Professional Documents
Culture Documents
############################
MUKTABODHA INDOLOGICAL RESEARCH INSTITUTE
www.muktabodha.org
2011 Muktabodha Indological Research Institute All Rights R
eserved.
E-texts may be viewed only online or downloaded for private st
udy.
E-texts may not, under any circumstances, be copied, republish
ed,
reproduced, distributed or sold, either in original or altered for
m, without
the express permission of Muktabodha Indological Research Ins
titute in writing.
Data-entered by the staff of Muktabodha under the direction of
Mark S. G. Dyczkowski.
Catalog number : M00133
Uniform title: kmadhenutantra
Editor : r m caopdhyya
Description:
Transcribed by the staff of Muktabodha.
Notes:
Transcribed by the staff of Muktabodha under the supervision o
f Mark S. G. Dyczkowski.
Revision 0: Sept. 22, 2008
Publisher : unknown-pree 1900 Bengali Script
Publication country : India
###############################################
############################
oM namaH paradevatAyai
kAmadhenutantram
prathamaH paTalaH
zrIpArvatI uvAca
devadeva mahAdeva sarvAgamavizArada |
adhunA devadeveza paJcAzadvarNamuttamam || 1/1 ||
tattvarUpaM mahAdeva kathayasva dayAnidhe |
kRpayA kathayezAna yadyahaM tava vallabhA || 1/2 ||
zrImahAdeva uvAca
adhunA saMpravakSyAmi rahasyamatigopanam |
yena vijJAtamAtreNa jIvanmukto bhavennaraH || 1/3 ||
ajJAtvA mantratattvAni mahAvidyAM japettu yaH |
sarvaM tasya vRthA devi kiM tasya japapUjanaiH || 1/4 ||
dhyAnAvadhAraNe caiva tathA yogasamAdhinA |
varNajJAnaM yadA nAsti kiM tasya japapUjanaiH || 1/5 ||
mama kaNThe sthitaM bIjaM paJcAzadvarNamadbhutam |
nAnAvarNayutaM zuddhaM tantrANAM sAramuttamam || 1/6 ||
paJcAzanmAtRkAM devIM nAnAvidyAmayIM sadA |
nAnAvidyAmayIM devIM mahAvidyAmayIM tathA || 1/7 ||
sarvavarNamayIM devIM sarvadevamayIM parAm |
sarvadevamayIM saumyAM brahmANDajananIM parAm || 1/8 ||
praNamya bahudhA bhaktyA nigadAmi zRNu priye |
akArAdikSakArAntA mAtRkA bIjarUpiNI || 1/9 ||
visargazcaiva binduzca trizaktibrahmavigrahaH |
varNAttu jAyate brahmA tathA viSNuH prajAyate || 1/10 ||
rudrazca jAyate devi jagatsaMhArakArakaH |
mama kaNThasthitA yA sA zAradA vAmalocanA || 1/11 ||
tasyA garbhasthitA devi bIjAni vividhAni ca |
vidhRtya kaNThadeze tu zivo'haM kamalAnane || 1/12 ||
zRNu tattvamakArasya atigopyaM varAnane |
zaraccandrapratIkAzaM paJcakoSamayaM sadA || 1/13 ||
paJcadevamayaM varNaM zaktitrayasamanvitam |
nirguNaM triguNopetaM svayaM kaivalyamUrtimAn ||
bindutattvamayaM varNaM svayaM prakRtirUpiNI || 1/14 ||
iti zrIkAmadhenutantre devadevIsaMvAde prathamaH paTalaH ||
dvitIyaH paTalaH
zrImahAdeva uvAca
AkAraM paramAzcaryaM zaGkhajyotirmayaM priye |
brahmaviSNumayaM varNaM tathA rudraM svayaM priye || 2/1 ||
paJcaprANamayaM varNaM svayaM paramakuNDalI |
ikAraM paramAnandaM sugandhakusumacchavim || 2/2 ||
haribrahmamayaM varNaM sadA rudrayutaM priye |
sadA zaktimayaM devi gurubrahma svayaM tathA || 2/3 ||
sadAzivamayaM varNaM paraMbrahma samanvitam |
haribrahmAtmakaM varNaM guNatrayasamanvitam || 2/4 ||
ikAraM paramezAni mUrtirvai kuNDalI svayam |
IkAraM paramezAni svayaM paramakuNDalI || 2/5 ||
brahmaviSNumayaM varNaM tathA rudramayaM sadA |
paJcadevamayaM varNaM pItavidyullatAkRtim || 2/6 ||
caturjJAnamayaM varNaM paJcaprANamayaM sadA |
ukAraM paramezAni tAra kuNDalInI svayam || 2/7 ||
pItacampakasaMkAzaM paMcadevamayaM sadA |
paJcaprANamayaM devi caturvargapradAyakam || 2/8 ||
akAraM devadevezi bIjaM paramadurlabham |
