Estd.

Kristian Thalai Pwl : Mission Vengthlang Branch .

1991

K|P THIL TUMTE 1. Isua Krista rinna leh amah anna kawnga \halaite hruai 2. Kohhran kut-ke ni tra \halaite buatsaih 3. Kohhran hnathawh tihpuitlin 4. Krista Chanchin |ha puan darh Kum 23-na, Issue No.04,

RAWNGBAWL TRA CHHANDAM

Kristian |halai Pawl, Mission Vengthlang Branch, 24 th Feb. 13, P-1

RAMTUK THLA BRANCH COMMITTEE THU HLA

Thla tin a thawhlehni vawithumna zel hi K|P Mission Vengthlang Branch Committee hun nghet a nih a, tun thla, february ni 19, 2013 zan khan K|P , Mission Vengthlang Branch Committee a \hu a, he hunah hian member mi panga kal thei lo in an pha vek a ni. Committee hi 6:30 PM ah \anin a tuk zing 1:30 AM an thleng. Committee thuchhuak member ten kan hriat atana pawimawh te lo tarlang ila. 1. Project tihhlawhtlin dan tur: Kumin chhunga kan branch project pahnih: Home Mission beihpui thlak leh Ramthara rawngbawl dan tur Project Core Commmittee in a lo duan chu thlir hovin a hnuaia mi ang hian ruahmanna siam a ni:Home Mission Beihpui thlak 1) Group Committee ten mahni group huam chhunga K|P member awmna intinah \awng\aina neih (March May) 2) Group tin ten thlatin inkhawm tur zat (target) insiama chumi tlin tura hmalak. (March) 3) Branch Committee ten member te luchunga kut nghata \awng\aisak. (June) 4) Kan member hmundanga awmte hnena fuihna lehkhathawn (August) 5) Branch pumhuap Crusade neih. (8th ,9th ,10th & 11th August) 6) K|P Member Camp/ Treatment Centre a lut duh an awm chuan Branch in a senso tumsaka camp/ treatment centre a daha, an lo chhuah hnuah a \ul anga enkawl zui. (Kumtluana bawhzui tur) 7) Kan member hmundanga awmte an lo haw changa ngaihsakna lantir. (Kumtluana bawhzui tur) 8) Kan member thununna tawkte Branch O.B. ten kawmin \awng\aisakna neih. (Kumtluana bawhzui tur) 9) Group pahnih zela inkawpa Group Nite neih. (Kumtluana bawhzui tur) 10) Member pum huapa thiltih hona tur a tam thei ang ber siam. (Kumtluana bawhzui tur) Ramthar Rawngbawl Kan member Missionary te awmna khawi hmunah emawber Crusade/ Work camp neih tum a ni. 2. Kulikawn Branch in min rawn tlawh dawn: Aizawla venghlun leh Branch lianber zinga mi Kulikawn Branch in April 18 (Thawh\an) zana kan Branch tlawh min rawn dilna chu lawm taka pawmin O.B ten programme hlimawm leh hlawkthlak tak siam turin hma an la mek. 3. Member Inkhawmkim zan sawn: Member Inkhawmkim zan vawikhatna March 4 zana neih tura ruahman chu pawl 12 exam lai a nih avangin member-te kimtaka kan kal theih nan March ni 25 zanah sawn a ni. 4. Karbi Anglong Field |halai Inkhawmpui a hmantur Sound System tumsak: Kan member Missionary a chhuak mek, Pu Lallawmkima Kawlni, Evan. Teacher, Koilamati in Korbi Anglong Field Presbyterian Kerung Ami (Presbyterian |halai Khawmpui) March 22 - 24-a an thlen turah sound system ngaihtuahsak tura min ngenna chu tihhlawhtlin sak nise tih a ni a, sound system hawh nan Rs. 20,000 (Singhnih) kan pe. Karbi Anglong Field ah hian kan member Missionary pali (Pu Lallawmkima Pek hi Kristian te nun bul a ni - Rev. Lalthankhuma Kawlni, Nl. Lalremdiki, Nl. Lalrinsangi leh Tv. Rodinpuia) te an awm mek a ni. 5. K|P Library: Kumin chhungin K|P Library tichangtlung tura hmalak tum a ni. Library hi hunbi neia hawng tawh lovin lehkhabu hawh duh chuan Literature & Sports Sub-committee Chairman emaw Secretary hriatpuina a hawh theih a ni ang. 6. Hagaia Group Hruaitu ruat: Hagaia Group Secretary in a rawngbawlna a chhunzawm theih tak loh avangin a aiawh turin Nl. Lalrinnungi, Assistant Secretary nilai chu ruat in, Assistant Secretary atan Nl. Lalengmawii Khawlhring ruat a ni bawk. Hagaia Group Commmittee member atan Tv. Lalnunmawia, Bial 12-na chu ruat thar a ni bawk.

