Edisi 13, 9 Funn 2012

Funan Nua Npoi Haefes

Publikasi Gratis neik Uab Met neu Kit Ok-ok a-nbi Format PDF
Abmepu : Yohanes Manhitu, Yogyakarta. Email: ymanhitu@gmail.com

Bale Npaumk Mutis, TTS. Foto: http://yumantoko.blogspot.com/2012/02/mutis-tts-timor-ntt.html

Tuis neu Edisi i

Ludovic L. Zamenhof: Uab Esperanto In Apakaet Afnekan (Artikel) Buku Laistoes l Matu neik Uab Met (03) (Info Buku) Hau-amonit hum-hum sin kankin (Met-Latn-Labit) (Varia) Onl oe asait nae, versi Met ma Esperanto (Puisi)

Amneikhanaf Edisi 13, 9 Funn 2012 Tkoenoktm teu Blog Uab Met http://uabmeto.blogspot.com

Artikel
2

Ludovic L. Zamenhof: Uab Esperanto In Apakaet Afnekan

SEKAU es nnoin ma nahn uab Esperantoma matek nak Esperantismusti nahn lekleok Zamenhof nane sekau ma in pit nok Esperanto nane onm. Fun kalu adesain uab in ka nbine fa he nanaob in mepu naek neik neksimakat amtanes ma mlil naek, uab mamok (lingvo artefarita) amasat i lof ka nmoin nit fa ma ka ntean nit fa tuaf namfafau nbi pah-pinan nfunamnatf onl mun i. Haef namfafau ben tuafe ntek kanaf i: Zamenhof. Me in sekau? Dokter Ludovic Lazarus (Ludwik Lejzer) Zamenhof (15 Funbosamnu 1859-14 Funh 1917) nane atoni nko Pah Polandia nko kaf Yahudi (fun a-nbi tonnatun ahuntin atoin-Yahudi nasaitan sin pah mantan [Ibrani: Eretz Israel; Met: Pah Israel] ma nnaon nsasuna pah-pinan, ma natuanan ms a-nbi Pah Polandia, esl Am Santu Ahunut Yohanes Paulus II in pah manekat). In es a-nmo uab Esperanto, uab kanatural (artifisial) l mapak namfau sek a-nbi mun i. Zamenhof nane in maneone dokter mataf (oftalmologis) kun ma in uab ainaf esl uab Rusia ma uab Yidish (uab Yidish nane uab fe, npoi nko uab Ibrani l masel lekleok nok uab Jerman ma mapak a-nbi Eropa, talantea mun i uab Yidish f a-nmoin nabala). Me Zamenhof a-ms namolok a-nsai uab Polandia ma uab Jerman. Ma namuin ini ms nnoin kun uab Prancis, uab Latin, uab Ibrani, uab Yunani ma uab Ingls. Ok ini ms a-nsinmakan uab Italia, uab Spanyol ma uab Lituania. Es onnane, hit nabe tak Zamenhof lo nsimkan uab hum-hum, l a-nbi neno amunit a-ntulne he nmo uab fe, uab Esperanto.

L.L. Zamenhof (1859-1917)

Foto i mamnait nko http://u1.ipernity.com/20/29/66/11412966.6b6f4b88.jpg

Neu Zamenhof, uab i ka

ala fa alat komunikasi, me ini ms alat he nabeon in tenabfuaf henait kanan bangsa nbi pah-pinan i nmoin nabuan nok dame.

Zamenhof mahonis a-nbi Bialystok, Polandia nbi ton 1859. Nbi oras nane kota i ntam Pahkesel Rusia. Nbi kota i suku naek kamnesat teun natuan nabuan: suku Polandia, Belarus ma Yahudi l namolok uab Yidish. Zamenhof a-nrasa susar ma nfrustrasi fun suku naek teun nane fes-fes a-nmapaulkin

(nmatufun a nmabanan) ma in nanep nak sin ka ndame nitan fa natuin sin ka namolok fa neu es nok essin ka nmun fa komunikasi alekot a-nbi sin monit neno-neno. Oke-te, masi f anan, in natenab nak kalu sin okok namolok uab mes l namns, sin l neman nko suku kamnesat teun nane nabe nmeup nabuan nekaf mes ma ansaof mes ma rasa ksinmakat nane lof nabe namneuk. Zamenhof nanep nak uab fe es l mamok ma ka susar fa he tnoin lof nabe njail nete alekot mes neu sin he nmahinen es nok es ma baun-baun nmonin nok dame. Oras f naskl a-nbi SMA nbi Warsawa onnane, Zamenhof nesesbon (nmeup mtansek) he nmo in uab palmelu (ahunut).