zaGkhakundasamAkAraM svayaM paramakuNDalI || 2/9 ||
paJcaprANamayaM varNaM paJcadevamayaM sadA |
paJcaprANayutaM varNaM tathA trayaguNAtmakam || 2/10 ||
bindutrayayutaM varNaM pItavidyullatA yathA |
dharmArthakAmamokSaM ca sadA sukhapradAyakam || 2/11 ||
RkAraM paramezAni kuNDalI mUrttimAn svayam |
atra brahmA ca viSNuzca rudrazcaiva varAnane || 2/12 ||
sadAzivayutaM varNaM sadA IzvarasaMyutam |
paJcaprANamayaM varNaM caturjJAnamayaM sadA || 2/13 ||
raktavidyullatAkAraM RkAraM praNamAmyaham |
RRkAraM paramezAni svayaM paramakuNDalI || 2/14 ||
pItavidyullatAkAraM paJcadevamayaM sadA |
caturjJAnamayM varNaM paJcaprANamayaM sadA || 2/15 ||
trizaktisahitaM varNaM praNamAmi sadA priye |
lRkAraM caJcalApAGgi kuNDalI paradevatA || 2/16 ||
atra brahmAdayaH sarve tiSThanti satataM priye |
paJcadevamayaM varNaM caturjJAnamayaM sadA || 2/17 ||
paJcaprANayutaM varNaM tathA guNatrayAtmakam |
bindutrayAtmakaM varNaM pItavidyullatA yathA || 2/18 ||
lRRkAraM paramezAni pUrNacandrasamapramam |
paJcadevAtmakaM varNaM paJcaprANAtmakaM sadA || 2/19 ||
guNatrayAtmakaM varNaM tathA bindutrayAtmakam |
tRtIyaH paTalaH
aikAraM paramaM divyaM mahAkuNDalinI svayam |
koTicandrapratIkAzaM paJcaprANamayaM sadA || 3/1 ||
brahmaviSNumayaM varNaM tathA rudramayaM priye |
sadAzivamayaM varNaM bindutrayasamanvitam || 3/2 ||
okAraM caJcalApAGgi paJcadevamayaM sadA |
raktavidyullatAkAraM triguNAtmAnamIzvaram || 3/3 ||
paJcaprANamayaM varNaM namAmi devamAtaram |
etadvarNaM mahezAni svayaM paramakuNDalI || 3/4 ||
raktavidyullatAkAraM aukAraM kuNDalA svayam |
atra brahmAdayaH sarve tiSThanti satataM priye || 3/5 ||
paJcaprANamayaM varNaM sadAzivamayaM sadA |
sadA IzvarasaMyuktaM caturvargapradAyakam || 3/6 ||
aMkAraM bindusaMyuktaM pItavidyutsamaprabham |
paJcaprANAtmakaM varNaM brahmAdidevatAmayam || 3/7 ||
sarvajJAnamayaM varNaM bindutrayasamanvitam |
zaktitrayamayaM varNaM svayaM paramakuNDalI || 3/8 ||
aHkAraM paramezAni visargasahitaM sadA |
aHkAraM paramezAni raktavidyutprabhAmayam || 3/9 ||
paJcadevamayo varNaH paJcaprANamayaH sadA |
sarvajJAnamayo varNa AtmAditattvasaMyutaH || 3/10 ||
bindutrayamayo varNaH zaktitrayamayaH sadA |
kizoravayasaH sarvA gItavAdyAditatparAH ||
zivasya yuvatI etA mUrttimat kuNDalI svayam || 3/11 ||
adhunA saMpravakSyAmi kAratattvamuttamam |
rahasyaM paramAzcaryaM trailokyAnAM ca saMzRNu || 3/12 ||
vAmarekhA bhaved brahmA viSNurdakSiNavIthikA |
adhorekhA bhavedrudro mAtrA sAkSAnmahezvarI || 3/13 ||
kuNDalI aGkuzAkArA madhye zUnyaH sadAzivaH |
javAyAvakasaMkAzA bAmarekhA varAnane || 3/14 ||
zaraccandrapratIkAzA dakSarekhA ca mUrtimAn |
adhorekhA varArohe mahAmArakatadyutiH || 3/15 ||
zaGkhakundasamA kIrtirmAtrA sAkSAt sarasvatI |
caturthaH paTalaH
zrImahAdeva uvAca
kakAraM paramezAni kuNDalItrayasaMyutam |
khakAraM paramAzcaryaM zaGkhakundasamaprabham || 4/1 ||
koNatrayayutaM zUnyaM bindutrayasamanvitam |
guNatrayayutaM devi paJcadevamayaM sadA || 4/2 ||
trizaktisaMyutaM varNaM khakAraM praNamAmyaham |
gakAraM paramezAni paJcadevAtmakaM sadA || 4/3 ||
nirguNaM triguNopetaM nirIhaM nirmalaM sadA |
paJcamaH paTalaH
zrImahAdeva uvAca
takAraM caJcalApAGgi svayaM paramakuNDalI |
paJcadevAtmakaM varNaM paJcaprANamyaM tathA || 5/1 ||
trizaktisahitaM varNamAtmAditattvasaMyutam |
tribindusahitaM varNaM pItavidyutsamaprabham || 5/2 ||
thakAraM caJcalApAGgi kuNDalI mokSarUpiNI |
trizaktisahitaM varNaM tribindusahitaM sadA || 5/3 ||
paJcadevamayaM varNaM paJcaprANAtmakaM sadA |