HR UAITU RETREA T NEIH A NI HRU RETREAT

February ni 20 (Nilaini) khan K|P Mission Vengthlang Branch hnuaia Branch, Group leh Subcommittee hrang hrang hruaitute retreat neih a ni a, Rev. Lalthankhuma, Nursery Veng in retreat min neihpui. Retreat hi 10:30 A.M ah \anin hun thumah \hen a ni a, hun hmasaberah Resource Person-in paper a buatsaih kan zir ho a. Hun hnihnaah Galatia 5:24-26 chang thlana hmangin Thlarauva nun chungchang sermon ngaihthlak a ni. Hemi hnu hian chhun chawlh hman a ni a, thingpui leh Arsawhchiar tui tak kan ei. Hun thumnaah Korinth II 12: 8-12 changthlan a hmangin Infuihtharna sermon ngaihthlak leh a nih bakah zawhna leh chhanna hun hlawkthlak tak hman a ni bawk.

Kum 23-na,

Issue No.04,

Kristian |halai Pawl, Mission Vengthlang Branch, 24 th Feb. 13, P-2

Editorial Board
EDITOR JOINT EDITORS

: LALHRUAITLUANGA : SAIDINGLIANA SAILO MC. CHAWNGTHU

LALMAWIPUII CHAWNGTHU ZONUNSANGI

CIR. MANAGERS

LALDUHAWMA LALTHANMAWIA LAL|ANPUIA LAL|HAPUIA

Editorial
Chhiarkawp danah chuan engmahlo(zero) leh engmahlo inbelhbawm hi engmahlo a ni, enganga tam pawh inbelhkhawm mahse engmahlo a ni kumkhua tho tho. Rawngbawlnaah chuan chutiang a ni ve hauh lo nia! K|P te hi a mak a sin, hruaitute kan en a; kan hriatchian ve tak tak te, member te lah engmah ni biklo, mahse kan awmkhawma kan thawh ho hian Pathian khawngaihna zarah pawl ropui leh chak tak niin, thil ropui tak tak kan ti \hin a ni. Kan \anhoa kan awmkhawm tlat chuan, engmahlo awmkhawm hian thil ropui tiin hna ropui kan thawk chhunzawm thei zel ang a, kan \anrual loh a pawl a\anga kan tal hran chuan engmahloah bawk kan letleh dawn a lo ni. Tui mal far te te chu Vaivut hlawm awmkhawm te te chu Tuipui lian a lo changin Khawmual nuam tak ah a lo insiam.

Inkhawm Programme
Ni 24.02.2013 (Pathianni) : Sunday School |antu : Zirlai 7-na` : Chawhnu |antu : Thuhriltu : Zan Thuhriltu : Zaipawl : Pi Vanchhingpuii (B-11). Lalber fakin zai rawh u. Pu Hrangkhuma (B-10). Rev. Dr. Lalngurauva. Rev. Remlalfaka Senior Department.

Ni 27.02.2013 (Nilai zan) |antu : Nl. R.Lalduhawmi (B-6) Item : Sacrament Department. Thupui : Presbyterian Kohhran inrelbawl dan. Hawngtu : Tv. F. Lalrinawma.

