You are on page 1of 2

Tedim ah SDA mi masate

May 21, 1863 leh May 21, 1954


Tu ni May 21 ni peen ih phawk khak ngei loh hang iin tangthu sung aa
kiciamteh ni thupi mahmah khat ahi hi. Seventh-day Adventist pawlpi
mi te ading iin thupi phadiak hi. Banghanghiam cih leh Thursday, May
21, 1863, ni iin leitung bup Seventh-day Adventist pawlpi ii kipawl
khopna phualpi(bulpi) ahi General Conference of Seventh-day
Adventists a kiphuh ni hi aa tu ni Friday, May 21, 2010 peen General
Conference of SDAs a kiphuh zawh kum 147 a cinna ahi hi.
May 21 ni peen leitung bup Zomi Seventh-day Adventist pawlpi mi te
ading iin ni thupi mahmah khat hi phadiak sawnsawn hi.
Banghanghiam cih leh Zogam ah Seventh-day Adventist pawlpi
thupuak aa a hong pai Pr. Arthur Eugene Anderson te innkuan a hong
tun khit zawh a sawt lo iin thumaan a saang thei SDA pawlpi mi masa
14 te tawh Lawibual khua, Tedim khuapi, Zogam (Chin State, Burma)
ah Friday, May 21, 1954 ni iin Zogam aa SDA pawlpi masa peen a
kiphuh ni ahi hi. Tua hi aa tu ni Friday, May 21, 2010 peen Zogam
(Chin State in Burma) ah Te Dim khuapi aa SDA pawlpi a kiphuh zawh
kum 56 a cin ni ahi hi. Pawlpi kiphuh ni iin pawlpi upa (church elder)
ding iin Sia Phung Kai na teel uh aa Zogam aa SDA pawlpi masa peen
Lawibual SDA pawlpi ah church elder a sem masa peen Sia Phung Kai
ahi hi.
Wednesday, December 9, 1953, ni iin Tedim khuapi ah SDA missionary
ahi Pr. A. E. Anderson hong tung hi. Saturday, January 9, 1954, ni
akipan mi tawm no khat tawh Pasian Sabbath ni siangtho zat ding
nakipan uh hi. January kha pan March kha dong, Lei Lum khua, tua
hun laai aa Lei Lum hausa pa, Pu Hang Za Gin inn ah kha 3 sung vivel
effort (crusade or evangelistic campaign) na nei aa Pu Hang Za Gin
inn tung pa, Sia Go Za Kham in kamphen na sem hi. Hi bang iin kha 3
sung tawntung Pasian thu taangkona a neih khit ciang iin Lei Lum
khua mi vive, khang haam pi cing mi 14 in Laisiangtho (Holy Bible)
sung aa Pasian in a tel gen mahmah ahi For in six days the Lord made
heaven and earth, the sea, and all that in them is, and rested the
seventh day: wherefore the Lord blessed the sabbath day and
hallowed it. (Exodus 20:11, KJV) leh And on the seventh day God
ended his work which he had made; and he rested on the seventh day
from all his work which he had made. And God blessed the seventh
day, and sanctified it: because that in it he had rested from all his
work which God created and made.(Genesis 2:2&3, KJV) cih thu te
leh Pasian Hehpihna hang aa Gupkhiatna ngah thei ihihna te na saang
thei uh ahihmanun Saturday, May 8, 1954 ni iin SDA pawlpi sung ah
tui na kiphuum uh aa amau teng mah tawh Friday, May 21, 1954, ni
iin SDA pawlpi na kiphuth hi. Amau teng leh Pr. Anderson makaihna
tawh Lawibual veeng, BOC (Burma Oil Company) sak ah SDA Mission
huang, tui khuuk leh inn te na ngah, na nei leh na lam uh aa Zogam
ah SDA pawlpi hong kipan khia to ahi hi. A thei nuam te ading iin
Zogam aa Zomi sung pan SDA pawlpi upna saang aa pawlpi mi a na
suak masa teng a nuai aa bang ahi hi.
1. Sia Go Za Kham, 2. Pu Kam Zam 3. Pi Cing Za Huai
4. Sia Phung Kai leh 5. Pi Tel Khan Niing
6. Pr. Ngul Khaw Pau
7. Pu Khual Do Thang leh 8. Pi Vung Khan Man
9. Pu Suak Khaw Kai leh 10. Pi Man Cing
11. Pu Cin Za Suan leh 12. Pi Cing Khaw Dim
13. Pu Cin Nang (B) leh 14. Pi Thual Cing
A leitung nuntakna uh a bei dong aa SDA pawlpi sung ah a kip mi 5
bek om aa Sia Phung Kai leh a zi pi Tel Khan Niing, Pr. Ngul Khaw Pau,
leh Pu Khual Do Thang leh a zi Pi Vung Khan Man te ahi uh hi. SDA
pawlpi sung ah thumaan a na saang masa 14 sung pan Topa thupha
hang aa a cidam leh a nungta laai mi khat bek om aa Sia Go Za Kham
bek ahi hi.
Thupuak khia,
Tg. Mungno Gualnam
Riverside, California

You might also like