aruNAdityasaMkAzaM thakAraM praNamAmyaham || 5/4 ||
dakAraM zRNu cArvaGgi caturvargapradAyakam |
paJcadevamayaM varNaM paJcaprANamayaM sadA || 5/5 ||
trizaktisahitaM devi tribindusahitaM sadA |
AtmAditattvasaMyuktaM svayaM paramakuNDalI || 5/6 ||
raktavidyullatAkAraM dakAraM hRdi bhAvaya |
dhakAraM paramezAni kuNDalI mokSarUpiNI || 5/7 ||
AtmAditattvasaMyuktaM paJcadevamayaM sadA |
paJcaprANamayaM devi trizaktisahitaM sadA || 5/8 ||
tribindusahitaM varNaM dhakAraM hRdi bhAvaya |
pItavidyullatAkAraM caturvargapradAyakam || 5/9 ||
nakAraM zRNu cArvaGgi raktavidyullatAkRtim |
paJcadevamayaM varNaM svayaM paramakuNDalI || 5/10 ||
paJcaprANAtmakaM varNaM hRdi bhAvaya pArvati |
ataH paraM pravakSyAmi pakAraM mokSadAyakam || 5/11 ||
caturvargapradaM varNaM zaraccandrasamaprabham |
paJcadevamayaM varNaM svayaM paramakuNDalI || 5/12 ||
paJcaprANamayaM varNaM trizaktisahitaM sadA |
truguNai rahitaM varNamAtmAditattvasaMyutam || 5/13 ||
mahAmokSapradaM varNaM hRdi bhAvaya pArvati |
SaSThaH paTalaH
zrImahAdeva uvAca
rakAraM caJcalApAGgi kuNDalIdvayasaMyutam |
raktavidyullatAkAraM paJcadevAtmakaM sadA || 6/1 ||
paJcaprANamayaM varNaM tribindusahitaM sadA |
trizaktisahitaM devi AtmAditattvasaMyutam || 6/2 ||
sarvatejomayaM varNaM satataM praNamAmyaham |
lakAraM caJcalApAGgi kuNDalItrayasaMyutam || 6/3 ||
pItavidyullatAkAraM sarvaratnapradAyakam |
paJcadevamayaM varNaM paJcaprANAtmakaM sadA || 6/4 ||
trizaktisahitaM varNaM tribindusahitaM hi sA |
AtmAditattvasahitaM hRdi bhAvaya sarvadA || 6/5 ||
vakAraM caJcalApAGgi kuNDalI mokSamavyayam |
paJcaprANamayaM varNaM trizaktisahitaM sadA || 6/6 ||
tribindusahitaM varNamAtmAditattvasaMyutam |
saptamaH paTalaH
zrImahAdeva uvAca
aSTamaH paTalaH
zrImahAdeva uvAca
etatte kathitaM bhadre rahasyaM paramAdbhutam |
yannoktaM sarvatantreSu mAtRkAyAH pRthak pRthak || 8/1 ||
paJcAzadvarNasaMketaM paJcAzattattvamuttamam |
navamaH paTalaH
zrImAhAdeva uvAca
adhunA saMpravakSyAmi rahasyaM guhyamuttamam |
yajjJAtvA sAdhako yAti durlabhaM brahmamandiram || 9/1 ||
iDayA pUrayed vAyuM suSumnAntargataM tataH |
recayet piGgalAmArge prANAyAmakramAt priye || 9/2 ||
anulomena cArvaGgi mAtRkAM yuvatIM smaret |
paJcAzanmAtRkAvarNaM sabinduM nAdasaMyutam || 9/3 ||
uccArya pUrakeNaiva tata iSTaM samuccaret |
dazamaH paTalaH
zrImahAdeva uvAca
lalATatattvaM cArvaGgi akAraM sarvadA priye |
AkAraM mukhatattvantu zRNuSva varavarNini || 10/1 ||
ikAraM dakSanetraJca IkAraM vAmanetrake |
ukAraM dakSakarNe syAdUkAraM vAmakarNake || 10/2 ||
RkAraM dakSanAsA ca RkAraM vAmanAsike |
lRkAraM dakSagaNDaM syAt lRRkAraM vAmagaNDakam || 10/3
||
ekAraM adharaM tattvaM aikAraM oSTha eva ca |
okAraM UrdhvadantaM syAt aukArazcAdhodantakam || 10/4 ||
aMkAraM zirasastattvaM aHkAraM mukhamaNDalam |
kakArAdi paJcatattvaM dakSabAhau prazasyate || 10/5 ||
vAmabAhau cakArAdi paJcatattvaJca tiSThati |
dakSapAde TakArAdi paJcatattvaM varAnane || 10/6 ||
takArAdi paJcatattvaM vAmapAde pazasyate |
pakAraM dakSapArzvaJca phakAraM vAmapArzvake || 10/7 ||
bakAraM pRSThatattvaJca bhakAraM nAbhireva ca |
makAraM udaraM tattvaM yakAraM hRdayaM tathA || 10/8 ||
rakAraM skandatattvaJca lakAraM vAmameva ca |
ghaTitattvaM vakAraJca zakAraM dakSabAhuSu || 10/9 ||
vAmabAhau SakAraJca sakAraM dakSapAdakam |
vAmapAdaM hakAraJca kSakAraM zirasopari || 10/10 ||
akAraM bIjatattvaJca takAraM praNavena ca |
makAraJca sakAraJca maNDitaM hi tathaiva ca || 10/11 ||