K|P INKHAWM
Ni 25.02.2013 Project Pual Inkhawm @ R.C. Hall Hruaitu : Tv. Zothanmawia, Br.Comt. |antu : Nl. Ramdinthangi (B-2). Thusawitu : Tv. F. Lalrinawma, Br. Secy. Solo : Nl. Z.D. Lalchhanhimi (B-12). Ni 04.03.2013 Thupui Zir Hruaitu : Nl. Lalrinfeli, Br.Comt. |antu : Tv. Chawngsangzuala(B-1). Thupui : Lal Isua tel lo chuan Thupui hawngtu : Tv. Lalhruaitluanga, Br. Comt. Report : CK|P Rorel Inkhawm

NAUPANG INKHAWM
Ni 24.02.2013 Hruaitu |antu Hun hmangtu Pangpar Khawitute Solo : Pu Hmingthanpuia. : Lalbiaksanga. : Nl. Lalrinnungi : Zorinpuii & Malsawmtluangi. : Nl. Zothanpuii

HMEICHHE INKHAWM
Ni 26.02.2013 Hruaitu : Pi H. Lalduhawmi. |antu : Pi R. Vanlalsiami (B-5) T/L Khawntu : Pi Vanlalliani & Pi Ralhmingthangi (B-3) Thusawitu : Pi H.C. Liantluangi

TLEIRAWL INKHAWM
Ni 24.02.2013 Hruaitu |antu Zai hruaitu Ni 03.03.2013 Hruaitu |antu Thusawitu Solo : Nl. C. Vanlalhlimpuii : F. Lalchhantluanga (Ephesi Gr.) : Pu Isaac Lalremruata

MASIHI SANGATI INKHAWM

Ni 24.02.2013 Chairman : Pu H.Rohlira. Tantu : Pi Lalrampari. Thusawitu : Pi C. Lalbiaktluangi.

Bible Chang chhiar rual i/c - Wellborn H. Thangliana(Ephesi Gr.)

: Tv. Daniel Lalzova : R. Zothanpuii (Galatia Gr.) : Rev. Lalrintluanga : Lalfakawma Ralte (Korinth Gr.)

BIAK IN A PANG PAR KHAWITUTE

February ni 23 March ni 01, 2013 Pi Siampuii(B-12) & Pi Rosie Lalmuanpuii (B-12)

Bible Chang chhiar rual i/c - F. Lalchawimawii (Korinth Gr.)

