtu nei remchang lo tan admit ngai kher lovin ni khatah Rs 150 chawiin a dah theih e. Contact: 9612386946 (3-3) Principal

IDEAL PLAY ABACUS

Thluak Sawizawina I faten heng hi an tlachham in I hria em? Thluak chakna Mahni inrintawkna Hriat reng theihna Thil chik theihna Ngaihruat thiamna Thil chhut zung zung theihna ABACUS zirna hmangin a neih theih ta!

ADMISSION OPEN
Learning Centre Holy Heart School Class kal hun : Inrinni (darkar hnih zel) Class tan hun : 10th March,2012 Zirthei chin : Class IV - Class VII Ideal Play Abacus India Pvt Ltd Chanmari Ph - 2306789/9436193526/8014001534 (2-2)

Sd/Principal, Pachhunga University College Aizawl

Published by Republic Veng Branch YMA, Printed at Zo-Awm Press, Khatla, Copy 700