ahaGkAraH pakAraM syAt phakAro manasastathA |
nakAraM zabdatattvaJca daM dhaM rUpaM prazasyate || 10/12 |
|
gakAraM pAdatattvaJca chakAropasthameva ca |
ukAramAkAzatattvaJca UkAraM zrotrameva ca || 10/13 ||
tvaktattvaJca jakAraH syAd jhakAraH pAdameva ca |
kakAraH pRthvItattvaM khakAro jJAnatattvakam || 10/14 ||
zakAraM hRtpuNDarIkaM SakAraM tattvamaNDalam |
sakarAJca tathA candraM rakAraM vahnimaNDalam || 10/15 ||
parameSThi tathA tattvaM SakAraH surapUjite |
lakAraM pRthvItattvaM hakAraJca zirastathA || 10/16 ||
yakAraM vAyutattvaJca kakAraM svargameva ca |
etayoryogamAsAdya kSakAraM tattvavigraham || 10/17 ||
tena a ta ma sa pa pha na da dha ga cha u U ja jha ka kha za Sa
sa ra ya la ha kSa
||
akArAdikSAntavarNaM tattvaJca paJcaviMzatiH |
sarvatattvamatiguhyaM paramAtmA sulocane || 10/18 ||
mAtRkAyA varArohe kramAnnAmAni saMzRNu |
brahmANI caNDikA raudrI gaurIndrANI tathaiva ca || 10/19 ||
kaumAro vaiSNavI durgA tathaiva nArasiMhikA |
kAlikA muNDamAlA ca zivadUtI tathA parA || 10/20 ||
varAhI kauSikI caiva tathA mAhezvarI priye |
zaGkarI ca jayantI ca maMgalA kalimardinI || 10/21 ||
pAlikA caiva medhA ca zivarUpA ca zAmbhavI |
bhImA zAntA ca ugrA ca bhrAmarI rudrarUpiNI || 10/22 ||
ambikA bahurUpA ca kSemA kSemaGkarI tathA |
dhAtrIrUpA svadhA svAhA tathaiva vahnirUpiNI || 10/23 ||
aparNA ca tathA mAyA ghorarUpA priyaMvadA |
brahmANDavANI brAhmI ca paJcAzanmAtRkAH smRtAH || 10/2
4 ||
ityetat kathitaM samyak kevalaM tava bhaktitaH |
etAstu mAtRkAdevyo brahmANDaM sacarAcaram || 10/25 ||
vyApya tiSThanti cArvAGgi nAnAmUrttidharAvyayAH |
zaktimantre viSNumantre zaive saure ca pArvati || 10/26 ||
anyasarveSu mantreSu gaNeze varavarNini |
mAtRkA yuvatIrUpA mantravigraharUpiNI || 10/27 ||
brahmA viSNuzca rudrazca Izvarazca sadAzivaH |
te sarve caJcalApAGgi nizcalAzca nirindriyAH || 10/28 ||
devAdInAM varArohe mantraM nAsti kadAcana |
zabdabrahma yadA yAti tantraM mantraM tadA bhavet || 10/29 |
|
paJcAzadyuvatI sarvA zabdabrahmasvarUpiNI |
brahmaNaH kAraNaM nAsti prakRterasti bhAvini || 10/30 ||
ekAdazaH paTalaH
zrIziva uvAca
yathA jale sUryatattvaM tathA mantre pratiSThitam |
devInAM jyotiSaH puJjo vartante prakRteH kalAH || 11/1 ||
athAntarAtmA paramaM jJAnAtmA suvarAnane |
vartante yuvatIrUpAH SoDaza prakR(tiH?teH) parAH || 11/2 ||
prakRtiM hi vinA devi jJAtA brahmA sanAtanaH |
ata eva varArohe sa eva zrIsadAzivaH || 11/3 ||
jAgrat svapnasuSuptiryA turIyA varavarNini |
tAstAH sarvA varArohe yuvatI paramAparA || 11/4 ||
kAryakAraNakAle ca gaNanIyA varAnane |
zUnyAt zUnyaM paraM zUnyaM zUnyarUpaM niraJjanam || 11/5
||
koTisUryapratIkAzaM nirmalaM jJAnamuttamam |
hRdi bhAvaya cArvaGgi tejaHpuJjaM mahAprabham || 11/6 ||
dalitAJcanapuJjAbhaM varNarAjaM varAnane |
tribhaGgalalitAkAraM cArucUDAvirAjitam || 11/7 ||
zikhipucchayutaM cUDaM bhramaraiH zobhitaM param |
pItAMzukaparIdhAnaM vanamAlAvibhUSitam || 11/8 ||
ratnakuNDalasaMyuktaM sphuradgaNDamanoharam |
kadambakusumopetaM zravaNaM janamohitam || 11/9 ||
zrIvatsakaustubhoddIptaM AjAnubAhurAjitam |
AraktanayanadvandvaM koTividyutsamadyutim || 11/10 ||
AraktacaraNadvandvaM nUpurArAvasaMyutam |
AraktakaratalasvacchaM guJjamAlAvirAjitam || 11/11 ||
zabdabrahmamayaM viSNuM ikAraM zabdajalpitam |
evaMrUpaM samutpannaM hRdi madhye varAnane || 11/12 ||
jAyate kAmabIjAttu zUnyamadhye sulocane |
zUnyamadhye sthitA devi kAmabIjasvarUpiNI || 11/13 ||
lakArasaMyutA yA sA kRSNamAtA pragIyate |
sarveSu viSNumantreSu kAmabIjaM parAtparam || 11/14 ||