Hruaitu \ha chu finna ngaina mi a ni tur a ni

Kum 23-na,

Issue No.04,

Kristian |halai Pawl, Mission Vengthlang Branch, 24 th Feb. 13, P-3

Mipa Naupang leh Apple Kung

Hman lai hian vawikhat chu apple kung lian tak mai hi a awm a. Mipa naupang pakhat hi chu apple kung bulah chuan lo kalin hlim takin a infiam \hin a. A kungah te chuan a lawn a, a rahte chu duhtawkin a ei a, a hlim hnuaiahte chuan tui takin a muhil \hin a. Chu apple kung chu a \hian \ha tak niin a ngaina em em a, apple kung pawh chuan mipa naupang pawh chu a ngaina ve em em a ni. Hun a lo kal zel a mipa naupang pawh chu a lo thanglian ve zel a, mahse apple kung infiampui tur chuan a lo kal ngai ta lo va. Ni khat chu lungngai hmel leh ngui tak hian a lo lang hlawl mai a. Apple kung chuan hlim takin, Lo kal la rawn infiam leh ta che, a lo ti a. Mipa naupang chuan, Naupang chhia, thingkung bula infiam mai mai rual ka ni tawh hlei nem. Thil dang mamawh ka nei a, chu ka thil duh leina tur pawisa chu ka mamawh a ka nei si lo a ni a ti a. Apple kung chuan, A va pawi ve, pawisa chu ka nei bik hauh lo mai a; mahse ka rahte hi i duhtawkin lo la, i hralh dawn nia, a ti a. Mipa naupang chuan phur takin apple rah chu a lo va, hlim takin a kal ta a. Apple kung chuan a hmu leh ngai ta lova. A ngai em em thin a ni. Hun rei tak hnuah chuan mipa naupang kha lungngai hmel tak mai hian a lo lang leh ta hlawl mai a, apple kungin a lo hmuh chuan a hlim em em a, Lo kal la rawn infiam leh ta che, ka lo ngai tawh lutuk che asin, a lo ti a. Mipa naupang erawh chuan, Hnathawh ka ngai a, infiama hun khawhral mai mai hman ka ni tawh lova, ka nupui fanau leh chhungkaw tana ka thawh a tul a ni. Chenna tur In ka mamawh a, min pui thei ang em? a lo ti a. Apple chuan, Pawi ka ti hle mai, In pek tur che ka nei bik lova; mahse ka zarte hi i duhtawk sat la, tichuan in i sa dawn nia, a ti a. Tichuan mipa naupang chuan apple zar chu duhtawkin a satthla a, hlim takin a kal bo leh ta a. Apple kung chuan mipa naupang hlim taka a awm a hmuh chuan ani pawh chu a hlim em em a; mahse nikhua a lo rei a, mipa naupang chu a lo lang leh ta lo vang vang a, apple kung chu a khua a har thei em em thin a, lungngai leh khawhar takin a awm leh ta a ni. Ni khat chu nipui khawlum lai tak hian mipa naupang kha apple kung bulah chuan a lo lang leh ta hlawl mai a. Apple kung chuan hlim takin, Lo kal la ka bulah hian rawn infiam leh tawh rawh khai, a lo ti a. Mipa naupang erawh chuan rilru hah hmel tak hian, Ka lo upa ve ta a, rilru hahna tam tak ka nei a ni. Lawng chu nei ila tuipuiah chawl hahdam tura vahchhuah ka duh a ni, min pui thei ang em? a lo ti a. Apple kung chuan, Min kit la ka ka zar lian lai lai hi i la ang a, lawng sak nan i hmang dawn nia, a ti a. Tichuan, mipa naupang chuan apple kung chu a kit a, lawng a siam a, tuipuiah hlim takin a kalchhuak ta a, a rawn lang leh ta ngai lova. Kum tam tak a ral hnuah mipa naupang chu apple kung bulah chuan a rawn kir leh ta a, mahse apple kung chuan, Ka fapa, pawi ka ti hle mai, tunah chuan kei pawh ka lo tar ta a, engmah thil hlu leh rah chhuah pek tur che pawh ka nei ta lo, tiin lungngai leh inthiamlo em emin a lo sawi a. Mipa naupang chuan, Kei pawh putar ha bal mai ka ni tawh alawm thil han ei thei zia ka ni hleinem, a lo ti a. Apple chuan, Lawnna tlak kung leh zar lah ka nei hek lo, a ti leh a, mipa naupang chuan, E han lawn thei pawh ka ni tawh hleinem, a ti leh a. Apple kung chuan mittui tla zawih zawihin engmah thil hlu leh belhtlak a neih tawh loh takzet thu leh pawi a tih thu a sawi a. Mipa naupang chuan engmah a mamawh tawh loh thu leh kum tak tak liam hnu leh thil tam tak a paltlang tawh hnua tuna a mamawh ber chu a dinhmun hrethiamtu leh hmangaih taka lo tuamhlawmtu tur,

Zing |awng\ai

25.02.2013 26.02.2013 27.02.2013 28.02.2013 01.03.2013 02.03.2013 03.03.2013

Thawh\anni Thawhlehni Nilaini Ningani Zirtawpni Inrinni Pathianni

Pu Lalriliana. Pi C. Zodinpuii. Upa Lalramzauva. Pi Malsawmi. Pu K. Vanlalngheta. Pi Vanlalnghaki. Upa C. Zosangliana.

thinlung leh taksa hahchawlhna, mangan leh lungngaih huna nghenchhan tur leh thlamuang taka tlukluhna tur chauh a nih thu a hrilh a. Chu veleh apple kung tar chuan, Ka va lawm em ka fapa, chu chauh zawng ka nei e, thlamuang takin lo kal rawh, ka angchhung hlim nuam takah hian i chhungril nun mamawh zawng zawng chu a awm e. Thlamuang takin lo chawl hahdam rawh le, mittui tla zawih zawihin a ti ta a. Mipa naupang chu lawm avanga mittui tla zawih zawih apple kung tar ngheng chuan thlamuang takin a chawl hahdam ta a. He thawnthu hi mi zawng zawng nuna thil thleng a ni a. Thingkung hi kan nu leh pate an ni a. Kan la naupan lai chuan kan nu leh pate kiangah hlim taka infiamin kan tal a, kan lo thanglian a, kan tla hrang a, mamawh leh duh kan neih chauhin kan nu leh pate chu kan pan leh a, chuti chung chuan hmangaihna leh dawhtheihna nena min enkawltu nu leh pate chuan kan tan an theihna zawng zawng an hlan a ni. He mipa naupangin apple kung chunga a thiltih hi mak i ti mai thei; amaherawhchu hei hi mi tam takin kan nu leh pate chunga kan tihdan chu a ni tlat si.