Amneikhanaf Edisi 13, 9 Funn 2012 Tkoenoktm teu Blog Uab Met http://uabmeto.blogspot.com

Edisi 13, 9 Funn 2012

>>
Me uab nane mnetsek, masi in nams ma in hanne nlum. Oke-te in natenab kun nak uab eses, kalu nabe, musti sederhana (kais mnet) neiki npaek hanfuaf internasional sin l mamnait nko uab namfau (Esperanto nait namfau nko uab Romawi sin). In nanep onnane fun nko unun uab Latn ma in anhin, onl uab Italias, Prancis, Spanyol, ma Portugis (Portugs) mapak ben a-nbi bale namfau nbi pah-pinan i. Es onnane, kalu Zamenhof in uab fe nane nait dasar nko uabin i, hanfuafin a-nbi uab Esperanto lof mahin ma mapak, oke-ms ka mnet fa neu amolok fenin, l f nab noin Esperanto. Nbi ton 1878, in proyek Lingwe uniwersala (Uab universal) alakle he nmoten. Me Zamenhof in tone (umur) fka ntea he npublikasi in mepu ahunsek nane. Namuni-te in a-nkulia nbi Fakultas Meupdokter ini nbi Moskwa ma Warsawa. Nbi ton 1885, Zamenhof nasoup kulia ma npraktek on dokter mataf. Nbi oras nane ms in nanaob piuta in proyek uab nane. Nbi ton nua in nanan in nasesbon he naim loibaen (dana) ma namuin in napein loit nko in calon babaf (in calon f in amaf). Nbi ton 1887, in buku l majudul "Lingvo internacia. Antaparolo kaj plena lernolibro" (Uab Internasional. Hantoupus ma Buku Teks Lengkap) mapublikasi neik kanfulpen "Doktoro Esperanto" (Dokter Afnekan), l a-njail in uabe kanan talantea neno i. Neu Zamenhof, uab i ka ala fa alat komunikasi, me ini ms alat he nabeon in tenabfuaf henait kanan bangsa nbi pahpinan i nmoin nabuan nok dame. Dokter Zamenhof nasaitan pah-pinan a-nbi Warsawa nbi tanggal 14 Funh 1917 ma nasaitan in mepu naeke nesan neu mansian ok-ok nbi pah-pinan i. Ma talantea neno i in kanne nmoin nabala. In neonmahonit, 15 Funbosamnu, matek nak Zamenhofa Tago (Esperanto: Zamenhof in Nenon), ma njail festa naek neu Esperantis ok-ok a-nbi pah-pinan nfunamnatf. Nbi ton 1910, Zamenhof a-njail calon he nsiom Hadia Nobel Dame ini me ka njail fa he nsimo. In napein titel hormat amnanut Orden de Isabel la Catlica nko Usif Spanyol, Alfonso XIII. Zamenhof in kanne mapak neu planet an-an 1462 ma hutasi humfes, kanne Zamenhofia rosei. Ka ala fa nane, tuaf namfau nbi bale fauk a-npaek in kanne he nakanab lalan, tamankota ma nete natun fauk nain, nane es pah Lituania, Ingls, Prancis, Hungria, Ceko, Spanyol, Italia, ma Brazl. He usoup tuis i, au loim he ukeo abaca he nanep a-ntomneu Zamenhof in mepu amasat he ntulun pah-pinan nobamesen, he neik dame neu mansian ok-ok. Kalu Zamenhof, a-nmes kun nabe nmo nan uab fe l mun i mapak es bale namfafau, hit musti tanep neu onm he tpanat uab asli l hit be-na sin nabalab nani neu kit he tamliab ma tatutan neu batan amunit. Yogyakarta, 9 Funn 2012 Yohanes Manhitu in tuis Referensi: L. L. Zamenhof. http://en.wikipedia.org/wiki/ L._L._Zamenhof Zamenhof Day. http://en.wikipedia.org/wiki/ Zamenhof_Day Ludovic L. Zamenhof: Uab Esperanto in am-f. http://uabmeto.blogspot.com/2008/01/ludovic-l -zamenhof-uab-esperanto-in-am.html Esperanto: Oficiala organo de Universala Esper anto-Asocio (en oficiala rilatoj kun UN kaj Unesko)

Amneikhanaf Edisi 13, 9 Funn 2012 Tkoenoktm teu Blog Uab Met http://uabmeto.blogspot.com

Edisi 13, 9 Funn 2012

Buku Laistoes l Matu neik Uab Met (03)

Aim he tat ma tahn tafan mes-mes buku fauk l matu neik Uab Met ma mapak a-nbi Pah Timor, nbi tosran sini tnankin. Masit mun i fauk nko buknin i ka mapak fa ben onl un-un.