hRdi zUnye mahezAni viSNormantraM japet priye |
dvAdazaH paTalaH
zrImahAdeva uvAca
aparaikaM pravakSyAmi rahasyamatigopanam |
akRtvA dhyAnatattvaJca aSTatattvaM tathaiva ca || 12/1 ||
akRtvA vyarthatAM yAti nAtra kAryA vicAraNA |
tato jIvatvamApnoti mantraH sidhyati tatkSaNAt || 12/2 ||
athavA paramezAni mantravarNaM yathA tathA |
praNavapuTitaM kRtvA anulomavilomataH || 12/3 ||
tadaiva paramezAni jIvatvaM prApyate manuH |
ekadhA vA tridhA kRtvA yadi kuryAd varAnane || 12/4 ||
tadA siddhimavApnoti nAnyathA surapUjite |
jIvatvaM hi vinA devi yadi mantraM japet sudhIH || 12/5 ||
tajjapaM caJcalApAGgi zavameva na saMzayaH |
sadA nidrAturo mantrI jIvahInazca pArvati || 12/6 ||
zrIM klIM hrIM huM strIM zrIM om |
kathaM siddhimavApnoti nidrAyAM varavarNini |
jIvanyAsena cArvaGgi nidrAbhaGgo bhaved dhruvam || 12/7 ||
bindutattvaM prajapyAtha jJAnatatvaJca sundari |
prANatattvaJca cArvaGgi devatattvaM tathaiva ca || 12/8 ||
japatattvaM mantratattvaM dhyAnatattvaM sulocane |
akSare akSare devi ajJAtvA prajaped yadi || 12/9 ||
saMyogaM yad bhaved yogaM praphullaM tadudAhRtam |
kevalaM kalikAbIjaM tadvarNaM surapUjite || 12/10 ||
AgataM mama vaktrAd yad gataM tava mukhe sadA |
mataM zrIvAsudevasya iti te kathitaM priye || 12/11 ||
etanmantraM mahAguhyaM IzAnamukhasaMyutam |
etanmantraprabhAvAddhi kAlakUTaM pibAmyaham || 12/12 ||
etAstu mAtRkA varNAH suSumnAmadhyavartinaH |
ete varNA varArohe mahAyogamayAH sadA || 12/13 ||
akSaraM hi vinA devi na yogo jAyate mama |
yogamArge bhaktimArge muktimArge ca sundari || 12/14 ||
dhyAnamArge tu pUjAyAM japamArge tathaiva ca |
etAstu yuvatIvarNAH kAryakAraNarUpiNaH || 12/15 ||
etanmantramavijJAya na japtavyaM kadAcana |
etanmantramavijJAya purANaM saMhitAM smRtim || 12/16 ||
paThannarakamApnoti pitRbhiH saha nAnyathA |
sarvadharmeSu yatkarma sarvayajJeSu yatphalam || 12/17 ||
sarvadAneSu tIrtheSu yatphalaM prApnuyAd dvijaH |
tatphalaM samavApnoti varNAnAM dhyAnamAtrataH || 12/18 ||
varNadhyAnamavijJAya varNatattvaM tathaiva ca |
purANavAcako yastu dhruvaM narakamApnuyAt || 12/19 ||
trayodazaH paTalaH
zrImahAdeva uvAca
adhunA saMpravakSyAmi AnandapaTalaM priye |
zRNu tattvaM pravakSyAmi sundaraM sumanoharam || 13/1 ||
hRtpadme dvAdazadale vidyutkoTisamanvite |
bhAvayenmantrabIjAni yasya yA iSTadevatA || 13/2 ||
bhAvayet prathamaM bIjaM varATopari pArvati |
anyAni sarvabIjAni patramadhye pRthak pRthak || 13/3 ||
evaM hi dazadhA japtvA kramAd bIjaM japet priye |
dazadhA dazadhA devi prajaped bIjamuttamam || 13/4 ||
tatastu bIjamadhye tu dhyAyediSTaM sulocane |
tasmAd bIjAd varArohe devatA jAyate dhruvam || 13/5 ||
tasya devasya cArvaGgi nirIkSya dehasundaram |
caraNAt kezaparyantaM nAnAvezamayaM priye || 13/6 ||
nirIkSya manasA bhaktyA punardhyAnaM samAcaret |
tatastu prajaped bIjaM varNAnandasvarUpiNam || 13/7 ||
prajapet prathamaM bIjaM bIjadhyAnaM tataH param |
etattu prathamaM bIjaM sAdhanaM durlabhaM priye || 13/8 ||
sarveSAM bIjavarNAnAM yadi jAnAti sAdhakaH |
dhyAnaM paramakalyANaM varNe varNe pRthak pRthak || 13/9
||
ajJAtvA caJcalApAGgi mAtRkAdhyAnamAcaret |
tadevaM sahasA devi sarvAsAM jAyate dhruvam || 13/10 ||
yasya mantrasya yadvarNaM tasya dhyAnaM pRthak pRthak |
bIjAttu jAyate viSNuravatAravaraH priye || 13/11 ||
bIjAttu jAyate rAmo bIjAt kRSNaH prajAyate |
sthAvaraM jaGgamaM devi sarvaM bIjAt prajAyate || 13/12 ||
caturdazaH paTalaH
zrImahAdeva uvAca
devadeva mahAdeva saMsArArNavatAraka |