NAZARENE MUSIC VIDEO

K|P hnuaia zai group Nazarene chuan an single music video hmasaber Nang hloh ai chuan tih chu tihchhuah mai theihin an peih ta ut mai.

* January thla inkhawm Percentage hi 18.75% a ni.

Pathianin hling leh hriam hmuna min tirh dawn chuan, pheikhawk \ha tak min pe ang

Kum 23-na,

Issue No.04,

Kristian |halai Pawl, Mission Vengthlang Branch, 24 th Feb. 13, P-4

Isua an Rinna Dampuitute

- Moon

LAW R K HAW M
February ni 20 (Nilaini) a Hruaitu Retreat kan neih khan Pu Vanlalruata, Pu H. Lallawmzuala, Pu C. Malsawmtluanga (Bial -1), Pu T. Lallawmkima (B-9) leh Pu Lalhluzuala (B-10) ten thingpui leh arsawhchiar tui tak min siamsak. Nahuma Group Committee ten February ni 17 (Pathianni) zan inkhawm banah an member Tv. Remruatsanga tlawhin atana \awng\airualna hun an hmang. February 21 (Ningani) tlai khan Group Secretary te inah chaw eikhawm pahin Committee an nei bawk. Pu H. Lalchhanhima, Branch Committee member chu Bial chanchinbu |halai Aw agent atan ruat a ni. Kan Branch in kumin chhungin Thalai Aw copy 392 kan la. Pu C. Lalchamliana, Branch Committee member leh Synod Choir Conductor ni bawk chuan February 23 (Inrinni) khan Kanghmun Pastor Bial Zaipawl Retreat a zuk hmanpui. Branch Official Cameraman atan Tv. R. Vanlalvena, Zefania Group chu ruat a ni. Kan member missionary a chhuak mek Nl. Malsawmkimi (Arunachal) leh Lalrinsangi(Karbi Anglong) te hnen a\angin an awmna kohhran chanchin leh \awng\aipui tura sawmna lehkhathawn kan dawng. June thla a neih tur K|P WEEK a inelna atana items thawh duh tan kutziak in emaw SMS in emaw Branch Secretary (9436352421) hnenah March thla ral hmain thawh theih a ni e, a thawntu hming ziahlan kher a ngai lo ang. BLANKET SU ANG AW.............. Kan Branch sumtuakna pawimawhber te zing ami Blanket suk runpui kan lo thleng leh ta, kumin hian thawhhnih a neih tur a ni a, kumin hian member pum huapa suk tura ruahman a ni a. Group hrang hranga member ten mahni Group suk niah \hahnem ngai taka thawhchhuah \heuh i tum ang u. Thawhkhatna: March 1 (Zirtawpni), 9:30 AM a\angin Su tur te: Nahuma Group, Habakuka Group, Malakia Group leh Zefania Group (Bial 11 ). Thawhhnihna: March 16 (Inrinnni), 9:30 AM a\angin Su tur te: Hagaia Group, Zakaria Group leh Zefania Group (Bial 3 leh Bial 4 ).