Judul Atlakab Reimprimatur

: Katekismus In Nesan : V. Leko (P. Vinsentius Lechovic SVD), Soe 1966 : Mgr. Th. v.d. Tilaart SVD, Uskup Atambua

Amneikhanaf Edisi 13, 9 Funn 2012 Tkoenoktm teu Blog Uab Met http://uabmeto.blogspot.com

Varia : Hum-Hum Ntomneu Uab Met Hau-amonit hum-hum sin kankin neik Uab Met ma Latn (kanaf ilmiah) nok sin tekas neik Uab Indonesia

matutan neu edisi amnemat >>>

Nota: Mamnait nko Hau-amonit hum-hum sin kankin neik Uab Met ma Latn (kanaf ilmiah) nok sin tekas neik Uab Indonesia (Labit). Nama-nama Tumbuhan dalam Bahasa Dawan (Uab Meto) dan Latin (nama ilmiah) dengan Padanan Kata Bahasa Indonesia, Asusun/Penyusun: Yohanes Manhitu

Amneikhanaf Edisi 13, 9 Funn 2012 Tkoenoktm teu Blog Uab Met http://uabmeto.blogspot.com

Sastra : Puisi
JenNko: Manhitu
Nbi amfautin, mte neuspalaf nabia mnan. In upan nfinin fa

Onl oe asait nae : Met-Esperanto

Nko: Yohanes Manhitu

dela
Yohanes

uemkase ho lof l biasa nesu lo ka nesu ume makamajen-

Onl oe asait nae

Kiel tiu akvo fluanta Rigardu tiun akvon fluantan de tie kiu iam trovas vojon por flui is ripozloko sia, kiu estas tie, en la valo, kaj tie kolektias. Ne nur unufoje ni ne scias de kie ni venas kaj kien ni iras. Ni estas kiel vojaanto konfuzita en lando-mezo perdanta la vojon. Ni demandas nin kaj seras respondon al demando pleniganta niajn mensojn. Rigardu tiun akvon fluantan de tie kiu iam trovas vojon por flui. La vojo iam malfermias anta ni sed niaj koroj ankora estas fermitaj. Kiam la koro malfermias kaj purias, io montrios kaj farios pordo. Noemuti-Timoro, 08-04-2011

Tat oe asait nko fafon nae l napein lalan piuta he nsai naek ini talantea in balesnasat es nae, fun fesat es amnesat, ma nabuabon.
nes dela. Haef ho naheun

Ka haef mes fa hit ka tahn fa hit tm tko m ma he tnao on m. Hit onl anaolalan akik es nae, es pahe usan, ka nahn fa lalan.

namfau nekam mae taus l ma tau mis mutuin dela nfe baelson pn. ho smant fa

a lasim- Hit tatanab nekak ma taim taes naplenat neu totis l naheun hit nep. nkan ko. Tkios oe asait nko fafon nae Ho mum- l napein lalan piuta he nsai. he mkios nesu, me jenko he mu-

Lalan natfai piuta es hit matak me hit nekak es f mak kun. Lek nekak natsoi ma naknin, s-s lof natonon ma njail en. Yogyakarta, 08 Funh 2011

Haef bian nam ka manas

Versi Esperanto Kiel tiu akvo fluanta npoi nbi Beletra Almanako N-ro 12 (Oktobro 2011)-5a jaro, hal. 31 Apoin: Mondial, 203 West 107th Street, #6C, New York, NY 10023, Amerika Serikat http://u1.ipernity.com/20/19/14/11911914.4bcf982b.560.jpg

Neu totis ma komentar ntomneu media i, msoun email neu ymanhitu@gmail.com

Amneikhanaf Edisi 13, 9 Funn 2012 Tkoenoktm teu Blog Uab Met http://uabmeto.blogspot.com