kRpayA kathayezAna vakAratattvamuttamam || 14/1 ||
zrImahAdeva uvAca
pUrvoktaM caJcalApAGgi gAyatrItattvamuttamam |
gAyatrI yA varArohe caturvakArasaMyutA || 14/2 ||
kAntaM zeSavakAraJca varuNaM hRdi bhAvaya |
yavargaM vAyubIjaJca hRdi bhAvaya pArvati || 14/3 ||
yavargaM yattu devezi vAyubIjaM taducyate |
yakArasya caturtho yo vAyubIjaM prakIrtitam || 14/4 ||
yavargaJca vAyubIjaM mayaitannizcitaM priye |
sarvavidyAsu mantreSu varuNaM bhAvaya priye || 14/5 ||
vahnijAyAyutAnAJca pavargaM hRdi bhAvaya |
gAyatrI saMsthitA devi pApoccATanakarmaNi || 14/6 ||
pUrvoktadhyAnamArgeNa bhAvanA parikIrttitA |
dhyAnabhedena cArvaGgi vakAraM bhAvaya priye || 14/7 ||
adhunA saMpravakSyAmi kakAradhyAnamuttamam |
vizeSaM zRNu vakSyAmi kakArasyAtidurlabham || 14/8 ||
yannoktamAnandapaTale adhunA kathayAmi te |
tad dhyAtvA sAdhako yAti durlabhaM mokSamavyayam || 14/9 ||
paJcadazaH paTalaH
zrIdevI uvAca
devadeva mahAdeva nIlakaNTha trilocana |
hRttatvaM kathayezAna yadyahaM tava vallabhA || 15/1 ||
zrImahAdeva uvAca
zRNu devi pravakSyAmi jJAnaM paramadurlabham |
yena vijJAnamAtreNa viSNuH syAd vaiSNavaH priye || 15/2 ||
SoDazaH paTalaH
zrImahAdeva uvAca
aparaikaM pravakSyAmi rahasyaM paramAdbhutam |
yatkRtvA caJcalApAGgi rAvaNAdyA nizAcarAH || 16/1 ||
avApyamativRddhiJca trailokyAdhipatiH prabhuH |
sAMketaM paramaM guhyamakSarANAM pRthak pRthak || 16/2
||
etattattvaM vijAnAti harirbrahmA purandaraH |
paJcAzadvarNasaGketaM sAvadhAnAvadhAraya || 16/3 ||
akRtvA sAdhako yAti rauravaM narakaM vrajet |
rauravaM narakaM yAti punarAvRttidurlabham || 16/4 ||
vizeSaM viSNumantreSu kuryAd vaiSNavasattamaH |
akRtvA vaiSNavo yAti narakaM koTikoTizaH || 16/5 ||
mAsi mAsi varArohe zanibhaumadine priye |
prAtaH snAnaM samAsAdya kRtvA sandhyAM samApya ca || 16/
6 ||
sUryAyArghyaM tato dadyAt pAdaprakSAlanAya ca |
yAgamaNDapamAsAdya bhUtazuddhiM vidhAya ca || 16/7 ||
kuryAnnyAsaM mAtRkAyAH prANAyAmaM tataH param |
nyAsAnanyAMstataH kuryAttantramArgeNa pArvati || 16/8 ||
zuklAmbaradharaH sragvI gandhaliptakalevaraH |
raktAsanaM samAsAdya kuzAsanamathApi vA || 16/9 ||
pralipya tAmrapAtreSu sindUraM raktacandanam |
vilikhya mAtRkAvarNaM hyasmin pAtre pRthak pRthak || 16/10 ||
akArAdikSakArAntaM sabinduM candrasaMyutam |
mahApadmAntarasthAnAdAnIya brahmavaktrakam || 16/11 ||
vAmanAsApathenaiva zvAsaM puSpAJjalau kSipet |
tatpuSpaM caJcalApAGgi kuryAt puSpasya saJcayam || 16/12 ||
dhyAtvA tu pUjayeddavIM krameNaiva pRthak pRthak |
gandhairnAnAvidhairdevIM puSpairnAnAvidhaistathA || 16/13 ||
dhUpairnAnAvidhairdevi dIpairnAnAvidhaistathA |
naivedyaM vividhaM devi caturvidhamayaM tathA || 16/14 ||
dattvA nAnAphalAdIMzca pUjayet paramezvarIm |
saptadazaH paTalaH
zrImahAdeva uvAca
aSTAdazaH paTalaH
zrImahAdeva uvAca
athAnyat saMpravakSyAmi rahasyaM paramAdbhutam |
ajJAtvA vaiSNavo yAti rauravaM varavarNini || 18/1 ||
evaM tattvayutaM devi yo japet paramezvarIm |
navatattvamayIM vidyAM yadA japati pArvati || 18/2 ||
tadaiva sahasA siddhirjAyate surasundari |
navatattvayutaM mantraM jJAtvA yaH prajapet sakRt || 18/3 ||
tadaiva sahasA devi viSNutulyo bhaved dhruvam |
prathamaM kAminIM dhyAtvA hRtpadme kamalekSaNe || 18/4 ||
uccaret prathamaM bIjaM kAminIM tadanantaram |
punarbIjaM dvitIyaJca uccared yatnataH sudhIH || 18/5 ||
kAminIJca tato dhyAtvA tRtIyaM bIjamuccaret |
anena vidhinA devi kAminIdhyAnasaMpuTam || 18/6 ||
punardhyAnaM kakArasya anulomena pArvati |
anulomaM yathA devi vilomaJca tathA kuru || 18/7 ||