Kan Bible-a Chanchin\ha bu hrang hrangte kan chhiar hian, Lal Isuan khawvel-a a len lai khan mi tam tak a tihdam thu kan hmu a. Chanchin\ha ziaktute hian Isuan mi tam tak a tihdam thu (Mt. 4:23-25, 8 :14-17, 15:2932, Mk.1:29-34, Lk.4:38-41) a hlawm deuha an tarlan bakah; Isua an Rinna avanga damna chang tate chanchin tarlan bik deuh a nei a, Chanchin\ha a luhna apiangah heng mite chanchin hi sawi tel a ni ve zel tawh dawn a ni. Rinna avanga mitvar Timaia fapa Mitdel kutdawh pakhat Timaia fapa tia an koh chuan, a auh phakah tidamtu Nazaret Isua a kal tih a hriat chuan, amah a tihdam ve theih ngei ringin, "Isua Davida Fapa, mi khawngaih rawh," tiin a au ta vak mai a, mite'n khap an tum pawhin a aia nasa-in a au zual zel a. Isuan amah chu a kiangah kohtirin, "I chungah engtia ka tih nge i duh?" ti a azawh chuan, kutdawh fo ngai lova a awm theih nan a dam chhung tla ei leh in tur dil ta pawh nise he mitdel hi a thiamawm lutuk. Mahse, a mamawh a hrechiang a, "Raboni, hmuh theih ka duh," tiin a chhang ta a; duh a va thlang fuh kher em! Lal Isua pawhin, "I Rinna i dampui a ni e," tiin a damna hi a puansak zui a, amah tidamtu Isua ngei chu hmuin, Pathian fak chung zelin a zui tak thu kan hmu a ni. Thianghlimna chang ta Phar vannei chu Juda-te danah chuan Phar chu bawlhlawlh, thianghlim lo an nih avangin daipawnah an awm tur a ni a, mi zinga an awm pawh phalsak an ni lo. Mahse, phar pakhat chuan Isua chanchin a hria a, amah tidam theiin a ring a. An dan pawh pawisa zo lovin Isua chu damna beiseiin a pan ve ta ngawt mai a. Isua hmaah \hing\hiin, I duh chuan mi tithianghlim thei e, tiin a ngen chiam a. Isuan amah chu a lo khawngaih a, a dek a, Ka duh e, lo thianghlim tawh ang che, tiin a tithianghlim ta a nih kha! Isua thiltihtheihna dek chhuaktu chu Hmeichhe pakhat, kum 12 chhung thi puta dam lo a awm a. A sum neih zawng zawngte pawh Daktawr-te lakah a dek ral tawh a, mahse, tumahin an tidam thei si lo. He hmeichhia hian Lal Isua-ah damna a beisei a, a beisei satliah mai pawh ni lovin, A puan hmawr chauh pawh dek ila, tihdamin ka awm mai ang, tiin, mipui karah a rukin Isua chu a dek a, a rinna nasa tak mai chuan Isua thiltihtheihna chu \ang hman miah lovin a pawtchhuak a, chawp leh chilhin damna a chang ta nghal a nih chu! Lal Isua meuh pawhin amah a\anga thiltihtheihna chhuak a\angin Rinna neia amah dek an awm tih a hria a, Tunge ka puante dek kha? a ti ta hehaw mai a ni. He hmeichhia damna chang ta hian inzep chi ni lova a hriat avangin Isua hmaah bawhkhupin a hnenah thudik tak a hrilh ta a. Isua pawhin, I rinna hi i dampui a ni e, tiin, a damna a puansak ta a nih kha. I rin chuan Pathian ropuizia i hmu ang Lal Isua chanchin leh a thiltihtheihnate i beng chuan i hria a, mahse i thlarau mit chuan amah tak i la hmu lo ti raw? Khawvel danah chuan mi bawlhhlawh, mi zingah pawh awm tlak lo, mi pawn an bula awm atan pawha an duh tawh loh i ni em? Mi hriatpui lohvin natna khirh tak i tuar a, damna i zawng \hin a, i dam chuang si lo tiraw? A nih loh leh i thlarau damna zawngin camping leh campaign tinreng ah i lut a, home leh centre hrang hrangah pawh i lut kim tawh a, mahse, i la dam si lo ti raw? Mitdel tan damna, mi bawlhhlawh tan thianghlimna, khawvel thiamnain a tihdam theih tawh lohte tidam theitu Lal Isua chu i kiangah khan a awm reng a. Rinna nung neiin A puan hmawr chauh pawh han dek la, a thiltihtheihna i hmu ngei ang le.

HOME MISSION SUB-COMMITTEE BASKETBALL FEST

A hmun A hun : Mini Sports Complex : 9th March, 1:00 PM Lawma Team Puipuia Team Siama Team Jerry Team Heng bakah hian a hmunah team insiam chawp theih a ni ang a. Halftime Show hmuhnawm tak entur a awm bawk ang. Player-te inpekna a zirin Basketball League puitham tak buatsaih tum a ni bawk. Basketball khel \hin zawng zawng tel turin kan in sawm e.

Published by Kristian |halai Pwl, Mission Vengthlang Branch, Aizawl, Mizoram, 2013. Printed at K. L. Offset, M.G Road, Tuikhuahtlang. Phone - 9862725123