MAY 28, 2012 DATE

NR # 2753B
REF. NO.

Pagtatatag ng assistance centers para sa mga kababaihan at kabataan aprubado na sa Kamara

Inaprubahan ng Kamara sa ikatlo at huling pagbasa para magtatag ng resource development at crisis assistance centers para sa kababaihan at kabataan sa lahat ng lalawigan at lungsod sa bansa. Ang House Bill 6155, iniakda nina Reps. Ma. Angelica Amante-Matba (2nd District, Agusan del Norte), Maria Isabelle Climaco (1st District, Zamboanga City), Ruben Ecleo, Jr. (Lone District, Dinagat Islands), Luzviminda Ilagan (Party-list, Gabriela), Reena Concepcion Obillo (Party-list, Una ang Pamilya) at Abigail Faye Ferriol (Party-list, Kalinga) ay naglalayong bigyan ng tulong ang mga kababaihang biktima ng panggagahasa at iba pang paglapastangan. Ayon kay Amante-Matba bibigyan ng karapatan ang lahat ng kababaihan at kabataan na biktima ng prostitution at sexual exploitation; domestic violence, abuse at battery; rape, incest, sexual abuse, harassment o molestation; illegal recruitment, trafficking at labor exploitation at pati na rin ang mga biktima ng armed conflict, natural or environmental disasters na dumaranas ng trauma sanhi ng pagkamatay ng miyembro ng pamilya. Ayon naman kay Ilagan ang mga abandoned and run-away woman and children; women and children in detention; victims of any form of violence and suffering from any crisis situation; victims suffering from mental, emotional, psychological and physical disabilities needing special support and assistance and victims of other circumstances na kikilalanin ng Department of Social Welfare and Development (DSWD) (30) eag