evaM krameNa devezi yadyadakSarakaM priye |
kRtvA yatnAd varArohe sarvasiddhIzvaro bhavet || 18/8 ||
sarveSAM mantravarNAnAM dhyAtvA dhyAtvA pRthak pRthak |
Adyante kAminIM dhyAtvA zivazaktimayo bhavet || 18/9 ||
athavA caJcalApAGgi hRtpadme kamalAnane |
Adau madhye tathA cAnte bIjaM dattvA japet priye || 18/10 ||
tadaiva sahasA devi jAyate devavigraham |
sadA nidrAturo mantraH kalikAle ca bhArate || 18/11 ||
rahasyanena cArvaGgi nidrAbhaGgo tadA bhavet |
japedAdau varArohe trivAramanulomataH || 18/12 ||
vilomena trivAraJca dhyAtvA japtvA hRdambuje |
athAnyat saMpravakSyAmi nidrAbhaGgasya lakSaNam || 18/13 ||
prathamaM kAminIM dhyAtvA ante ca tadanantaram |
dazadhA prajapenmantraM nidrAbhaGgAya pArvati || 18/14 ||
tatastu prajaped devi praphullaM vizvamohanam |
rahasyanena cArvaGgi jAyate viSNuvigraham || 18/15 ||
UnaviMzaH paTalaH
zrImahAdeva uvAca
sandeho naiva kartavyaH pUjAkAle zucismite |
sahasA kAminIM dhyAtvA turIyakUTamuccaret || 19/1 ||
tadaiva sahasA devi tyaktanidro bhavenmanuH |
prajaped dazadhA devi hRdaye manasApi vA || 19/2 ||
pUjAkAle mahezAni saMtyajed yadi dakSiNam |
prAyazcittaM bhavettasya mantrasya varavarNini || 19/3 ||
prAyazcittamidaM devi kRtvA mantraM japed yadi |
kiM tasya dakSiNo bAhustasya nidrAtureNa kim || 19/4 ||
rahasyamantraM cArvaGgi pUjAkAle vinirNayam |
rahasyametaccArvaGgi sarvanidrAsu maGglam || 19/5 ||
vAmabAhoryadA vAyuryadA ca dakSiNAvahaH |
rahasyametaccArvaGgi kRtvA tu prajapenmanum || 19/6 ||
tadaiva tyaktanidrA sA vidyA mantraJca nAnyathA |
yoganidrAmayI vidyA yoganidrAmayo manuH || 19/7 ||
vizeSamantraM vakSyAmi AnandapaTale sthitam |
aSTAkSarIM mahAvidyAM dIpanIM mokSarUpiNIm || 19/8 ||
sarvasiddhimayo bhUtvA rahasyaphalamApnuyAt |
prajaped yadi nidrAyAM kiM tasya japapUjane || 19/9 ||
rahasyanena cArvaGgi nidrAM tyaktvA sanAtanI |
suSumNAmadhyamArgeSu saMsthitA brahmarUpiNI || 19/10 ||
rahasyametaccArvaGgi ajJAtvA yojapenmanum |
tasya pApamahaM vakSye sAvadhAnAvadhAraya || 19/11 ||
zUdreNa likhitaM devi paTalaM yattu paThyate |
yaM yaM narakamApnoti taM taM prApnoti mAnavaH || 19/12 ||
dvAtriMzatkoTimadhyeSu narakeSu krameNa hi |
koTivaMzAn samAdAya pacyante manujAdhamAH || 19/13 ||
vipro vA kSatriyo vApi vaizyo vA naganandini |
pacyante narake ghore zUdrasya likhanAt priye || 19/14 ||
tasmAttu zUdralikhitaM paTalaM na japet sudhIH |
tasmAdAvazyakaM devi kAminIdhyAnamuccaret || 19/15 ||
tataH siddho bhaved devi vidyA mantraM na cAnyathA |
kAminIdhyAnamAtreNa sarvasiddhimayo bhavet || 19/16 ||
ekenaiva kRtArthaM syAd bahubhiH kimupAsate |
tava bhaktyA mayAkhyAtaM yadgopyaM bhuvanatraye || 19/17 ||
kAmadhenumidaM jJatvA yadi pUjAM samAcaret |
saphalA sA bhavet pUjA japaJca saphalaM sadA || 19/18 ||
anyathA pretavad dIkSA pUjA ca pretavat sadA |
prathamaM kAminIM dhyAtvA japapUjAM samAcaret || 19/19 ||
kAmadhenoH phalaM labdhvA sadAzivamayo bhavet |
viSNurUpI sa eva syAnmahAmAyA sa eva hi || 19/20 ||
zivamantre viSNumantre zaktimantre zucismite |
viMzatitamaH paTalaH
zrIdevI uvAca
mantrasamarpaNaM tattvaM kathyatAM devapUjita |
kasmai samarpayenmantraM vada deva purAtana || 20/1 ||
arpayenmantratejAMsi deveza yadi zUladhRk |
nistejA sAdhako deva tadaiva sahasA bhavet || 20/2 ||
kiM japyena ca pUjAyAM purazcaryeNa kiM punaH |
tanme vada mahAbhAga kRpayA paramezvara || 20/3 ||
zrImahAdeva uvAca
sAdhu pRSTaM tvayA bhadre adhunA kathayAmi te |
japitvA caJcalApAGgi dhyAyet paramakAminIm || 20/4 ||
mantravarNaM varArohe kAminIgajagahvare |
candrabinduyutaM kRtvA ekaikaM dazadhA japet || 20/5 ||
anulome yathA devi vilomena tathA kuru |
ataH paraM varArohe jJAtvA tu kAminIM parAm || 20/6 ||
viyadbrahma mahezAni kAminIM dazadhA japet |
kAminIgarbhamadhye tu viyadvahniyutaM priye || 20/7 ||
prajaped dazadhA bhaktyA bIjatattvaM tadA bhavet |
tatastu kAminItattvaM lalATe paricintya vai || 20/8 ||
evaJca mAtRkAsthAne kAminIM bhAvayet priye |
paJcAzanmAtRkAsthAne prajapenmAtRkAmanum || 20/9 ||
bIjasya jyotiHpuJjeSu kAminIM satvaraM kuru |
dazadhA prajaped devi kAminIbIjamuttamam || 20/10 ||
kAminIgarbhamadhye tu jyotistattve japaM kuru |
jyotistattvaM varArohe svayaM jIvaH sanAtanaH || 20/11 ||
kAminIjIvatattvaM ca kRtvA vai sAdhakaH sudhIH |
sahasrAre mahApadme saMsthApya kAminIM parAm || 20/12 ||
guhyAtiguhyagoptrI tvamiti mantreNa mantravit |
ekaviMzatitamaH paTalaH
zrImahAdeva uvAca
candrasUryoparAge ca prajaped yadi kAminIm |
tadaiva sahasA siddhirjAyate nAtra saMzayaH || 21/1 ||
prathamaM kAminIM japtvA svavidyAH prajaped yadi |
tatastu kAminIM japtvA sarvasiddhIzvaro bhavet || 21/2 ||
ajJAtvA kAminItattvaM na japed grahaNe priye |
na japed grahaNe bhadre ajJAnAd yadi mUDhadhIH || 21/3 ||
sarvaM tasya vRthA devi pUrvadharmo vinazyati |
candraparva sUryaparva na vicAryaM kadAcana || 21/4 ||
sUryaparva varArohe na pazyed yadi pAmaraH |
trayoviMzatitamaH paTalaH
(granthapAtaH)
....SyAM ca varArohe gaGgAyAM snAnamityaham || 22/10 ||
kariSye iti saGkalpya ziraHsnAnaM samAcaret |
arko dharmapayo devi amAdyarthazca mUrtimAn || 22/11 ||
zravaNaJca mahezAni sAkSAtkAmazca mUrtimAn |
vyatIpAte mahezAni svayaM muktiH pragIyate || 22/12 ||
mAdyastu caJcalApAGgi svayamevezvaraH priye |
etattu kathitaM devi paJcayogaM parAtparam || 22/13 ||
kAyikaM vAcikaM caiva mAnasaM pApamutkaTam |
tatsarvaM nAzamAyAti gaGgAdarzanamAtrataH || 22/14 ||
koTijanmArjitaM pApaM jalasparzAdvinazyati |
tatastu mauzalaM snAnaM koTisUryagrahaiH samam || 22/15 ||
phalamApnoti cArvaGgi nAtra kAryA vicAraNA |
Acamya caJcalApAGgi vAsaM kuryAd vizAladhIH || 22/16 ||
caturviMzatitamaH paTalaH
zrImahAdeva uvAca
mAlArahasyaM yogendra kathayasva kRpAnidhe |
yadi pucchaM japenmantraM harettejAMsi tanmukham || 23/1 ||
mukhAd yadi japenmantraM pucchaM ca caJcalaM bhavet |
caJcale sati cArvaGgi tajjapaM niSphalaM bhavet || 23/2 ||
zrI-Izvara uvAca
paJcAzadakSaraM devi grathitaM citranADiSu |
sthApyAkSarANi pUrve vai sumeruM pucchaM tarpiNam || 23/3
||
sumeruM ca paricAryya akarAdikamAjjapet |
mAlArahasyaM cArvaGgi sugopyaM bhuvanatraye || 23/4 ||
jAtibhedaM jIvabhedaM sugopyaM ca yathA priye |
jIvamantraM pravakSyAmi sAvadhAnAvadhAraya || 23/5 ||
jIvamantraM jAtimantraM samAnamiti nirNayaH |
yathA dhyAnaM mahezAni samAnaM yAti jIvane || 23/6 ||
taddhyAnaM zRNu cArvaGgi sAvadhAnAvadhAraya |
dvibhujAM svarNagaurAGgIM pItapaTTaparicchadAm || 23/7 ||
nAnAbharaNadIptAGgIM kizorIM navayauvanAm |
kRSNagandhapraliptAGgIM sUryAsanakRtAzrayAm || 23/8 ||
tanudIrghAGgulIM bhAsvannakhacandravirAjitAm |
kadambakorakAkArastanadvayavirAjitAm || 23/9 ||
karpUrasakalonmizratAmbUlapUritAnanAm |
kaTAkSalakSasaMyuktabhUlatAparizobhitAm || 23/10 ||
sindUratilakoddIptAM kuTilAlakamaNDitAm |
sarvatraivaM mahezAni jIvaM tiSThati sarvadA || 23/11 ||
dvijAdInAM ca sarveSAmAnandapaTale sthitAm |
etatte kathitaM sarvaM kAmadhenormataM priye || 23/12 ||
iti zrIkAmadhenutantre devIzvarasaMvAde caturviMzatitamaH p
aTalaH ||
samAptamidaM kAmadhenutantram